 |
|
||||||
| E7 English Literature Students level seven Forum |
 |
|
|
أدوات الموضوع |
2016- 5- 18
|
#91 | |
|
مشرفة سابقة
|
رد: Hello , it’s me .!!
اقتباس:
صح كلامك والله، أساسا ً ممتع أن الواحد يستمر بدل ما يكتفي بالي عنده، يشوف وين ممكن يوصل.. الله يسمع منك  وياك والي يقرون يااااااااارب 
|
|
|
|
2016- 5- 18
|
#92 |
|
أكـاديـمـي ذهـبـي
|
رد: Hello , it’s me .!!
،
الماستر حلو لو تاخذها من الدول المتغدمة ~> ب لهجة حبايبنا اهل السودان الععريقه   منها تطور لغتك ، ومنها تصنع حدث مميز ل شهادتك و ل سجلك الدراسي وعسى ربي يبغلنا مُرادنا ويكون خير مُراد عاجلًا غير آجل 
|
|
|
|
2016- 5- 18
|
#93 |
|
مميزة مستوى 8 E
|
رد: Hello , it’s me .!!
.
. ادعس لايك الظاهر وارجع اشيها تعبنيي هاالمنتدى ههههه برد عليكم لاحقا ان شاء الله بس دودي لُطفا اشرحي وجهة نظرك يمكن نستفيد منها طبعا ماطلب توضيح أشياء شخصية بس مفهومك بشكل عام اولا الجامعات مو منتظرتنا بالاحضان وعلى جمر الشوق الفكرة اننا ناخذ ونعطي وبالنهاية كل واحد بينسدح ع الجنب الي يريحه أنا قلت تفكيري بالماستر لحاجتين : اولا اليوم وخلونا صريحين البكالوريوس كأن معك ثانوية عامة معك ماستر كأنك راعي بكالوريوس . السبب الثاني انا ماودي اكون بمهب الريح اليوم الشهادة معتمدة بكره لا ماراح نعتمدها كل ماواحد شاف نفسه فاضي طلع لي قرار جديد . فتثبتها بماستر انتظام دفعاً لوجع الراس وعسى ربي يسهلها . يعني الشغله مالها بعد وظيفي ابداا . |
|
|
|
2016- 5- 18
|
#94 | |
|
أكـاديـمـي
|
رد: Hello , it’s me .!!
اقتباس:
.gif "(204)") لكن بالنسبة لبعض التخصصات (مثل الادب ) تقريبا محد ملتفت لها في الابتعاث الخارجي واذا الشخص بيطلع على حسابه جدا مكلف الامر ماديا و ايضا في ناس ما تناسبهم الغربة والسفر اللي يمتد الى سنوات ياليت يا دوريمي توضحين لنا مثل ما قالت كارزما ايش هي وجهة النظر اللي عندك بشكل عام ممكن نقتبس منها  
|
|
|
التعديل الأخير تم بواسطة Ghadeer H ; 2016- 5- 18 الساعة 06:04 PM |
||
|
|
|
2016- 5- 18
|
#95 | |
|
مشرفة سابقة
|
رد: Hello , it’s me .!!
اقتباس:
آمين يارب .gif "(179)") ------ غدير وكارزما المشكله الكلام بيطلع سالفه، الأفكار مب مرتبه بمخي وأحسها كلها مترابطه من أحداث وتجارب وحوسه.. بتكلم من عدة نواحي .. الأولى من ناحية ليش ما خش الماستر مزاجي.. أنا أشوفه ما يضيف قيمه علميه كبيره للي يبحث عن تطوير مستواه بمجال معين.. أنا مجالي الي أبيه لغه انجليزيه بالذات الأدب الانجليزي.. هو مقارب لهواياتي ومواهبي بس لو درست ماستر يمين بالله أن أنكرف وأكره أبو العيشه وبالأخير السوالف كلها بحوث وشغلات مب ممتعه ولا أبيها.. ولا أحتاجها بمستقبلي أنا <-- أتكلم عن نفسي حسب وضعي.. يعني لو أكمل أسلوبي في تطوير لغتي والله أجيب أكثر من الي بجيبه لو أخذت ماستر.. ------ ثانيا ً من ناحية الوظيفه.. أنا باقي ما عندي خبره وظيفيه لأن الوظيفه الي جربتها سابقا ً بمستوى رابع ما طولت فيها لأسباب عديده.. الي ما عنده خبره وظيفيه ما يوظفونه بسهوله وأتوقع جربتوا هالشيء.. طيب الماستر نفس الشيء من ناحية الوظيفه، ماعندك خبره = ماعندك فرصه كبيره + أساسا ً ما يحبون يوظفون ماستر لأن راتبهم أعلى وقلق.. طالما أنت مب موظف حاليا ً (خاصة الموظف الحكومي) ماراح يكون للماستر قيمه وظيفيه اضافيه.. فيه أماكن توظف ماستر بس مب بالكثره الي نتصورها، لأن عدد حاملين الماستر صاروا أكثر وعاطلين.. بالنسبه لي أتكلم عن الرياض.. عرفت 3 من صديقاتي كملوا ماستر وندموا.. ياخي قابلتهم حسيتهم كانوا بالعسكريه مب ماستر.. وبالأخير جلسوا بالبيت.. يحصلون وظايف للدبلوم أكثر من الوظايف الي تقبل ماستر.. غير أني ما شفت عندهم سالفه ولا طوروا شيء من مستواهم، كرفوا بالماستر كرف فما كان فيه متعه ولا وقت يطورون أنفسهم .. البكالوريس حقي وهو عن بعد أعطاني علم وفايده أكثر منهم.. لازال فيه ناس تتوظف بالدبلوم وناس تتوظف بالدورات وناس بالثنوي.. حسب الوظايف الي انت تبيها وحسب التخصص والمجال والمدينه نفسها تفرق.. المكان الي أنا فيه والله لو اجيب شهاده اسمها ( ملك الأرض ) ما أتوظف.. بينما بالرياض أعرف وحده توظفت بشهادة ثنوي.. فيعني مب مقياس.. -------- من ناحية أهمية البكالوريس بالنسبة لي.. البكالوريس صار ضروري والي ما عنده يعتبر كأن ماعنده ثنوي.. بس قيمته لا تزال عاليه.. البكالوريس اهم مرحله دراسيه من رأيي، هي التخصص ، التأسيس والشيء الي يشكل عقلك ومعرفتك.. يحدد حتى أنت مين <-- هذا للي دارسين التخصص برغبه ويطورون أنفسهم مب بس يبونه كشهاده. أنا كنت باخذه انتظام من يوم تخرجت من الثنوي، بس صارت خربطه ولما نشبنا للعميده أنا وأمي ، قالت لو عندك واسطه تاخذين مكانك <-- مع العلم أن نسبتي كانت كويسه وعاجبتها وما كان هذا كلامها من كم يوم.. معناها مكاني كذا بس انشال بسبب واسطه .. علشان كذا اخذت التخصص نفسه انتساب .. دخلت قبلها تخصص آخر انتظام بس جد ما كان عاجبني وطنقرت لأني أبي أنجليزي ما عاد تقبلت أي شيء ثاني.. فاستخرت وسحبت ملفي من الجامعه المخيسه وجيت هنا انتساب. ممكن الانتساب شهادته مب ذاك الزود بالنسبه للبعض، بس بالنسبه لي أنا متأكده اني مستحقتها أكثر من بعض بنات الانتظام الي أخذوا شهاداتهم أي كلام وأي معدل وبتشبيك دكتورات.. ---- من ناحية شخصيه وعائلية .. أنا عندي خطط مع اخواني ناوينها من زمان. وإذا خلصت أنا وأخوي الي أصغر مني الترم الجاي على خير، بنقدر نبدأ نشتغل على خطتنا إن شاء الله.. طبعا ً شهادتي مب شيء جنب شهاداتهم البراقه، علشان كذا أنا محافظه عالمعدل علشان أهايط بشيء  بس واثقه أن إخلاصي بالشغل وطموحي أعلى من شهادتي وأخواني عارفين هالشيء وعارفين كمية التعب الي تعبته فأبدا ً مو هامني إيش يعتقدون الناس عني أو أصحاب الوظائف الي يتمننون علينا بوظايفهم .. ----- واخيرا ً وأهم شيء.. استخرت وما حسيت هالشيء لي أبد.. معناها لو أخذتها أنا اضيع وقتي لأن أكيد ربي كاتب لي شيء جميل ماراح أحتاج فيه ماستر.. كل الي أحتاجه أبذل جهدي واتخرج بمعدل كاسح.. ----- شيء أخير للي باقي أعمارهم بالعشرينات  أنا ضيعت من فترة العشرينات من عمري سنوات أكثر مما ينبغى بسبب مهزلة الواسطه الي صارت وانتقالي الكثير من مدينه لمدينه في فتره من الفترات.. وأنا أشوف فترة العشرينات هي أحلى مراحل العمر، تكون فيها شخصيتك وتعيش تجاربك الاجتماعيه والوظيفيه وتسوي كل شيء، مب كبير بالطريقه الي تخليك تكبر عقلك عن كل شيء، ولا صغير بالشكل الي يخليك تتخبط كثير بالحياه.. ماعندي نيه أضيع من هالفتره أكثر من كذا  لو بآخذ ماستر راح يكون في الثلاثينات وممكن آخرها بعد.. وبالتالي ماراح أفكر في هالموضوع الحين ولا أشغل مخي فيه.. ---- خلاص، قلت كل شيء ترى علشان ما أحول الموضوع إلى السلبيات.. وبكذا تكملون نقاشكم في الايجابيات وتدورون لكم سواقين من الحين  ويا كارزما القصيم مب قريب من الرياض.. إذا الخرج والرياض جنب بعض والناس يستثقلون الدوام بينهم فما بالك بالقصيم 
|
|
|
|
|
2016- 5- 18
|
#96 |
|
مشرفة سابقة
|
رد: Hello , it’s me .!!
هذا رأي اختي الكبيره بعد للي يبي يسمع رأي شخص آخر
هي شخص حكيم جدا ً أولا ً المفروض الواحد يتوظف ويكسب خبرات وتجارب، خبراتك في الحياه أهم من الماستر. ثانيا ً الماستر ممكن تاخذه وانت على رأس العمل وبأي وقت.. مافيه داعي للعجله ثالثا ً الوظايف صارت تطلب العمر ما يتجاوز 28 .. لازم تكسبون خبرات ، أكبر عدد من الخبرات قبل ما توصلون لأواخر العشرينات.. رابعا ً تخصص الماستر إذا كان مختلف عن تخصصك البكالوريس ما يخدمك بالوظيفه ، يعيقك .. ما كأنك أخذت شيء .. خامسا ً حلو أن الواحد ما ينسى أن الحياه فيها تجارب وفوائد أكثر من الدراسه، جرب حاجات ثانيه من مهمات و وظائف صغيره خاصة القطاع الخاص مفيد أنك تطور نفسك وتجاربك، بعدها الماستر ممكن تاخذه لأن ماله حد ولا عمر معين ولا وقت محدد.. سادسا ً الناس فاهمه أن الماستر لازم يكون بعد الجامعه ، بس انا أشوف الترتيب الصحيح هو أنك تضمن الوظيفه وتحرص أنك تجمع خبرات وبعدها الماستر.. ^ طبعا ً سالفه الخبرات نسيت أقولها.. أنا ناويه أجمع خبرات ودورات ويصير ملفي زحمه، هالشيء يعجب أصحاب العمل ويغريهم لأنهم يبون شخص مجرب حاجات كثير.. على أنه يكون شخص جديد على الحياه الوظيفيه وماعنده إلا ماستر جاب له عقده نفسيه.. مجرد آراء ومب بالضروره أن الكل يقتنع فيها. |
|
|
|
2016- 5- 18
|
#97 |
|
متميزة بالمستوى السابع - E7
|
رد: Hello , it’s me .!!
حلو اختلاف الاراء يعطيك مساحة اوسع ومنظور مختلف عن خططك عشان تعرف تقرر صح
بالنسبة لي الماستر غير ذي أهمية قصوى بنفس الوقت ممكن مستقبلاً على حسب الوضع فيه نوعين من الطلاب والمتعلمين نوع يبغى وظيفة ونوع ما فرقت عنده اللي يبغى وظيفة عنده حاجتين اساسيتين لابد منها : الشهادات والخبرات وهنا اللي يبي يكمل ماستر واللي يبي خبرات كل واحد عنده رؤية واولويات انا من النوع الثاني اللي ما يبي وظيفة توظفت سابقاً يوم ذبحني الطفش في القطاع الخاص اكثر من مرة ما تمر ٦ شهور الا واطفش واترك كل شي  فعرفت نفسي انو ما يناسبني اتوظف عند احد عشان كذا انا ما اهتم حالياً بالماستر انا اشوف ان التعليم الذاتي + البزنس الخاص اهم من الماستر < بالنسبة لي انجح جداً في التعليم الذاتي خلاف الوظيفة المحدودة جداً بأطُر معينة يا ويلك ان تجاوزتها  والتعليم الذاتي ما يناسب الا اللي ما تهمه الشهادة وبالتالي الوظيفة احب البيئة المفتوحة في التعليم والبكالوريوس انا دخلت انتساب اولا لنوعية التعلم فيه وثانياً عشان كان عندي وقت فراغ كبير وثالثاً عشان افرّح شخص غالي طلب مني اكمال الدراسة ورابعاً لحبي للغة البزنس الخاص كمان في راسي بقوة ومهتمة له كثير اكثر من الماستر  وكمان بما اني (امرأة) فهذا يعني ان شاء الله حتمية الحمل والولادة والتربية والتوجية والتعليم والاصلاح ... الخ  وهذي الاشياء اشوفها انا اهم شهادة ووظيفة وعمل الله يوفقكم يارب باللي تتمنونه وييسر اموركم 
|
|
|
|
2016- 5- 19
|
#98 |
|
أكـاديـمـي فـضـي
|
رد: Hello , it’s me .!!
شئ يقهر انك تبي تخصص وتنرفض فيه بسبب تافه واللي يقهر معدلك يكون عالي ؟؟ دخلت الانتساب وادري ان مسمى الشهاده منبوذ من اغلب قطاعات الحكوميه والخاص < اغلب ما هو الكل بس توكلت على الله ودخلت ، ومع مرور الوقت خوياي الاجتماعين من فيصل ومن عبدالعزيز توظفو وظائف حلوه " اخصائي اجتماعي " ما انكر فيها شوية ( واو ) بس الشهاده ما رفظت ابدا ابدا سالفة الخبرات ما تسوي شئ هالايام والله اللي معه شهاده عاليه مثل ماستر في سلم الوظائف راتبه غير اسف دوريمي شفتك معصبه امس يوم رديتي علي ولا دريت انك مريت بالتجارب هذي لو ادري ما كتبت حرف واحد   |
|
التعديل الأخير تم بواسطة B-h-s ; 2016- 5- 19 الساعة 01:53 AM |
|
|
|
|
2016- 5- 19
|
#99 |
|
مميزة مستوى 8 E
|
رد: Hello , it’s me .!!
.
. سبحان الله لولا اختلاف الآراء لبارت السلع  فمن نعم الله انك تكون عارف اهتماماتك وطموحك موديك على فين؟؟ والاهم عارف قدرااتك وامكانياتك وأبداااااااااااا ماتحدد مصيرك بناء على على رؤية غيرك فلي غيرك يشوفه سهل عندك ممكن يكون منتهى الصعوبة .gif "(177)") دودي وغادة كلامكم مية مية  دامك عارف دربك أمشي فيه لان الي يوصلك سعيك المستمر واصرارك أكثر من أي شي ثاني  . . نجي دودي لسالفة الخبرات  كان زمان ياحبيبي الخبرة لها وزن وثقل اليوم وش شهادتك ثم وش خبراتك ؟؟ وبعطيك دليل من أرض الواقع كثير قريباتي أجبروا رغما عنهم على مواصلة دراستهم علشان يقدروا يحتفظوا بمراكزهم الادارية وخبرة سنينننن اتركنت ع الرف ادعمي خبرتك بشهادة أو متشكريين . وبنفس الوقت واحد راجع بماستر من برا الوظيفة الي تناسب دراسته مديره المباشر قال له بالحرف الواحد ماراح تتوظف بدرجة الماستر راح تتوظف بالبكالوريوس لانك بالماستر معناها تجلس مكاني فالوظيفة والشغل ذي أرزاق ومانقدر نعتمد نموذج ونقول هو الصح والمفروض . ومثل ماقلتي ناس بالماستر وقاعدين يمكن لانهم ماعاد يشوفون ان اي وظيفة تقدر تعبهم وناس بالثانوي وشغالين يمكن لانهم يقولون نحمد الله بالثانوي وتوظفنا المسألة ذي مافيها ضابط ترجع للانسان وميوله وقدراته . . . بالنسبة لي الماستر أولوية حتمية للاسباب الي ذكرتها  الي علي اني اسعى وآخذ بالاسباب والي فيه الخير ربي يسهله ويجعل لنا منه أوفر الحظ والنصيب . + بقول لك كلام أثق في الي قاله لي يقول لما تجينا cv عبارة عن مجلد شهادات وخبرات ودورات ماتلفت نظرنا مثل cv من صفحة وحدة انجازات راعيها واضحة ومحددة . |
|
التعديل الأخير تم بواسطة كارزما ; 2016- 5- 19 الساعة 04:58 AM |
|
|
|
|
2016- 5- 19
|
#100 | ||
|
مشرفة سابقة
|
رد: Hello , it’s me .!!
آخر رد لي بخصوص الماستر.. لأني أساسا ً ما كنت أبي أدخل بهالسالفه من الأساس
اقتباس:
سؤال، اُجبروا يكملون دراستهم ايش؟ بكالوريس ولا ماستر؟ لأن طبيعي الي ماعندهم بكالوريس ما تهم خبراتهم بدون شهادة تخصص.. البكالوريس أهم شيء .. بعده تجي الخبرات أما الي عنده بكالوريس وموظف ماراح يجبرونه يكمل ماستر إلا إذا كان في وظايف معينه، مثل معيدين بالجامعه .. وغالبا ً هالوظايف ما نقدر احنا نسجل فيها بطريقه طبيعيه فنخليها برا حديثنا .. أنا باستمرار أروح مع اختي وهي تبحث عن وظيفه، هي شهادتها انتظام ومعدلها حلو ماشاء الله.. معارض التوظيف، وشركات التوظيف وكلللل مكان نروح له يقولون نبي خبره .. وآخر مره رحت معها قبل شهرين، كل مكان نروح له يقولون التخصص نحتاجه بس احنا نبي موظف عنده خبره.. لا زالت الخبره مطلوبه ومهمه.. حاليا ً أبحث أنا وهي عن طريق النت ، نفس الحاله، يبون خبرات.. ماعمري شفت مطلوب ماستر، إلا مره وحده وكان مطلوب معاه خبره 10 سنوات -------- اقتباس:
الواحد لازم يبحث عن شهادات تتوافق مع تخصصه وتخدمه.. وما تكون شهادات أبو كلب أو أبو أسبوع، مب أي شهاده. ولا تجيك الوحده حاطه دورات مكياج وطبخ وهي تقدم في وظيفه مالها علاقه.. أو تجيب مليون شهاده كلها نفس الفكره بس يقال لك مختمه الدنيا.. تجميع الشهادات له فن ومهارات وحتى ترتيب شهاداتك في ملفك له أساليب وطرق لازم الواحد يعرف عنها.. -------- الي يبي الماستر علشان يرضي طموحه ويبي يستمر بغض النظر عن الوظيفه فهنا هالكلام كله ما يهمه.. الماستر ماله سلبيات للي يبي يكمل علشان يتعلم أكثر أو عنده شغف بمجال دراسته.. هالكلام الي تحت للي يشوفون الماستر وسيله مضمونه للحصول على الوظايف.. فيه شيء لازم تعرفونه يا قوم عن التدريب والخبره.. الشركات في السعوديه عندها مشاكل في التدريب، الشركات الكبرى ما تعاني من هالشيء وبالتالي ممكن ما تطلبك خبره، بس الشركات الكبيره هذي معروف أنها توظف ناس بتخصصات قويه، هالشركات مثل أرامكو وشلتها.. يبون مثلا ً مهندسين بمعدلات عاليه ، وطبعا ً ممكن يوظفون بدون خبره لأن التدريب عندهم مافيه مشاكل.. الشركات المتوسطه والصغيره هي الي ممكن توظف التخصصات باختلافها لكن هي الشركات الي عندها مشاكل بالتدريب لو قرأتوا وبحثتوا راح تكتشفون أن هذي مشكله مب سهله.. باختصار، الموظف الجديد عديم الخبره يحتاج تدريب، التدريب يكلف من الشركه .. الأوفر للمدير العاقل أنه يوظف شخص متدرب وعنده خبره مسبقه علشان ما يخسر عليه.. ماحد يبي يجازف بشخص جديد يجي يتدرب على حساب الشركه وسمعتها.. أنا جربت تدربت لوظيفه، دفعوا للموظفات القديمات راتب أو مبلغ إضافي علشان يدربون الجدد إضافه إلى انهم داوموا دوام اضافي معانا وهالتدريب أثر على وقتهم وشغلهم ، بالعربي أشغلناهم وأثرنا على مستوى الانجاز والشغل في هالكم يوم .. في الأخير بسبب مشاكل وبيئة العمل كانت مخيسه وكلها احتيال تركت أنا و3 من الموظفات الشغل بعد التدريب باسبوع.. يعني خسروا وتعبوا عالفاضي (يستاهلون هالشركه بالذات ) .. والشركات والمدراء حاطين ببالهم هالشيء الي قلته ^ وعارفين برضو أن مب كل الناس ترتاح بهالوظيفه ممكن ينضغطون.. ما تلاحظون مؤخرا ً في الوظايف أغلبها صاروا يكتبون ( القدره على تحمل ضغوطات العمل) ؟ ----- الوظايف كل مالها تروح وتقل وانتوا عارفين الوضع الاقتصادي للبلد وبالميزانيه والمشاكل المتعلقه بالوظائف في السعودية حاليا ً.. إذا ما نحصل عالخبرات الحين متى راح نحصل عليها؟ الماستر ما يقل ولا يتأثر بهالأمور فممكن ناخذه لاحقا ً، وهو مب من المقومات المعينه على التوظيف كمستجد.. --- كون الثنوي زمان كان يوظف ، وبعدها صار ماعاد يكفي.. ما يعني أن البكالوريس الحين يوظف وبعد فتره ماراح يكفي.. غلط، لأن فكره الماستر غير ومالها علاقه، هي مب إكمال دراسه ولا خطوه مطلوبه وضروريه ( هو مفيد لبعض المجالات الأكاديميه والتعليميه، أما في الشركات بشكل عام، ماحد يبي يوظفك مكانه يعني مستجد وشهادتك تبي تحللها وتاخذ مسمى وظيفي وراتب عالي، فين يحطونك وانت ماعندك خبره؟ مدير على طول؟ ) الي فاهم الماستر كمرحله تكميليه ضروريه بعد البكالوريس يرجع يعيد حساباته.. في النهايه خطأ نقول أن فيه طريق واحد لتحقيق المستقبل الناجح، النقاش نوعا ً ما غريب، راح يظل عند كل واحد منا "لكن" يرد فيها ..بس الله يكتب لنا جميعا ً الي فيه الخير ويحقق أمانينا الي نترقبها مع أنفسنا دايما ً... كتبت هالكلام لأن فيه ناس ممكن تجهل هالأمور الي كتبتها وما تبي تمر فيها ، فحرام يظلون على أمل خاطئ متداول بين الناس. |
||
|
التعديل الأخير تم بواسطة Doremi ; 2016- 5- 19 الساعة 11:09 PM |
|||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
