كيفكم اخواني واخواتي طلاب وطالبات
بما أنكم خلصتو اختبارات وطفشانين اكيد قلت خل احكي لكم عن حلمي اللي ضاع من سنين يوم كنت فرفوره صغيره الحين يالله حسن الخاتمه المهم ياأحفادي وحفيداتي
زمان في سنه من السنين مابقول السنه عشان ماتنصدمون تخرجت من الثانوي وكأي فتاه في مقتبل العمر كنت احلم ادرس اللغه الانجليزيه دخلت بحمدالله وقبلوني وكنت طايره من الفرحه في كلية الاداب بالدمام وبدأنا الدراسه فكانت الصدمه،،،،،،،،
11 ماده ندرسها ثنتين عربي والباقي انجللللللش وانتو تعرفون كيف درسنا الانجليزي ايام المتوسط والثانوي مانعرف شي لكني كنت احب هالماده
المواد هي صوتيات ، ترجمه. مقال قرامر محادثه مهارات ادب انجليزي ومادتين نسيتهم
غير المراجع اللي لازم نشتريها والمذكرات والكتاب مايقل عن ميتين ريال غير الكلمات الجديده علينا وماكان فيه مثل الحين نت ومترجم يعني عشان تطلع معنى الكلمه لازم تحوس بالقاموس وحلوها عادمتى نخلص طاقم التدريس اغلبهم من الجاليه الهنديه يعني اللغه الانجليزيه بلكنه هنديه درست ترم وبعدها تكسر حلمي انا وبنات كثير طلعنا الحمدلله على كل حال ماندري وين الخيره بس اتوقع الحين غيرو المناهج وقللو المواد ضارت خمس بالترم والحين مثل منتو شايفين اكمل عن بعد ومعدلي لايقل عن 4 ولله الحمد وشكرا لحسن استماعكم قصه من التراث السعودي هههههههه وسلامتكم