ملتقى طلاب وطالبات جامعة الملك فيصل,جامعة الدمام - زيارة للجامعة -معادلة المواد- الخطة الدراسية

- إدارة أعمال 3 (https://vb.ckfu.org/forumdisplay.php?f=244)

زيارة للجامعة -معادلة المواد- الخطة الدراسية

سلام

الاحد الماضي قمت بزيارة للجامعة كان عندي استفسار حول نتائج معادلة المواد طبعا الكل مشغول عنك ماهم فاضين .

قابلت المسؤول عن المعادلة قال عندي اجتماع قلت له ان داق مشوار 250 كيلو قال انتظر قلت له ما يمديني عندي اشغال ثانية الي ابية منك خمس دقايق بس قال طيب ايش عندك قلت لها ابي نتائج معادلة المواد قال قبل تسجيل المواد راح تنزل قلت له طيب ابي اعرف نتيجتي قال ما وصلوني النتايج

بعدها قابلت الدكتور عبد الحكيم مطر دكتور الصحه واللياقه طلع وكيل العميد انسان اكثر من رائع استقبلني بحفاوة علمته عن معناتنا مع البلاك بورد ومشاكلنا معاه وسالته عن خطة التخرج قال لي نفس الانتظام في الجامعة قلت طيب كيف احصل عليها قال تحصلها في الكليه
ووصفلي الكليه الجديده

رحت الكلية طبعا المبنى الجديد شي خيال مرتب شغل عدل وهناك قابلت بعض الدكاتره علاء زهران وحنفي و بخوش وحق محاسبة 2 طبعا يسلموا عليكم

رحت الشؤون الاكاديمية وسالت عن الخطه قال لي ماكو خطة حق ادارة الاعمال اساسا التخصص ملغي في الكلية االحين مكانه تسويق او ماليه طيب وين خطة ادارة اعمال انتساب
قال تحصله في كلية التعلم عن بعدها غسلت يدي منهم وكان في رف عليه اوراق شفت خطة حق الادارة واخذتها شوفوها في الملحقات

وسالت عن المسؤوول حق معادلة المواد في الكلية قابلته ورويته اوراقي بس للا سف قال المواد الي طالب تعادلها صار لك عشر سنوات ما خذها :Cry111: تحطمت واكد ان نتائج المعادلة بتكون جاهزه قبل تسجيل المواد

كان ودي امر خدمة الطلاب في الكليه بس ما اسعفني الوقت يقولوا فيه اسئلة وملخصات حق المواد الي بناخذها

اسف للاطاله

موفقين