المشاركة الأصلية كتبت بواسطة homy (المشاركة 1807467)

اول شي حاولت ارسل بس ماصاار
المهم
اول شي بغيت اضيف لكم
الجامعه تختلف عن المدرسه
المدرسه نذاكر اشيااااء مش فاهمينها
الجامعه لازم تفهم كل الي تذاكره


ماده الرياضيات يكفي مشاهده المحاضرات اذا كان الدكتور اسامه حنفي ولا تفكر تشوف شي ثاني


ماه المحاسبه انا سبق وشفت ملخص ابو موزه والصراحه كااان وافي ورائع
بس السؤال الاهم اذا ذاكرتو من ملخص ابو موزه راح تفهمون ولالا؟؟
لان المحاسبه في نقاااط كثيره تعتمد على الفهم
وركزو على الاسئله الي يحلها الدكتور ولازم تفهمون اشلون حلها الدكتور لان يجيب من الاسئله
والمحاضره الاخيره جدا مهمه ولازم تفهمون قائمه المركز المالي شنو داخلها
وملخص الدخل شنو داخله وقائمه الدخل...
يعني مثلا يجي لكم سؤال المدينون في اي قائمه طبعا في قائمه المركز المالي
طبعا حاليا ماراح تفهمون كلامي بس لين توصلون الدرس بتفهمون
وايضا في درس الي يكون في حسابات على مااتذكر
تقسم وتضرب هذا ركزو عليه لان بجيب لكم مسئله
طبعا اذا كان دكتور علاء زهران


ماده اداره اعمال صح جاب من المحتوى بس جاب ايضا من اسئله الكتاب
بس للامانه ما طلع عن المحتوى اذا كان دكتور مصطفى بخوش


ماده القانون الصراحه جاااب كم سؤال من شرحه وعلى مااتذكر جاب سؤال ما شرحه ولا تطرق له
ونص الماده حتى اذا قال لا تذاكرونه على الاقل عرفو نص الماده هذا يتكلم عن اي موضوع
لان جاب منه سؤال يعني اشوف ان المحاضره مهمه وايضا على الاقل قراءه الكتاب
قراءه طبعا اذا كان دكتور علي الزهراني
صح واسئله منتديات الحوار حق الماده ركزو عليها يجيب منها


ماده الاقتصاااد مااقدر افيدكم في هل الماده لاني اساسا مافهمت الماده عدل
والي ابغااه منكم تفهمون الماده صح
وتسئلون الدكتور عن المنفعه الحديه والمنفعه الكليه شنو يقصد فيها الدكتور لان اتذكر اغلب الاختبار كان عنه
اذا كان دكتورعبد اللطي او مصطفى
ملخبطه بين دكتور الاداره والاقتصاد

ولا تنسوووون الفهم والمذاكره والاجتهااد
والاهم الدعاااء والثقه بالله
والله يوفقكم