(( مجلس مذاكرة علم المعاني والبراغماتيك )) - الخميس 21 / 7 / 1437هـ..
 

رد: (( مجلس مذاكرة علم المعاني والبراغماتيك )) ..
 

رد: (( مجلس مذاكرة علم المعاني والبراغماتيك )) ..
 

عمل رائع
ألف شكر

رد: (( مجلس مذاكرة علم المعاني والبراغماتيك )) ..
 

(( مجلس مذاكرة علم المعاني والبراغماتيك )) ..
 

الف شكر لك ماقصرتي


Sent from my iPhone s6 plus

رد: (( مجلس مذاكرة علم المعاني والبراغماتيك )) ..
 

باسم الله نبدأ ..
# في المحاضرة الأولى , الكلام في البداية عن السيمانتيك والبراغماتيك ..
- السيمانتيك يهتّم بكفاءة المتحدّث في إستخدم نظام اللغة بينما البراغماتيك تعني قدرة الشخص على إستخلاص المعنى من وضع معيّن وكذا ..
- شوفوا بعيد عن الكلام المصفصف :16.jpg: السيمانتيك يعني المعنى الحرفي للكلام , بينما البراغماتيك يهتّم بالمقصود من ورا الكلام مو المعنى الحرفي , كيف يعني ؟! نشوف هالمثال ..
I'm hungry
معناها الظاهر إن الشخص اللي يتكلم ( جائع ) يعني يبغي أكل وبس مو شي ثاني , هذا من ناحية السيمانتيك ..
طيّب , لو شخص فقير , شافك وأنت واقف عند صرّافة البنك وجا قال لك إنّه جايع , رغم إنّك واقف قدّام صرّافة بنك مو مطعم !! هنا أنت تفهم المقصود إنّه يبغي فلوس وتطلّع المحفظة وتعطيه المقسوم , رغم إنّ معنى الكلام الظاهر إنّه كان جايع !!

نفس الشي لو بنتك الصغيرة مثلًا , تعشيتوا وعيّنتوا من الله خير ولما جا وقت النوم قالت ( جاااااايعه ) , شنو هالجوع إلا ماجا وقت النوم :24_asmilies-com: هنا مقصدها إنّها تأخر وقت النوم شويآت ماتبغي تنام الآن ..

إذًا خرجنا بكذا تفسير لعبارة I'm hungry وكل تفسير يختلف عن الثاني مرّه معناه إنّي محتاج مال ومرّه معناها ما أبغي أنام الآن , التفسير أختلف لأن الأوضاع والأشخاص مختلفين , وهذا هو البراغماتيك إنّك تعرف المقصود من الكلام وكذا ..

رد: (( مجلس مذاكرة علم المعاني والبراغماتيك )) ..
 

# تابع م 1 :
- بعدها تكلّم عن الكلام والجمله وقال إنّ معنى الجمله يعتمد على معنى الكلمات اللي تستخدمها وعلى التركيب النحوي لها , بينما معنى الكلام يعتمد على معنى الجمله + معنى الظروف ( الوقت والمكان والأشخاص )

- Implicature : هو معنى إضافي , أو جسر يُبنى عن طريق المستمع لربط الكلام بكلام سابق (لا أردايًا أو دون وعي )..
نشوف هالمحادثة بين الآنسة سارة وسجى علشان نفهم السالفة :16.jpg: ..
Saja :Would you like to go shopping tomorrow night ?
Sarah :We have guests coming from out of town.
سجى تسأل سارة ودّك نروح نتسوّق بكره وكذا , تقول لها ساره عندنا ضيوف من خارج المدينة !!
هنا الآنسه سجى بتفهم إنّ سارة مارح تروح , مع إنّها ما جاوبت على سؤالها مباشرة وقالت ( لأ )
لكن المعنى الضمني لكلامها إنّها مارح تقدر تروح تتسوّق , وهذا هو Implicature ..

- Prosody :بإختصار إن معنى الكلام اللي نقوله مايعتمد على شنو الكلام اللي قلته وبس , بل يعتمد أيضًا على الطريقة اللي قلت بها الكلام .. زي نبرة الصوت مثلًا , تتكلّم بنبرة ساخرة أو طريقة تدلّ على إنّك متملل أو على إنّك مستمتع والكلمات اللي تشدّد عليها بعد , كل هذي الأشياء تأثر في معنى الكلام اللي قلته ..
مثلًا لو طلعتي من محاضرة اللغويات التطبيقية , وقلتي لصديقتك إنّ المحاضرة كانت ممتعه حيل ( لكن بنبرة ساخرة ) هنا صديقتك تفهم إنّ المحاضرة كانت ممّله ألف .. مع إن كلامك نفسه كان إيجابي عن المحاضرة لكن نبرة صوتك تقول العكس , إذًا نبرة الصوت لها تأثير على معنى الكلام ..

- Non-verbal communication : ويندرج تحتها paralanguage و gestures
- paralanguage : هنا فيه صوت لكن هالصوت يكون صادر من الفوكال مثل الضحك والبكي ..
- gestures : اللي هي الإشارات المرئية أو لغة الجسد ممكن تصنع تأثير على الكلام اللي قيل وكذا ..
مثلًا لما تسألك صديقتك شنو رايك بالفستان ؟! تسوين لها كذا :(204): معناتها إنّه تمام ولايق
عليها وكذا , هذي الإشاره اللي سويتيها ياطويلة العمر تعتبر gestures ..
نفس الشي لمّا ترفعين وتنزّلين كتوفك بمعنى ( ما أدري ) أو لما أحد يتكلّم وكلامه ممّل تسوّين نفسك تتثاوبين وحاطه أصابعك على فمك ( هنا الرساله توصل له إنّك متملله من كلامه ) ,ونفس الشي لما أمّك تقول لك : غسّلتي الملابس ؟! هنا إنتي تضربين جبهتك بمعنى (نسيت) :16.jpg: كل هذي الحركات تبع gestures ..

أنتهت حفلة اليوم :16.jpg: , أي تعليق أو تصحيح أو شسمه مايردّكم إلا الكيبورد ..

رد: (( مجلس مذاكرة علم المعاني والبراغماتيك )) ..
 

- الأسئله اللي جات من المحاضرة الأولى من أسئلة إختبار السمستر اللي راح :

3. Connecting one utterance to another previous utterance unconsciously is known as ...
A. Prototype
B. Gesture
C. Collocation
D. Implicature


5. Which of the followings has tones that would possibly change the interpretation of a spoken message?
A. Deixis
B. Prosody
C. Gesture
D. Maxim

6. Slapping your forehead with the palm of your hand is a visual sign that could be equivalent to saying .
A. "I am sleepy"
B. "I forgot"
C. "I smell something"
D. "I don't know"

8. How can you determine the meaning of an utterance , such as "I'm hungry" ?
A. through the meaning of the sentence only
B. through the individual word and the grammatical construction in which they occur
C. through the meaning of the sentence in addition to the physical-social context
D. through the construction of words in a particular meaningful sequence

12. Paralanguage can be found when the speaker is …
A. being vocal but not verbal
B. being verbal but not vocal
C. moving his hands
D. moving his head

50. All the following are example of paralanguage except for:
A. Nodding
B. Laughing
C. Giggling
D. Crying

مع جزيل الشكر لجميع الأعضاء اللي أستعرنا جهودهم في الموضوع , سواء اللي عملوا الملازم أو الكويزات أو نسّقوا وجاوبوا الأسئلة ..
وأعتذر على التفحيط وسوء التنسيق ..
وأستغفر الله لي ولكم ..

رد: (( مجلس مذاكرة علم المعاني والبراغماتيك )) ..
 

ماشاءالله
مبدعة دائماً
تتفوقي على المتوقع منك Tawah
شكراً لك على فتح مجلس المذاكرة.
في بضع اسطر تشرحي بشكل سهل الي مافهمه البعض من الدكتور في اربعين دقيقه. :biggrin:

رد: (( مجلس مذاكرة علم المعاني والبراغماتيك )) ..