اللــي مــاعــنــدهـ بــنــيــه .. يــمــوت وعــلاتــه خــفــيــه .. - ملتقى طلاب وطالبات جامعة الملك فيصل,جامعة الدمام

₪ حـكـاية روح|~ · #1 2011- 9- 27

السلام عليكم ورحمة الله وبركاته ~~

مســاءكم وصباحكم وورد

:

قصه وصلتني ع الجوال واعجبتني ..

فـ حابه اخذ رايكم .. وياليت كل واحد يعطينا رايه بصراحه

واهم شي .. موضوعي لا يصير سوالف < حطو تحتها مليون خط

/

نبدا القصه .. (واقعيه)

في البحرين وفي اعوام مضت ..

كان في 2 اصحاب .. واحد اسمه عيسى والثاني فهد

متزوجين

/

زوجة عيسى حملة و ولدة وجابت ولد ..

وزوجة فهد جابت بنت ..

طبعا عيسى قعد يضحك ع فهد ويقوووله انا جالي ولد وانت جالك بنت

وانا الحين ينادووني ابو محمد .. مو مثلك ابو نوره

فهد ما علق وكل اللي سواه انه حمد ربه ع النعمه ..

/

بعد كم سنه حملوو الزوجتين (زوجة عيسى و زوجة فهد )

وكمان نفس الحكايه .. زوجة عيسى جابت له ولد .. و زوجة فهد جابت بنت

> جاء عيسى لفهد وقاله انا زوجتي جابت ولد ثاني .. والناس تقول ان
اللي زوجته تجيب ولدين ورى بعض معناه حلل المهر.. وزوجتي طلعت لي ببلاش

فهد ما علق .. وحمد ربه ع النعمه ..

/

وللمره الثالثه ..

حملوو الزوجتين .. زوجة عيسى جابة ولد

و زوجة فهد جاب بنت ..

بعد ما عرف عيسى .. ضحك بسخريه وقال لـ فهد ..

اقتباس:

من يكون عنده ثلاثة أولاد فإنهم يكونون له مثل ركائز الموقد يضع عليهم قدر الأكل…
أنا يجلس قدري أما أنت يا أبوالبنات فلا يمكن أن يجلس قدرك

اما فهد فـ اكتفا بقوول > الحمدلله على عطايااه ..

/

بعد مرور سنين .. كبرو الاولاد والبنات وكلن راح بنصيبه ..

وفهد وعيسى كبرو في السن وما عادو زي زمان

بس الفرق بينهم ..

عيسى صحته ماهي كويسه .. وملابسه وشكله دائما حوسه و وصخه

اما فهد .. صحته حلووه .. و ملابسه وشكله مرتب ونظيف

فـ دار بينهم حووار

/

فقال فهد لعيسى .. ليه ملابسك وصحتك كذا .. ليه مافي حد يهتم فيك ؟

فرد عليه عيسى انه العيال كبرو وكلن التها ببيته .. وعياله

وزوجته حرمه كبيره بالسن وما عاد تقدر تقوم بشغل البيت زي زمان

وبكذا فـ مافي حد يهتم فينا .. ولا يطبخ لنا او يغسل ملابسنا ..

/

قال عيسى : طيب انت يا فهد .. اشلوون ملابسك نظيفه .. وصحتك كويسه

مع ان الحال من بعضه ؟

قال فهد : انا اقولك يا اخوي ..

بنتي الكبيره .. تجي الصباح ومعها فطورنا .. تفطرنا وتحممنا و تغسل ملابسنا وتروح لبيتها

اما بنتي الوسطى .. تجي بالظهر .. وتجيب معها غداانا .. وتكوي ملابسنا وبعدها تروح

واما البنت الصغيره فـ تجينا بالليل .. تجيب عشانا .. تعشينا .. وتحممنا .. وتنومنا وبعدها تروح ..

/

فسكت شوي فهد .. وبعدها قال لـ عيسى ..

تدري وش معناة هالكلام يا صاحبي ؟؟

قال عيسى .. لا !

قال فهد .. معناه ان ابو البنات ينام متعشي .. وابو الاولاد ينام بجوعه ..

/

انتهت القصه ..

(( اللي ماعنده بنيه .. يموت وعلاته خفيه ))

عاد يوم قريتها لـ امي .. قالت زماان لا بغينا ندعي على حد نقول

( جعل عدوي ما تجيله بنيه ) < دعوه اليمه

/

عاد ابي تعليقكم .. وشنو رايكم بالقصه ..

وهل فعلا البنت انفع لـ والديها من الولد .. > ان شاءالله ما احد يزعل من الشباب <
والا ع حسب ؟؟

وبنظركم .. منو احن .. البنت والا الولد > مع اني اعرف الجواب مسبقا

بس ما يمنع نشوف ردودكم

المهم ... خلوني اشوف تعليقاتكم

HELLO~ KITTY · 2011- 9- 27

ف راي ..الاولاد نعمه من الله (المال والبنون زينة الحياة الدنيا) والذكر او الانثى كلهم نعمه من الله ولايجوز ان يذمر الانسان اذارزق بالبنت لان البنات هم اهل القلوب الرحيمه اكثر من الذكور واذا احسنا تربيتهم فاننا نكون قد ارضينا الله بمنه علينا بهذه النعمه نعمه الاولاد
ويقول الرسول الكريم ومانفعلة لاهلنا اليوم ناخذ ثماره من اولادنا بالمستقبل خير او شر
والاولاد الذكور عز وسند لأبائهم

يعطيكي العافية ملاك

ابوخالد2011 · 2011- 9- 27

اللي يجي من الله حياه الله

اهم شي الصلاح

احيانا الواحد تجيه بنت واذا كبرت سودت وجهه باعمالها الخبيثه

والبعض تجيه بنت وتكون داعيه ويفتخر بها

والعكس صحيح

ولد يرفع الراس

وولد يسود الوجه

ويالله الصلاااااح والهدايه

عافاك اختي ملاك والله يرزقك عيال وبنات ويصلحهم

~Mrs.ENGLI$H~ · 2011- 9- 27

ليس نقصا باحد

لكن البنات معروووووووف انهم احن من الأولاد

خصوصا لو يطيحون بأزواج عيال حلال ويتقربون الى الله ببر زوجاتهم بأمهاتهم وابائهم ( زي زوجي فديته

)

يعني ما يقول خلاص تزوجتي انسيهم

ومن واقع الحال اشوف جداتي مثلا .. لو مو بناتهم حولهم كانوا في خبر كان من زمان.. و حريم كثير بهالشكل

الاولاد مجرد مسؤولين عن المصروف والمستشفى و مونة البيت

اما اللبس و تجديده وتصليح المتقادم و ترتيب المواعيد و العنايه بالاكل واستقبال الضيوف و القعدات الفلاويه اللي تنعش الروح فهذي تخصص البنات بلا منازع

ومع ذلك يوجد من الاولاد من هم احن من البنات ..

بعض البنات تنتظر الزواج فعلا وتنسى اهلها لسابع جد !!!!

ومنهم من تحط الشغاله مع امها تتنوم معها بدل ماهي بننننتها تتنوم معها

ويوم زهقت الشغاله استأجروا شغالة الحرمه المنومه جنب امهم وعطوها 500 وقالوا لا تعلمين احد اننا مانجيها

( سبحان الله امهم كانت شريره في شبابها والان ربي رد لها كيلها في مكيالها الله لا يبلانا .. )

فعلا اللي ماعنده بنت الله يخلف عليه ... اولهم انا

يعطيك العافيه ملاك

ξـبد»βrines«الرζـمن · 2011- 9- 27

صحيح البنت احن ولو تلاحضون ان البنت تميل الى اباها والشاب يميل الى امه واعرف بنات من الجماعة لم يتزوجو بسبب انهم لا يوريدون ترك امهاتهم او ابائهم

وفي حديث

أخرجه الإمام أحمد وابن ماجه بإسناد صحيح عن عقبة بن عامر قال: سمعت رسول الله صلى الله عليه وسلم يقول: ((من كان له ثلاث بنات فصبر عليهن وأطعمهن وسقاهن وكساهن من جدته كن له حجاباً من النار يوم القيامة))[1]، وهذا يدل على فضل الإحسان إلى البنات والقيام بشئونهن؛ رغبةً فيما عند الله عز وجل فإن ذلك من أسباب دخول الجنة والسلامة من النار

وبنسبة للشباب هم سند البيت بعد رحيل الاب بشرط صلاح الابناء

الله يعطيك العافية اختي

البرواز المكسور · 2011- 9- 27

الله يصلحهم جميعا

البنت بنت ابوها تحن له

طيبتي اكبرهمومي · 2011- 9- 27

فديت البناات والله سبحان الله لله في خلقه شوون

عااد اقولكم سالفه صدق خالتي عندها سبع عياال وماعندها بنات عااد ياهم رافعين ضغطها وتقول يازين البناات
اما خالي عنده 7 بنات وولد والولد هذا صغير بس متطبع طبع البناات دلوع وكانه بنيه لان جو البيت بناات
ملوك نفس امي تقول عسى اللي يكرهني مايجيله بناات
والعياال لزوجاتهم بعدين بس البنااات لهلهم يافديتنا مو يقوولون البناات اجمل الكائناات

معسولة المبسم · 2011- 9- 27

البنات بلا منازع هم أحن من الأولاد
نادرآ ماأشوف ولد حنون >>وجة نظري لحد يزعل

والبنت والولد كلهم ينفعون أهلهم بس الأكثر نفعآ البنت

لأنها دايم بالبيت وتقوم بالشغل وتشوف طلبات أهلها
أما الولد يآكل ويشرب ويتأمر

الله يصلح شباب وبنات المسلمين

ويعطيك العافيهـ ملآك
قصه رائعه

A L M a i s t R o · 2011- 9- 27

أرى من وجهة نظري انه لا يمكن القياس في هذه المسألة بين من هو أفضل الذكور ام الأناث..!!

لكن الأهم هو..(الصلاح والتربية)..!!

الصلاح يكون من الله,,والتربية تكون من الوالدين..!!

A L M a i s t R o · 2011- 9- 27

أرى من وجهة نظري انه لا يمكن القياس في هذه المسألة بين من هو أفضل الذكور ام الأناث..!!

لكن الأهم هو..(الصلاح والتربية)..!!

الصلاح يكون من الله,,والتربية تكون من الوالدين..!!

2011- 9- 27	#2
HELLO~ KITTY أكـاديـمـي ألـمـاسـي الملف الشخصي: رقم العضوية : 79757 تاريخ التسجيل: Tue Jun 2011 المشاركات: 1,370 الـجنــس : أنـثـى عدد الـنقـاط : 7513 مؤشر المستوى: 73 بيانات الطالب: الكلية: الأدَاب~ الدراسة: انتساب التخصص: Sociology المستوى: المستوى الأول	رد: اللــي مــاعــنــدهـ بــنــيــه .. يــمــوت وعــلاتــه خــفــيــه .. ف راي ..الاولاد نعمه من الله (المال والبنون زينة الحياة الدنيا) والذكر او الانثى كلهم نعمه من الله ولايجوز ان يذمر الانسان اذارزق بالبنت لان البنات هم اهل القلوب الرحيمه اكثر من الذكور واذا احسنا تربيتهم فاننا نكون قد ارضينا الله بمنه علينا بهذه النعمه نعمه الاولاد ويقول الرسول الكريم ومانفعلة لاهلنا اليوم ناخذ ثماره من اولادنا بالمستقبل خير او شر والاولاد الذكور عز وسند لأبائهم يعطيكي العافية ملاك

2011- 9- 27	#3
ابوخالد2011 أكـاديـمـي ألـمـاسـي الملف الشخصي: رقم العضوية : 86940 تاريخ التسجيل: Sun Sep 2011 المشاركات: 1,489 الـجنــس : ذكــر عدد الـنقـاط : 2544 مؤشر المستوى: 68 بيانات الطالب: الكلية: ادارة اعمال الدراسة: انتساب التخصص: إدارة أعمال المستوى: المستوى الثامن	رد: اللــي مــاعــنــدهـ بــنــيــه .. يــمــوت وعــلاتــه خــفــيــه .. اللي يجي من الله حياه الله اهم شي الصلاح احيانا الواحد تجيه بنت واذا كبرت سودت وجهه باعمالها الخبيثه والبعض تجيه بنت وتكون داعيه ويفتخر بها والعكس صحيح ولد يرفع الراس وولد يسود الوجه ويالله الصلاااااح والهدايه عافاك اختي ملاك والله يرزقك عيال وبنات ويصلحهم

