[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[فايزمحمد الروقي]

أنا تراتيل السهر
في حنجرة فقد وملام

وأنا جميع العاشقين اللي من الغبنه شكوا
أستحلفك ماهزتك رجفه كفوفي بالسلام

مارف قلبك للعيون الباكية وش له بكو؟؟

[فايزمحمد الروقي]

غيبتك خلت فراغ بها المكان
كن خلق الله تغيب بغيبتك

ماقويت ألقئ بهالدنيا الأمان
ثم عجزت ألقئ حبيب بطيبتك

[فايزمحمد الروقي]

أمشي بهالشارع وذابحني البرد
اللي معاي العام هالعام غايب

لاتلتفت لي روح يابايع الورد
الورد للي في حياته حبايب

[فايزمحمد الروقي]

أمس جاب الليل عابر
منكسر تعبان ضامي!!

كان أسمه مثل أسمك
عاشت أشباه الأسامي

[•• شجون ~]

؛






؛

السموحه ع الاقتباس *

[شاعر متوهق]

لي الشرف


خذني بعيد هناك عن كل مخلوق
ماللخـــلايق في هوانــــا فوايــد

انته وانا في حبنا يغلي الشوق
والوصل بين ايديك والشوق زايد

[•• شجون ~]

؛






يا دمع عيني خف جرحت عيني
والعين تبكي خوف تفقد بصرهآ



؛

[تك تك مخك معاي]

المشاعر خطاوي والمواصل دروب !
والمعاذير بلسم والمعاتب غلآ ,
تندثر في عتاب العاشقين الذنوب !
وينكسر في شفاه الشامتين البلا ,

[تك تك مخك معاي]

كمّل طريقك لا توصيّ على شي ..!
دامك طلبت البعد [ مَ ابغى وصاتك ]

و اذا مصير الحي بيلاقي الحي ..!
تكفى [ اعتبرني مت ] و عش حياتك ,

[تك تك مخك معاي]

قالو علام القلب متولعن فيه ..
...........دوّر لعل القلب يلقى بداله ..

قلت الغلا ماهو على كيف راعيه ..
...........لو الغلا بالكيف قلنا حلاله ..