|
موضوع يخص طلاب الكلية التقنية
السلام عليكم شباب وبنات كيف حالكم حبيت اطرح هذا الموضوع وهو عبارة عن جميع مايخص طلاب التقنية من اول مايدخل الكلية لين مايتخرج وعن مستقبل الطالب بعد التخرج نقاشات هادفه -- (قول الي في خاطرك) امممممم حبيت اطرح هذا الموضوع لاني اشوف المنتدى نايم ومافي احد يطرح اي موضوع والقليل ممن يتردد على المنتدى اتمنى يتم التفاعل في هذا الموضوع ويصبح موضوع شيق اتمنى من الجميع الرد حتى لو بالسلام !! تحياتي لكم |
رد: موضوع يخص طلاب الكلية التقنية
يالبى قلبكـ يابووو جرااح
عاد تصدق اني اضفة مووضوع قبلكـ نفس المنهج بس تدري ماااعليكـ مني اهم شيء موضوع يجمعنااااااا وكل عااام وانتم بخخخير |
رد: موضوع يخص طلاب الكلية التقنية
بوووووه احد والا ننحاااش
|
رد: موضوع يخص طلاب الكلية التقنية
ياهلا والله فيك عزيزي مجودي
وانت بخير وبصحة وسلامة شخبارك يالذيب ،،، ممكن ندردش وياك اشوي يمكن نجتمع مع شباب المنتدى ماتدري يتحمسون وكذا المهم انت مستجد على الكلية ولا على وجه تخرج ولا متخرج ؟؟؟ واذا كنت اي واحد من ذولا وش تخصصك ووين ترغب تروح بعد التخرج؟ |
رد: موضوع يخص طلاب الكلية التقنية
معقولة ياجماعة الخير 30 مشاهدة مافي الا شخص واحد رد على الموضوع
وانا اقول ابي احرك المنتدى وكل واحد ياخذ معلومات ويستفيد نبي نطور من نفسنا اشوي اتمنى الاقي ردود ومشكورين |
رد: موضوع يخص طلاب الكلية التقنية
وعليكم السلام ورحمه الله وبركاته
هلا والله بو جراح والله بصراحه كليه التقنيه زينه لكن نظامه بعض الاحيان تقهرك انا تخصصي اداره مكتبيه وسهله جدا بالنسبه للطالب بعد التخرج يعتمد على معدله لكان معدله عالي يحصل له مستقبل بأذن الله اما اذ1 كان معدله ضعيف أو ( بالنص مثل 3.55 ) والفرص الوظيفيه بتقل راح يكون من اكثر الطلاب معدلاتهم كذ1 بس يفضل تجيب اقل شي 4 من 5 ( وكل شخص مكتوب رزقه ) وعلى فكره يعتمد على حسب التخصص انا اشوف تخصص مثلن التسويق من افشل التخصصات ( وجهة نظري ) بس ما يتحطم لأن الرزق بيد الله حتى لو جاب معدل عالي وش يشتغل مندوب وصعب تحصل واحد لسانه ذرب ومتمكن في عمليه التسويق الا القليل جدا وعلى نظام الكليه يقهرك زيي انا لما جيت اتخرج قالو لي لازم تخلص كل المواد والي باقي لي ماده بس والكليه كلها وسطات بالصدفه عرفت شخص يعرف اليمني والله يوفقه توسط لي عنده وبدايه السمستر بطبق وبدرس بس الي ما راح يطبق وماعنده واسطه ماله الا الصبر والله يعينه الله يوفق الجميع ... |
رد: موضوع يخص طلاب الكلية التقنية
الله يوفق الجميع اخوي
وبالنسبة على المعدل هو كلامك صحيح لازم الواحد على الاقل يجيب فوق 3.5 لان الفرص في سوق العمل بالنسبة لشهادة الدبلوم قليلة الى حد ما اما بالنسبة لتخصص التسويق وغيره من التخصصات هالايام كلهم نفس الشي تقريبا ،، لان اغلب الي يتوظفون في الشركات الحكومية والخاصة ، تلاقية يشتغل في شغله مالها علاقة بالتخصص الي درسة لان طالب الكلية مايستفيد كثير في دراسته بسبب دراسة المناهج باللغة العربية كل الشركات تبي طلاب درست باللغة الانجليزية لذا المؤسسة ماقصرت لمنح الطلاب دورة بعد التخرح (برنامج اللغة الانجليزية المكثف) شاكر لك طرحك الجميل اتمنى يكون بينا ردود اخرى واتمنى من الجميع المشاركة نبي الجميع يستفيد ويعرف مستقبله تحياتي لك اخي راكان |
رد: موضوع يخص طلاب الكلية التقنية
هلا بو جراح
صح كلامك الناس تتخرج وتحصل وظايف غير تخصصها وصح اغلب الشركات يبون انجليزي والكليه ما قصرت صح بس لا تنسى انو الكليه نظامها فاشل يعني الي باقي له ماده ما يطبق الله يعينه ينتظر سمستر كامل على ماده وينتظر سمستر ثاني على تطبيق ؟ خل يشوف له واسطه منا ولا منا توصله لليمني احسن له والله يكون بالعون له تحياتي لك |
رد: موضوع يخص طلاب الكلية التقنية
كلامك حلو اخوي
اذا جينا نشوف عيوب الكلية راح نتعب وكل يوم والثاني نسمع بقرارات جديدة وصارمه على الطلاب اول كان الطالب يقدر يطبق حتى لو كان عنده 3 مواد اما الان مثل ماقلت اخوي راكان صعبو الامور يعني حرام مومعقوله الواحد يقعد سمستر كامل يدرس له مادة ولا ثنتين واتمنى من الكلية النظر في هذا الموظوع ومعالجة في اسرع وقت شاكر لك اخوي الكريم طرحك ودنا نتكلم اشوي عن مستقبل طلاب الكلية والمجالات الي يقدر يسجل فيها بعد التخرج على شان تعم الفادية على الجميع |
رد: موضوع يخص طلاب الكلية التقنية
اي والله انك صادق
بس حسب علمي انو الي بيطبق وباقي له ماده بيكون داخل الكليه لكن تشغل واسطتك تكون برا..!! هذي الحياه الواسطه فوق النظام لكن تنجبر تشغل الواسطه لأنك تشوف الظلم بعينك بالنسبه بعد التخرج انا من رأيي انه اذ1 كان معدله عالي يدرس بره اذ1 كان قدها واذ1 مو قدها يكمل بكالريوس بالجامعات الي برا الحسا |
| All times are GMT +3. الوقت الآن حسب توقيت السعودية: 05:19 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه