بخصوص اعتذار الجامعة عن قبول الكثير من الطالبات

[فتاة جامعيــة]

احببت ان تشاركوننا في مشكلتنا
عسانا نجد حل عندكم


لا انا ولا صديقاتي ولا بنت عمتي انقبلنا بهالدفعة



يعني والله لو ان مستوانا نازل ما كنا بحالة الصدمة اللي حاليا فيها

انا جايبة بالثانوي 99.94 القدرات 83

والصدمة كانت بالتحصيلي درجاتي انا واللي اعرفهم كلنا ب 60 قسم انها صدمة لنا جميعا

امانة موب قهر

يعني انا اللي شادة حيلي طول هالسنين عشان طموحي اني ادخل الجامعة

الحين اقعد في البيت سنة كاملة استنا اختبار التحصيلي الثاني

دولتنا الكبيرة عزها الله وفرت لنا جامعات ما تسمح الا بعدد قليل فقط من الطالبات

الله يديمها علينا من نعمة

بس اتذكر اني دفعت 100 ريال لثلاث اختبارات
واتذكر نسبتي بالتراكمي
ادخلة بحالة اكتئاب نفسي

،،
طلب..
وحدة من صديقاتي تبي منكم طلب اللي اعتذرت جامعة الدمام او غيرها من الجامعات بقبولها بالجامعة
توصلنا صوتها من خلال الاستطلاع اعلئ الصفحة
نبي نقدر اذ عددنا طبيعي او لا
لانا كثير نعرفهم ما قبلتهم الجامعة

اصواتكم بس نبي نسمعها ،، وماراح يصير الا كل خير ان شاء الله
فليس للبقية كلام ،، بل فعل

[Maryam1996]

لسئ حبيبتي هاذي الدفعه الاولئ ان شاء الله الدفعه الجايه أنتو وانا قبلوني بسس للأسف مارسلو لي رساله ع الجوال ف ادخلي موقع الجامعه وتأكيد وسوي اعادة تنشيط ويارب يقبلونكم. موفقين

[فتاة جامعيــة]

شكرا لك عزيزتي ع مشاركتك لنا :)

ماتوقع بانقبل بالدفعات الجاية لان طالبين نسبة اعلى بكثير من نسبتي

لكن نقول ان شاء الله

املنا بالله كبير

[إحساٱس الأمل]

اييه النسب عاليه جد ونا كنت متوقعه هذا الشيء
الحمد لله السنه الثانيه الي اقدم فيها بعد م اختبرت تحصيلي+ قدرات
بس مثلك التحصيلي مب مثل المدرسه والقدرات جبت في التحصيلي 77 و اللعام كنت 68 والقدرات صار 88 المهم انتي لاتستعجلين وباقي دفعات كمان وجامعات غيرها
ربي يوفق الجميع
دمتي

[fahad alsubaie]

الله يكتب لكم التوفيق والنجاح دائما وكل عام وانتم بخير

[أمنيتي]

إن كان لك ولنا وللجميع خير في القبول ربي يسهله
أنا معدلي 97.27وقدراتي والتحصيلي فوق70
وما إنقبلت في الدفعة الأولى
بس ما أقول
إلا حسبي الله ونعم الوكيل

[حتى في ظلي هيبه]

حبيبتي معروف ان الدفعات الاولى يقبلون النسب العاليه

والدفعه الثانيه ياخذون النسب الاقل

ونفس الشي للدفعه الثالثه ياخذون نسب اقل

[حتى في ظلي هيبه]

بس لا تنسين تسوين تنشيط للطلب

سوي اللي عليك والباقي ع الله

وان شاء الله تكونين من المقبولين

[المتوكلة على ال]

عادي اني اصبر هذي السنة واعيد التحصيلي في السنة القادمة ؟؟؟

[maram.]

ايه عادي ياقلبي انا جلست سنه كامله بالبيت واختبرت مره ثانيه وانقبلت وتو متخصصه والحمد لله على كل حال
كل شيء خيره وتفائلي خير ان شاء الله الدفع الجايه بالتوفيق ♥