دراسة الصيدلة أرجو المساعده

[tatyana]

السلام عليكم ورحمه الله وبركاته

انا السنه متخرجه من المرحله الثانوية ونسبتي الموزونه كويسة
حبيت اسأل ... كم النسبة الموزونه المطلوبة للقسم للبنات ؟؟

و هل صحيح ان دراسه القسم مرره صعبه؟ >> سمعت انها قريبه من دراسه الطب ><

وحبيت اسأل عن دراسه القسم يعني احد مجرب تكفوون قولوا كل شي بالتفصيل كل سنه وش المواد الي فيها صعبه التطبيق في السنوات ... و وشو فرص التوظيف أكرر (للبنات) ^^



والي عنده زياده يتفضل يعبر عن مشاعره ^^ّ




اسفه على الاطاله ...... ارجو الرد لاني بسجل اليوم او بكره كحد اقصى

[Pharma D]

آممممممممممم

وعليكم السلام ورحمة الله وبركاته ،،

أول شيء مبروك ع النجآح والتخرج والتفوق بما أن نسبتك حلوة ..

وبالنسبة للنسبة الموزونة أنا ما أعرفها بالضبط .. بس أقل من الطب .. بس مو عالية مرة .. كوني متطمنة وإن شاء الله أنك أعلى منها ..

ولاتلوميني ع النسيآن .. لأن السنة الجآية سنة رابعة لي بالكلية :)

الدرآسة .. يبي لها اشوية اجتهاد عن الثانوية .. بس بتحسين باختلاف الدراسة بالمدرسة وبالكلية .. وشوي اللغة بتفرق معك لأن الدراسة بالكلية انقلش .. :)

بس نقول صعبة للي مايجتهد وسهلة للحريص والمجتهد
:)

وصدقيني بتلقين تسآهيل من الكلية :)>>>مثله

وصدقيني كل سنة درستها أحلى من اللي قبل :) ..
وبصرآحة احمد ربي على توفيق لدخول المجال هذا بما غنه جديد وروعة

وبالنسبة للتوظيف .. لسى بدري ع الكلام فيه .. لأن السنة الجآية بتكون أول سنة للكلية تخرج فيها دفعة
ولكن الكل يبشر ((الإدارة .. والدكآترة ))

ونصيحة من اخو لك لا تتخذين قرار إلا وأنتي مقتنعة فيه علشان تكوني مرتاحة

وعسى ربي يكتب لك اللي فيه الخير لك يارب

وبالتوفيق إن شاء الله

وأي سؤال او استفسآر أنا حآضر

[Pharma D]

وحبيت أضيف لك هالمتطلبات :)

معايير وشروط القبول بكلية الصيدلة الإكلينيكية :

1.الحصول على شهادة الثانوية العامة - القسم العلمي أو ما يعادلها من داخل المملكة أو خارجها .
2.الحصول على نسبة عامة في الثانوية العامة لاتقل عن 90 % .
3.الحصول على نسبة خاصة في الكيمياء والفيزياء والإحياء والرياضيات بنسبة لا تقل عن 85% .
4.اجتياز اختبار القدرات العامة الذي يجريه المركز الوطني للقياس والتقويم .
5.اجتياز الاختبار التحصيلي للكليات الصحية .
6.اجتياز اللياقة المهنية professional fitness .
7.الأفضلية في القبول لخريجي نفس العام .
8.أن يستوفي أي شروط أخرى يحددها مجلس الجامعة وتعلن وقت التقديم .


تقدم الكلية مقرراتها على فصول دراسية متتابعة حسب ما ورد في الخطة الدراسية مع تطبيق كافة القواعد والإجراءات الأكاديمية والنظامية الأخرى الواردة في لائحة الدراسة والاختبارات للمرحلة الجامعية .

[tatyana]

مشكوووور اخوي Pharma D ويعطيك العافيه
بس حبيت اسأل >> ما صدقت احد رد عليها ^^

النسبة الخاصة في الكيمياء والفيزياء والإحياء والرياضيات بنسبة لا تقل عن 85% يعني كم>> ما احاتي الا الكيمياء حسبي الله على ابلتنا مع اني احب الماده ..... يعني كم اقصى درجه انقصها

والاختبار التحصيلي للكليات الطبيه > يعني امتحان بعد القبول في الكليه؟ صعب ولا ؟ وش تعتمد اسألته على اي ماده اكثر ؟


ومشكوور مقدما

[علي المطر]

النسبة الخاصة بالمواد العلمية كانت من قبل موجودة
بس الآن تغيرت شروط القبول

بإمكانكم الإطلاع على قائمة الكليات و شروطها و التخصصات من خلال هذا الرابط :
http://upload.traidnt.net/upfiles/hK810941.gif

[Pharma D]

العفووو أختي ولو ...

بالنسبة للتغييرات أظن تقآضوآ عن النسبة الخاصة يعني لاتشيلين هم الكيميآء .. وحتى لو للحين ما تقاضوا عنه..
لو نقصتي شي في الكيمياء .. المواد الأربعة يشيلون بعضهم.. يعني لاتشيلين هم

طريقة حسآبها على ما أظن مجموع الاربعاء المواد على عدد حصصهم بالأسبوع>>>هذا كان نظام دفعتنا مدري كان تغير أول لا
:)

ودآمك تحبين الكيمياء إن شاء الله بترتاحين بالكلية .. لأنها تعتبر أساس فيها

وبالنسبة للاختبار التحصيلي
اختبار نفس نظآم القدرات .. بس يركز على المواد العلمية حيل .. يعني رياضيات وكيمياء وفيزياء وأحياء وانقلش
تو منتهي قبل أسبوعين .. لاتقولي ماقدمتي عليه!!!
هو تحت إشراف المركز الوطني للقياس والتقويم
وكان مقام بالجامعة

وعسى ربي يسهل عليك ويوفقك يارب
وتكوني مستوفية كل الشروط وتدخلين الكلية
:)

وأي استفسآر أو شيء أنا حآضر

[tatyana]

مشكورين اخواني Pharma D .. و.. ازرق في امريكا

Pharma D اكيد امتحنته >< احنا البنات امتحانا التحصيلي مع القدرات بنفس الوقت >> خليتني اشك لايكون في امتحان ثاني


وسمعت انو في جامعة الملك سعود بن عبدالعزيز للعلوم الصحية عندنا بالأحساء في قسم صيدلة بنات >> المعلومه هذي صحيحه ولا ؟؟

ولوكانت صحيحه متى وقت التسجيل





يعطيكم العافيه على الافاده وان شاء الله كثرة الأسئلة افادت غيري ^^,,

[Pharma D]

العفووو أختي .. وسوري ع الرد المتأخر>>>كان المنتدى عليه صيآنة

بالنسبة لسؤالك .. مدري توني اسمع إن في جامعة غير جامعة الملك فيصل بالأحصاء

جآمعة الملك سعود بالرياض فيها كلية صيدلة .. ومو شرط اكلينيكية...بس بإمكانك بعد ثلاث سنوات تختارين تخصص ((صيدلة إكلينيكة))

وبالنيبة لاختبار التحصيلي .. طمنيني إن شاء الله النتيجة حلوة وتبشر :) ؟؟

وإذا عندك أي استفسآر أنا حاضر باللي أقدر عليه

وسامحينا على القصور


Pharma D