|
وظيفه معيده ؟؟
سلاااااااااااااااااامم عليكم
ابي اسال الله يجزاكم خير عن اسئلة الاختبار التحريري لقسم الجغرافيا معيده لدي استفسار عن طريقة اختبار المعيدات .. أنا قدمت على وظيفة معيدة .. وعندي اختبار يوم الاحد ولكن اريد ان اعلم عن كيفيه الاختبار .. هل هي مقاليه أو موضوعيه ؟! .. هل هي تكون اسئله عامه عن التخصص أو تكون اسئله منحصره عن تخصص واحد يتم اختياره ؟! .. هل تكون هناك مراجع للاختبار أو يعتمد على مدى معلومات الطالبه نفسها ؟! .. بعد اجتياز اختبار الامتحان التحريري هل المقابله الشخصيه تكون اسئلتها بالتخصص او اسئله عامه متنوعه مابين دينيه وثقافيه لمعرفه مدى الثقافه و الثقة بنفس المتقدمه ؟! . |
رد: وظيفه معيده ؟؟
سمعت إن الأسئلة عامة بس مو متأكدة وما عندي معلومات كافية والا ودي أفيدك ............
قدمتي قبل لا تطلع النتايج ؟؟؟؟؟؟؟؟ :o3: |
رد: وظيفه معيده ؟؟
تركيه حبيبتي مافهمتك كيف قدمت قبل ماتطلع النتايج
انا قدمت يوم الاثنين وشفت اعلان اليوم انه المتقدمات الي تم قبول اوراقهم الاختبار التحريري يوم الاحد ويكون حضورهم الساعه 8 صباحا فاانا سالت الي كاتب الاعلان انه هل الاسماء طلعت وتم الاتصال بهم مع اني مااتصلو فيني قالي لا الاسماء ماطلعت كل الي قدموا وانتي روحي وقدمي بالمكان الي الي فيه الاختبار والله يوفقك وبس فااانا ابتاكد اكثر لما يجي السبت وادق على قسم الرجال واسالهم انا ابي اعرف نوعيه الاختبار |
رد: وظيفه معيده ؟؟
ياعمري بحاول لو قدرت أسأل لك ........ عموما توكلي على الله وموفقة
طمنينا عليك شو يصير معاك وخبرينا ومنكم نستفيد :) |
رد: وظيفه معيده ؟؟
انشاء الله ياااااااااااااااااااااااااقلبي الله يكتب الي فيه الخير يارب
والي تعرف اتمنى تفيدني وعسى مثواكم الجنه انشاء الله |
رد: وظيفه معيده ؟؟
مرحبا أختي هوت شوكلت
بأسألك ؟ يعني كل البنات اللي قدموا يختبروا الاختبار ؟ لأني قدمت الأحد 28/6 بس ماجاني اتصال وإن شاء الله إذا لقيت شي عن الاختبار أو المقابلة أكيد بخبرك ... وشكرا |
رد: وظيفه معيده ؟؟
هلا حبيبتي انا ماادري عن الاختبار وكيف هي بس انا سويت بحثي بالنت وجبت معلومات وانشاء الله تفيدك يعني من بنات وتجربتهم مع الاختبار والمقابله الشخصيه
هذه اولها قبل شوي كلمت دكتور في كلية التربية (مو في جامة الملك سعود ) طبعا هي تقابل البنات إلي مقدمين على الماجستير و أيضا وظائف المعيدات .. تقول أن أهم شيء عندنا هي شخصية المتقدمة هل هي مثقفة هل مطلعة هل عندها خبرات .. طريقتها في الحوار يعني تعرف ترد مو بس تقول نعم , لا .. نبغى أجابات واضحة تدل على شخصيتها ومدى أهتمامها بالتخصص إلي راح تدخلها .. طبعا راح يكون فية أسئلة عامة .. و أيضا تقول من وحدة لو حدة تختلف الأسئلة .. يعني ممكن تسألك ليه أخترتي ها التخصص ؟ مثلا إذا كنت مقدمة على طرق تدريس .. تسألك ماهي الطرق الحديثة للتدريس؟ ( تقول إذا كانت مومطلعة تقول طرق قديمة ) تقول أن بعض البنات ما يعرفون يتكلمون بس يعرفون يعبون الورق .. و قالت إذا كانت إلي مقابلتك مو من نفس التخصص ماراح تسألك عن التفاصيل عن تخصصك لانها ماتعرف شي .. يعني أسأله عامة.. وتقول في بنات قابلنهم من العام ما بعد عيناهم .. ياسلام سلم . والثانيه .اليوم راح اكتب لكم تجربتي في المقابلة الشخصية لوظيفة المعيدة دقوا علي يوم الاثنين و قالوا تعالي للامتحان الساعة 12 .. طبعا ما قالوا هو امتحان تحريري ولا مقابلة شخصية .. رحت على أنها امتحان طبعا حست في الجامعة مدري وين أروح حصلت على المكان و لقيت طالبات كثار سألت قالوا ما ندري هو امتحان و لا مقابلة قالوا انتظروا لم الساعة 12 المهم قعدنا عند مكتب رئيسة القسم و بعد البحث و التحري طلعت مقابلة ولا بعد طلعت أنا الأول لأني أنا أول وحدة مقدمة المهم قالوا أن عدد المتقدمات 180 طالبة راح يقابلونهم كلهم على أربعة أيام الأربعاء و السبت و الأحد و الاثنين ثم إلى راح تنجح راح تمتحن امتحان تحريري هذا الكلام من عند القسم أما الكلام إلى ينقال من خارج القسم أنهم راح يأخذون من 180 خمسين متقدمة ثم راح يصفونهم إلى 10 ثم راح يأخذون وحدة منهم لان ما في إلا وظيفة وحدة . المهم دخلت أنا أول وحدة ما أدري وش القصة فاجأوني 3 دكاترة حريم على المكتب و 2 دكاترة رجال على التلفون ومن اول ما دخلت ما قالوا أن راح يقابل معك رجال ما ادري إلا ذاك الصوت من السماعة يقول السلام عليكم و هم يقولون ردي عليه المهم سألني ما هي خطتك المستقبلية لو تكوني معيدة ؟ هل اشتغلت قبل كذا ؟ كيف راح توفقين بين العمل و البيت ؟ لو كملتي ماجستير في إي تخصص ؟ لو ما حصل هذا التخصص في إي تخصص أخر راح تقدمين ؟ ثم الحريم سألوني بعض الأسئلة و طبعا هم يكتبون من دخلت لين طلعت . و من الاسئلة التي سألوها للي بعد من إي محافظة ؟ لو خيروك بين الزواج و البعثة وش راح تختارين ؟ لو وقف زوجك في طريقك ماذا تفعلين ؟ ومن ها الأسئلة طبعا هذا الأسئلة ما سألوها إلا للغير متزوجة يبغون يحرجونها .. و لا أخذت المقابلة إلا أقل من ثلاث دقائق .. قبل شوي جاني أتصال من واحد راح يقدم أوراقي على الماجستير و قابل الموظف إلي دق علي قال له لي أنت قلت أنها أمتحان و هو صار مقابلة قال هو امتحان حتى شف هذي هي الأسئلة بس ما دري لي غيروا رأيهم أنا كتبت تجربتي يمكن في أحد يستفيد منها .. الثالثه أن سألوني ليش دخلت تخصصي وإيش طموحي وإيش أحس صفة فيني وسألو عن أخر التطورات العلمية وقرارات مجلس الشورى في مجال التعليم العالي وأعطوني كم كلمة إنجليزي أقراها وأترجمها وفيه بنات سألوهم عن إسم وزير التعليم العالي يعني زي كذا الأسئلة أسئلة شخصية على تخصص على ثقافة عامة أهم شي الثقة في النفس وانا شفت في المنتديات البنات يتكلمون عن الرواتب انها اقل من المعلمه ولا انقبلتي بيوقعونك على ورقتين منهم انك تتعهدين على انك تكملين ماجستير لازم لزوم وانه فيه وحده توظفت معيده بعد شهر باضبط اطلعت بسبب اراتب قليل وتوظفت معلمه الحين والله يوفقك انشاء الله وان معك يارب بس انا باذن رب العالمين راح ادق بكره على قسم الرجال واتاكد واخبرك واعذريني |
رد: وظيفه معيده ؟؟
مشكورة جدا وياربي يوفقك ويرحم والديك بس هل الاختبار بيكون في قسم الجغرافيا بكلية الآداب بالدمام ؟ ممكن سؤال أدري ثقلت عليك بس ودي أتأكد سمعت إن راتب المعيدة 5000 صحيح ؟ وأنا شفت في أحد المنتديات بعض أسئلة المقابلات : لماذا ترغبين بوظيفة معيدة ؟ ماهي امكانياتك ؟ من هو وزير التعليم العالي ؟ كيف عرفتي به ؟ |
رد: وظيفه معيده ؟؟
السلام عليكم
اختي هوت شوكلت انا دخلت الاختبار قبل كم شهر بكلية التربيه بالاحساء مادري عن طريقة الاسئله بكلية الاداب بس بالنسبه لاختبارنا كانت الاسئله متنوعه بين مقاليه وموضوعيه وكانت شامله لجميع فروع الجغرافيا يعني ماحددو مرجع او كانت الاسئله محصوره بتخصص او مجال واحد وبالنسبه للمقابله لي عوده انشاء الله مع خالص تمنياتي لك بالتوفيق |
رد: وظيفه معيده ؟؟
هلا فيكم حبيباتي:119:
شوفي الراتب ماادري عنه اذا انه 5000 ريال انا قالوا لي 2500 ريال دقيت على الكليه علشان اسالهم ماحد رد علي:017: وانا دقيت على خويتي هي معيده قالت لي انا رواتب التعليم العالي ارتفعت فماادري عنهم لانه خويتي لها كم سنه وهي رسميه لانها ماخذ ماجستير قبل تدخل الوظيفه واجباري انك تاخذين الماجستير وتكتبين ورقه تعهد بالماجستير انا شخصيا محتاااااااااااااااااره اروح ولا مااروحلاني ماابي اكمل الماجستير تعبت من الدراسه وربي رااااااااجعت نفسي ولحد الان ماقررت :g2: عموما الله يكتب الي فيه الخير واذا بكره رحت ابقوك وش صار على فكره ياdayانتي قسم جغرافيا ومن الدمام ولا ايش انا من الاحساء متنقله بين الدمام والاحساء |
| All times are GMT +3. الوقت الآن حسب توقيت السعودية: 08:59 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه