المشاركة الأصلية كتبت بواسطة faib1234 الموضوع جداً مفيد صراحه وضح لي اشياء كنت ابي اعرفها اتمنى ان يكون في تكمله للموضوع لانه مهم جداً يعطكم العافيه على المجهود

الله يعافيك يا أختي


و إن شاء الله راح تكون فيه تكملة عشان الكل يستفيد و بس أخلص الموضوع

إذا فيه أحد عنده أسئلة يقدر يسألني عشان أقدر أفيده


و الله يوفق الجميع

ثالثًا : مادة IT ( الحاسب ) :


مادة مرة جميلة و بسيطة للشخص اللي يحب الاجهزة و الالكترونيات .


1- عدد المحاضرات فيها: 9 محاضرات مقسمة على المواضيع التالية :


1- الانترنت : محاضرة واحدة .


2- الوورد : 3 محاضرات .


3- الاكسل : 3 محاضرات .


4- البوربيونت : محاضرتين .


2- عدد كويزات المادة : 3 كويزات . كل كويز عليه 7 درجات مقسمة على 25 سؤال .


كل كويز تختبرونه بعد ما تخلصون الموضوع .


مثال : خلصتوا محاضرات الوورد في 3 أسابيع . راح يكون الكويز في الاسبوع الرابع .


صيغة أسئلة الكويز :


1- 15 سؤال منوع اختياري.


2- 5 أسئلة مصطلحات .


3- 5 أسئلة صح و خطأ .


ملاحظة : الكويزات تختبرونها على الأجهزة و حتى الدراسة على الأجهزة و تختبر الكويزات في الساعة


المكتبية و مدة الكويز 30 دقيقة . ( راح تعرفون بعدين ايش الساعة المكتبية مع الشرح )


3- عدد المحاضرات في الاسبوع : محاضرة واحدة مدتها ساعتين .


4- مكان المحاضرة ( بالنسبة للبنات ) : مبنى 58 .


5- الساعة المكتبية : هي ساعة أنتوا تحددونها مع استاذكم أو استاذتكم في يوم غير يوم المحاضرة


و هذي الساعة عشان استاذكم أو استاذتكم يشيكون على مشاريعكم في الحاسب .


6- بالنسبة للمشاريع : هو مشروع واحد عبارة عن 5 مواضيع راح تبحث عنها في النت و تنسخ المعلومات من


المواقع و تلصقها و تحطها في وورد المشروع و تحط عليها صور و حركات و لازم كل موضوع لا يقل عن 3


صفحات . طبعًا فيه مواضيع لازم تسوون مع الكلام أشياء ثانية مثل : بوربوينت ، راح يجيكم موضوع عن تحويل


الفيديو إلى صوت فلازم تحط الفيديو و مقطع الصوت معه و موضوع ثاني عن الفوتوشوب فلازم تحط الصورة قبل


و بعد .


طبعًا المشروع يستمر لمدة 5 أسابيع فقط و بعدها راح يكون التسليم النهائي .


التسليم النهائي عبارة عن طباعة الوورد و تحويله إلى ملزمة و وضع الوورد و الملفات المرافقة له في CD


في التسليم النهائي راح استاذكم أو استاذتكم يسألونكم 3 أو 4 أسئلة في المواضيع اللي اشتغلتوا عليها .


7- الواجبات :


طبعًا على كل محاضرة واجب و لازم تسلمه في اليوم اللي يقول عليه استاذكم أو استاذتكم


و إن شاء الله ما يكون حظكم منسدح مثل حظي لأن أنا كانت محاضرتي يوم الاربعاء و التسليم النهائي


للواجب قبل الساعة 10 صباحًا يوم الخميس و ماكان فيه مجال لأن اساسًا نكون هالوقت باختبار الانجليزي


فنسلمه يوم الاربعاء في الليل أو يوم الخميس الساعة 3 أو 4 الصباح وكان يصير زحمة لأن المفروض نسلم


الـ writing بعد و نذاكر لاختبار الوحدة فكان الوضع مزري يوم الاربعاء يعني اذا خلص يوم الاربعاء تحس روحك


محقق إنجاز .


8- المحاضرات الاضافية :


فيه بعض المرات يأخذونكم أساتذتكم محاضرة إضافية يوم الخميس بعد الاختبار على طول أو بعده بساعة


و تكون المحاضرة الاضافية مدتها ساعتين .


9- الميدترم ( الاختبار النصفي ) :


راح يكون في الاربع المحاضرات الاولى و راح يبيون لكم جزئيات النظري و جزئيات العملي


درجة الاختبار : 20 درجة


10 - الفاينل ( الاختبار النهائي ):


راح يبينون لكم جزئيات النظري و العملي في المحاضرات كلها .


درجة الاختبار : 40




درجة النجاح في المادة : 60


ملاحظات عامة على المادة :


1- راح يعطونكم الكتاب بدون مقابل مادي يعني مجانًا .


2- أساتذتكم راح يرسلون المحاضرات عبر إيميلاتكم لأن في أول محاضرة راح يأخذون إيميل كل طالب/ة.


3- في المذاكرة بيقولون لكم ذاكروا المحاضرات المرسولة مع الكتاب و أسئلة نهاية الوحدة .


( صراحة كنت أسحب على الكتاب لأن بنظري مو مهم ، أهم شي أنك تذاكر المحاضرات زين و تفهمهم عدل )


4- قبل الاختبار النصفي راح يكون فيه تدريب خاص بالاختبار النصفي . نفس الحالة بالنسبة للنهائي .


و بكذا خلصنا من الحاسب


يتبع

ننتقل إلى الـ Math ( الرياضيات ) :


هذي المادة راح تدرسها في ربعين . طبعًا هذي المادة تعتمد على الشرح فإذا كان أستاذك أو أستاذتك


يشرحون راح تجيب درجات طيبة أما إذا كان مثل حظي الجميل اللي ما في مثله راح يجونك أساتذة ما يعرفون


يشرحون و راح تتعلم من هذي المادة الصبر لو حظك مثل حظي لأن عمري بحياتي ما شفت أسوء من الثنتين


اللي جاوا يدرسوني لا يعلى عليهم بالسوء ما يفهمون شي بالرياضيات و يسوون روحهم فاهمين كل شي


للأمانة كانت الأولى أرحم من الثانية لأن الثانية ممكن تتوفى دماغيًا عندها .


ننتقل إلى المعلومات التي تخص المادة :


1- الكتاب : ليس مجانًا أما تستأجر كتاب مستعمل أو تشتري كتاب جديد .


( بالنسبة للبنات فيه المسؤولة عن بيع الكتب و تأجيرها في الدور الرابع من عمادة السنة التحضيرية )


طبعًا الكتاب مهم و لازم يكون معك كتاب رياضيات لأن فيه أمثلة و أشياء ممكن تفهمك لو أستاذك ما يشرح .


2- عدد الكويزات : 4 كويزات قابلين للنقصان على حسب اساتذتكم ايش يبغون .


الكويزات تكون ورقية و من وضع الاستاذ نفسه و ليس من عمادة السنة التحضيرية مثل الانجليزي .


3- الاختبار النصفي : عليه 30 درجة و يكون على أجهزة الحاسب و بس تخلص الاختبار تطلع لك النتيجة


على طول . الاختبار اختياري .


4- الاختبار النهائي : عليه 40 درجة و يكون على أجهزة الحاسب و بس تخلص الاختبار تطلع لك النتيجة


على طول . الاختبار اختياري .


5- الواجبات : راح تصادفكم كمية واجبات رهيبة في هذي المادة يعني كانت الواجبات كثيرة بشكل مو طبيعي .


طبعًا استاذكم أو استاذتكم راح يخبرونكم عن اليوم اللي تسلمون فيه الواجبات .


6- عدد المحاضرات أسبوعيًا : محاضرتين مقسمة على يومين .


اليوم الاول :محاضرة مدتها ساعتين وفيها بريك 10 دقايق .


اليوم الثاني : محاضرة مدتها 50 دقيقة .


و طبعًا المحاضرات راح تكون في الساعتين الفاصل بين محاضرتين الانجليزي .


مكان المحاضرات : مبنى السنة التحضيرية الدور الثالث .


درجة النجاح في هذه المادة هي 60


و بكذا خلصنا من الماث


يتبع

ننتقل إلى آخر المواد : العلوم الاساسية( الحديث هنا للكليات الغير صحية ) :


العلوم الاساسية تنقسم إلى 3 أقسام : فيزياء - أحياء - كيمياء


طبعًا تختلف الجزئية من تخصص إلى آخر .


مثال : طلاب و طالبات الهندسة يدرسون فيزياء أكثر من طلاب و طالبات الحاسب .


ننتقل إلى المعلومات الخاصة بالمادة :


1- الكتب : لا تحتاجون إلى الكتب لأن المحاضرات راح ترسل على الايميل الموحد .


ماهو الايميل الموحد ؟


هو ايميل تسوونه للشعبة كاملة و تعطونه لاساتذتكم عشان يرسلون عليه المحاضرات و كل واحد


يقدر يدخل عليه و يأخذ المحاضرات لكن من الأفضل أنكم تعينون شخص يرسل لكم المحاضرات


على ايميلاتكم .


2- عدد المحاضرات اسبوعيًا : 3 محاضرات مقسمة على يومين .


اليوم الأول : محاضرتين . كل محاضرة مدتها ساعة و كل محاضرة فيها مادة


مثلا الساعة الاولى تأخذون أحياء و الساعة الثانية تأخذون فيزياء


اليوم الثاني : محاضرة واحدة مدتها ساعة و بتكون المادة المتبقية .


3- عدد المحاضرات اللي أخذتها لأني لا أعلم عن البقية :


الفيزياء : 8 محاضرات .


الأحياء : 3 محاضرات .


الكيمياء : 3 محاضرات .


4- مع المحاضرات المرسولة راح يرسلون معها النوت ( الملاحظات ) و هذي مهمة لأن الملاحظات هي


اللي بتذاكرون منهم و ليس المحاضرات اللي على شكل البوربوينت .


5- كل مادة من الثلاث مواد لها كويزان وواجبات و بحوث و ممكن الاساتذة ينقصون لكم من الكويزات


و يطالبونك بعمل شي ثاني وفيه بعضهم ما يطالبونك بالبحوث .


6- الكويزات اللي يضعهم أساتذة المادة و ليس عمادة السنة التحضيرية :


مثال :


أستاذتي في الفيزياء حطت لنا 5 أسئلة في الكويز .


أستاذتي في الأحياء حطت لنا 10 أسئلة في الكويز .


أستاذتي في الكيمياء حطت لنا 20 سؤال في الكويز


ملاحظة : لكل مادة من الثلاث مواد أستاذ/ة .


7- سهولة المواد و صعوبتها :


الفيزياء : سهل .


الأحياء : وسط .


الكيمياء : صعب . طبعًا الكيمياء لو تمشي في السنة التحضيرية و تسأل أي طالب/ة بيقولون لك صعب .


8- تقسيم الدرجات :


كل مادة من الثلاث مواد لها 20 درجة من درجات أعمال السنة لأنها تحت مسمى واحد و هو العلوم


الاساسية


الفيزياء = 20 درجة


الأحياء = 20 درجة


الكيمياء = 20 درجة


9- العلوم الاساسية ليس لها اختبار نصفي فقط لها اختبار نهائي و عليه 40 درجة .


الاختبار النهائي يكون على أجهزة الحاسب . عاد أنت وحظك . لأن فيه ناس معاي طلع لهم كيمياء


و أحياء و الفيزياء ممحي و فيه ناس العكس و أنا و لله الحمد طلعت لي الجزئيات متساوية


درجة النجاح في المادة هي 60


و بكذا خلصنا من العلوم الاساسية


يتبع

المشاركة الأصلية كتبت بواسطة براآءة طفله ي عمري انتي احبنك يا مون جاوبتي على اسئله كثيره في عقلي :) بس ممكن تعطينا اسماء الدكتورات المتميزات ب الشرح للماث وغيره وبعد ماحطو انه لصيدله والطب معدل لايقل عن 4 هنا حسيت ب الجلطه :( كيف بجيب 4؟ وعدد ساعات الانجليزي كثيره بمعنى انه لو ماعديت الانجليزي ب b على الاقل معناه ضاع مستقبلي الصيدلاني :( وانا الانجليزي ميح :cry111: ,واخيراً ربي يسلم يدينك ويحرمهم ربي النار ويرجى تثبيت الموضوع كامرجع مهم لتحضيري

شكرًا أختي على المديح .


كنت راح أكتب في الرد التالي عن الكليات الصحية و أعتذر للكليات الصحية لأني ما أملك المعلومات الكافية


لأني كليتي غير صحية. انتظريني في الرد التالي أختي براءة طفلة .

بالنسبة للكليات الصحية فيه مواد يدرسونها مع المواد التي تدرس للكليات الغير الصحية :


1- كلية الطب عندهم مادة pbl و هذي مادة خاصة فيهم حتى الكليات الصحية الثانية ما تأخذها


كل اللي اعرفه عن هذي المادة أن هي تتكلم عن الامراض و اعراضه و علاجه بشكل مفصل .


إن شاء الله يكون فهمي صحيح .


2- مادة الاحصاء الحيوي هذي المادة أنا متأكدة منها لأن كان معي زميلات أو صديقات بالأحرى من كلية


الصيدلة يدرسون هذي المادة كل اللي أعرفه عن هذه المادة أنها تشبه الرياضيات لكنها أصعب .


إن شاء الله يكون فهمي صحيح .



3- الكليات الغير صحية تدرس الأحياء و الكيمياء تحت مسمى العلوم الاساسية أما الكليات الصحية


يدرسونها كمواد منفصلة .


هذي المعلومة مو متأكدة منها 100%


بالنسبة لسؤال الأخت براءة طفلة عن استاذات جيدات في الماث فيه استاذة اسمها فادية يقولون عنها


ممتازة و شعبتها مأخذين درجات طيبة.


أخت براءة و الله الصراحة انصقعت لما قلتي لي أنو المعدل 4 هو 3.5 كيف قلب 4 ؟؟؟؟؟؟


و بعدين على موضوع الانجليزي الميح احنا أول ما دخلنا كنا ميح و كان وضعنا يضحك


لدرجة أنه فيه مرات الوحدة ما تعرف الشيء تأشر عليه كلنا مرينا بهذي المرحلة و بعدها تحسننا


يتبع