2011- 9- 27	#4
~Mrs.ENGLI$H~ متميزة بقسم التعليم عن بعد - اللغة الانجليزية الملف الشخصي: رقم العضوية : 38835 تاريخ التسجيل: Wed Oct 2009 المشاركات: 3,355 الـجنــس : أنـثـى عدد الـنقـاط : 1998 مؤشر المستوى: 94 بيانات الطالب: الكلية: جامعة الملك فيصل الدراسة: انتساب التخصص: آداب إنجليزيه :) المستوى: خريج جامعي	رد: اللــي مــاعــنــدهـ بــنــيــه .. يــمــوت وعــلاتــه خــفــيــه .. ليس نقصا باحد لكن البنات معروووووووف انهم احن من الأولاد خصوصا لو يطيحون بأزواج عيال حلال ويتقربون الى الله ببر زوجاتهم بأمهاتهم وابائهم ( زي زوجي فديته ) يعني ما يقول خلاص تزوجتي انسيهم ومن واقع الحال اشوف جداتي مثلا .. لو مو بناتهم حولهم كانوا في خبر كان من زمان.. و حريم كثير بهالشكل الاولاد مجرد مسؤولين عن المصروف والمستشفى و مونة البيت اما اللبس و تجديده وتصليح المتقادم و ترتيب المواعيد و العنايه بالاكل واستقبال الضيوف و القعدات الفلاويه اللي تنعش الروح فهذي تخصص البنات بلا منازع ومع ذلك يوجد من الاولاد من هم احن من البنات .. بعض البنات تنتظر الزواج فعلا وتنسى اهلها لسابع جد !!!! ومنهم من تحط الشغاله مع امها تتنوم معها بدل ماهي بننننتها تتنوم معها ويوم زهقت الشغاله استأجروا شغالة الحرمه المنومه جنب امهم وعطوها 500 وقالوا لا تعلمين احد اننا مانجيها ( سبحان الله امهم كانت شريره في شبابها والان ربي رد لها كيلها في مكيالها الله لا يبلانا .. ) فعلا اللي ماعنده بنت الله يخلف عليه ... اولهم انا يعطيك العافيه ملاك

2011- 9- 27	#5
ξـبد»βrines«الرζـمن أكـاديـمـي ألـمـاسـي الملف الشخصي: رقم العضوية : 71170 تاريخ التسجيل: Tue Feb 2011 المشاركات: 1,897 الـجنــس : ذكــر عدد الـنقـاط : 12215 مؤشر المستوى: 85 بيانات الطالب: الكلية: كلية ادارة الاعمال الدراسة: انتساب التخصص: ادارة اعمال المستوى: خريج جامعي	رد: اللــي مــاعــنــدهـ بــنــيــه .. يــمــوت وعــلاتــه خــفــيــه .. صحيح البنت احن ولو تلاحضون ان البنت تميل الى اباها والشاب يميل الى امه واعرف بنات من الجماعة لم يتزوجو بسبب انهم لا يوريدون ترك امهاتهم او ابائهم وفي حديث أخرجه الإمام أحمد وابن ماجه بإسناد صحيح عن عقبة بن عامر قال: سمعت رسول الله صلى الله عليه وسلم يقول: ((من كان له ثلاث بنات فصبر عليهن وأطعمهن وسقاهن وكساهن من جدته كن له حجاباً من النار يوم القيامة))[1]، وهذا يدل على فضل الإحسان إلى البنات والقيام بشئونهن؛ رغبةً فيما عند الله عز وجل فإن ذلك من أسباب دخول الجنة والسلامة من النار وبنسبة للشباب هم سند البيت بعد رحيل الاب بشرط صلاح الابناء الله يعطيك العافية اختي

2011- 9- 27	#6
البرواز المكسور أكـاديـمـي ذهـبـي الملف الشخصي: رقم العضوية : 84717 تاريخ التسجيل: Mon Sep 2011 المشاركات: 875 الـجنــس : ذكــر عدد الـنقـاط : 10459 مؤشر المستوى: 70 بيانات الطالب: الكلية: الاداب الدراسة: انتساب التخصص: English المستوى: خريج جامعي	رد: اللــي مــاعــنــدهـ بــنــيــه .. يــمــوت وعــلاتــه خــفــيــه .. الله يصلحهم جميعا البنت بنت ابوها تحن له

2011- 9- 27	#7
طيبتي اكبرهمومي أكـاديـمـي مـشـارك الملف الشخصي: رقم العضوية : 73490 تاريخ التسجيل: Wed Mar 2011 المشاركات: 2,697 الـجنــس : أنـثـى عدد الـنقـاط : 303 مؤشر المستوى: 80 بيانات الطالب: الكلية: اذا استطعت ان تخرج من الدنيا ،،،ـــليم الصدر فافعل فإن لم تملك قلوب الآخرين فستخرج بقلـــ ب ـــك و الدراسة: انتساب التخصص: تربيه خاصه المستوى: المستوى السادس	رد: اللــي مــاعــنــدهـ بــنــيــه .. يــمــوت وعــلاتــه خــفــيــه .. فديت البناات والله سبحان الله لله في خلقه شوون عااد اقولكم سالفه صدق خالتي عندها سبع عياال وماعندها بنات عااد ياهم رافعين ضغطها وتقول يازين البناات اما خالي عنده 7 بنات وولد والولد هذا صغير بس متطبع طبع البناات دلوع وكانه بنيه لان جو البيت بناات ملوك نفس امي تقول عسى اللي يكرهني مايجيله بناات والعياال لزوجاتهم بعدين بس البنااات لهلهم يافديتنا مو يقوولون البناات اجمل الكائناات

2011- 9- 27	#8
معسولة المبسم أكـاديـمـي مـشـارك الملف الشخصي: رقم العضوية : 50286 تاريخ التسجيل: Wed Mar 2010 المشاركات: 2,506 الـجنــس : أنـثـى عدد الـنقـاط : 1832 مؤشر المستوى: 84 بيانات الطالب: الكلية: جَآمعة المَلك فيْصلَ/آدآب الدراسة: انتساب التخصص: علْم إجتمآع.. المستوى: المستوى الثامن	رد: اللــي مــاعــنــدهـ بــنــيــه .. يــمــوت وعــلاتــه خــفــيــه .. البنات بلا منازع هم أحن من الأولاد نادرآ ماأشوف ولد حنون >>وجة نظري لحد يزعل والبنت والولد كلهم ينفعون أهلهم بس الأكثر نفعآ البنت لأنها دايم بالبيت وتقوم بالشغل وتشوف طلبات أهلها أما الولد يآكل ويشرب ويتأمر الله يصلح شباب وبنات المسلمين ويعطيك العافيهـ ملآك قصه رائعه

2011- 9- 27	#9
A L M a i s t R o أكـاديـمـي مـشـارك الملف الشخصي: رقم العضوية : 57151 تاريخ التسجيل: Wed Aug 2010 العمر: 37 المشاركات: 3,084 الـجنــس : ذكــر عدد الـنقـاط : 47762 مؤشر المستوى: 133 بيانات الطالب: الكلية: College of Administrative Sciences and Planning الدراسة: انتساب التخصص: Business Administration المستوى: خريج جامعي	رد: اللــي مــاعــنــدهـ بــنــيــه .. يــمــوت وعــلاتــه خــفــيــه .. أرى من وجهة نظري انه لا يمكن القياس في هذه المسألة بين من هو أفضل الذكور ام الأناث..!! لكن الأهم هو..(الصلاح والتربية)..!! الصلاح يكون من الله,,والتربية تكون من الوالدين..!!

الذين يشاهدون محتوى الموضوع الآن : 1 ( الأعضاء 0 والزوار 1)