[ قصة ] : سجه مع الهاجوس ..!

[ليلاس]

[ALIGN=CENTER][TABLE1="width:95%;background-image:url('http://store1.up-00.com/2015-09/1441390757633.jpg');border:6px double sienna;"][CELL="filter:;"][ALIGN=center]
السلام عليكم ورحمة الله وبركاته

اليوم جبت لكم قصة وقصيده اعتقد احد الاعضاء نزل ابياتها , ولكن حبيت اوريكم مناسبة القصيده للشاعر المعروف
بالبخيت السبيعي وعنوان القصيده :خلت فالدنيا

ويقول عام ال1395 كنت في بحره القديمه في الحرس الوطني في جده في منطقه اسمها

ام السلم معسكر تبع الحرس الحرس الوطني وساكن في بحره قريه قديمه فيه

بحره المجاهدين وبحره القديمه بين مكه وجده وكان فيها فوج بن عبود قحطان

وبن قويد الدواسر قواد جهاد واخر الشهر يجون الجماعه يستلمون الرواتب

وياخذون عندي اسبوع اسبوعين مافيه متئهل الا اهو وهل المورات الي من

رنيه والخرمه وبيشه يمرون علىه من جماعته ومعارفه ويوم من الايام

جوه ربعن شرواكم وسوالهم عشا وجوه ربعن ثانين مابعد تعشو وقلطهم

على العشا وقال الله يحيكم على عشا الافلان وماجوبكم في الطريق

وجلس يتحلفون بعد العشا وحلفو وقالوا واجبنا واحد وخلصنا وعقب ماتعشوا عنده

مشب فالحوش يسوي فيه القهوه والشاهي وعنده ربعه يهاوشون يقلون انت

عبد(ن) خبل انت منت بحاتم الطي ولانت بن معيبد جالس على درب اهل المورات

واهل الرواتب وكل ماجاك واحد(ن) عزمته وذبحتله طلي بكره الحرس بيفصلونك ولا بيقاعدوونك

وانت عندك حرمتين وعيال وعندك وعندك يعني هواشهم هواش محبه ومحنيه واخوه

وهو يسوي القهوه ويوم دق البهار بدل مايحطه في الدله حطه في البريق حق الشاهي

هووجس وقالو له انت خربت القهوه يالبخيت ويوم عااين لينهم صاادقين قال انتم الي خرتوها

لا كن حطو عندها واحد(ن) فيه عقل ويوم راحوا من عنده سواله ابيات بموجب

الموقف الي حصل

https://www.youtube.com/watch?v=UtIHkRdns4s

سجه مع الهاجوس طبيعتن لي
طبيعتن بموت ماجزت عنها

اشكي على الخلاق وارفعله يدي
لكثرت الافكار يفك منها

اما الكرم قد فاز به حاتم الطي
حتى الفرس من شان ضيفه طعنها

خلوني اكرم في حياتي وانا حي
لا مت مدري جثتي من دفنها

خلقت فالدنيا وانا مامعي شي
وبروح مامعي شي منها

لا بد مانرحل عن المزح والغي
ونسكن بيوت(ن) قبلنا من سكنها
النفس مثل الغصن عايش على الري
......ولولاه كل الناس عافـت وطنها
مسكين يالي تحسب الواجد شوي
العافيه لو تنشرا وش ثمنها

يجاهل الدنيا تراها كم الفي
ويا مخبل الي في حياته ومنها

ان ناحرتلك قامت اتروح وتجي
مثل الذلول الي طويل رسنها

وان دبرت خلتك طايح ومرمي
وكم واحد حاجته ماضمنها

يالله عسا الحسناتقضي على السي
لاقربوا للنفس ذرعت كفنها

https://www.youtube.com/watch?v=2VlwC2mhv6w

[/ALIGN][/CELL][/TABLE1][/ALIGN]

[البعد الرابع]

جميل ما اخترتي ..


تقديري
البعد الرابع

[ليلاس]

اهلا بك ي البعد .. انرت .. كن بخير

[salman1]

يسلموووو ع الطرح الراقي

القصيده جداً رائعه

يعطيك العافيه

[P e a c e]

الله يوسع عليه ويرزقه على قد نيته

سلمتي ليلاس على الاختيار

[تك تك مخك معاي]

صح لسانه وعلا شانه

انشهد انها ابيات ف الصميم


حبيتها وبالحيل


م ننعدم من ذوقك ي سيكؤؤ


تقبلي مروري

[عازف الكلمه]

قصه جميله وابيات رائعه
خلقت فالدنيا وانا ما معي شي
وبروح وما معي شي منها

[tMiM АŀqЋtАПi]

مسكين يااللي تحسب الواجد شوي

العافيه لو تنشرا وش ثمنها




الله يرزقنا وايّاكم الصحه والعافيه على طاعته
اختيار جميل تسلم يمينك
تحياتي

[إجتهاد]

جميله جدا يعطيك العافيه

[أسير نجد]

خلوني اكرم في حياتي وانا حي
لا مت مدري جثتي من دفنها

خلقت فالدنيا وانا مامعي شي
وبروح مامعي شي منها




هالبيتين ياخيتي عن مليوون قصيدة

سلمت يدااك استاذه ليلاس