ملتقى طلاب وطالبات جامعة الملك فيصل,جامعة الدمام - أنتم مثلي أم لا ..؟؟ درجات مادة الموارد البشرية أسوأ الدرجات

أنتم مثلي أم لا ..؟؟ درجات مادة الموارد البشرية أسوأ الدرجات

السلام عليكم ورحمة الله وبركاته

مبروووك للناجحين والناجحات
والله يعوض على من حمل المواد

صباح الخير وأوراق اللافندر <<< ما يعرفها :biggrin:

نزلت من الرياض للشرقية ،، معي اختي وولدي ،،
ابغي اغير جو ،، ومنها نزاحم اهل الشرقية بالهاف مون :tongue:

ومع احلى تمشية بالعزيزية والبحر
نمت متكسسسسر ،، والولد جنبي منصرررع :biggrin:

صحيت قبل الفجر
عشان اصلي كم ركعة ومنها نصلي الفجر
ولكن
غلطت اني فتحت الواتس واشوف الشباب راسليني عن النتائج
الحمدلله
الدرجات طيبة طيبة ما عدا الموارد البشرية << يا ليل ابولمبة:007:
وش يبي ذا ؟؟
وش قصة اهله ؟؟
خرب علي الدرجات والمعدل وحتى نومي وصلاتي << ضيع علي نافلة الليل والفجر :bawling:
لانه من ضيقة الخلق ،، رجعت للنوم ،، وخذ من احلام الاكشن ،،
منها ،، سعودي ضربوه يمنيين ،، واروح للسعودي واخذه معي ،،
ونرجع على اليمنيين ونجلدهم بالعجرا الين انصرعوا ،،
والا
حلمت بالدوام ومشاكل الموظفين ..
اعوذ بالله
نايم متحصن بالاذكار ،، والنفسية عال العال
ومتعاهد الصلاة ،،
بس خربها ،، ليه يسوي كذا ؟؟

عموما اكتب هالموضوع ،، عشان اصحصح ،،
ونفطر ونكمل تسوق ونتمشى بالظهران مول ،،
ما ودي انااام ،، << يمكن افزع على الحوثيين :biggrin:

وعشان اشوف انطباعكم عن درجات هالمادة

رد: أنتم مثلي أم لا ..؟؟ درجات مادة الموارد البشرية أسوأ الدرجات

حتى أنا درجتي النهائية ٦٠ وباقي المواد ممتازه ولله الحمد

رد: أنتم مثلي أم لا ..؟؟ درجات مادة الموارد البشرية أسوأ الدرجات

نفس المشكلة

الدرجة ناقصة جدا

يبدوا ان في الامر إن

رد: أنتم مثلي أم لا ..؟؟ درجات مادة الموارد البشرية أسوأ الدرجات

نفس الشي درجة الموارد اقل شي

رد: أنتم مثلي أم لا ..؟؟ درجات مادة الموارد البشرية أسوأ الدرجات

نفس الشي وبعيده عن المتوقع هناك مشكله ما

رد: أنتم مثلي أم لا ..؟؟ درجات مادة الموارد البشرية أسوأ الدرجات

عكسكم انا درجة الموارد البشريه تجاوزت الثمانين عندي مدري وش السالفه مع انه متوقع العكس والنجاح ب اقل درجه ��

رد: أنتم مثلي أم لا ..؟؟ درجات مادة الموارد البشرية أسوأ الدرجات

الحمد لله ع حال نفس مشكلتك الله يسامحه بس

رد: أنتم مثلي أم لا ..؟؟ درجات مادة الموارد البشرية أسوأ الدرجات

كل المواد عندي امتياز ماعدا الموارد البشرية درجة أقل من المتوقع بكثير نزلت معدلي
وخربت علي درجات المواد الثانية ، حسبي الله عليه
و الجامعة يبدو انها لم تنظر إلى شكوانا أبداً
الله المستعان

رد: أنتم مثلي أم لا ..؟؟ درجات مادة الموارد البشرية أسوأ الدرجات

نفس الحاله طلعت من الاختبار ضامنه اني اجيب امتياز لكن الدرجه ازفت ماده ودي اكلمهم وتفاهم الحين نرفع تظلم ولا

رد: أنتم مثلي أم لا ..؟؟ درجات مادة الموارد البشرية أسوأ الدرجات

نفس المشكله لمادة الموارد اسوا مادة 71