رد: الانتساب المطور - التعليم عن بعد
 

رد: الانتساب المطور - التعليم عن بعد
 

لكل واحد وجهة نظر ونقدرها ونحترمها
وأرى التعليم عن بعد هو المسمى الصحيح وذلك للآتي :
1)التعليم عن بعد صدر بمرسوم ملكي كريم .
2)جميع الجامعات سواءً في الداخل أو الخارج توجهها إلى التعليم عن بعد ومن المحتمل أن نراه في التعليم الذي أدنى من الجامعات إذا الله أحيانا.
3)الذين يرون أن التعليم عن بعد أن الشخص يختبر في بيته أو الشهادة شراها فتلك مقولة أكل عليها الدهر وشرب مع إحترامي لمن تفوه بها.
ولكم جميعاً كامل التقدير والأحترام

رد: الانتساب المطور - التعليم عن بعد
 

الله يهدامكم الشهاده معتمده ياجماعه وش فيكم


ولا ليش مسجلين بالجامعه من البدايه

رد: الانتساب المطور - التعليم عن بعد
 

واللــــــــه اني من قبل ماتاكدين عارفه وشو الجواب :(269):
ياناس درينا انه معترف فيها بالسعوديه ........ طيب السؤال الاهم والمهم لدى الغالبيه .......هل هي معترف فيها خارجياً؟؟؟؟؟؟ اذا نعم فالمشكله حلت
لكن الجواب الصحيح هو لا لان السعودية و غالبيه الدول لاتعترف بمسمى شهاده تعليم عن بعد
شكرا لك نجلالالالاء
ولاتخلون المساله عناااااااد ترى هذا مو من صالح الف شخص ....هذا لمصلحه الجميع لمن يريدون التوظيف او الابتعاث للخارج او الدراسه في السعوديه
مليييت وانا اعيد نفس الكلالالالالام:biggrin:

رد: الانتساب المطور - التعليم عن بعد
 

كانت لدي حريه الاختيار بين الجامعات لكن اخترت فيصل لانه تقدم برناااااااامج انتساب مطور وهذا واضح للجميع

رد: الانتساب المطور - التعليم عن بعد
 

حياك الله مرة اخرى
اقرئي ردي التالي وبتكون على اهم جزئيه وهي الفكرة اللي كنت احاول اوصلها لك


الله يجزاك بالخير هنا مربط الفرس, راح اسايرك في الكلام حتى اوصل لك فكرة ردي السابق, والحمد لله بانك كتبتيها بيدك الوزارة مافي انصب منها وانا مؤيدك على هذا بحكم تجارب مريرة معهم

بكرة اذا الله احيانا واياك والطلبة على خير وتخرجنا على خير
وطلبنا ابتعاث خارجي وشهاداتنا مسماها تعليم عن بعد ولمن جينا نشوف الجامعات بدل ما كانت بالمئات حصلنها تنعد على اصابع اليد, طبعا شيء طبيعي بروح للوزارة اتفاهم معهم
وصلت للوزارة, ودخلت على المسؤول سلام عليكم يا جماعة الخير شهادتي تعليم عن بعد وراسلت الجامعات وقالوا شف لك جامعة ثانية تقبلك احنا ما نبي تعليم عن بعد

المسؤول: طيب رح للجامعات اللي تقبل مسمى شهادتك
test5 : بس انا قبل اربع سنوات وحدة ردت علي بالمنتدى وقالت ان لها مسؤول عندكم وقال ما عندكم مشكلة تنقبلون بالخارج

المسؤول: طيب عطني اسم المسؤول اللي صرح لكم على النت.
test5 : والله ما اعرفه بس وحدها الله يجزاها بالخير اتصلت عليه

المسؤول : طيب هل الوزارة اصدرت تصريح رسمي على موقعها او خطاب ارسل الى الجامعات وقالت بان مسمى التعليم عن بعد يقبل بجميع الجامعات الموصى بها بالخارج؟
test5 : لا والله ما شفنا شيء ولا سمعنا

المسؤول : طيب سلملي على البدنقان والقانون لا يحمي ال......
test5 : يابوي هذه نجلاء بنت محمد تعرف واحد واصل عندكم والرجال صرح لها على التلفون بان المسمى معتمد
المسؤول : انت تفهم او ما تفهم :(269):

بالله عليك انا وش اسوي في هذه الحاله؟ وين احصلك فيه عشان امغطك :71:

عرفتي ليه قلت لك ردي السابق لان الوزارة طالما ما صرحت بنفسها فليه اكلف نفسي واخذ كلامي من النت مع تقديري لشخصك

طيب اسألك بالله ليه لمن صرحت الوزارة وقالت المسمى هذا معتمد داخلياً ما كلفت نفسها واضافة كلمة خارجياً؟ مع انها كلمة وحدة ولا راح تكلفهم شيء

انتي اللي تسوينه والله تشكرين عليه لحرصك بينما في الواقع يعتبر كلامك تخدير وانتي تعتقدين بانك تحسنين صنعا
يعني بالبلدي جيتي تكحلينها ........
وزي ما قلت الوزارة تعاملها بالنصب واللف والدوران فلازم نمشي معها زي ما تتعامل معنا بالاشياء الرسمية

واما سالفة المكتب المعتمد اللي اتصلتي عليه او راح تتصلي فهو اصلا ياخذ القرارات من الوزارة يعني هو تابع وليس بمتبوع

واخيراً اتمنى تمرين على هذا الموضوع بالكامل >> http://www.ckfu.org/vb/t138394.html << وتقرأين ردي رقم 31 وبعدها راح تتضح لك الصورة اكثر ان شاء الله


لو انا من النجار كان استغل هذه الفرصة واظهر بمظهر المنقذ للجميع وارسل للوزارة واسألهم هل مسمى التعليم عن بعد معتمد خارجياً بجميع الجامعات الموصى بها ام لا؟؟

لو حد فيكم يقدر يوصلها للنجار عن طريق منتدى الجامعة الرسمي يكون سوا فينا خير, حتى اذا طلب التصويت نعرف نقرر, ولا ندخل على عماها

رد: الانتساب المطور - التعليم عن بعد
 

بعلق ع نقطه من كلامك واسال سؤال

اول شي الوزاره ما تقدر تقول معتمد خارجيا لان مو من صلاحياتها لانها وزارة التعليم بالسعوديه فقط والاعتماد الخارجي يتغير من وقت لوقت
ولو لاحظت فيه دايم اضافت جامعات وحذف اخري من قائمة الجامعات المعترف بشهاداتها بالسعوديه

السؤال
هل الوزاره اصدرت تصريح رسمي ع موقعها ان الانتساب المطور معتمد خاجيا؟؟؟

رد: الانتساب المطور - التعليم عن بعد
 

ابدأ بالاجابة على السؤال ثم بعده على التعليق, لان التعليق يناقض سؤالك

اولاً وبكل صراحة اهنئك على السؤال المباشر واللي يحاول ينسف فكرة معينة, تابع معي الى الاخير واتمنى تقرأ كلامي بتفكير وتعمق

الجواب كالتالي:
لا يوجد حسب علمي, ولكن فيه اثباتات بان هناك من سافر بشهادة الانتساب والجميع عارف وانت اولهم بان الانساب يقدر يواصل بالخارج .... حلو الكلام, نستهدي بالله كذا وكمل معي قراءة الرد لانه مرتبط معه
سؤال/ ليه السعودية ترفض الاعتراف بمسمى التعليم عن بعد من الشهادات الخارجية؟
انا راح اجاوبك لان بالخارج مفهومهم انك تدرس بالبيت وتختبر من البيت, فلمن نراسل الخارج بمسمى تعليم عن بعد ويشوفها الخواجه راح يتبادر في ذهنه ان العبد لله متكي في بيتهم وبراد الشاهي جمبه وجالس يحل ورجل على رجل,, فاللي اقوله واعيد واكرره اكثر من مره ان الوزارة تخاطب الجامعات الموصى بها وتقولهم يا جماعة الخير ترا احنا عندنا مسمى جديد وهو التعليم عند بعد, واياني واياكم تعتقدون ان هذه الشهادة ذات مسمى التعليم عن بعد نفس مفهوم تعليمكم عن بعد ابو اختبارات منزليه.

