[ تجمع ] : انطباع طلبة { الدفعة الماسية } حول مقرر الادارة الاستراتيجية للترم الأول 1438 ||~~

[اقنور]

اختبار جميل مع اني ما جاوبت زين الا اني اشوفها منطقية:)
والصعوبه كانت في اربعة او خمسة اسئلة

[هيله بنت محمد]

لحسسسسسة مخ بنسبه لي

[^روح^]

السلام عليكم

المادة يحتاج لها فهم وبعد ما تفهم تحفظ وبعد ما تحفظ تخصص يوم كامل اضافي كذا تقعد تاخذ ورق فاضي وترسم اللي تعلمته وفهمته بشكل خرائط ذهنية وتطلع الجدوال سواء حق البقر او القرود المهم ثم يجي يوم الأختبار الصبح تروق مع رسمك واختصاراتك
بهذه الطريقة تطلع من اختبارك وتقول أسئلة سهله ! لأنها فعلا ليست من خارج المحتوى ابدا وطريقة شرحه في المحاضرات كانت افضل من المواد السابقة اللي درسنا فيها .. أستوعبت معه المادة لكن للاسف آخر 5 محاضرات ختمت معه مواصلة بنفس يوم الاختبار يعني حتى ما راجعت ... والمادة يبيلها مراجعه اشياء كثيرة تتشابهه وتحتاج تركيز من رموز الى مراحل الى جدوال .. لذلك طلعت من الاختبار اقول الله يستر اتمنى تنحل الاسئلة اليوم حتى اشياء بديهية نسيتها وقت الاختبار انتظر حل الاسئلة يا جماعة

وموفقين جميعا يارب ~

[فايز الثبيتي]

المشاركة الأصلية كتبت بواسطة هيله بنت محمد

لحسسسسسة مخ بنسبه لي

قسم بالله من جد

من جهازي SM-N920C بواسطة تطبيق ملتقى فيصل

[سيكو2]

صعب ارفعو تظلم

[فاطمة الشريف]

المشاركة الأصلية كتبت بواسطة B.B.A

الزبدة اني اخر واحد طلعت من المركز وسكرت الباب وراي
الاسئلة بشكل عام مقبولة او سهله بعد .. لكن ياخي فيه شيء غلط بالموضوع
عدلت اجابات اكثر من عشر اسئلة .. نصها مدري صح ولاا لا والنص الثاني استغربت كيف مجاوبها غلط
يالربع .. الظريف في الموضوع، فيه سؤال عارف اجابته ومتاكد منها 100% ولكن ماخترتها متعمد .. كيف يامدير .. ليش .. مدري
من وجهة نظري اقول المادة كانت تحتاج لمراجعة كـ احد ادنى 3 مرات

ربي يسعدك ضحكتني والله
نقول الحمدلله على كل حال الطموح كان A+ بس ضربتين في الراس توجع كملها الأهلي

[nor383]

حسبي الله عليه ونعم الوكيل مع اني حليت نص ونص لكن حراام يحط اسئله اغلبها من الشرح المفروض يراعوون الطلبه اغلبنا موظفين طيب اننا لحقت وشفت المحاضرات المسجله لكن غيري ماشافها ولا يدري عنها ليش التلاعب بالنص ليش مايحطون نفس النص لا يكررون الاسئله والله انه اهون يجيبونها نفس نص المحتوى ولا يكررونها ويتلاعبون بالكلام يقلبون ام ام الجمله او المعلومه الزبدة الله ياخذ نفسه وينتقم منه قال شرح قال وبعد من شرح الجداول حسبي الله وكفى

[B.B.A]

المشاركة الأصلية كتبت بواسطة فاطمة الشريف

ربي يسعدك ضحكتني والله
نقول الحمدلله على كل حال الطموح كان A+ بس ضربتين في الراس توجع كملها الأهلي

عساها دوم الضحكه
اي والله الحمد لله ..

[B.B.A]

المشاركة الأصلية كتبت بواسطة عبدالله الشّلاحي

دخلت اتطمن على دفعتي

الحمدلله الأنطباع انه اختبار مرضي لحد ما

المادة اخذتها الترم الماضي شعرت أن فيها صعوبة مع أن الكثير مدحوها

لكن بالتوفيق لكم في باقي المواد

ولكم يالحب
وافي والله يالامير

[Kaiser]

الحمدلله على كل حال

ما بغيت احبط الاخوان لكن واضح من شرح الدكتور انه ما يعرف ينظم المعلومات وهذا شيء اساسي لمادة غثيثة مثل هذي

يعني الواحد والله يذاكر وهو ضايع

اختبار متوسط مائل للصعوبة

الحمدلله على كل حال