ايقاف برنامج التعليم الموازي + استثناء بعض التخصصات + المصدر

[حماااده]

انه لم يعد هناك حاجة الى مضاعفة اعداد الخريجين في تخصصات التعليم الموازي ،اضافة الى ان التوسع لن يحقق جودة في المخرجات .

اول شيء هو ما قال مثل ما يقول البعض هنا ، انه يحتج في ضعف المخرجات من التعليم الموازي


السبب الرئيسي عنده:هو عدم مضاعفة اعداد الخريجين في تخصصات التعليم الموازي

المقصد انه عدد الخرجين مثلا 342832، ولا فيه أساسا جوده في التعليم ؟ وانه سابقا كان الهدف من وضع الموازي هو زيادة عدد الخرجين في نفس المجال بدون الاهتمام بالجودة ،
ولكن الان هو براية انه يريد الاهتمام بالجودة سوا في الانتظام او الموازي او في الانتساب
هذا هو مقصــد كلامه

فلذلك استثناء الصحية والهندسة ، بسبب العدد في ( قله ) + ( عدم جودة ) يعني اثنين في واحد
وعلاج مشكلة العدد ( انك تستمر في اللي انت فيه ) ، اما علاج مشكلة الجودة ( انك تعالج المناهج والدكاتره) اللي هو تطوير التعليم مثل ما ذكر ،


الموازي : كان ينقذ اللي درسوا دبلومات حاسب ( كثير ) بحيث انه يأخذ بكالوريوس ،في التعليم الموزاي ، في بعض الجامعات ،وبعضنا يعرفه باسم " التجسير " وفي الاغلب اصاحب دبلومات الحاسب هم المتوجهين لهذا النظام ، لانك ما تقدر تدرس أساسا تاخذ، ( تخصص علمي ) انتساب
يعني اللي يلجأ للتجسير هو ( التخصصات العلمية )
والتخصصات العلمية : يهتمون بجودتها ، لان التطوير فيها سريع ويجب مواكبتها
اما التخصصات النظرية : التطوير فيها ابطئ بكثير من التخصصات العلمية


^ ليش جالس تتفلسف ، طيب
هذي مجرد مقدمة ، لمنطلقات راي الوزير + تعريف الواقع

الحين نبدا في الانتقاد:
اذا كانوا هم ( شبعوا من تخصصات التخصصات العلمية مثلا ، الحاسب الالي وان اعدادهم في ازدياد وبدون جودة )

اول شيء تسويه " إيقاف الاعتراف في المعاهد الخاصة " من تاريخ اخر مسجل فيها " !
وتقليل المعاهد التجارية ، علشان الطلاب يتوجهون ( لجودة اعلى ) اذا يهمك الجودة !!
هذا هو المفروض اللي ببدا فيها ، مو تقفل ( نظام زي المتوازي في جامعات تدرس تعليم عالي ، وتترك المعاهد الخاصة !!! اللي تخرجك دبلومات )
فمعانها هذا نوع من أنواع الكذب ، سوا قصد او لم يقصد ، لم يهتم بالجودة


ثاني شيء " اذا يبحث عن جودة للتخصصات بصدق " يجعل الجامعات " مستقلة " يعني تكون ربحية ، ومساهمات فيها .. ويخلي أي واحد يبي يفتح جامعة ، يفتح بس بشروط طبعا وبتدريج يعني من دبلوم حتى يصير عالي " زي الغرب " بالضبط
والطالب يندعم من الحكومة مو العكس / يعني على كل طالب يسجل عندك كورس معين ، مبلغ وقدره من الحكومة للجامعة ، ( زي الابتعاث يعني )

بكذا الشركات بتعرف الجامعات " اللي تخرج صح " وبيكون لها سمعة ، وبيكون طالب يسعى للجامعة اللي فيها " سمعة " علشان يتوظفـ
ويكون فيه " الطبقية " اللي يبيها هو أساسا ، بس تكون افضل من انه ياكل حقوق الناس ويسكر نظام معين " فجأه " او يخلي الشهادة الفلانية لا تسوى شيء !



وصراحة مهما صار ، التعليم سيظل فاشل في كل العالم مو بس بالسعودية ،
ويحتاج " لجراءة " في تغير طريقته بشكل جذري " وقد يكون النظام القديم اللي تدرس عند شخص ما ، وثم يعطيك توصيـة افضل من التعليم الحالي اللي كان في وقت ما افضل من التوصيات ، ،والسبب يعود في وجود الكم العالي من المعلومات في الانترنت ، اللي تقدر تاخذها بنفسك بعد ما تدرس من هالشخص الواحد بسهولة ، ولا تضيع وقتك في تعليم أشياء مجبر عليها بدون أي فائدة !

