[ اسئلة اختبارات ] : يانحن الدراسة فوق مستوانا يالجامعة لديها مخططات لرسوب الطلاب حسبنا الله عليك يامحمد الهلال

[almaq]

وش وضعك انت ، وكل امرك ان شاء الله الاختبار يعدي على خير .
لكن بعد كل اختبار تقعد تتحسب ع الدكتور و الله مشكله

[BAKERO07]

السلام عليكم .....الصراحة الاسئلة مره سهلة بس مو لطلاب منتسبين مايراجعون الا قبل الاختبارات بايام .....والاسئلة اكثرها الصراحة من الكوزات خاصة القطعة تبع المدن الكبيرة


ولكم جزيل الشكر

[h.otb]

ليش كل هذا ؟ هدّي شوي و يا اخ احمد سالفتك نفس السمستر اللي فات تسب و تتحسب اخر شي تجي تقول جبت درجات كامله !!! هدوء شوي مايستاهل كل هذا معقوله كل الدكاتره متعمدين يرسبوننا ليش يهود حنا ؟؟؟؟؟ عذرا لكن ماله داعي بعد كل اختبار تسوي كل هالضجه و تشغل خلق الله لكن الخلل منك لا من الجامعه و لا من الدكاتره و لا من المنهج ... وبس

[amhmmod]

ههههههههههههههههههههههههه احمد خوينا حق السمستر الي طاف الله يرجك بلحلقه الاخيره

تجي تقول نجحت ابشركم


ياشيخ وسع صدرك التوفيق من رب العباد

ولكل مجتهدنصيب


الحمد لله على كل حال

[نجاحي111]

الي يقولون سهل وش وضعكم ترا مفروض انقليزي للمبتدئين وأسالته كلها شي فوق المستوى

[ebtesamss]

الاختبار زين ومافيه صعوبة كم سؤال بس يمكن يكون صعب شوي والا الحمد لله الباقي سهل انا كنت مأجلة المادة لان كان عندي ضغط وقت المستوى الثاني وهالمستوى انضغطت ولكن الحمد لله ماتوصل للصعوبة

[MR-1]

عذراً من الجميع الاختبار مافي اسهل منه جددددداً سهل ولله الحمد
لكن حرام السب واللعن اذا انت ماذاكرت زين لاتحط على الدكتور كون قد المسئولية وتحمل اخطاءك وتقصيرك

كلنا سهرنا وتعبنا لكن اللي يجد ويجتهد بيلقى بقد ما جد واجتهد
بس ترفع عن السب واللعن وراجع نفسك

[Om Fahdany]

بالعكس الاختبار حتى كلمة سههل شوي عليه الله يجزاه خير

[هيفاء1]

الاختبار متوسط بس كان يقدر يخليه اسهل من كذا ولاكن الي يزعل بالموضوع ان القرمر كم سؤال تمنيته شمل القرمر نفس النماذح السابقه نموذجنا تكاد الاسئلة عنه تعد ����

[عبدالعزيز طلق]

الاسئله كانت شوي صعبه وليست على مستوى طلاب انتساب ..

ما اتوقع ان فيه مخططات لرسوب الطلاب .. لكن مفروض اننا نراجع اول باول من بداية الترم حتى يوم يجي الاختبار تسهل علينا المذاكره ..

امس اقتصاد واليوم انجليزي .. يعني الجدول مفروض افضل من كذا ويكون فيه مجال للمذاكرة المواد العمليه

كل المواد اللي عليها ٣ ساعات وراء بعض .. لكن الله يعين وبالتوفيق للجميع


Sent from my iPhone using ملتقى فيصل