ملتقى طلاب وطالبات جامعة الملك فيصل,جامعة الدمام - المقابلة الشخصية لماجستير جامعة الدمام

السلام عليكم ورحمة الله وبركاته

عزيزتي أنا رحت السبت ..
اولا: ان المقابلة كانت على قسمين اولا مقابلة شخصية مع دكتورات القسم ثم التسميع يكون عند لجنة للتسميع .
المقابلة الشخصية كان عدد الدكتورات ٦ من ضمنهم رئيسة القسم لكن أنا على ما دخلت كانوا دكتورتين طبعا كان عندهم محاضرات فقابلوني ٤ .

اما المقابلة فسألوني اول شي عن اسمي الرباعي و سنة تخرجي ونسبتي عند التخرج ..
بعدين سألوني عن بعض الكتب من مؤلفها ومذهب المؤلف .مثل كتاب فتح القدير للشوكاني و كتاب الكشاف للزمخشري وكتاب معالم التنزيل للبغوي وكتاب روضة الناظر والمغني للمغني وسألوني في اي مادة كان الكتابان؟
وكتاب نهاية السول لمين ماعرفت قالوا طيب في اي علم تتوقعين ؟ وطلع الكتاب في اصول الفقه
وسألوني وش سويتي بعد التخرج ليس عن الوظايف لكن حياتك العلمية أخذتي دورات او شي زي كذا ...
طبعا حطي ببالك انهم ممكن يسألونك أسئلة استفزازية زيي مثلا قلت لهم زمان كنت اقرأ كتب أدبية قالت لي ماذا تعرفين عن نزار قباني ؟؟ طبعا أنا والله ما اعرفه زين اللي اعرف انه أديب وشاعر لكن قد اطلعت على شي بسيط من رسائل الجوال قالت طيب من فاز بجائزة البوكر العالمية !!!!!! قلت لها ما ادري صراحه وانا ابتسم لها ابتسامه بسيطة وسألتني طيب من فاز بجائزة الروايات للعام الماضي !! قلت والله ما ادري أنا ما اطلعت على الادب مؤخراً وبس .. عادي انتي خلي نفسك مروقة وتترفزين أنا الحمدلله مشى ولا نرفزت .
وقالوا لي اقرأ من كتاب تفسير كان موجود قدامي على الطاولة ... وقالوا خلاص شكرًا وطلعت ...
اما التسميع كان فيه لجنة من ٣ دكتورات انتي تدخلون وتعبين بياناتك في ورقة بعدين تجلسين وبيسالونك وش الأجزاء اللي حفظتيها كل وحده منهم تمسك لها جزء من الاجزاء الثلاثة اللي انتي حافظتها و تختارلك الأستاذة مقطع من كل جزء .
وطبعا يختلف التقييم من خلال شخصية الطالبة وحضورها والتسميع والترتيل مع التجويد وعلى فكرة اللي خبصت بالتسميع لا تشيل هم لان التسميع درجاته اقل اهمية من المقابلة الشخصية ..المقابلة الشخصية اهم بالنسبة لهم ...
طبعا هذا بالنسبة لي اما غيري من البنات يقولون انهم سألوهم بالتخصص مثلا ماردك على شبهة كذا او ما حكم كذا او ماهو بعقيدة اليهود في النسخ او عقيدة الشيعة في البداء .. وغيرها من الأسئلة ..
...اتمنى أني أفدتك بهالموضوع ...
الله يوفق الجميع لما يحبه ويرضاه وادعولي بالقبول الله يعافيكم والخيرة المباركة ....*