المشاركة الأصلية كتبت بواسطة abo mona (المشاركة 1787492)

جازاك ربي بالخير يا مجتهد جدا ويا أم خالد ياجعلهم يبشرونك بالجنه قولي امين,, ماقصرتوا وعافاكم ربي ..

اميييييييييين يارب .. وياك وان شاء الله .
لكن يعني مافي احد اخر غير ام خالد ايضا يضيف شيء من عنده من طلبة المستوى الثاني ؟؟؟
بالعكس الكل مش مقصر والله .. بس مشاغل الحياة تمعنهم وانا اختك ..
ام خالد لو تكرمتي ؟؟

امر انت بس ..

انا كنت حاط براسي اطبع المحتوى + المحاضرات المسجله بالبلاك بورد ..
وكنت حاط الكتاب اخر مرجع لو عاق معي شيء ما ..
هذا ماكان هدفي في المذاكرة ..

والله يوفقك يارب ..

اللي لاحظته من ردك انك مركزه على المحتوى والمحاضرات المباشره او المسجله ؟؟
بالنسبه للتلاخيص انا مااحبها من ايام الثانوي ولااحب اذاكر الا من الاساس او المصدر ,,

صحيح كلامك .. ولا انا ماحب التلاخيص .. واعتمدت على شرح الدكتور والمحتوى .. وحتى مش كل المحاضرات سمعتها لا والله . نصها بس . واكتفيت بالمحتوى باغلب المواد .

نقطه مهمه :



على كذا ياام خالد ,, بنحتاج كتاب : الاقتصاد للرسوم البيانيه .. اي صح في رسوم بيانيه وتحتها شرح .. طبعا الرسوم مش حفظ . بس الشرح الي تحتها مهم مره ..

كتاب المحاسبه للتمارين .. تقدر تستغني عنه . بس الافضل لو حبيت تركز المعلومه عندك لازم تحل التمارين الي بالكتاب .. عشان يدك تتعود عليها .. لانه من جد يبغاله متابعه . من ناحيتي انا اعتتمدت على الكتاب والشرح والمحتوى معا ..

كتاب القانون للامتحان . تقدر تستغني عنه لانه في ناس طبعو الاجزاء المهمه من الكتاب وحطوها بالمكاتب . بس وين مادري والله .

طيب ليش قلتي مب ضروري :(164): ؟؟
مب ضروري لو كانت دراستك راح تتوقف على الكتب .. مثل بعض الطلاب . موقفين دراستهم عشان الكتب .. انا اقصد ان تقدر تستغني عن الكتاب وتكتفي بالمحاضره . لان الاسألة راح تجي من المحاضره . يعني الكتاب مش عائق . بس لو توفر يكون احلى .



الكلام اللي فوق كان على شان مادة الاقتصاد ,,

طيب اللي تشوفينه اننا نذاكر هالماده من جميع الاسحله الموجده عندنا :(164):
يعني الكتاب والمحتوى والمحاضرة ؟؟

الاقتصاد وآآآآآآآآآه من الاقتصاد .. الماده حلوه بس الله يرج هالدكتور .. وعشان تضمن النتيجه الحلوه . ركز على الكتاب مهم جدا والمحتوى . انا بصراحه مافتحت له ولا محاضره الا كم وحده بس . لان ماكان عندي وقت اصلا . ومش مهمه كثير . بس حق الي مايفهم الا بالصوت مهمه طبعا .

احس الكتب مهمه زي ماقال دكتور مصطفى :150:
في ناس تفهم من الكتاب . وناس تفهم من الشرح . وناس من الملخصات . والكتب الي ذكرتها لك فوق لو توفرت يكون افضل .. بس ارجع اقولك مش مهمه لو ماتوفرت . بس عشان تثبيت المعلومه .

يعني فرضا . كتاب القانون فيه نسخه له .
المحاسبه .. الدكتور اصلا بالمحاضره الي بعدها راح يحل معكم تمارين الكتاب . يعني لو مالقيته عادي .

الاقتصاد الجزئي .. الشرح الموجود بالكتاب تلقاه بالمحتوى . واذا ناقصك شي قول للطلاب محد بيقصر معاك .

والرياضيات طبعا كتابه جدا مش مهم .. بس المحاضره والمحتوى
والاداره فقط المحتوى . والمحاضره لو في وقت .


لاهنتي ياام خالد ..


بالتوفيق للجميع ..

>> للحين مافتح ولا محاضرة الكســول :(177):

المشاركة الأصلية كتبت بواسطة ام خالد 2010 (المشاركة 1790910)

بصراحه اخجلتو تواضعي بكلامكم .. ويعطيكم ربي الف عافيه ..

وهذا واجبي والله .. ولحد يشكرني عليه .. انتو بالاخير اهلي . وتهمني مصلحتكم .

اشكر كل من دعالي ويارب الدعوه ترد له .. قولوا امين ..

المشاركة الأصلية كتبت بواسطة zaman alsamat (المشاركة 1791524)

[align=center]ما شاءالله تبارك الله شرح وافي وكافي [/align][align=center]


الله يوفقك ويحرم وجهك ووجه خلودي وابوه عن النار وجميع المسلمين والمسلمات

وجعلها الله في ميزان حسناتك

هذا الشغل السنع الاستفاده من الخبرات

تقبلي كل التقدير والاحترام [/align]