ملتقى طلاب وطالبات جامعة الملك فيصل,جامعة الدمام

- المستوى الأول - كلية الأداب (https://vb.ckfu.org/forumdisplay.php?f=311)

- - ضروري وعاجل مهم (https://vb.ckfu.org/showthread.php?t=459756)

رد: ضروري وعاجل مهم

طيب انتي ما اختبرتي لا قدرات ولا تحصيلي ؟؟؟

مستحيل الا ما تكوني اختبرتيهم ولا كيف قبلوكي بالجامعة ؟؟

المهم حطي الحق على المراقبات هم جايبينهم منظر بس ؟؟

يسوولنا كأنهم جايين عرس كل وحدة فيهم

ولو تلفتي شوي تطالعك ذيك النظرة اللي تحسسك انك سارقة شي

:30::30::30:

رد: ضروري وعاجل مهم

والله انا يغثوني المراقبين .. حتى يسألوني عن اسمي من وين والخ .. وحتى بعضهم .. يقول لي انت دارس انتظام ولا لا وراك وكذا .. يحوس مخي وانا احل .. :42:
.. واما سالفه التظليل محطوط الفين شرح في موقع الجامعه + انتي ما قد اختبرتي " قدرات "!!! نفس طريقته وهذا شيء متعارف وبرضو يدرسونكم بالثانويه قبل ما تتخرجون .. بس شكلك شسمه 44 سنه عمرك :42: .. الله يعينكـ .. بس الامور سهلات بيدقون عليك ويضحكون معك ويقولون الله يصلحك اصحي اصحي ..
بس يالله نقول الخطا مو منك راسلي الجامعه علشان تتأكدي عليهم .. وعلشان يحسابون المراقبات :42:

رد: ضروري وعاجل مهم

^
^

حماده يرحم امك ماعد تنصح احد ... :5:
ماعليك مراح تعدي كذا الجامعة اكيد من نفسها راح تلقى لك حل

:27:

رد: ضروري وعاجل مهم

يعني يوم الخميس اروح وقول لمين بالضبط والله انا من الخوف لسى ماذكرت ماده الخميس انا حليت بورقه الاجابه بس يعني شالون ماينبهون علينا ضروري تضليل الحروف وانا ماسالت شكيت بس ماسالت

رد: ضروري وعاجل مهم

الاجابه تكون بالورقه البرتقاليه بس روحي الخميس او بكرة افضل واسألي المشرفات

رد: ضروري وعاجل مهم

اقتباس:

المشاركة الأصلية كتبت بواسطة حماااده (المشاركة 8858660)

بس شكلك شسمه 44 سنه عمرك :42: .. الله يعينكـ ..

:5::5:

44 سنة

حاضر ولادة امها ؟؟

:5::5:

رد: ضروري وعاجل مهم

/

اهدي بس وسمي بالرحمن الرحيم
الحل لازم يكون بالورقة الاورنج احنا المراقبات بأول يوم نبهوا انه حتى خط
ممنوع تكتبين بورقة الاسئلة

/

والمفروض خمس دقايق قبل اول امتحان يذكرون المراقبات ويعطون فكرة عامة
مو الكل يسأل او يحاول يعرف .. والعمر ماله علاقة بها الشي :23:
بدليل ناس تدخل تبي الحل تبي ملازم وتبي كل شي وهي لوتناظر المواضيع المثبته بتلقى كل شي قدامها

/

لازم تتواصلين مع الجامعة انتي ما تستعبطين حتى تسلميهم ورقة اجابة فاضية
وبيلقون الحل بملف الاسئلة تبعك
والي صاير معك دليل حتى ان لجنتكم فااااااهية
حنا ماغير:23: ماخذين نص الوقت وهم يشيكون على كل شي :25:
ذاك :25:اليوم المراقبة قعدت تظلل اسمي قلت يا بنت الحلال اذا خلصت سويته
ادري ذا بتنتظريني اخلصه بس الحل مو منتظرة علي :8:
قالت حلي بالاسئلة لين اخلص .. :42:

جهلك مو معناه تقصير منك يكفيك رهبة الامتحان ..وتجربة جديدة عليك بلغي مراقباتك بلي صار
واركضي ورى حقك بيداتك ورجولك من اليوم واصلي الفردان
فوق التعب دافعه قروش مو دارسه ببلاش :32:
وانتي بتطالبين يطابقون حلك بورقة الاسئلة ماطلبتي يعيدون لك اختبار
والحمد لله انتبهتي الحين :1:

ربي يفرجها عليك من أوسع باب :1:

رد: ضروري وعاجل مهم

0507937304 0507074891 هذي ارقام احمد الشعيبي حاولي تكلمينه

رد: ضروري وعاجل مهم

مع الأسف المراقبات بعضهم مايعرف شيئ أطلاقا
وحسبيى الله عليها المراقبة اللي تجي تراقب ولاتنتبه لطالبات
تجي تأخذ راتب خارج دوام وهي ما تستاهل لأنها
ماتقوم بواجبها

أنا أول يوم أختبارات
والشاهد علي الله ورب السموات أشرح للبنات طريقة تعبية النموذج
لأن بعضهم مادرسوا لا قدرات ولا تحصيلي
اللي منقطعه عن الدراسة 8 سنوات واللي كبيره في السن
وغيرهم ,,
المراقبة وزعت نموذج dوعطتهم أسئلة a
وبلغتها با الخطأ
قالت أنا جديدة وتوني طالعة من الأجتماع بس ما أعرف با الضبط وش الطريقة :32:
حرام عليها مايجوز لو ورطت البنات ورسبوا
هذا غير الأرقام ما عرفوا يكتبونها كتبوها ب اليمين

لذالك أختي لا تركين حقك كل المراقبات اللي راقبوا عليك حاسبيهم
هل يعقل أن كل المراقبات اللي راقبوا عليك عند تسليم الورقة ما أنتبهوا لورقتك ؟؟

الله يوفقك

رد: ضروري وعاجل مهم

^

+ 1000

ما ادري ليش مفترضين ان الكل عاااارف وفاهم
واذا ماعرف مو معناها انه غبي او مقصر :20:

كل مجموعتي باول يوم ناسين ارقامهم الجامعية :9:
الموقف له رهبة ولو طحتي بلجنة توترك بزيادة الله المستعان

/

واحد من الطلاب هنا نسى يحل اسئلة ناداه المراقب يحلها
.. انا شخصيا ماكنت اعرف انه نماذج الاختبار مختلفة
خخخخخخخ وعند النموذج اسجل الحرف الي ع الماصة :8:
وانتبهت من هنا وثاني يوم عرفت ان رقم كود المقعد والنموذج واحد :25:

ربي يحلها لك على اهون سبب :1: