هل أنتي متزوجة وأم ,, تفضلي !

[OM M7MAD]

الله يعينك ياقلبي انا زيك عندي ثنين 3سنوات وسنه..وهالعمر عذااااااب التعامل معااه
اذا على النوم والراحه ..حطيلك فراش في غرفة التلفزيون وسكري الباب وخليهم يتابعون التلفزيون وانتي ريحي شوي..وشوفي الوقت اللي يكونون نايمين فيه ادخلي على الجامعه ..

والله العظيم ان الامومه اصعب شي في العالم..الله يعظم اجر امهاتنا اللي ست عيال وراء بعض ولايعرفون الخدم..
ولازم تربين وتنظفين وتهتمين وتطبخين والابتسامه من الاذن للاذن..
وتدرسين وتخرجين وتوضفين بعد..الله يعينك
الخدامه لاازم وجودهاا في البيت للام الموضفه ولا اللي تدرس..
الله يعينك
وامورك رتبيهاا على حسب نوم عيالك عوديهم على الساعه وحده الظهر ينامون..وانتي ساعتها جزئي دخولك على الجامعه..مرتين باليوم او ثلاث..

وبالتوفيق

[Ệliẑaḇễṱĥ]

أنا بصراحة لا أم ولا متزوجة بس حبيت أدخل أدعيلك من قلبي أن الله يجعل لك من كل هماً فرجا ومن كل ضيق مخرجا ويرزقكِ من حيث لاتحتسبين .

أختي أكثري من الإستغفار فهو يفتح الأبواب المغلقة ,,, وعليكي بلاحول ولا قوة إلا بالله (( فكل مرغوب لا يطلب إلا بحول الله وكل مرهوب لا يدفع إلا بحول الله لذلك عظمت كلمة لاحول ولا قوة إلا بالله ))
وعليك بالتسبيح قبل النوم والدعاء بالبركة في الوقت والعمل وتسخير زوجك فيما يرضي ربك .
شوفي الساعات الثابتة اللي زوجك مو موجود فيها حاولي تنيمين أطفالك فيها وأستقطعي وقت فيها لنفسك لمذاكرتك لراحتك والوقت الي يجي هو فية تكونين متواجدة مع عيالك كذا أفضل لانك مجزءة نفسك بين وجودهم ووجودة ربي ييسرلك أمرك .

[أم احمد و داحم]

حاولي تنومينهم بدري اذا جات الساعه 8 ونص تسع ادخلي غرفه انتي معاهم وسكري الانوار وخليهم لحد ماينامون مو تنامين معاهم وكل يوم على كذا لحد مايتبرمجون انهم ينامون بدري بعدها خلاص باقي الوقت يكون لك جهزي لك الكوكا كولا والشوكلاته والشيبس وشغلي شموع حولك وتابعي المحاضرات وذاكري بهدوء وروقان هذي طريقتي
والله يوفقنا جميعا ياااااااااااااااااااااااااااااااااارب

[المحبه الى الله]

المشاركة الأصلية كتبت بواسطة sunflowers

انا عندي بنت عمرها 4 سنوات...فعلا في البدايه واجهت مشاكل وما عرفت اوازن ما بين البيت والجامعه,,,وبعدها طلعت جميع الحلول الممكنه ومنها :(استخدمت الصحون والملاعق بلاستك عشان اوفر وقت الغسيل,,,وبالنسبه للاطفال المفروض ينامون بدري حاولي تغيرين وقت نومهم وعوديهم على النظام ومساعدتك في البيت باسلوب حلو ومشجع,,,حددي وقت واحد في اليوم لترتيب البيت كامل ,,,وبعدها اهتمي بنفسك,,,وبدراستك) واولا واخيرا الدعـــــــــاء الدعـــــــاء الدعـــــــاء :هـو السبب في التغييير الجذري اللي صار في حياتي ((بفضل الله))

طبقي ماراح تندمين

[just_smile]

لا تشكي لي ابكي لك

انا مثلك عمري 23 عندي 2 صغار2و1 سنه والثالث في الطريق والمشكله ننام مع بعض ونصحى مع بعض مافيه مفر منهم الله يصلحهم يعني حالتي حاله

بس الفرق انه عندي خدامه لشغل البيت ماعليها من عيالي ولا الطبخ

وادرس لنفسي ولزوجي ( والله الامهات نساء عظيمات) تبي تمدح نفسها

اما كيف ادرس فأنا احط طيور الجنه ويتنحون عيالي عندها

او انومهم بعد العصر شوي اتفرغ للدراسه انا

ياقلبي لاتخلين شي يوقف في طريق دراستك

ادعي ومالك ألا الدعاء ان الله يسهل امورك

وان شاء الله عقبال مانشوف شهادة تخرجك معك....

[fa6o0ma.m.d]

أختي سوسو انا الصراحة لا متزوجة ولا أم بس بقولك ...
أنتي ما شاء الله تقولين متزوجة لما بالثانوي طيب انا بقولك المفروض تكونين عارفة الصعوبات اللي راح تواجهك مستقبلا في حال كملتي الدراسة الجامعية وخصوصا أنه ممكن يكون عندك اطفال وتصيرين ماما صح ولا لا ..
طيب عندك طفلين وتدرسين بالجامعة انتي ما قلتي كم عمر اطفالك بس انا بقولك انتي تقولين ينامون الساعة 12.. ؟؟
يعني هذا اول غلط وترى انتي اكثر شيء متعبك وانتي ماتدرين عنه ان النظام اللي هم ماشين عليه غلط غلط غلط .. المفروض اطفالك وهما صغار يتعودون ينامون بدري خلاص الساعة 8 لازم يكونون نايمين وترى هذا الشيء من صالحهم ان يتعودون على النظام من هما صغار وبكرا لما يدخلون المدرسة بتشوفين انك ماراح تتعبين معهم ..
مسألة ان زوجك يجي من الدوام تعباان ويبي الغدا جاهز ومايبي يشوفك ووو ...
ترى هذا طبيعي وكل الرجال كذا يعني ماهو غلط انه يبي يجي ويشوف الغدا جاهز ويبي يشوفك معه تسولفين وتضحكين يعني هو بالدوام تعب وشغل وكرف وتلقينه ينتظر الساعة عشان يرجع البيت يبي يتغدا ويرتاح يبي ينسى جو الدوام وينبسط معك .. وعادي لو ما يبي يشوف البيت ماهو مرتب او ماهو نظيف يعني اتوقع حتى انتي ماتقدري تجلسي وبيتك مو مرتب وموضوع ما يرضى تنامين واطفالك جالسين اكييييييد ما راح يرضى
يعني انتي تقولين ما عندك شغالة طيب العيال من ينتبه لهم مثلا
البيت مو فيه اشياء خطرة لا سمح الله بسم الله عليهم قاموا يلعبو بالكهرباء او الأشياء الخطرة هذه هنا من المسؤول مو انتي .. وقتها ما راح ترضين زوجك يعاتب ويعصب ويهاوش طيب فكري فيها كيف تنامين وهما لحالهم ..
ترى العيب ماهو من زوجك ولا اقول منك بس يمكن النظام اللي انتي ماشية عليه وخصوصا اطفالك صغار وشكلهم الله يحفظهم مشاغبين ..
شوفي فيه كثير عندهم متزوجين وعندهم اطفال ويشتغلون بعد ومع هذا الحمد الله ماشين بالدراسة ..
شوفي اطفالك لازم الساعة 8 او 9 بالكثييير نايمين ادخلي للغرفة معهم وقولي لهم قصة يكون خيالها واسع شوي عشان ينامون اسرع بس يرحم والديك انتبهي يكون فيها شي من الرعب ما راح يتورط غيرك ..
وحاولي تكونين حازمة معهم شوي اذا صار احد تأخر بالنوم عاقبيه بس مو بالضرب ولا الصراخ لأن ممكن تأثر مرة وثنين وثلاثة بس بعدين بيصير عادي ولا يهتمون .. اقولك احرميهم من شي يحبونه اذا تاخرو بالنوم عن الساعة اللي حددتيها مثلا لا تخليهم يشوفو الكرتون اللي يحبونه اكثر شي ..
او لا تعطيهم حلاوة وشوكلاتة او مثلا انتي قلتي لهم انك تبين تشترين لهم لعبة بكرا او اليوم قولي خلاص تأجل الموعد اسبوع لما تسمعون الكلام وتصيرون منضبطين واكيد بين فترة وفترة لازم هدية عشانهم سمعوا الكلام
بس اهم شيء طولي الفترة عشان بعدين لا يتعودن ما يسوون شيء الا بمقابل ..
وانتي تنامين 12 يعني معك وقت للدراسة وانتي بالمستويات الجاية حاولي تأخذين مواد قليلة دام عندك مسؤوليات كثيرة ولا تفكرين بالتخرج بسرعة
ما شاء الله ما دام تقولين انك طموحة اكيد ما يأثر عليك ان شاء الله ..
وزوجك حاولي اذا شفتيه جالس مروق وهادي قولي له معليش سامحيني اذا مقصرة معك بس غصبا عني وان شاء الله ما تشوف مني قصور بس انا كنت تعبانة مع العيال وكذا صدقيني هو كذا بيحس فيك من غير ما تقولين له
انت وانت ولا تقولين اعتذر وانا ما سويت شيء بين الزوج وزوجها
مافيه هالامور
يتبع ....

[fa6o0ma.m.d]

نرجع لمحور حديثناا ...
شوفي حبيبتي اجلسي بعد ما ينامون وشوفي دراستك ولو تخلين دراستك بالليل احسن واتوقع يمكن يكون زوجك طالع وعيالك نايمين وانتي اتركي طول الاسبوع محاضرات والخميس والجمعة اجمعي ملخصاات وشاركي بالمنتدى ورتبي امورك او حسب اللي يريحك والصباح اذا صيحتي وافطرتي مع زوجك وراح الدوام انتي رتبي الييت وجهزي الغدا واقولك شيء انتي قبل النوم حاولي ترتبي اشياء بسيطة بالبيت عشان الصباح ما يصير الشغل كثير عليك وعيالك لما يصيرون صاحين حاولي انك تشغلينهم باشياء مفيدة
مثلا خليهم يرسمون والوان او خليهم يساعدونك بترتيب البيت
مثلا قولي الملابس الوسخة لما تفسخها لازم كل واحد يحطها بالسلة والعابكم لما تلعبون فيها وتخلصون حطوها مكانها
وعلميهم على الامور هذه ترى هذا كذا هم يستفيدون وانتي بعد يساعدونك بكرا من نفسهم يصيرون مثل ما تبين وانتي بس تمشينهم مثل ما يبون انتي ترتاحين كذا ..
وآآآآسفة لو تضايقتي من كلامي اعتبريها مساعدة او شي كذا وو وو بس ..
الله يوفقك با رب

[Lubna]

مرحبا


طبعا الاخوات ما قصروا و عندي مداخله على الموضوع مع العلم اني مو متزوجه


- طبعاً انا مع الاخوات يوم يقولون لك رتبي موعد نومهم هالشي يفيدك انتي بالمرتبه الاولى .

- حاولي تخففين من الحلويات لعيالك لان معروف اي سكريات تعطي الاطفال طاقه و ماراح تخليهم لا يهدون ولا يناموا .

- بالنسبه لترتيب البيت و الغداء عندي لك كم طريقه ان شاء الله تفيدك لما يناموا عيالك بالليل رتبي البيت و جهزي الطبخه اللي بتسوينها ثاني يوم يعني لو يبيلها تقطيع خضار و لا دجاج ولا لحم ... الخ قطعيهم و حطيهم بعلب خاصه فيهم و دخليهم الثلاجه يبقى عليك ثاني يوم انك تطبقينهم

- عودي عيالك انهم يتعاونوا معك على ترتيب البيت مثلاً جيبي لهم صندوقين كل واحد يختار الشكل اللي يبيه و يكون هالصندوق لتجميع الالعاب لو حاسوا الالعاب سوي مثل المسابقه و خلي لهم جائزة بسيطه لو تسوين لهم لوحه و الشاطر فيهم تحطين له نجمات او تعطينهم قطعه حلاو صغيره مكافأه للفائز او لهم اثنينهم لانهم ساعدوا

و نفس الشي تجيبين سلتين للملابس لكل واحد فيهم و تعودينهم ان لازم الملابس الوصخه كل واحد يحطها بسلته


لما تسوين خطوة ترتيب البيت و تجهيز غداء ثاني يوم بالليل بيكون الصباح لك انتي بعد ما يطلع زوجك للدوام ماراح يكون عندك تنظيف كثير ولا شي و بتكسبين 3 ساعات على الاقل تذاكرين فيها

و استغلي الوقت اللي من بعد صلاة الفجر اللين ما تصحين زوجك للعمل بأنك تذاكرين لك شغله

و طبعا ابدأي اول شي بتنفيذ جدول للمواد وتبدأي تذاكرينهم


الله يساعدكم و يعينكم جميــع

[اجتماعي]

مشكلتك بسيطه جدا

لازم ترتبي وقتك فقط لا غير يعني

النوم الساعه 11 انتي وعيالك وتصحين الساعه 5 الفجر جهزي فطور زوجك وارجعي نامي حتى الساعه 8
رتبي بيتك حتى الساعه 10 بعدها اجلسي على المحاضرات وتابعيها الين يصحون الاطفال بعد ما يجي زوجك وبعد الغداء خذي قيلوله حتى صلاه العصر اذا نامو اطفالك معاك لا يطولون في النومه عشان ينامون في الليل واستمري على هذا الجدول لمدة اسبوع فقط وراح يتنظم جدولك وبتتعودين على هذا التظيم طول عمرك

وهذا من واقع تجربت زوجتي ,,,,,,,,,,,,,,,,,,,,, بالتوفيق

[ام الحلوين]

هلا اختي انا ام ومتزوجه وعندي الحلووووووووووووين بنت ولد وصغار ومثل حالتك بالضبط
بيت ومسؤليه وشغل وعيال مافي شغاله والحمدالله قدرت اسيطر علي وضعي
رتبت اموري قسمت وقتي متي مانامو عيالي رحت اذاكر ي كلمتين سوا الصبح اخر اليل او مرات حتي الظهر
مسكت ماده ماد وسويت لي جدول يومي
واذا ذاكرت لازم اركز علي الشي لي ذاكرته لاني ماراح ارجع له
واهم شي ذاكري بدري للاختبارات يعني قبلها بشهر لانو وقت الاختبارات ماتدرين وش الظروف يتعب واحد يسخ لا سمح الله تكونين مركزه وفاهمه المنهج بس اللهم تراجعين
هذا انا ياربي لك الحمد مشاء الله هالحين مستوي 3 بمتياز عديت المستوين
ان شااااء الله اذا كان عندك اصرار وعزيمه بتشوفين كل شي سهل باذن الله
اختك ام الحلوووين