خريجه؟؟وقدمتي عالاعاده في الكليه؟؟تعالي هنا...

[جُوريّة أهلها]

المشاركة الأصلية كتبت بواسطة ليمونة مانعصرت

جورية أهلين
من زمن ماسمعت لك حس
كيف أخبارك
يالله شدي الهمة وخلي قلبك قوي
وتوكلي على الله
ربي يوفقك
وعقبال القبول النهائي

هلا والله ليمووونه
اخباري ولله الحمد تمااام
وان شاء الله انتي بعد تمااام التمااام
و مثل ماقلتي بتوكل على الله والله يسهل يارب
وعقبال ما أبشرك يارب بالقبول
اسأل الله لكِ الحصول على أعلى الدرجات في الدنيا والآخرة
والتوفيق في حياتك العلميه والعمليه

[Rebekah]

جورية أهليا انتي من قسم الرياضيات ومكتب رئيسة قسم الرياضيات جنب مكتب رئيسة قسم الفيزياء
بطلب منك طلب قولي تم
ابيك تسألي رئيسة قسم الفيزياء دقو على أي بنت بعد المقابلة ولا لس رجاءاً نبي نرتاح حتى لو لم تكن الوظيفة من نصيبنا اللي كاتبه ربي احنا راضين فيه .
وشكراً وبالتوفيق لك شدي حيلك

[انــآ]

.


.


موفقه حبيبتي


وياليت تسالي لنا هل دقوا على احد من قسم الفيزياء او لا ؟؟؟

[جُوريّة أهلها]

ابشروااا بنات والله حاااسه فيكم
راح اسئلكم ان شاء الله بكره
بس لا تنسونا من دعواتكم الله يعطيكم العافيه

[انــآ]

.



.



اهم شي لا ترتبكي



وترا اهم شي عندهم الثقه بالنفس



واذا كان مستواك مبتدء بالكمبيوتر قولي مبتدء



لانهم يسالوك كيف مستواك بالكمبيوتر ؟


اذا قلتي رائع



بقولك طيب اشتغلتي على برنامج كذ وكذا وكذ



واذ اما عرفتي بقولوا لك كيف تقولوا رائع وانتي ما تعرفي تشتغلي على هذي البرامج



واذا كان مستوالك مبتدء بالانجليزي قولي مبتدء



لانهم مره سالوا بنت في مقابله محضره مختبر كيف مستوالك


بالانجليزي


قالت رائع المهم قلبوا المقابله كلها انجليزي


والبنت ما جاوبت قالوا لها كيف تقولي رائع وانتي ما جاوبتي



وموفقه ان شاء الله

[Rebekah]

بالتوفيق يا أختي الله ييسر أمورك أهم شي الثقة بالنفس ..وجهزي نفسك قبل المقابلة استفيدي من المواقع الي تتعلق بالمقابلة ممكن تشتري كتاب ايضا عن المقابلة وتحاولي تجهزي اجابات للأسألة اللي
تتوقعي انهم يسألونك ...فهمتي وجهزي المقابلة بالانجليزي اذا امكن بس لا تتفلسفي معاهم بالانجليزي
الا اذا طلبو مو انتي اللي تتطلبي أوكي بالتوفيق

[ليمونة مانعصرت]

جورية خبرينا صار معاك
إنشـــا الله تساهيل

[Rebekah]

يشري يا جورية أهلها أو بالأحرى جورية الرياضيات اش سويتي ..؟ان شاء الله خير
سألتيلنا عن الفيزياء ؟؟
احنا منتظرين بفارض الصبر بشري

[جُوريّة أهلها]

اسفه على التأخيييير بنات
ومشكوووورين على هالنصايح الحلوه
اول شي بالنسبه للفيزياء قالوا لي أنه إذا اقبلوا راح يبلغونكم
وانه راح ينزل بالنت
وحتى احنا بالرياضيات قالوا ماندري احنا نتصل عليكم
اما بخصوص المقابله الصراحه كنت هاديه بس من دخلت عندهم توترررت بزياده
وبعدين هم قعدونا على اعصابنا من 8 إلى 11 وربع تقريبا
سألونا عن الانجيلزي وقلت لهم ان مستواي اقل من عادي فيه
قالوا افتحي الكلكلوس واختاري اي شي واقريها وترجميه
خخخ طبعا ماعرفت اترجم
سألوني عن ايش عملت بالفتره اللي قعدت فيها بالبيت
وقلت لهم
بس عقدوني بموضوعين
الاول الابتعاث قلت ماعندي مشكله فيه قالوا مو بعدين تقولين فيه مشكله ومو بعدين اهلي مو موافقين طيب إذا كانوا اهلك موافقين بالبدايه فليش ماقدمتي على الابتعاث
والثاني اني من بنات الدمام يقولون احنا عندنا مشكله مع بنات الدمام غالبا لو وظفناهم يطلبون نقل أو يقولون نطلع بدري وخرابيط عشان هم بالدمام قلت ماعندي مشكله قالوا هذا بالبدايه بس وبعدين يتغير الكلام ....الخ
وببببببس
الله يسهل يارب ويكتب لنا وللجميع اللي فيه الخير ..

[Rebekah]

الله يسهل أمورك حبيبتي ..كان قلتيلهم إذا مو عاجبينكم بنات الدمام ليه منادينهم أصلاً
أصلاً ثلاثة ارباع البنات اللي في المقابلة من الدمام ..وذلك لأنهم عارفين ان مستوانا بالتدريس افضل منهم
.................ههههه ...شوفي بس الغرور

الله يوفق الجميع ..كلنا مثل بعض بس حبيت اغير جو يعني امزح