اشتقتلك يامدونتي العووبه اشتقتلك ايتها العجوز الشمطاء الحمقاااء
>> متأكدين انها تكلم مدونه
لا جد اشتقتلها انا في بيت اختي طيب والله اشتقت لبيتنا اشتقتله
ماتحسوني هاجده لي اربع ايام لاني مو في بيتنا
تخيلوا امس رحتله وشافني اخوي العصبي من زماااااااان عنه ثلاث ايام تعتبر زمن ومده طويله
فيوم شافني لبى قلبه كان مشغول بشغلة ٍ ما
هدها وقام يسلم علي بحراره ويقول لاختي زيزو لا تاخذونها ذي نبيها
>> ترى هو بالعاده مطنش بس انا مايطنشني فديته عوكل
بيخلص اوفه وماهسترت معه واجد امس سويعات جلست معه ورجييت الدنيا
وش بغيت اقوول ايه
فاتكم عيال اختي جالسه اقرى مدونة سديم
بغوا ينهبلون والله سدوم لو عليهم يقتحمونهاا ناشبين بالشاشه دعسوا ابو الكيبورد
ي شيييييخه احس اللاب اصابه اختناااق
لا والصغيره جالسة تحب رمزيتك صورة البنوته كل ماطلعتلها حبتها استخفوا على الفيسات
والله صراااااخ صراااااخ اووووه وشذااا الله الله
انا انا انا ابي وخررري لااااااااا هااتااااه طع طع طييخ بوم قربع >> صوت اللكمات
والله معد ادخلها وهم جنبي كدت افقد اصابعي واعضاء جسمي دهس ودعس
تدرون قبل امس كنت طفشااااانه كذا من نفسي وع وع ما أحب اشوف نفسي هاجده
او مافيني حيويه ونشاط او اني اشعر ببؤس والم
قسم لو ما أتداارك الوضع وارجع انا إلي اعرفها احتمال امرض واصبح طريحة الفراش
فقالت اختي روحي رتبي غرفة الألعااب قلت ابشرري
شافتني تأخرت فوق الساعتين طلعت تبي تشوف ويني كل ذا ترتيب
مالقتني إلا وانا راكبه سكوتر بن تن مع ولدها الي عمره خمس سنين وهو راكب سيكل
والصغيره راكبه سياره وشايله الزوليه إلي بالغرفه والجوال على موسيقى مونامور يازينهاا
اكملكم وفاتحه الغرفه على السيب على الغرفه إلي مقابلها
يعني صار عندي مساحه زي الحوش اسم الله علي وفرت لنفسي حوش
وهااك ياتفحيط بالسكوتر عرفتوه السكوتر الجديد إلي نحط ارجولنا ـ الله يعزكم ـ الثنتين مو وحده
المهم وافحط وكم طيحه طحتها وكم شقلبه تشقلبتها
اختي يوم شافتني قالت موب غربيه عليك بس لو تموتين
ماراح تطلعين إلا والحوسه ذي مرتبه لو عرسك اليوم
عاد رتبتها لها ترتيب خربوطي سريع سريع لاني تعبت والله وانا العب البزران
يقولون خلاص خاله نرتاح شويى
الملاعين ماقالوا لي خاله إلا يوم لعبت معهم يعني حسسوا بهيبتي يمكن
بس لاتعلمون اختي السراميك جاء فيه خط اسوود من السكوتر
