ليش اسئلة الرياضيات 50 سؤال

[ابو مطر]

المشاركة الأصلية كتبت بواسطة MonTy

مساء النور

يعني الحين انت من جدك تبي تحل 70 سؤال في الرياضيات وكل سؤال يبله تفكير اقل شي دقيقه
ماتوصل اللى اخر سؤال اللى مخك انحرق وصدع

[ابو مطر]

المشاركة الأصلية كتبت بواسطة علي السلامه

شوف انا ابي اقولك ليش حسب حنكتي السياسيه وخبرتي الرياضيه

انو 50 +20= 70 طيب لو قسمنا 70 على 2 يطلع الناتج 35 يعني كم فيه طالب في القاعه

35 طالب او طالبه


طيب لو كل طالب حل مساله يكون في 35 مساله محلوله يعني نضمن 35 مساله

حلها يكون صحيح 0000

طيب لو قلنا 35 ضرب 2 يساويه 70

يعني لو كل طالب حل مسالتين يكون عندنا 70 مساله محلوله يعني ضمنا

الدرجه كامله يعي راح يكون عندنا 100 درجه 70 درجه الامتحان

و 30 درجه المشاركه طيب لو فرضنا ان الطالب او الطالبه جاب 60 في المتحان

60 من 50 بتقولي ماتجي اقولك تجي كيف

هي 50 سوال + 10 درجات مجانه بمناسبه مرور خمسين عام على تاسيس شركه

شاي لبتون شاي العلامه الصفرا ء



اتمنى ان اكون وفقت في توصيل المعلومه

يالله مخك مخك خرف بدري اثرت عليك المادة بشكل مايتصور انصحك ريح نفسك من متابعة الرياضيات
شرحك احلى شرح فهمت منك خلاص يعني بس 35 سؤ ال بيجي بالاختبار

[ابو مطر]

المشاركة الأصلية كتبت بواسطة زيدان9

ما اتوقع..........
عشان كذا ابي احفظ
واصمها صم

بس لو غير

اكيد اذا غير بتاكلها بلحيتك وبتردد ياليل ماطولك

[][درزن هبآل][]

المشاركة الأصلية كتبت بواسطة زيدان9

ما اتوقع..........
عشان كذا ابي احفظ
واصمها صم

بس لو غير

وليش تحفظ افهم ..

انا كآن عندي وقت بنزل شرحي للمحاضرات .. المسئله وحلهآ ..

بطريقتي الجميله حق الثآنوي .. ويارب نتوفق ..

[إسلامو]

حبيبي انا بالاقتصاد ما مداني احل ال70 كيف بيمديك بالرياضيات و المحاسبة
وبكرا بتشوف انه 50 سؤال مارح يمديك بعد وتقول بنفسك الله كنت ابي 70 سؤال الحمدلله انه 50 سؤال

[مبسوطه على طول]

ترى لو تركزون شوي الرياضيات مو صعب ..

ولو عطانا 70 سسؤال بيخلص الوقت ومارح يمديك تحل ..

وتسلم الورقه وانت ماخلصت ..

فـ 50 سؤال مررررررررره زين ولو حاب ينقص بعد يكون احسن ههههههههههههه ..

الله يعين هو بس شوي يبيله تركيز لان يلخبط بين مساله ومساله ..

والله يوفق الجميع ..

[abo khaled]

اذا قلت الاسئله يعتبر كل سؤال عليه اكثر من درجه
واذا كل سؤال عليه اكثر من درجه انت وحظك
بمعنى انك اذا حليت سؤال صح اخذت اكثر من درجه
واذا حليت غلط طارت عليك كم درجه

واعتقد حسب خبرتي القديمه ان الاسئله الصعبه عليها درجات زياده
والاسئله السهله عليها درجات اقل
بناءً على ماسبق اذا الدكتور وضع الاسئله السهله كثيره فابشروا بالنجاح
اما اذا الاسئله السهله قليله الله يخلف على الي مايفهم مثل سعادتيومافيه حل الا حل واحد قولوا وش الحل؟
اقولكم الحل ندنها هاشميه (نبكييييييي)

[فجر الدمام]

علي السلامة <<<<< والله ياانت دااافوووور والله يانك فلة

موفقين يااارب النجااااح يااارب النجااااح بكل الموااااااد لنا اجمعين

ياااجمااعة الخير اذن العصر وش رايكم كل ذيب و لبؤه بنا يقومون يبدؤن يذاكرون

[علي السلامه]

المشاركة الأصلية كتبت بواسطة فجر الدمام

علي السلامة <<<<< والله ياانت دااافوووور والله يانك فلة

موفقين يااارب النجااااح يااارب النجااااح بكل الموااااااد لنا اجمعين

ياااجمااعة الخير اذن العصر وش رايكم كل ذيب و لبؤه بنا يقومون يبدؤن يذاكرون

كل ذيب ولبوه .... الحين الذيب وش دخله بالبوه


البوه حرمة الاسد حتى هي مرفوقه معه في ( كرت العايله)

والذيبه حرمة الذيب بس لين الحين مارفقها يقول زحمه الاحوال


يعني لازم يضيفون عندنا ماده اسمها ( مبادى الحياه الفطريه وانمائها )


وراح تكوني انتي دكتورة الماده ... ومثل ماقلتي اذن العصر

بعد الصلاه ابي اذاكر

[لبى روحكـ]

70
50



روحو ذاكرو موب تقعدون تعدون كم سؤال
صحيح المادة حلوة وسهلة
بس يبيلها تركيز
لا تنسون نص ساعة تروح بالبيانات
وطبعا انا مااشرف الا 4 وعشر
يعني

ذاكرو