2014- 1- 1
|
|
صديق قسم إدارة الأعمال
|
|
|
|
( العقيدة ) أعزائي يكفي لعب في الأسئلة .
السلام عليكم ورحمة الله وبركاتة
يسعد صباحكم ياغالين
ماشاء الله تبارك الرحمن
من يومين أشوف القسم عندنا شئ يفرح
مشاركات وتعاون يسعد القلب
بصراحه أفتخر بأني بينكم
ويعلم الله عن حجم الحب والإرتباط إلى بداخلي
للمكان بكل مافيه
<<<< بدأ الكلام الحلو وش ناوي عليه الله يستر
عندي ملاحظة بسيطة وصغنونه
ويشهد الله ما أقصد فيها أحد محدد
الكثير مشكورين طرح أسئلة وكويزات لمادة العقيدة
اليوم إختبارها بإذن الله
وبصراحه أستفدنا كثير منها
لكن للأسف بعض الإضافات في الأسئلة
تضيع الفائدة المرجوه من الموضوع
أسئلة المادة واضحه وفيه نماذج كثيرة من إختبارات سابقة إطلعنا عليها
لكن ما شفنا في هاذي النماذج هاذي النوعية من الأسئلة
أقصد أسئلة المصيدة واللي تحمل أكثر من إحتمال بين خيارات الأجوبة
وتعمد لخبطة الطالب
علشان بالقوة يخطئ في الإجابة
ياحبايبي يخليكم ربي
الفشل في حل مسائل الكويز مهو دليل على نجاح الكويز
بالعكس دليل على فشل إيصال السؤال بالطريقة الصحيحة
وبكذا تكثر الأخطاء في حل الكويز
أعطيكم أمثلة للخبطة الحاصلة إللي بصراحه
ما ظنيت ولا 1 % الدكتور يتعمد يسوي مثلها في ورقة الإختبار
واجهت السؤال هذا في كم كويز
1- تعريف نواقض الإسلام إصطلاحاً ؟
تلخبط الواحد إذا شاف كلمة الإسلام لأنه ذاكر نواقض الإيمان
والحقيقة أن نواقض الإيمان والإسلام وحده .
2- مالمقصود بخصائص العقيدة الإسلامية ؟
نحصل خيارات الأجوبة مكتوبة كذا
يقصد بخصائص العقيدة الإسلامية صفاتها البارزة المميزة لما عما سواها من العقائد.
وخيار ثاني كذا
يقصد بخصائص العقيدة صفاتها البارزة المميزة لما عما سواها من العقائد .
3- مصدرها وحي إلآهي رباني ؟
نحصل خيارات كذا
العقيدة
و
العقيدة الإسلامية
تلخبط الواحد
ليه وش حادكم على اللخبطة هاذي
وأمثلة كثيرة ما تحضرني الحين
أخيراً ياغاليين
مادتنا هي العقيدة الإسلامية المعاصرة
والدكتور مهو رايح يسوي نفس المصائد هاذي
والأسئلة إللي تحتمل أكثر من جواب
لأننا راجعنا أسئلته السابقة
ولا شفنا منه الشئ هاذي
أتمنى وصلت لكم القصد
وفالنا وفالكم
الـ + A
دعواتي
|