|
شرح برنامج dropbox دروب بوكس لنقل الصور والملفات من اللابتوب الى الايفون والعكس بكل سهوله
السلام عليكم ورحمة الله وبركاته
موقع وخدمة دروب بوكس
هو موقع يقوم بالربط بين اجهزتك المختلفه بحيث تستطيع تبادل ملفات ( فيديو – صوت – صور – وورد وبور بوينت واكروبات PDF ) وغيرها من الملفات ويوفر لك مساحة تخزين مجانية 2 قيقا بايت مع روابط مباشرة
البرنامج يغنيك عن الايتونز وعن برنامج iTools لانه عملي وما يحتاج تشبك الايفون في اللابتوب
والشرح راح يكون تحت النقاط التاليه
- تثبيت البرنامج في اللابتوب
- التسجيل في الموقع
- تثبيت البرنامج في الايفون او الايباد
- نقل صورة من الايفون للابتوب والعكس
( الشرح حصري للملتقى ) وبمجهود شخصي 
يمكن البعض يقول ان الشرح طويل ( ولكن طريقتي ) احب التفصيل في الشرح علشان تتضح الصوره للجميع )
بسم الله
الخطوة الاولى : نفتح موقع
www.dropbox.com
ونقوم بتحميل البرنامج من خلال الصورة
راح يتحمل البرنامج اتوماتيك وتظهر تعليمات التحميل
وبعد التحميل دبل كلك على ايقونة البرنامج
تابع الصور لاستكمال التحميل
تجي بعدها بيانات التسجيل
بعد الضغط على finish يفتح لنا مجلد البرنامج داخل اللابتوب لاحظوا امتداد البرنامج وموقعه
وهذي ايقونة البرنامج على سطح المكتب اذا يغينا نفتح المجلد نضغط عليها دبل كلك
وهذي صورة المجلد بعد تعبئته بالصور وبعض الملفات
الصور المفروض اني احطها داخل مجلد الصور ولكن البرنامج ما عنده مشكله والمجلدات للتنظيم فقط
الآن نروح للايفون او الايباد لتثبيت البرنامج
نفتح الاب ستور ونحمل البرنامج ( مجاني )
نفتح البرنامج
1- اذا كان لديك حساب في الدروب بوكس
2 - اذا لم يكن لديك حساب
طبعاً نضغط على ( 1 ) لاننا سجلنا في الموقع عن طريق اللابتوب تابع الصوره
الصورة الجايه راح اتكلم عنها شوي
في الاصدار الجديد من البرنامج صار فيه مزامنه بين الاستديو في الايفون وبين البرنامج بحيث انه يحفظ لك جميع الصور علشان ما تضيع منك
انا اشوف ان هذي الخاصية خايسه عندي 700 صوره في الاستديو ليش تحفظها لي في البرنامج
المفروض اللي ابيه من الاستديو ارفعه للبرنامج وبس 
المهم انا ابشرح طريقة تقفيل المزامنه واللي يبيها ما عنده مشكله يخلي خيار المزامنه مفتوحه
تنبيه مهم اللي يبي يسوي مزامنه يختار الوايرلس فقط لانه يبي يستهلك بيانات الشريحه وراح ينتهي منه الرصيد
بعد الضغط على enable
ننتقل لطريقة تقفيل المزامنه
هذي الشاشة الرئيسية للبرنامج
طيب
جينا لأهم جزئية وهي طريقة نقل الصور من اللابتوب للايفون والعكس
( طبعاً الطريقة ما تاخذ دقايق خليك فاتح مجلد الصور في اللابتوب وفي نفس الوقت فاتح البرنامج في الايفون )
تابعوا الصور
تم رفع الصورة للموقع
نروح للايفون
الآن الصورة في استديو الايفون 
طيب كيف ننقل صورة من الايفون للابتوب
نكون على الصفحة الرئيسية في البرنامج ونسوي هالخطوتين
يفتح لنا الاستديو نختار الصور المطلوبه
ونرفعها للبرنامج بمعنى انها صارت في مجلد الصور في اللابتوب
وللخروج من البرنامج بعد انتهاء المهمه
نروح للضبط
وسلامتكم
طبعاً اللي مرتاع من طول الشرح راح يستغرب لما يجي التطبيق ويشوف انه اسهل شي
ولكن مثل ما قلت احب افصّل بالموضوع علشان يتضح وتخفيفاً للاسئلة
نقاط متفرقه
- البرنامج والخدمة هذي خورافيه وتغنيك عن الايتونز وبرنامج iTools
- ما ادري هل البرنامج موجود في الجلكسي او لا
- البرنامج يعطيك روابط مباشرة بحيث لو بغيت ترفع مقطع صوتي وترسل رابطه لأحد
- اكثر برامج الايفون تسوي تزامن مع برنامج الدروب بوكس وخاصة برامج الصور والصوتيات وقارئ الاكروبات وملفات الاوفيس
- استفدت من البرنامج في الدراسة اذا بغيت انقل ملزمه من اللابتوب للايفون او الايباد للمذاكره
- اقوى دعايه للبرنامج يقول تخيل انك في افريقيا وصورت صور رائعه وحفظتها في اللابتوب وبعدين طحت في مستنقع وغرق جهاز اللابتوب اكيد راحت عليك الصور لكن لو كنت رافعها في الدروب بوكس ما ضاعت عليك وتلقاها اذا رحت للبيت
واللي حاب يسأل عن نقطه ما هي واضحه يتفضل
ولا تنسوني من صالح دعائكم في ظهر الغيب
وصلى الله على نبينا محمد وعلى آله وصحبه اجمعين
|