|
بنات إبليس
:c8::c8::c8: السلام عليكم ورحمة الله وبركاته كيفكم حبايب قلبي واسعد الله اوقاتكم بكل خير من واقع تجربتي مع بنات هاليومين كتبت هذي القصيده وانا اقصد فيها النساء اللواتي يتلاعبن بقلوب الشباب صدقوني مثل ما فيه شباب يلعبون بمشاعر البنات ويكذبون عليهم فيه بنات العن واخس من الشباب في توزيع الحب والمشاعر على كل الشباب والحمد لله انهم قله وعلى قولة المثل ( لو خليت خربت ) اعتذر لكل النساء والفتيات قبل طرح هذه القصيده ويعلم الله انني لا اقصد احد بعينه ولكن شي في نفس يعقوب. أتركم مع القصيدة يا شباب احذرو من بنات حواء تراهم يسوقون العبـط على ابلـيس تجيك الواحده منهم تقول انت الاول في قلبي وانت الاخيــــر يسرقون منك قلبك المسكين في شات والا ما سـنجر والا اتوبـــيس وان سالتها منهو حبيبك قالت انت حبي وانت تاج راسي والامير عندهم توزيع المشاعر بين الشباب يدرسونه في مدرســتهم تدريـــس تتفنن الواحده منهم باالخيانه مثل ما تتفنن الورده بنـشر العــبير صويحبات يوسف ان بغو الرجال يطيحونه مثل غشمن طاحو لهم في مريـــس وحنا يا الشباب تقول هنود نهز روسنا ونقول للوحده لبيه يا الوجه المنير وان سالتها وش بينك وبين فلان اشوفكم دايم مع بعض حتى في يوم الخمـيس تصرفك وتقول لا يروح تفكيرك بعيد هذا مثل اخوي ما بيني وبينه اي امر خطــير انت العزيز في قلبي انت غلا روحي والباقي تحت رجلي ادعسهم تدعيـــــــس ما لي حبيب غيرك يا عمري وفلان ذاك كش عليه والله انه تــــافه حقـــير هذي نصيحتي لكم يا شباب ترانا في معركه مع بنات حواء حامية الوطيـس كم من شنب ضحكو عليه وضيعو شبابه حتى غدى كــنه كـــهلن ضــرير |
رد: بنات إبليس
:d5::d5::d5:
حلووووووووووووووه قصيده وضربة قووووويه للبنات مشكور يا كاتم على القصيدة الجميلة |
رد: بنات إبليس
:c8::c8::c8: هلا و غلا بصديقي الغالي منور الموضوع بحظورك المنسي يسلمووووووووووووو ع المرور اللطيف |
رد: بنات إبليس
مشكووووووووووره بس مااسمح لك تكتب عن البنات وبعدين مو بس البنات يتلاعبن بقلوب الاولاد على قولتك حتى الولاد والاولاد بعد اكثر:017: |
رد: بنات إبليس
كـــاتم العبرات جميلة هي تلك الكلمات التي خطتها يمناك بل رائعة تحكي واقع مرير اسأل الله أن نتخلص منه كــــاتم تفاجئني كل يوم بشيء أروع من سابقه لن أتحدث طويلاً فالحديث يطول والصمت أفضل من الكلام أحياناً وبالنيابة عن كـــــاتم غاليتي لحن كــــاتم لم يعمم الكلام على جميع الفتيات ولقد ذكر ذلك قبل أن يبدأ قصيدته مثل ما هنالك شباب لعوب هنالك أيضاً فتيات كذلك وما أكثر الصنفين:Cry111: سلمت يمناك كــــاتم |
رد: بنات إبليس
احم احم <<<وش عندها الأخت امممم ربي يعطيك العافية خيوووو كاتم أنا ما راح أعلق على كنه الموضوع ... لأن الكلام فيه يطول و ستكون المهمة الأولى للطرفين هو توجيه القنابل للطرف الآخر دون فائدة ترجى ... مع احترامي للجميع ... أعتقد أن هذا الشي ينتشر بين فئة معينة من الشباب و الصبايا رضت على نفسها _ تقط _ و _ تلقط _ الأرقام من السوق ... لتبني عليها علاقة و تفترض لها النجاح ثم يبكون و يتألمون عندما _ يعود الفرع للأصل _ أما الحقيقة فما يصح الا الصحيح ... عموماً ... مجمل مشاركتي سأحصرها في مجال واحد فقط الا و هو ... ((( دعوا الشعر لأهل الشعر ))) _ و بلاش مجاملات مالها طعمة _ لست أنتفض لشخص معين ... و لكني أنتفض لشخص الشعر لست شاعرة ... و لكني أقدر الشعر و أشجع المواهب الصاعدة و لكن لابد من المقومات المجاملات في أي مجال كانت و الاكتفاء بالقول _ جمييييييييييل بل أكثثثثثثر من رااااائع _ لن يضيف لمواهبنا التي تحتاج من الصقل الشيء الكثير أي شيء لا بأس بالخاطرة ... فهي أصلا فن قواعده سلسة و سهلة لكل من أرادها أما الشعر أوزان و قوافي و بحور و موسيقى ... لست أقصد أحد معين و كون مشاركتي في موضوع الأخ كاتم لا يعني أني اقصده بعينه فهناك الكثييييييير من النماذج هنا و بكل مكان ... يدعون الشعر و ليس هو الا كلام مقفى ... لا يمت للشعر بصلة و ليس من شأنه سوى تشويه الذوق العام للشعر الأصيل مثل ما يقولون (( عط الخباز خبزه )) :love080: |
رد: بنات إبليس
يسلموووووووووووووووووووا على القصيدة الرائعه يعطيك ربي الف عافيه ولا تحرمنا من جديدك |
رد: بنات إبليس
سارا .. نصـف الجريئـه! :119: إسمحيلـي على التسميـه .. وراح ابيّـن لك سببهـا بصراحـه ماشدنـي للمشـاركه بالموضـوع الا ردك .. اللـي اعجبنـي مضمونـه لكـن ماعجبنـي تطبيقـه!! بالبدايـه .. كثـر اللـه من امثـالك بخصوص الجزء الاول من تعليقـك اما الجـزء الثانـي اللـي هو عن المجامـلات رآآآآآئـع .. ولكـن؟ [QUOTE][لست أقصد أحد معين و كون مشاركتي في موضوع الأخ كاتم لا يعني أني اقصده بعينه /QUOTE] ماقلتـي تعليقـك وكـلامك الا وانتـي متذوقـه للشعـر وتفرقيـن بين المحاولات الشعريـه وبين التجارب الشعريـه الناضجـه.. لكـن وين الجـرأة بنقـدك على مشـاركة الاخ كاتـم؟ وهذا هو اللى ماعجبنـي بتعليقـك ، وكأنك تبرئيـن مشاركتـه من انتقـادك.. يعني برضوو جاملتـي:119: انا بصراحـه ماكنـت اعلـق على مشاركـات القصـايد المكسـوره (واللي بيتتبع ردودي يشوفني ماعلق الا على القصايد المكتملـه وزن + قافيـه + معنى) لكـن (سيـره وانفتحـت) بما إني رديـت على مشـاركة الاخ كـاتم .. اتمنى رحابـة صدره وتقبـل النقـد وانا اذا انتقـدت انتقـد المشـاركه (النص) ما انتقـد شخصـه الكريـم (وصديقــك من صَدَقَـك وليـس من صدقـّك) ومشـاركـة الاخ كـاتم خاليـه من الوزن تمـامـاً ومن الجـرس الموسيقـي .. فقـط إلتزام بآخر حرفيـن في كـل شطـر(القافيه) يعنـي مكسـوره وكلام مرصوص على بعـض .. لكـن يشفع لـه انها من تأليفـه ولم يفعـل مثـل البعـض (قـص ولـزق) ولا اعنـي المشاركـات المنقولـه اعنـي المشـاركه اللى يدخـل عليهـا تعديـلات في كلمـات معينـه يشيـل بعض الكلمـات ويغيرهـا ومايدري ان الكلمـات هذي تكسـر البيـت وتخلي مستـوى القصيـده متذبذب لان روح القصيـده الاصلـي من شـاعر حقيقي لكن بعد التعديـلات بيت موزون وبيت مكسـور .. وبالاخيـر ينسبهـا لنفسـه :119: كـاتم .. تأكـد إن اكبـر الشعـراء في بداياتهم كانو يكسـرون .. لان الانسـان يكتسـب المعرفـه ما يولـد وهو عارف كل شيء .. حتى انا يا محاكيـك:119: ربمـا .. لا يعجبـك كـلامي و ربمـا .. لا تعجـب سارا قسـوتي .. ولكنـي منحـاز للشعـر .. والشعـر فقـط و ربمـا .. لا يعجـب كـلامي من قـامو بالرد قبلـي؟(وألتمس لهم العذر ماقول يجاملون يمكن مايدرون) و ربمـا .. لا يعجـب مشاركـاتي كـلامي! لانها راح تتقلـص الردود:119: لكـن الاكيـد .. ان هذي هي الحقيقـه والجرأة اللى جرت ويـلاتها علي سارا :017: ودمتـم بخيـر ،،، |
رد: بنات إبليس
هههههههههههههههههههههههههههههههههههههههههااااااااا ااااااااااااي
طالعة من قلب القصيدة .. :lllolll: بس هالسطر كثر منننننننه :: كم من شنب ضحكو عليه وضيعو شبابه حتى غدى كــنه كـــهلن ضــرير ما يعسرووووون العيااال وما يوقفون عند تجربة وحده فاشلة .. صدقني مهما وصلو البنات من كيد .. إلا انهم في موضع خطر مهما كانت البنت ذكية.. وقصيييييييدة رائعة .. حازت إعجااابي .,,, وبإنتظار جديدك .. وكثر من التجارب عشان نشوووف خخخخخخخخخخخخخخخخ |
رد: بنات إبليس
:c8::c8::c8: غاليتي ملكة القلوب لا أدري ماذا أصف حظورك المميز أو ردك الرائع أو تعليقك النير لحن مشكورة ع المرور و عما أظن ملكةالقلوب كفت وفت سارا مشكورة ع المرور و ع الأنتقاد البناء ود الودود منورة الموضوع بحظورك رتوش ع فكرة أنا مو شاعر أنا متذوق لشعر وكما قلت مشوار المليون ميل يبدأ بخطوة منورني حظورك عنقاء أصيلة مشكورة ع التعليق المميز ونورتي موضوعي بحظورك |
| All times are GMT +3. الوقت الآن حسب توقيت السعودية: 03:50 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه