[قنوع]

[ .. مدخل ..]

اضحك . لامني ذكرت ؟ ايامنا الحلوه
وليا ذكرت انها راحت ! .. جلست ابكي
كن الشقا ( بير ) واحلام الصبا ( دلوه )
وكن الحزن ؟ .. في صميم القلب ,, متركي
الشك !! (( قطٌع نفوس ٍ )) .. كانت بسلوه
وانا عقب حسن ظني .. هزني شكي ؟؟
مرات ؟ مرتاح ,, والقى البال في علوه
ومرات ! محتار ! .. واعجز لابغيت احكي
نكتم ونشكي من الاحزان في خلوه
واليوم ؟ في صمت ... لا نكتم ولا نشكي
لو ان ؟ دنيا الشقا ياصاحبي حلوه
ماكان ؟ شفت الطفل يولد وهو يبكي !!!

كفايه .. وماحصل بالأمس يكفينا
لاتحنّي ايديك ,, خل دموعك الحنّا

الى متى ؟ نكذب ! .. ونوهم امانينا
مليت اجامل .. واقول آنّا واقول آنّا

تعال عند المكان .. اللي ضوى فينا
عشان أورّيك وش صرنا ؟ ووش كنّا ؟

خلنا نتوادع ( هنا ) .. ( هنا ) تلاقينا
( منّا ) بدى الحب .. لازم ينتهي ( منّا )

ماللزمان أي سبّه .. في تجافينا
وش له نلوم الزمن ؟ دام السبب حِنّا !

صارت صباحاتنا ,, تشبه أماسينا !
لابانت الشمس ! ,, والعصفور ماغنّا

لو ندري بنفترق ؟ ماكان حبّينا
ولا تركنا ( قلوب الحب ) تتمنّا

وش هو نسوي بعد ! .. وش هو ماسوينا
مقسوم .. والله كتب ( حكم القدر ) عنّا

في الحب ( أحاسيس ) ..ماتوصف بأغانينا
أسمى من الوصف ,,, وأرقى من تخيلنّا

(( موضوعنا منتهي )) .. ماعاد يمدينا
عمر ٍ خسرناه ! ,, لايمكن يرد إلنا

واذا رجعنا لبعض ولاً تراضينا !
لاتحسب آنّا ,, برنجع مثل ماكنا

[ .. مخـرج ..]

الله معـك مـانـي بمـيـت لاهجرتـنـي
وحقك علي ان كنت أحن لدمعتك .. واقسى ؟
انا البحـر ياللـي علـى جالـي عبرتـني
وانت .( رياح لغربتي ). واهدابـي المرسـى
لاجيت برقد يالعيـون اللـي .. سهرتنـي
يطري .. لعيني وقتها .. ان السهر ممسـى
تصدق ؟ انـي نسيـت .. انـك نسيتنـي
وتصدق ؟ اني ذكرت .. اني نسيت انسى
كنت احسب ان الصـد قاسـي ؟ لا جفيتنـي
حتى .. تفارقنا وعرفت .. ان الفراق اقسى ..!!

ܓܨ من,ن ܓܨ