 |
|
||||||
| منتدى كلية الجبيل الصناعية منتدى كلية الجبيل الصناعية ; مساحة للتعاون و تبادل الخبرات بين طلاب كلية الجبيل الصناعية و نقل آخر الأخبار و المستجدات . |
 |
|
|
أدوات الموضوع |
|
#1
2010- 9- 21
|
|||
|
|||
|
لطلاب تفنية هندسة القوى الكهربائيه .. ودك تعرف من يدرسك ؟ حياك ^_^
السلام عليكم ورحمة الله وبركاته
كيفكم جميعا ان شاء الله مبسوطين ومستعدين للدراسه ما اطول عليكم , انا طالب خريج الترم هذا ان الله اراد وحبيت انقل انطباعي عن مدرسين القسم ( من رأي شخصي ) اللي درست عندهم يمكن يتفق معاي البعض ويعارضني البعض الاخر :) بسم الله نبدأ حش  عالرب رسول العمر : مدرس صاحب خبره كبيره بالقسم وبالاخص مادة electrical circuit 1 لا يوجد شي يعيب شرحه 10/10 ( الحق ينقال) انتبه معاه وخوذ ملاحظات وان شاء الله القريد بجيبك . لكن, ما يعيب العمر هو اسلوبه مع الطلاب بصراحه ما اعجبني اسلوبه حتى لما تجيه للمكتب يحاول يصرفك واذا قلتله انا كنت غايب وما حظرت الدرس يقول هذي مشكلتك , انا اتفق معاه ان هذي مشكلة الطالب انه ما حظر , لكن ما بتخسر شي لو شرحت له اهم نقاط الدرس عالسريع وهو يرجع يذاكرها مع نفسه ويتمعن فيها . البرغوثي : ممتاز جدا ويتعامل مع الطلاب كأنهم ابناءه يدرس مادة instrumentation and measurement 1 , شرحه ممتاز جدا لكن يعيب على البرغوثي ان صوته مو عالي , يعني بمحاظرته لازم تجلس قدام عشان تفهم مهوب تتكي بالزاويه . اذا كنت عنده عملي فهذا الشي لصالحك لانه مدرس متساهل مع الطلاب ويساعدهم انا جبت عنده بالعملي 50 من 50 يعني هالمدرس على قولتهم ( لؤطه ) . جلال خليفه : مدرس معتوه جدا وكل ترم يقطونه يدرس ماده , بصراحه من اسوء المدرسين اللي مرو علي بالقسم .. شرحه لك عليه ويجيبلك اسألة اختبارات صعبه . مهند الزرعه : يدرس مادة electrical circuit 2 وبصراحه عتبي على عميد القسم يوم يحط الزرعه ( مع احترامي الشخصي له ) على ماده مهمه زي سيركيت 2 . مدرس متناقض جدا وهالكلام ايدني عليه الادفايزر حقي اللي من نفس القسم واتحفظ على اسمه . شرحه جيد لكن ما يعيبه هو التناقض زي ما ذكرت يعني الماده كلها مسائل وتحتاج فهم والمدرس الجيد دايم يسهل الامور على الطالب بالمسائل , مهند ما كان يسهل شي يدخلك بدوامه اغلب الدروس كان لها اكثر من طريقه للحل وما تدري اي طريقه مناسبه لحل مسأله معينه . الكويزات عنده ما اقدر اقول صعبه او سهله هالشي يعتمد على المذاكره لكن بالعاده انها تكون متوسطه نوعا ما والاختبارات نفس الكلام وانصح بمذاكرة اسألة الـ tutorial والتركيز عليها لان اسألته بتكون نفس الافكار , هذا من ناحية النظري , اما العملي الشهاده لله افضل ان الزرعه يكون مدرس عملي لهالماده فقط , تفهم عنده واختباراته العمليه سهله جدا . ابراهيم صالح : اذا انت من عشاق برشلونه بتنجح هههههههههههههههه , درسني مادة electrical machine 1 .. المدرس ممتاز وشرحه بسيط بس يعيبه انه ما يكتب كثير على السبوره يعني اذا بغيت تذاكر الله لا يهينك ارجع للكتاب واقرا منه , كويزاته واختباراته تميل للصعوبه شوي بسبب ان الماده شامله والمعلومات فيها كثير , اما العملي اللي هو الاهم عشان تفهم الماده صح فهو مبدع جدا ويكون متابع الطلاب كثير ويعلمهم بأخطائهم ويشرحلهم الاشياء الغامضه عليهم . اختباراته العمليه سهله وهالمدرس بشكل عام بالنظري والعملي ( الاشياء اللي يركز عليها بالشرح اعرف انها بنسبه كبيره راح تجيك بالاختبار ) جليل : مدرس هندي درسني مادة electronics .... باختصار احضر عنده واكتب كل شي يكتبه على السبوره وباذن الله قريدك ما ينزل عن B وقريد زي كذا بماده 4 ساعات بترفع معدلك وتنفعك . شادي منسي : نفس حكاية جلال خليفه كل ترم تلقاه يدرس ماده , مدرس يصدع راسك بالكلام ويا ليت كلامه عن شي يتعلق بالماده لا دايم تلقاه شاطح يسولف عن الثقافه مره وعن التاريخ مره وعن العرب وحالهم مره , واشوف انه كسول شوي بالعملي يعني يقولك وش تسوي باختصار ثم ادخل واشتغل لحالك ويروح هو يتكي على اللابتوب واذا بغيت شي روح واسأله ويجاوبك عالسريع . محمد الظافر : مدرس صاحب خبره كبيره درست عنده مادة electrical wiring , من افضل المدرسين اللي مروا علي بالشرح ومحاظرته ممتعه , الحظور عنده شي مهم يعني توقع انه يزيدك درجات اذا ما شاف عندك غياب , اسألته سهله لكن هذا ما يعني انك تتهاون عط الماده حقها عند الظافر وقريدك بيكون مثل ما تتمنى . محمد مساعده : يدرس مادة power electronics مدرس تعجبني اخلاقه بالرغم ان قريدي بمادته ما كان كويس لكن الحق ينقال شرحه ممتاز ويكتب على السبوره اللي انت تحتاجه لكن الكلام على اسألته , اغلبية الطلاب يشتكون من صعوبتها واللي انا شفته بأسالته انها لا تخلو من التريكات ( اللفات زي ما يقولون ) وعموما هو ما يسأل عن شي غامض يخدعك بشي انت درسته , يعني لو تقرا الاسأله بتمعن وهدوء بتعرف كيف تلقط الاجابه . اذا ما غبت عنده ولا محاضرة بيعطيك درجتين بونس وهالشي يحسبله ^_* شعبان الفاراوي : مدرس متخصص بمادة electrical machine 2 مدرس صارم وشديد جدا ولا يقبل بالاعذار نهائيا , شرحه جيد ولو اني اشوف انه ما يشرح ما غير يقرا من الكتاب واسألته كيف بتكون اذا هو بس يقرا الكتاب ؟ اقرا الكتاب وركز على التمارين اللي فيه خصوصا اللي يشرحها وامورك بتكون من احسن ما يكون ,, اما العملي فهو مدرس يكرفك كرف وكل لاب لازم تسلم ريبورت واسالته بالعملي فيها صعوبه شوي خصوصا الفاينل . سلامون دالنراج : مدرس هندي درست عنده مادة control and protection نفس جليل احظر واكتب معاه والاسأله ما تطلع عن اللي يكتبه يعني مدرس ما ينفوت . شريف الشكشاكي : درست عنده عملي بمادة بروتيكشن اند كنترول , وكنت اتمنى لو انه كان مدرس لجميع مواد القسم , مدرس تتعب وانت تمدح فيه , اخلاقه عاليه ومتساعد جدا مع الطلاب ,, يعرف كيف يفكر الطالب ويعامله بنفس تفكيره ويسهل وصول المعلومه له واذا ما وصلت يوصلها غصب ويخليها ترسخ بذهنك , واختباراته عادتن تكون من شرحه اللي يكرره بكل محاضرة اللي يركز معاه ما بيواجه صعوبه .. القريد عنده مضمون بأي ماده ممكن يدرسك اياها . هذولا هم المدرسين اللي درسوني وقلت رايي فيهم بكل صراحه ... اما باقي المدرسين عندي استعداد اني اتكلم عنهم للي حاب . اتمنى اني اكون افدتكم واي شي ثاني انا حاظر محظوظ ^_* 
|
|
2010- 9- 21
|
#2 |
|
أكـاديـمـي نــشـط
|
رد: لطلاب تفنية هندسة القوى الكهربائيه .. ودك تعرف من يدرسك ؟ حياك ^_^
شي رائع
عرفتنا على البعض والبعض ربما نستفيد منهم في السمسترات القادمه بالتوفيق |
|
|
|
2010- 9- 22
|
#3 |
|
مشرف منتدى كلية الجبيل الصناعية سابقاً
|
رد: لطلاب تفنية هندسة القوى الكهربائيه .. ودك تعرف من يدرسك ؟ حياك ^_^
موفق بإذن الله ... لك مني أجمل تحية .
|
|
|
|
2010- 9- 22
|
#4 |
|
أكـاديـمـي
|
رد: لطلاب تفنية هندسة القوى الكهربائيه .. ودك تعرف من يدرسك ؟ حياك ^_^
في البداية مشكور على الموضوع...
حبيت اسألك عن مدرس اسمه طارق؟ومدرس اسمه azad....? شرايك فيهم..؟وشرايك بمدرس كمال للكوكلس1...؟وهل برايك العمر ممتاز للبراكتيل والثيوريتيكل. لاني حاطنه لهم اثنينهم,.؟ وهل تقصد بـــجليل * S.M.A.JALEEL ..؟
اتمنى تفيدني.... |
|
التعديل الأخير تم بواسطة ahmad3.3 ; 2010- 9- 22 الساعة 04:53 AM |
|
|
|
|
2010- 9- 22
|
#5 | |
|
أكـاديـمـي نــشـط
|
رد: لطلاب تفنية هندسة القوى الكهربائيه .. ودك تعرف من يدرسك ؟ حياك ^_^
اقتباس:
أول شيء طارق ( Tarik ) .. هذا مدرس طيب طيب طيب جداً لكن فيه عيب خرب طيبته كلها الله يهديه .. أنه يحول المادة للطلاب وكأنهم بيطلعون من الفصل بيصنعون صاروخ على طول .. يعني تلقى المادة عادية لكن هو يصعبها .. وهي بيني وبينك لمصلحة الطالب اللي يحب التخصص ويحب يفهم فيه ولكن تحس أنك تدرس هندسة .. أما Azad .. والله الإسم مار علي لكن حاولت اتذكر ما قدرت .. الظاهر أنه حق فيزياء .. آووووووه صح .. هذا مدرس عراقي حق فيزياء .. والله ما درسني الصراحة لكن الناس يقولون أنه مدرس نووووووم .. وهذا كلام الناس .. الكالكولاس .. كمال ما أنصحك فيه .. لا درجات ولا أسئلة متوسطة .. يقلبلك الكالكولاس معادلة نووية ..!! إذا كان المدرس الطحاينة موجود .. حاول تروح له بأي طريقة .. أما بالنسبة للعمر .. فالثيوري أنصحك فيه وبقـوة .. لكن العملي عندك هاشم الشعلة أو زهير الناصر .. وأضمن لك تطلع من المادة بـ +B إذا عطيتها حقها .. أما المدرس سيد جليل .. فهو ما تقصده نعم.. أتمنى إني أفدتك .. |
|
|
|
|
2010- 9- 22
|
#6 |
|
أكـاديـمـي
|
رد: لطلاب تفنية هندسة القوى الكهربائيه .. ودك تعرف من يدرسك ؟ حياك ^_^
يسلمووو...انا غيرت في الكوكلس من كمال الى خااان...شرايك بــ خان..؟
|
|
|
|
2010- 9- 22
|
#7 | |
|
أكـاديـمـي نــشـط
|
رد: لطلاب تفنية هندسة القوى الكهربائيه .. ودك تعرف من يدرسك ؟ حياك ^_^
اقتباس:
إن كان اللي حطيته خان اللي هو ( هتلر الهند ) فهذا أعوذ بالله .. يا ويلك إن سألته عن شيء من الجبرا ..!! لكن فيه واحد ثاني عادي .. أنا والله درسني الطحاينة .. ولا أحكم على غيره .. على فكرة ترا فيه واحد يقاله قمر خان .. هذا يمدحونه في الكالكولاس .. لكن درسني في الجبرا وما أعجبني أبد .. عاد أنت وحظك واستفساراتك .. |
|
|
|
|
| مواقع النشر (المفضلة) |
| الكلمات الدلالية (Tags) |
| لطلاب, القوى, الكهربائيه, تعرف, تفنية, حياك, يدرسك, هندسة, ودك |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