الشيء الاخر لا ننسى باننا راح نكون اول دفعة تتخرج بهذا المسمى المشؤوم والله العالم وش بيصير وقتها لو ما شفنا اي تصريح على المسمى الان وحتى لا نكون حقل تجارب او تسجل بتاريخ عميد دون ان نضمن مستقبلنا بعد الله عزوجل

وزي ما قلت فوق, هذه فرصة للنجار والله جته على طبق من ذهب انها تسجل في تاريخه بانه اول عميد على مستوى الجامعات السعودية يخرج دفعة بمسمى التعليم عن بعد بس شرط,انه يطلب تصريح من الوزارة بعد ما تقوم الوزارة مشكوراً بالتفاهم مع الجامعات الخارجية الموصى بها

والان مع تعليقك اللي يناقض فكرة سؤالك:

الله ينور عليك, دام ان الوزارة ما تقدر تراسل جميع الجامعات الموصى بها وتخاطبهم بانهم اعتمدوا مسمى التعليم عن بعد اجل هناك خلل, وهو واضح كوضوح الشمس وهو ان السعودية لا تعترف بالشهادات الخارجية ذات مسمى التعليم عن بعد فمن باب اولى هم يمتنعون ويرفضون مسمى شهادتك, وإلا لو كانت معتمدة لصرحوا كمثل تصريحهم الاول بانها معتمده داخلياً وخارجياً,,,,

السؤال اللي يطرح نفسه الان
مين المستفيد من هذا التغيير؟ ولصالح من؟ وليه هذا الوقت بالذات؟

نعم صحيح , بعضها بسبب تكدس الطلبة او سحب ترخيص الاعتماد من قبل التعليم العالي الموجود بتلك الدولة الخ من المسببات
يا رجال خلهم الان يخاطبون الجامعات الخارجية بان المسمى غير اللي عندكم وبعدها يعدلون ويحذفون براحتهم طول الاربع سنوات القادمة

همسة الى المطبلين ومن لا يعرف مصلحة نفسه: ترا كرسي المنصب زي الحلاق , واللبيب بالاشارة يفهم

وياليت قومي يعلمون ان اللي نطالب فيه تراه من مصلحتكم جميع, دام ان الانتساب معترف فيه داخلياً وتقدر تسافر خارجياً واما التعليم عن بعد فهو مجهول المصير

رد: الانتساب المطور - التعليم عن بعد
 

مشكور اخوي ع الرد


لكن مافيه تناقض بين السؤال والتعليق
لان التعليق يشمل حتى الاتنظام وكل دوله حره بامورها الداخليه ومافيه دوله تفرض شروطها
لو لاحظت كان سؤالي عن الانتساب المطور وليس الانتساب فقط

رد: الانتساب المطور - التعليم عن بعد
 

صحيح ليس للجامعة الحق في تغيير المسمى

ومن حق الطلاب في رفع قضية لدى ديوان المضالم (المحكمة الإدارية)

لآن القرار صدر بعد قبولنا في البرنامج ويمكن للجامعة تطبيقة للذين بعدنا

وهنا نرى أن الدكتور النجار لجئ إلى طلب الاستبيان وهذا مخالف للنظام المعمول به بالمملكة

وعليه فأن ليس له الحق وللجامعة في تغيير مسمى الانتساب المطور إلى التعليم عن بعد

وكما نعلم أن جامعة الملك عبدالعزيز لديها 3 انواع من الانتساب أم الانتساب التقليدي

و الانتساب المدفوع والتعليم عن بعد

وعليه فأن قررت الجامعة تعديل المسمى إلى التعليم عن بعد فأي طالب أو طالبة ممن يرغب في عدم تعديل مسمى إلى مسمى التعليم عن بعد أن يرفع قضية لو كان وحده هو المعارض ضد الجامعة عن غيره أو كذلك مجموعة طلابة بطلب عدم التغيير

والله الموفق