|
نصائحكم للدفعه القادمه.. يا دفعة العز ^^
[align=center][table1="width:95%;background-image:url('http://www.ckfu.org/pic4u/uploads/ckfu1463106198191.jpg');"][cell="filter:;"][align=center]
السلام عليكم ورحمة الله وبركاته .. يسعد صباحكم ومساكم يادفعتي الجميله ..:106: خلصنا فصل دراسي ثاني و الحمدلله .. وان شاء الله الكل اجتاز جميع المواد.. هالمساحة لكم لطرح انطباعكم ونصائحكم عن المقررات مدى سهولتها او صعوبتها واي نصائح ممكن تستفيد منها الدفعه المقبله .. تحياتي لكم جميعاً .. :004: ام شهد.. [/align][/cell][/table1][/align] |
رد: نصائحكم للدفعه القادمه.. يا دفعة العز ^^
يعطيك العافية ام ششهد .. ننتظر ونشوف اراء دفعة العز .
|
رد: نصائحكم للدفعه القادمه.. يا دفعة العز ^^
ياليت تذكرون لنا اسماء الدكاتره حقين هذا المستوى وخاصة ...الاقتصاد الكلي ايش اسمة؟
طبعا لافادة الطلاب القادمين على هذا المستوى؟ |
رد: نصائحكم للدفعه القادمه.. يا دفعة العز ^^
دكتور الاقتصاد الكلي حسن الهجهوج واسئلته سهله ومكرره
كل اسئلتهم سهله ما عدى التقنيه لازم حفظ جميع المصطلحات اللي بالكتاب |
رد: نصائحكم للدفعه القادمه.. يا دفعة العز ^^
ذاااكروا اول باول ولايذاكرون اسئلة الأعوام بس يذاكروا كمان المحتوى ويركزوا على مادة تقنية المعلومات والله يوفقكم..:004: |
رد: نصائحكم للدفعه القادمه.. يا دفعة العز ^^
انتيهو من حق تقنية المعلومات وان قالكم شي في المباشرة خذو نص كلامه لانه كذب علينا
بخصوص المحاسبه انصحكم ماتعبون نفسكم وتشوفون المحاضرات ال١٤ لان ماراح تفهمون منه شي ويجيب النوم وهو يتكلم فاعتمدو عالملخصات وانفسكم وان شاء الله تفهمونها الاقتصاد الكلي انا عندي اسهل من الجزئي الصحة واللياقه سهله بس يبي لها قراءة اكثر من مره بالتوفيق لنا ولكم يارب |
رد: نصائحكم للدفعه القادمه.. يا دفعة العز ^^
بالنسبه لي
ماده الاخلاق سهله وجميله والي فيها معلومات عامه والدكتور الله يسعده يسهل علينا والمحاسبه الدكتور مايعرف يشرح وانا اعتمدت على شرح المحارفي وخالد عطيه واهم شي في هذي الماده افهم القيود وطبق العمليات المحاسبيه اكثر من مره واحفظ ملخص الدخل وقائمه المركز المالي لان اسئله الدكتور اغلبها نظري والاقتصاد الكلي يدرسنا الهجهوج واسئلته مكرره وذاكرو المنهج بتركيز وتقنيه المعلومات لاتعتمدون كلامه وركزو في المذاكره وذاكرو اكثر من مره واحفظوا المصطلحات الانجليزيه والعقيده مع المذاكره بتشوفونها سهله والصحه سهله لكن لازم تركز في المذاكره واحلى مافي الدكتور الله يسعده ان خياراته متباعده واهم شي اهم شي ذاكرو المحتوى مرتين ثلاث وقت المراجعه راجعو من اسئله الاعوام وتذكروا انتم الحين تزرعون بذور وبتحصدونها في المستويات الاخيره مقصدي المعدل حافظوا عليه واجتهدوا عشان يرتفع معدلكم وتعب المذاكره تنساه ولكن ندم عدم المذاكره يبقى معاك طول العمر والله يوفقكم |
رد: نصائحكم للدفعه القادمه.. يا دفعة العز ^^
[b]اهم شي مذاكرة المحتوى وعدم الأعتماد على اسئلة الاعوام السابقه اعتماد كلي
واللي بيعتمدعلى اسئلة الأعوام السابقه لازم يتأكد من الحل الصحيح من خلال العودة للمحتوى لأن اغلب الحلول للأسف خاطئه .. /b] وشكرآ للأخت ام شهد على جهودها المتميزه في هذا المستوى واسئل الله ان يكتب لها الأجر والثواب وهذا لا يقلل ابدآ من جهود الأخوان والأخوات الباقين فقد اوصلوا بتعاونهم دفعة العز الى ما وصلت اليه الآن وبالتوفيق للجميع يا رب ..... |
رد: نصائحكم للدفعه القادمه.. يا دفعة العز ^^
مواد مستوى ٢ سهله بس انتبهو من التقنيه لاتعتمدون على اسئلة الأعوام السابقه اذا كان الدكتور نفسه ماتغير
ذاكرو المحتوى وباقي المواد سهله وممتعه وبالتوفيق لكم |
رد: نصائحكم للدفعه القادمه.. يا دفعة العز ^^
عليكم السلام ورحمة الله
الله يسعدك ي اختي الغاليه ام شهد جزاك الله جنان الخلد ع البادره الطيبه للزملاء اللي بعدنا .. اولاً .. بدايه موفقه وناجحه بإذن الله للجميع ثانياً .. فيما يخص المستوى الثاني يعتبر سهل ممتنع يعني بتذاكر من البدايه امورك في السليم بتجمع المذاكره قبل الاختبار بإسبوعين انت اللي بتتعب .. بالنسبة للمواد ( العقيده الاسلاميه ، الاخلاق الاسلاميه ) مادتين حلوين وسهلين اشياء درسناها سابقاً واشياء بديهيه ومعروفه يعني اللي مضغوط مره يقدر يذاكرهم قبل الاختبار بشهر وبعد المذاكره تراجع اسئلة العامين السابقين وامورك في السليم .. مادة الانجليزي .. انا اعتبرها سهله اشياء مفروض بما اننا درسناها بالمتوسط وثانوي لان اللي بتاخذونه عباره عن قاعدات مكرره طبعا اللي شاطر بيجيب +a واللي مو حاب الماده بينجح فيها بإذن الله انصحكم بملخص ام شهد اطلعوا عليه وانتوا فاضين تاخذون فكره مسبقه عنه تقنية المعلومات .. الصدمه للدفعه احفظوا المحتوى نفس ماهو كلمه كلمه حرف حرف حتى لو في نقطه وفاصله > لا امزح مو لهالدرجه المهم لا تعتمدوا علئ كلام الدكتور حتى لو قال هذا محذوف طبعا الماده سهله وحلوه لكن وجب التحذير بما اننا جربنا اسئلة الدكتور مادة الاقتصاد الكلي و محاسبة2 حلوين وسهلين قوانين اذا حفظتوها من البدايه اموركم في السليم ومايخرج الاختبار من المحتوى ابداً اللهم تتغير الارقام فقط يعني اللي حافظ القوانين ماعليه جميله وممتعه الماده الصحه واللياقه سهله فيها كم مسأله حسابيه بس حلوه وسهله الماده ممتعه ومفيده .. عامةً اللي يذاكر اول بأول راح ينجح بإذن الله ، بعد ماتخلص مذاكره ارجع لأسئلة الاعوام السابقه كمراجعه .. وبعدين ثبتوا معلوماتكم بمراجعه مع بعض بالمنتدى وبالتوفيق للجميع فالكم النجاح يارب شدوا حيلكم ولكل مجتهدٍ نصيب |
| All times are GMT +3. الوقت الآن حسب توقيت السعودية: 10:51 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه