ملتقى طلاب وطالبات جامعة الملك فيصل,جامعة الدمام - || الطلاب المستجدين [ المستوى الأول ] تعآلو هنـا أفهمكم حبة حبة ~

|| الطلاب المستجدين [ المستوى الأول ] تعآلو هنـا أفهمكم حبة حبة ~

السلام عليكم ورحمة الله وبركاته

كيف حآلكم يالطيبين والطيبآت ... :(164): بصرآحه وكل اللشسمه سعدنآ جداً بـ إنضمآمكم لـ دوآفير جآمعه الملك فيصل ( الإنتسآب المطور )
النظآم القميل والرآئع والخونفشآري <<~ يآرب اللي حطوه يدخل الجنه :mh318:
بجد فرصه إننآ نكمل درآستنآ الجآمعيه بعد مآ أغلقت أمآمنـا كل الطرق المؤديه لهآ
وأخيراً <<~ متحمسه وآجد :049:

هينآ أبي أفهمكم طريقة الدرآسه في هالنظآم .., لإني شفت حوستكم
بصرآحه محيوسين أكثرر مننآ أول دفعه سجلت << :mh01:

الدرآسه .. أخوي الطآلب , إختي الطآلبه
إنتم سجلتوآ هنآ إمآ لـ تحقيق حلم إكمآل الدرآسه أو الإرتقآء في مستوآكم الوظيفي
سوآء كنت متزوجين أو عزآبيه << :(164):

كله وآحد الدرآسه هي هي مآ تختلف

المحآضرآت << كل يوم سبت تنزل محآضره وحده لكل مقرر
لا تهمكم الحوسه إللي الحين
رآح يتعدل الوضع إن شآء الله

اللي عليكم تنظمون يومين في الإسبوع .. تستلمون المحآضرآت .., كيف !؟
من حيث سمآع المحآضره ثم التخطيط بالكتآب << إذآ طلب الدكتور كتآب .., أحيآن يقولكم إعتمدوا على محتوى المقرر

محتوى المقرر وشهو ذآ !
هذآ بـ كل بسآطه ملزمة الدكتور الخآصه .., أو التلخيص اللي هو مسويه تذآكرون منه وأضمن لكم بـ إذن الله الفل مآرك <<~ :(204):

وين وصلنآ !
سمآع المحآضرهـ << التخطيط بالكتآب أو قرآءة محتوى المقرر
ثم إبدأ مرآجعه خفيفه .. يعني إذآ تقدر حآول تسمع المحآضره أكثر من مره .. وإذآ كنت مروق إطبق محتوى المقرر وذآكره وإحفظه

وآجبآت <<~ مآفي .., موب مآفي بس مآعليهآ درجآت يعني ممكن الدكتور يعطيك وآجب بس حليته أو مآحليته مآفرقت بالدرجآت ..., لكن علشآن ترسخ المعلومه حله
حضور وغيآب <<~ مآفي .., أهم شي مآ يمر أسبوع إلآ وإنت دآخل المحآضرآت .., مستحيل تنقطع عن البلاك بورد أكثر من إسبوع .., كذآ بتلخبط عمرك وبتهمل درآستك وآخر الترم تقعد تسب في الدكآتره على أسئلتهم في الإمتحآن <<~ هالشي مآ نبيه :(154):

نجي الحين لـ البلاك بورد ... ذآ وينه !
أقولكم في ذآ الرآبط : http://lms.kfu.edu.sa/webapps/login/

طيب وشلون أستخدمه !؟ ووشلون أدخل على المحآضرآت ؟ ووشلون ألقى محتوى المقرر وأحمله وأطبعه ؟! ووشلون أرسل لـ المسؤلين والدكآتره إذآ عندي إستفسآر ؟؟
برضوآ أقولكم تلقونه في هالرآبط : http://www.ckfu.org/vb/t103142.html

أمممم وش بقى بعد ..
إيه .., الكتب اللي يطلبونهآ منكم تلقونهآ في مكتبة المتنبي وبعضهآ ترى بتلقونه هنآ في الملتقى .. الأخوآن والأخوآت مآ قصروآ رفعوهآ لنآ السمسترآت اللي طآفت

إيه وشسمه ترى فيه محآضرآت مبآشره .. بيعلنون عنهآ في وقت معين وسآعة معينه .. نسأل فيهآ ونستفسر مع الدكتور على الهوآء مبآشره :(156): طبعاً البنآت لـ حآل والعيآل لـ حآل
بس أرجوكم لاجت حزتهآ مآ أبي حركآت نص كم وقلة أدب وتميع وخلآف ذلك مع الدكتور مثل السمسترآت اللي طآفت .., خلوكم نآس محترمه .., نآس جآمعيه عقولهآآ فووق هآم السحآب <<~ تعيشكم جو :(164):

وفي نقطه بعد الإختبآرآت بتكون في المدينه اللي إنتوآ سآكنين فيهآ بس بشرط لازم يكون عدد الطلاب الموجودين في هذيك المدينه 20 طآلب وطآلبه ...
تحديد المدينه تلقونه في التقويم الدرآسي [ له وقت محدد ] .., وعنوآين مرآكز الإختبآرآت بعد بيطلعونهآ
اللي بالدمآم .. البنآت كآنو في المدرسه الثآنويه العآشره .., بس العيآل مآ أدري :mh318:

علشآن تدخلون الإختبآر لازم يكون معكم شهآدة تعريف << في وقتهآ إطبعوهآ تلقونهآ في الخدمآت الطلابيه .
مع ورقة العآئله الأصليه أو بطآقة الأحوآل

أسئله الإختبآرآت ... إختيآري .. أحيآن 50 سؤآل وأحيآناً 100 سؤآل
أنآ أفضل يكون 100 سؤآل لإني بصرآحه 50 سؤآل يخسف بالدرجآت :(177): السؤآل الوآحد عليه درجتين مررره ظلم <<< حملت مآده من ذآ السبب

لحد يجي يطلب يقول خلو الأسئله 50 ..., 100 يعني 100
خلونآ نرووق وحنآ نحل الأسئله :(164):

أمممم
والنتآيج بتكون عن طريق البآنر .., بتطلع بعد نهآيه الإختبآرآت .. بس طبعاً بتكون حبه حبه
يعني بتخلص العطله وللحين مآ طلعت آخر مآده <<~:mh01:

وش بقى ؟
مآ أظن شي
عموماً اللي عنده سؤآل بـ خصوص الدرآسه يسأل وأنآ بجآوب