^ انا ما أقول يغيرون طريقـته كذا ، بس أقول ان التعليم القديم افضل من التقليدي الحالي


^ ثرثرة لاجل الثرثرة

[عبدالله خميس]

ماني متفاءل بهذا الوزير خير من يوم جاء

انا مع ان التوسع لا يلبي حاجة سوق العمل

طيب الحل انك تلغيه يا وزير يا دكتور يا متعلم

كثير من التخصصات مطلوبة في سوق العمل
ولا يوجد تخصص لها في الجامعات

عد على اصابعك يا وزير

التغيير- المشاريع -الاستراتيجية- سلاسل التوريد- نظم المعلومات الادارية - الجودة- التسويق وغيرها الكثير

اليس من الاجدى الغاء التخصصات القديمة والتي اكتفاء منها السوق
مثل المالية والاقتصاد والادارة العامة والموارد البشرية
واستبدالها بالتخصصات الجديدة
مثل ما قال اخونا ابان يجب التحرك لوقف هذا القرار الغبي

لأنه محطم لآمالنا وطموحنا

[A s s i r i]

ﻷسف تحول إلى مصدر دخل مادي للجامعات وكان ذلك على حساب الجودة فالجميع يتخرجون بتقدير ممتاز فأساء ذلك إلى سمعة هذا النوع من التعليم



هذا راي الدكتور عبدالله الفوزان

[حمود بن عثمان]

طيب والي يدرسون الان وباقيلهم سنه وش يسون؟
يخلونا نكمل ولا كيف؟

[Mark Twain]

المشاركة الأصلية كتبت بواسطة حمود بن عثمان

طيب والي يدرسون الان وباقيلهم سنه وش يسون؟
يخلونا نكمل ولا كيف؟

الإلغاء يخص القبول بمعنى آخر لن يستطيع أحد أن يبدأ الدراسة عن طريق التعليم الموازي ابتداء من العام الدراسي القادم

ومن بدأ في الدراسة العام الماضي أو قبله فالقرار لا يشمله وسيكمل برنامجه حتى انتهاءه .

[prensesa 22]

ياهو هل المقصود بالتعليم الموازي (( التعليم عن بعد )) ترى فية ناس موفاهمة المقصود بالتعليم الموازي

[الجــــ@ـارح]

المشاركة الأصلية كتبت بواسطة prensesa 22

ياهو هل المقصود بالتعليم الموازي (( التعليم عن بعد )) ترى فية ناس موفاهمة المقصود بالتعليم الموازي

الموازي الماستر الماجستير

يعني كان فيه تسجيل والدراسة فترة المساء الحين الغي ؟؟؟.

[سفير القلم]

التفاصيل ياحبيبي انك انت والدارسين معك في هذا الانتساب والراغبين في مواصلة الماستر والدكتوراة وحصولهم علي الوظايف دون اعطاء المجال للباقين من خريجي الثانوية ويقولون هذا يسبب ضغط علي موؤسسة التقاعد وقالوا مافية الا هذا الاقتراح انا نلغي هذا التعليم الموازي يعني لازم يطلعون لك بسالفة
كان الله في عوني وعونك وعون كل طالب وطالبة الذين لديهم الطموح وتحطم هذا الحلم
هذا حسب وجهة نظري مدري اذا فية متفق معي والا يخالفني الراي .

[متعاون]

يا جماعة لا تستعجلون كلها سبع او ثمان سنوات يجي وزير ثاني ويقول القرار هذا ماله داعي

كل القرارات ضد العلم والتعليم يجب ان ترضوا بالجهل والتخلف وترحبوا بهما

أنا غسلت يديني منهم لكن للأسف حتى على حسابك الخاص تعليمك مشروط بطريقة لاتطاق وغير مبررة حسبنا الله ونعم الوكيل حسبنا الله ونعم الوكيل

[B7H]

جعله يطير مثل ماطيروا وزراء غيره وعقبال العساف يارب وانآ صآيمه
قرآرآتهم مآتجي ف مصلحة الموآطن الا اذا فيه منفعه لهم
اقلعوآ الأجآنب اللي مآكلين نص حق الشعب سوآ في وظآيف او تعليم او غيره
حسبي الله ونعم الوكيل