قواعد ضروريه في ماده الأقتصاد الجزئي ...اسهل الطرق للنجاح باذنـ الله

[نايف سلمان]

السلام عليكم ورحمة الله وبركاته

اخواني هنا بهذا المنتدى الرائع ياليت تشرحوا لي ماذا تعنى هذه العبارات.

(سعر التوازن)
(علاقة طردية)
(علاقة عكسية)
(منحنى الطلب يتجة لليمين)
(منحنى الطلب يتجة لليسار)
(الناتج الحدي)

لو افهم معناها كان فهمت المادة.

واكون لكم من الشاكرين
والله يعطيكم الصحة والعافية
وبالتوفيق للجميع ان شاء الله

[سمو الأنوثه]

[align=center]
مرحبا كنت بسالكم بما ان المحاضرات 14 نزلوا بتكملون
كتابة القوانين او لا
[/align]

[مستشار]

ان شاء الله راح نكمل

<<< جاري مشاهدهـ المحاضرات

[لــوســي]

(سعر التوازن)

من فهمي .. هو
السعر الي يكون فيه الكميه المطلوبه = الكمية المعروضه
يعني أذا كان سعر اللاب توب لشركة من الشركات 3000 ريال ..
وكانت الكميه الي يعرضونها من اللاب توبات = الكميه اللي يطلبونها أو يشترونها المستهلكين ..
يعني كلما عرضوا كميه .. يتم شراءها كامله ..

فيعني أن 3000 هو سعر التواازن للابتوبات..

ولو يزيد سعر اللاب توب مثلا الى 3800 .. راح يكون المعروض أكثر من المطلوب
وراح يقل الطلب على اللابتوبات ..
وراح يعرضون البضاعه ..وماراح يشترى منها الا نصف الكميه المعروضه



(علاقة طردية)

مثلا لما نقول لك العلاقه بين (أ) و (ب) علاقة طرديه
يعني كلما زاااد (أ) زاااد (ب)
أ يمشي وب يطرد وراه .. >> فهمتها بهالطريقه


مثلا :

العلاقه بين (السرعه) و(الحوادث) علاقه طرديه ..
كلما زادت السرعه.. زادت الحوادث
وأذا قلت السرعه .. قلت الحوادث
علاقة طرديه .. أو يسمونها موجبه (+)
>>أعرف مثال غبي بس مالقيت أوضح منو


(علاقة عكسية)

مثلا العلاقه بين (أ) و(ب)عكسيه
يعني كلما زاد (أ) قل ( ب )
يعاكسو يعني .. وهي علاقه سالبه

مثلا :
مثال من الكتاب ..العلاقة بين السعر والطلب علاقه عكسيه
مثلا رحت تشتري علبة مويه .. ولقيت وحده بريال ووحده بريالين ..
ماراح تشتري الي بريالين .. رح تشتري الي بريال
فالعلاقه بين ( سعر المويه ) و ( الطلب عليها ) علاقة عكسيه ..
كلما زاد سعرها .. قل الطلب عليها ..
مثلا كانت بريال وينباع منها 100 في اليوم .. يوم صارت بريالين ..ماراح ينباع الا 30
وأذا صارت بـ 3 ريال .. بيقل الطلب وماراح ينباع الا 10 وهكذا

السعر يزيد والطلب يقل ..

(منحنى الطلب يتجة لليمين)
(منحنى الطلب يتجة لليسار)

منحنى الطلب هذا تلاقيه بالكتاب ..هو رسم توضيحي بياني

للعلاقه بين أرتفاع السعر وأنخفاضه .. وتأثيره على الكميه المطلوبه او الطلب

وهوعبارة عن مقياس لكمية الطلب لأي سلعه


يتجه لليمين أذا زاد الطلب ولليسار أذا قل الطلب

وفي زيه منحنى العرض وأعتقد هو بعد يتجه لليمين أذا زاد العرض ولليسار أذا قل

(الناتج الحدي)

هذا يبي له شرح مفصل ..

لكن بشكل عام هو التغير في الناتج الكلي.. المترتب على التغير في كمية عنصر ( كعتصر العمل مثلا)
بوحده واحده

مثلا مصنع لأنتاج الملابس
الناتج الحدي له
يعني كم قطعة ملابس زادت وكان سببها .. زيادة عامل واحد

كان المصنع ينتج 100 قطعه .. وزدنا عامل واحد ..
وزاد أنتاج المصنع لـ 105 قطع ..

فالناتج الحدي هنا هو 5


أتمنى شرحي واضح .. >> من جنبها

وأذا في غلط نبهوني ..

[مستشار]

^^^^^^^^^^^^^^^


ماقصرتي الله يعطيكـ الف عافيه

[صاحب المعالي]

يعطيكم العافيه

[((شهد))]

عندي سؤال في المحاضره 7

الطلب المرن يتحمل الضريبه في الحاله هذي هو البائع
سؤالي : يتحملها كامله بارتفاع السعر بمقدار الضريبه
او بانخفاض السعر بمقدار الضريبة ؟؟

[سعيد العيسى]

بلييييز
ما عرفت شي عن المنفعة الحدية احد يعطني شرح زي شرح لوسي يعني امثلة واضحة

[محمد الحسني]

ميه ميه يالربــــــــــــع ..


المنفعه الحـــــــــــــديهـ .. واحد أو وحده تتبرع و تشرح لي مشكور \هـ .. !!

[اسماء العنزي]

المنفعه الحديه ,,

هي ببساطه الفايده الي نحصل عليها من اخر وحده اضافيه نستهلكا


كيف يعني ؟؟

نفرض مثلا انك اكلت وجبه غداء مكون من رز

فكل ملعقه تاكلها من الرز راح تزيد عندك عدد السعرات الحراريه بقدر محدد " المنفعه الحديه "

الى حد ما تقرب للشبع تقلل فيه من الاكل الين ما تتوقف فيبدا يقل استهلاكك لهالسعرات الين يوصل الصفر

بالمقابله وش يصير للمنفعه الكليه الي هي " عدد السعرات الكلي الي حصلت عليه "

تزيد كل ما تزيد من كميه اكلك لكن بشكل متناقص

" يعني تبدا تزيد منفعتك من هذي السعرات لكن بشكل

متناقص الي هو لما توصل للتدرج الي تقلل فيه من كميه اكلك ..


اتمنى يكون المثال واضح و لو كان فيه اخطاء اتمنى احد يفيدني بالتصحيح