مو فاهمه على نظام المحاضرات والواجبات

[كـل الـ غ ـلآ]

السلام عليكم ورحمة الله وبركاته

انا جيت وكتبت موضوعي لاني متاكده بالقى المساعده منكم

تكفوون اللي مر بهالمرحله يفيدناا

اوول شيء الحيين المحاضرات المباشره كيف اعرف انا وقتها ومتى تكون لان في درجات على الحضوور ؟؟؟ مافي جدول او شيء ؟؟

طيب وبالنسبه للواجبات ووربي ماعرفت احلهاا :(:(:(:(

مافي هنا حلول او مساعدات ؟


الاختبار الحين من وين نذاكره من الكتب اللي اشتريناها ولا نتابع المحاضرات ولا كيف ؟؟؟




اتمنى تساعدوني وربي يووفق ويرزق اللي يبرد قلبي

[haaadee]

اوول شيء الحيين المحاضرات المباشره كيف اعرف انا وقتها

ج...راح تلاقينها هنا ان شالله او في الخدمات الطلابيه


طيب وبالنسبه للواجبات ووربي ماعرفت احلهاا :(:(:(:(

ج.....برضوا تلاقين الحل هنا


انت تابعي المنتدى ولا يهمك شي

[Ŗφđч]

هلا بج حبيبتي

الواجبات هذي قديمه تبعنا يوم كنا مستوى اول لا تستعجلون وتحلونها لين نشوف وش سالفتهااا
وبرضو المحاضرات المبااشرة لا تشيلين همها ,,
بينزلون لكم جدول لمواعيدها ,, بس الحين من الزحمة واللخبطة وان شالله بعد كم يوووم كل شي يضبط



وبالنسبة للاختبار ,, عَ حسب المدرس واللي يقول لكم
من الملخص ولا المحتوى والا الكتااب
ولا منهم الـ 3 كلهااا

وضرووري تحضرين المحاضرات عشان تفهمين وتستوعبين المنهج بشكل اوضح واسهل لج

انتي الحين اسمعي المحاضرات وامسكي الكتاب او المحتوى وخططي معه واكتبي الاشياء المهمة اللي يقوولها

وبالتوفييق لك

[Ŗφđч]

ومثل ماقاال اخوي هاادي

كل شي بتلاقينه هوون عَ المنتدى

[جاك سبارو]

أبشري بجاوبك بالتفصيـل الممل

بالنسبـة للمحاضرات المباشـرة راح يتم الإعلان عنهـا فور نزولهـا ..يعني لما تنزل المحاضرات المباشرة راح تشوفين المنتدى قايم وقاعد يعني ماعندك مشكلة من هالناحية وهي بالعادة تتأخر يعني مابتنزل في الوقت الحـالي أبداً أبداً وهي تقريباً محاضرتين مباشرة أخذناها الترم اللي راح يعني بيوزعونها في الترم .

بالنسبة للواجبات والشغلات هذي ..الحين البلاك بوورد توهم للحين ينزلون المحاضرات ويحوسون والواجبات اللي تشوفينها هي كانت لنـا بس اللهم نقلوا أسمائنـا للمستوى الثاني وإنتوا نقلوا أسمائكم على المحاضرات حقتنـا والواجبـات ..

يعني الواجبات لا تحلينهـا الحين لأن بعد مايعدلون الامور خلال اليومين هذي تقريباً بيحذفون الواجبات وبينزلونهـا في أوقات متفاوتة في الترم ( زي ماصار معنـا الترم اللي راح )

أو راح يخلونهـا ويطالبونكم بحلهـا بس مو في الوقت الراهـن ..لأن بعض الواجبات تكون من محاضرات متقدمه يعني شلون تبين تحلينهـا وإنتـي للحين ماوصلتي للمحاضرات اللي فيهـا حل الواجبــات ..؟

الحين بالنسبـة للمذاكرة أولاً انا معدلي حلو ولله الحمد عشان كذاا خذي كلامـي بعين الإعتبار ..
القـانون لا غنى عن متابعة المحاضرات المسجلـة والكتـاب حق القانـوون وإن شاء الله بيكون وضعك تمـام ..

بالنسبة للرياضيـات المحتوى حق المادة اللي موجود في البلاك بوورد وأيضاً راح تلقينه في موضوع الاخت وردة الجـووري مرتبة المحتـوى ومنظمته على آخر روقـان ..
طبعاً الرياضيات من المحتـوى وبنفس الوقت راح تواجهك مسائل ماتفهمينهـا او شي وقتهـا إرجعـي للمحاضرة المسجلة وتابعـي مع الدكتـوور ..وفي نهاية كل محاضرة الدكتور يعطي تمارين ..هالتمارين مهمة وحاولي تحلينهـا وتعتمدين على نفسك وأبشري بالخيــر أيضاً لا تنسين الآلة الحاسبـة من نوع كاسيو موديـل fx-991es
لأن أغلب المسائل إذا ماكانت كلهـا تقدرين تحلينهـا عن طريق الآلة الحاسبـة هذي ومسموح تدخلين الإختبار والآلة هذي معك ...

الإقتصاد الكـلي إن شاء الله بيكون وضعه طيب معكم إنتي تابعي الدكتـور والمحتـوى والكتـاب أو مايستجد مع الدكتور هالترم الله وأعلم بس إن شاء الله يتغير وضعه ويتساهل معكم والمـادة دسمة شوي ومحتاجة تركيز ومو صعبة على اللي يبي التقدير العالي مثلك وشرواك ..

المحاسبـة مادة سهلة وممتعة وفيهـا ذكاء تابعـي محاضرات الدكتور عشان تفهميـن وفيه ملخص لأبو موزة والكتاب مايحتـاج لأنك راح تلقين أسئلة الكتـاب في ملخص الأخ أبو موزة ..

وأخيراً مادة مبادئ الإدارة ..مادة حلوة وخفيفـة والمحتـوى يغني عن الكتـاب وبنفس الوقت فيه ملخص الأخ أبو موزة على ماأظن بعد مفيد

طبعاً إتفقنـا إن الكتاب مهم مع القانون والإقتصاد الجزئي أما الرياضيات والإدارة والمحاسبة فالمحتوى والملخصات الموجودة في المنتدى تكفي وفي حالة إستصعب عليك شيء راجعـي المحاضربات المسجلة مع الدكتـور وبيتضح لك كل شي

ولا تنسين متابعة المحاضرات المسجلة للمحاسبـة عشان تتضح لك المادة أكثر ..

وش باقي الظاهـر قضيت إن شاء الله إني اشفيت غليلك من الإجابات <غليلك.؟؟؟

مشيهـا بالتوفيق للمستوى الاول و

[أسيـر الـروح]

يعطيكم العافيه على الشرررح الحلوو,, وتسلم أناملكم ,, وعسى ربي يووفقنا وياكم

بنسبه لى انا شفت بس محاضرات نزلتها على طوول,, يعني على شان أكون اول باول,, وايضاَ على شان لا سمح الله قاالو هي نفس المحاضرات وصار فيه لبس في الموضووع اكون انا منزلها , وكون ماشي معااهم خطوه بخطوه ,,,

[~..هذآ آنآ..~]

::

مشششششكورهـ يآصآحبة آلموضوع


وآلف شكر لك يـآجآك سبآرو > آفدتنآ آلله يجزآآآآآآآآآك خير

[كـل الـ غ ـلآ]

هادي ::

يعطيك العافيه انا بضل متابعه معاكم ^^


روودي :

اشكرك على مروورك خيتوو لا عدمتكـ


جاك سباور

ياااعسى يدينك ماتمسها نار وربي يحقق اللي في بالك

فعلا كفييت ووفييت

واستفدت كثير من ردك

باقي عندي اطراء بسيط على كلامك انت قلت المحاضرات المباشره راح يعلنون عنها و و و ...الخ


بس انا دخلت ع البلاك بورد لقيت محاضرتين مباشره
وجيت اسمعها والطالبات يستفسرون من الاستاذ اموت واعرف متى صار كل هذا وانا متابعه اول باول ... مدري اتوقع انه تبع السمستر اللي فات ولا ايش ؟؟؟؟

وربي يرزقك كل خير اشكرك من اعماااااااااااااق قلبي


اسير الروح

ياهلا نوورت متصفحي

هذا انا

العفووو خيوو

اتمنى انك استفدت مثلي

[باسل 2020]

لاتشيلين هم بأذن الله كل إلي تبغينة راح تلاقينة بالمنتدى الجميع راح يتعاون معك

[ومض]

جاك سباور

اجابه شافيه ووافيه

موفق