ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 1 (https://vb.ckfu.org/f310)
-   -   تعالو شوفوو هـ المصيبه بصراحه أنصدمت .. (https://vb.ckfu.org/t235262.html)

غربة نفس 2011- 10- 14 06:44 PM

رد: تعالو شوفوو هـ المصيبه بصراحه أنصدمت ..
 
اقتباس:

المشاركة الأصلية كتبت بواسطة آلمآسة آلحسآسة (المشاركة 4659821)
كلامك مقنع يا خيووو
بس اذا فعلا مثل ما تقول ليه ما يهدي الوضع !!
ليه ما يقول انه العطل من عندنا وبنأجل المحاضرات المباشره وبنزل لكم جدول ومواعيد جديده

ليه من امس البلاك خربان ليه ما حطوو اعلان انه المواعيد بتتأجل هذا اذا تأجلت !!

ليه يخلونا ننتظر ع نار مو عارفين انعرضت ولا لا .!!

بتتغير المواعيد ولا لا !!!

هذا اللي أنا أبغاه
لو رد عليا وقال يابنت حنا صح عندنا مشكله وجالسين نطور من النظام ماباخذ بخاطري
لكن يقول نسجل ومن امس جالسين نسجل محاضرات مباشرة لا والله بزعل
يسجلوون ليه هو احد حضر واللي حضرو شلون حضرو
حنا ماجلسنا وفضينا نفسنا على ولا شيء بس زيادة بالضغط
مو المحاضرة بحد ذاته تعني لي(ماتعني لي سواء حضرتها مسجله او مباشرة ) ..لكن ليه فيه مباشر والسستم عطلان..ترى من حقوقي أني أقدم سؤالي وأوجه للجامعه
هم جالسين ينزلونها عشان حنا نحضرها مسجله
طيب ينزلونها تحت 14 محاضرة وش افرقت ..
الله يصبرنا ويقوينا

آررق 2011- 10- 14 06:45 PM

رد: تعالو شوفوو هـ المصيبه بصراحه أنصدمت ..
 
ههههههههههههههههه
وأنتي من جدك تروحين تكلمين هالآوادم
والله يا أن هندي المغسله إللي جنبنا يقدر يدير مثل البلاك بورد وأحسن :hahahahahah:
لكن ما هنا احد ما أحد يبي يشتغل
وكل الدكاتره بالعربي ما دخلوا مزاجي وخاصه لا جاك يتكلم عن الجامعه

وبعدين عجبني الحل اللي عطاك ياه هههههههههههههه
اجل قاعدين يسجلون المحاضرة ههههههاااااي
يا شيخ روووح موت انت والكام إللي من سوق الخميس :hahahahahah:

المشكله إنه على كل هالمشاكل والتعقيد
ما فكرت أني حتى أفكر أني في يوم أفكر أني أشتكي :biggrin:
عارفين ليش ؟؟؟

لأنه ما حولك أحد ولا فكروا أصلاً أنه يحطون أحد عشان يكون حولك أحد ههههههههه :hahahahahah:

لذلك لنتوكل على الله ونعقلها :hahahahahah:
وإذا عقلتوها ذاكروا من الملخصات وأدعو الله تجيبون 70 في الإختبار وتعدون ههههههههههههه

وانا إن شاء الله مير بسوي جلسه مع أوباما الأسبوع الجاي وبنتباحث في الموضوع عن قرب :hahahahahah:
ههههههههههههههههههههه

الله يصبرنا بس
وأحتسبوا الأجر على الأقل إن ما طلعنا بوثيقة تخرج نطلع من هالدراسه بألأجر :biggrin:

آلمآسة آلحسآسة 2011- 10- 14 06:46 PM

رد: تعالو شوفوو هـ المصيبه بصراحه أنصدمت ..
 
اقتباس:

المشاركة الأصلية كتبت بواسطة وطني الجبيل (المشاركة 4659864)
عاد والله هذي مشكلته اختي .. المصيبة واللي يرفع ضغط الواحد انهم يفكرون اننا احنا فااضين لهم

لو احنا فاضين كان رحنا انتظام وافتكينا وخلصنا .. بس كل المنتسبين هنـا انا متأكد انهم يامداومين

يامتزوجين ومتزوجات .. يعني ماعندهم وقت لخربطة الجامعه ..

واللي يرفع الضغط زيادة .. دافعين لكم 10 ريال حق الرسايل .. ياخي دافعينها عشان خدمة

تقدمونها لنـا ليش مايتابعون معنا بالرسايل .. بدال الواحد ماينطق الخميس والجمعة وتروح

عليه العطلة بدون فايدة .. والله لو ارسلوا لنا ان النظام تحت الصيانة وسيتم ابلاغكم حيال ذلك

في حال عودة النظام من جديد ..

وربي محد ضاق صدرة ولا احد تكلم عليهم .. بس انا قلت قبل شكل ادارتنا موظفينهم على بند

الاجور .. او متعاونين مع الجامعة يعني شغل مشي حالك ..

حسبي الله ونعم الوكيل عليهم من جامعة ومن ادارة جامعة ..


هنا المصيبه من جد انه محسبين فااااضين ما عندا ولا شغله
والمصيبه انه ما يتقفل الا بالويك اند يعني ما يكفي طول الاسبوع بالدوام والواحد ما يعرف يدرس
ولمن نحبس روحنا بالبيت علشان خاطر هالدراسه ما قدرنا نسوي شي
يضيع الويك اند من غير لا طلعه مع الاهل ولا دراسه !!!
وع العشر يرسلون لك مره مرتين وبعدها ما تشووف ولا مسج منهاا
هما اذا فكروو يرسلون
يا رسالة قم بتسديد المبلغ 2800 حتى لو انت مسدد ! < يعني قلك تذكير
ولا قم بأختيار مكان الاختبار ..
كل رسايلهم لمصلحتهم وبس

حسبي الله ونعم الوكيل ع من كان السبب

راح اتصل عليهم بكره من الدوام واشوف النهاية اذا كل اسبوع بجلسون يسكرونه كذه مو حاله :41jg::41jg:

غربة نفس 2011- 10- 14 06:48 PM

رد: تعالو شوفوو هـ المصيبه بصراحه أنصدمت ..
 
اقتباس:

المشاركة الأصلية كتبت بواسطة ضوء الحب (المشاركة 4659828)
في البداية ياغربة تراني رجل ولستُ بنية أعيد وأكرر مليون مرة واذا غلطتي للمرة العاشرة ترا فيها حقوق وانتي عارفة يابنت الاصول ...

الله واكبر ياغربة الي يسمعك يقول المحاضرة المباشرة لك وحدك ....... تراها كلها نصف ساعة ومليون غيرك ناط يبي المايك كنهم عيال جدة صافين على البيك ,,,,

ركزي على المحتوى طال عمرج واتركي عنج طرح الأسئلة ...

نص ساعه والا ربع ساااعه من أبسسسسسسسط حقوقي بهالجامعه أني احضرها
وأحضرها مثل العالم والناس

وعذرا أني جمعتك بنون النسوة
مشكور عزيزي ع الرد

لبى روحكـ 2011- 10- 14 06:48 PM

رد: تعالو شوفوو هـ المصيبه بصراحه أنصدمت ..
 
اقتباس:

المشاركة الأصلية كتبت بواسطة وطني الجبيل (المشاركة 4659882)
الشعب يريد اسقاط النجار

:53:

حلم الطفولهـ 2011- 10- 14 06:49 PM

رد: تعالو شوفوو هـ المصيبه بصراحه أنصدمت ..
 
:Cry111::Cry111::Cry111::Cry111:
الله يكووون بعوننا

غزيّل الريم 2011- 10- 14 06:51 PM

رد: تعالو شوفوو هـ المصيبه بصراحه أنصدمت ..
 
,


المشكله إنه على كل هالمشاكل والتعقيد
ما فكرت أني حتى أفكر أني في يوم أفكر أني أشتكي :biggrin:

^
أررق
تعودت عليك بالنقاشات الفصيحة http://smilles.5d5l.com/smile_albums/fun/96.png

والله مدري وين بنوصل مع هالجامعة .. لكن الله المستعان :biggrin:
يبي لنا نتجمع يوم عند الجامعة .. نخليهم يختلعون صدق ويبلعون العافية ..
شكلها ما بتضبط امورنا الا كذا .. http://smilles.5d5l.com/smile_albums/agner/141.gif
يالله انك تزينها وتزين :biggrin:

تعديل الرد: توني انتبه ان هالموضوع في منتدى إدارة الأعمال ههههههههههه
كنت اسوي بحث عن موضوع وطحت على ذا http://smilles.5d5l.com/smile_albums/other/36l.gif
بس المشكلة واحدة http://smilles.5d5l.com/smile_albums/love/83.png

ربيع الياس 2011- 10- 14 07:01 PM

رد: تعالو شوفوو هـ المصيبه بصراحه أنصدمت ..
 
طيب الحين وش الحل مع هالبلاك بورد ؟ :017:

مقفل من قبل امس :bawling:

طيب انا ما ابي لا محاضرة مباشرة ولا بطيخ :mh12:

انا ودي اكتب في مناقشة المحاسبة :(107):

وودي احل اوم الواجب تبع مادة القانون :000:

الحين مو الواجبات لها فترة معينة وتقفل :mh12:

انا وش ذنبي اني ما احل الواجب بسبب الي ماسكين نظام البلاك بورد في الجامعه :017:

وبخصوص الي قال انك تدفع 1000 ريال زيادة على قسط جامعه الملك عبدالعزيز هذه بس في السنة التحضيرية

غير كذا لا تروح طال عمرك تختبر في جدة انا سارلي هالموقف وعلشان كذا طلعت من الجامعه وسجلت في جامعه

الملك فيصل

ااااااااااااااااااااااااااه ياليت الملك فيصل عايش الحين ويشوف هالي ماسكين الجامعه وش قاعدين يسوون فيها قسم

بالله ان يقولبهم كذا:41jg:

وحسبي الله ونعم الوكيل يعني يوم بديت ادخل في مود الدارسة واقالي دافور جايب دفتر واقلام وهايلايت وكذا

فجأة وبدون اي سابق انذار محد يقدر يدخل على البلاك بورد قسم بالله غش :017:

رجعولي دراهمي :mh35:

على العموم الله يوفقنا كلنا ونتخرج كلنا حقين مستوى اول مع بعض :53:

عيون ALmaha 2011- 10- 14 07:07 PM

رد: تعالو شوفوو هـ المصيبه بصراحه أنصدمت ..
 
إدارة موفقة :(177):

الأطلال 2011- 10- 14 07:31 PM

رد: تعالو شوفوو هـ المصيبه بصراحه أنصدمت ..
 
لبى قلبي بس :119:

وأنا اللي أفكر أتصل بكره على الدكتور وأعرض عليه المشكلة
لأن سبق لي إتصال للمسوؤلين عن البلاك والنتيجه لا رد

الله المستعان


All times are GMT +3. الوقت الآن حسب توقيت السعودية: 11:01 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه