|
نبذة من اشعار شاعرك المفضل
مساكم الله بالخير حبيت من جميع الاعضاء ان كل عضو يكتب قصيدة من اشعر شاعره المفضل ويكتبب تحت القصيدة منو الشاعراتتتمنى منكم التفاعل |
رد: نبذة من اشعار شاعرك المفضل
من يقول الزين مايكمل حلاه كل شي(ن) في حبيبي اكتمل الله اللي كمله والله عطاه مابقى للزين في خلّي محل العيون أحلى من عيون المهاه شافها قلبي و صفّق و احتفل نظرته من فتنته شعلة حياه والجفون من الحيا فيها كسل ساهم(ن) رمشه على الخد وسناه كن لمعة وجنته ورد(ن) وطل الشفايا كنها جمر الغضاه تحرس الريق المحلّى بالعسل والشعر ليل(ن) نقل حمرة مساه أجعد(ن) حوّل على صدره همل مايج من فوق متنه ماطواه لون شلال(ن) مع المغرب نزل وأنطلق جيده يماري في بهاه فوق مياس(ن) تعزّل واعتدل بالرشاقه فيه من ظبي الفلاه لي مشى كنّه على الروح انتقل ريحته من كل زهر(ن) منتقاه والزياده للخزامى والنفل صافي(ن) مثل المطر فوق الصفاه باسم مثل البشاير بالأمل جامع(ن) من كل زين منتهاه مستحيل الوصف في خلي سهل كايد(ن) ماهو يلين لمن بغاه يرتفع عن كل سقطات الزلل لشاعر دايم السيف الامير خالد الفيصل ولكم ارق تحياااتي |
رد: نبذة من اشعار شاعرك المفضل
((الفجر البعيد ))
نامت عيونك وصحى الليل مظنونك أغاني قصّت جناح الثواني غيبتك وصارت الساعة أماني وآهـ ..آهـ أنا حروفي في غيابك لا هي حكي ولا هي قصيد أكتب الظلما وأعيد وإنت يالفجر البعيد .. نامت عيونك إسهر معي ليلة حاول تحس بلوعتي ليلة عد النجوم وش كثرها.. ياللي بقلبي كثرها نام .. القمر فـ وسادتك نام ليتك تغير عادتك خل القمر ليله.. يسهر معي ليله أنا حروفي في غيابك لا هي حكي ولا هي قصيد أكتب الظلما وأعيد وإنت يالفجر البعيد.. نامت عيونك يا ساحر البسمه .. أساهرك نجمه وابسمعك كلمه .. كلمه و لو كلمه قم نادني .. يالله عسى تحتاجني وإن مر ليلي ما سألت وإن زاد ظلمك ما عدلت آهـ.. آهـ أنا حروفي في غيابك لا هي حكي ولا هي قصيد أكتب الظلما وأعيد وإنت ياالفجر البعيد.. نامت عيونك |
رد: نبذة من اشعار شاعرك المفضل
صدقيني للامانه ...مالك بقلبي مكانه انتهيتي من حياتي يوم خيبتي ظنوني كنتي فعيوني ولكن طحتي من بعد الخيانه ياحسافه ياللي كنتي ساكنه داخل عيوني ليه خنتيني وقلبي كان يغمرك بحنانه ليه صديتي وصرتي من تسبب في طعوني كيف قلبك كان راض في خيانه قلب صانه كيف يرضيه اكساري يوم انا هاقيه عوني ياخساره حبي اللي ضاعت اسنيني عشانه وانتي ادرى كم اعطيته من وفاي ومن شجوني يوم امنتك خفوقي احسبك قد.. الامانه ماحسبت اللي صفولي بالمحبه يخذلوني انتهينا من بعضنا وانتهى الحب وزمانه يرحم اسنين احضنتنا في دفئ الحب الجنوني للامانه للامانه ... مالك في بالي مكانه انتهيتي من زماني يوم خيبتي ظنوني |
رد: نبذة من اشعار شاعرك المفضل
جتني تبارك في زواجي وتهني والدمعه من عينها ياحمد سالت وصوتها المبحوح صوبي قام يوني ومدري ليه يوم سلمت يدها مالت قالت مبارك عليك وجيتك اهني عساك اتهنا باللي نفسك فيه نالت كم وحده فيك حاشها التمني لكن المكتوب كلمه قد انقالت فاضت ادموعي يوم البنات جني وقالو الزينه على بيت فلان شالت رحت اطالعها والحزن والهم سكني مدري شعبر لي سالتني وحده وقالت عشت اليل فيه الهواجيس يمك خذني وذكرني بايامنا الحلوة .. الي رجعتها استحالت واللي جرا بينا مكتوم ..وهذا عهد مني ارقد وامن..وعشرتك بالقلب لازالت باركت وراحت وحس قلبها قام يوني سمع اذني بشهقته يوم شعرها شالت |
رد: نبذة من اشعار شاعرك المفضل
مشكورة مضاوي على النقل المبدع
|
رد: نبذة من اشعار شاعرك المفضل
(( محتاج لك ))
انتي بكف وباقي الخلق في كف متعليه في وسط قلبي ولك شان في غير وصلك مالقلبي ترى شف محتاج لك يانور عيني وشفقان لا جابوا اسمك صرت انا تقل مختف مالي على نفسي الى اطروك سلطان من غير حبك غضت عيوني الطرف ياللي جمالك صار للزين عنوان اريد انا قربك ترى ياغذا الحرف وان ماحصل موتي ودنياي سيان لشاعر طلال الرشيد |
رد: نبذة من اشعار شاعرك المفضل
((حبيبتي ))
حبيبتي لا مـن غديتـي لـي سـراج اتبعـه وكني غديت من الظما اركض ويطردني السراب لا تبخلين اليا شربتـك ماشربتـك مـن سعـه دامي من جروح الهموم الموجعه كلي صـواب اليوم مرتنـي السوانـي والفصـول الاربعـه اليوم مريـت الموانـي والمبانـي والسحـاب اليوم ماكنـي لقيتـك مـر صوتـك ماسمعـه اليوم ما كني فقدتك مـن سؤاليـن وجـواب يابنت في خدك وهج سيل الشمـوس الساطعـه احرق بداخل داخلـي انسـان ماهـو للتـراب واللي خلق ظلـم الليالـي بالعيـون الهاجعـه اني من الحرمان اتسائـل وحرمانـي جـواب يوم الـوداع تخيلـي مالـي حبيـب اوادعـه محروم انا وتخيلي محروم حتى مـن العـذاب يابنت لـي قصـه تطـول بكلمتيـن موجعـه هي باختصار اني انا اركض ويطردني السراب الشاعر طلال الرشيد |
رد: نبذة من اشعار شاعرك المفضل
قصيده فزاع فى بنت السعوديه ,
قصه وقصيده سبب كتابته للقصيده انه جاه اتصال بالخطأ من السعوديه فلما رد الاّ المتصل بنووو ته المهم قالت عفوآ غلطانه بالرقم فكتب الأمير هذه القصيده هذه القصيده من اخر قصايد الشاعر / حمدان بن محمد بن راشد ( فزّاع ) .... يا مرحبا يا مرحبا يا مغلط في تلفوني .. مسموح مسموح والغلطات عفويه صفرين تسعه وسته سته تموني .. الرقم هذا فتح خط السعوديه ان قلت لبيك امر هذي عيوني .. فتحت ذا القلب والنيه على النيه يا صاحبي وان نشدني طيفك شلوني .. اقول طيب وطيفك فيه ماريّه مارية يوم تقبل تجذب لحوني .. واجر له من لحون الشوق قافيّه بيحت ياقاصد الغضات مكنوني .. وانا رومانسي احب هل الرومانسيّه من دونك اعيش وانت تعيش من دوني .. الين اوحيت صوتك لعنبو حيّه ضجت زوايا خفوقي وانشد ركوني .. وانا ولد شيخ لي هيبه وشخصيه الارض ارضي وكون المرجله كوني .. لكنه الحب والعاشق و طاريّه تكفون بالله ياناس لا تلوموني .. الصدفه اللي بلا ميعاد جبريّه يا نجد ودي اغني بك على هوني .. حورية الارض فوق الارض نجديّه يامرحبا يامغلط في تلفوني .. مسموح مسموح والغلطات عفويّه صفرين تسعه وسته سته تموني .. الرقم هذا فتح خط السعوديّه http://img126.imageshack.us/img126/8...pshot232qf.jpg |
رد: نبذة من اشعار شاعرك المفضل
الشاعر بدر بن عبدالمحسن
http://www.adab.com/photos/95758319.jpg ابعتذر .. عن كل شئ .. إلا الهوى ..ماللهوى عندى عذر.. ابعتذر ..عن أي شي .. إلا الجراح ..ماللجراح إلاالصبر .. إن ضايقك انى على بابك أكر .. ليلة ألم.. واني على دربك مشيت عمري وأنا قلبي القدم ... ابعتذر ..ابعتذر ...كلي ندم ... عن كل شئ .. إلا الهوى .. ماللهوى عندي عذر ... اتصدقي ...ماخترت أنا أحبك .. ما احد يحب اللي يبي .. سكنتي جروحي غصب .. ياحبي المر..العذب ... ليت الهوى وانتى ...كذب كان اعتذرلك عن هواى .. وماأقول أنا كوني معاي .. ان ضايقك انى على بابك امر.. ليله ألم ... وانى على دربك مشيت عمري وأنا .. قلبي القدم ... ابعتذر ..ابعتذر .. كلي ندم .. عن كل شئ .. إلا الهوى .. ماللهوى عندي عذر .. الله كريم ..حبك ..يكون.. همي القديم .. وجرحي القديم ... والله عليم .. يا أحلي العيون .. ان الفراق .. جزا الفراق .. ابوعدك ..كان الطريق بيبعدك .. بامشي بطريق .. وكان الحجود بيسعدك ... مالي رفيق .. ابجمع اوراق السنين ..وأودعك.. كان الفراق اللي تبين ... الله معك |
| All times are GMT +3. الوقت الآن حسب توقيت السعودية: 12:40 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه