ملتقى طلاب وطالبات جامعة الملك فيصل,جامعة الدمام - للي وده ينجح في الاقتصاد " طق حنك بس بالمختصر المفيد "

- إدارة أعمال 1 (https://vb.ckfu.org/f310)

رد: للي وده ينجح في الاقتصاد " طق حنك بس بالمختصر المفيد "

اقتباس:

المشاركة الأصلية كتبت بواسطة لسعة شقآوهـ (المشاركة 4870335)

الله يعين والله ماينفع لاملخص ولامحتوى اذا كنا اساسا ماحنا فآهمين

يعني كيف احفظ من غير مآافهم انا من بداية الترم وانا اعيد في الثلاث

المحآضرات الاولى بس مآش مخي موقادر يستوعب هالمآدهـ

الله يسهلها ان شاء الله السبت راح ابدا في الاقتصآد وبشوف اش يصير

طيب وش رايك تفتح عيونك الحين شوي على اللي باكتبه اوكيه ؟

مثال : المحاضرة الرابعة : الطلب

الفكرة الاساسية من المحاضرة كلها ومن الفصل كله انك تعرف وش معنى الطلب ؟ ومت يزيد ومتى ينقص :119:

هذه هي السالفة وفي الاخر حنسوق :mh001:

طيب افصلها لك بزيادة شوي
اذا زاد سعر السلعة في السوق وش يصير ؟ ايوه صح شاطره بتنقص كمية الطلب عليها " بدل ما الناس تطلب الرز مثلا 50 كيلوا بيصيروا يشترون ابو 20 كيلوا لان سعره زاد "

طيب واذا نقص السعر ؟ عاد مايحتاج لها اجابة :g2:

طيب هنا خلصنا نص المحاضرة :)))
النص الثاني من المحاضرة

طيب لو جين ولقينا ان السعر لسلعة ثابت ما تغيير لكن الناس قامت تطلب كميات كبيرة منها !!!! هل معنى ذلك ان قانون الطلب حقنا غلط !!!!!
احنا قلنا اذا زاد السعر قلت كمية الطلب واذا نقص السعر زادت الكمية
بس الحين السعر ثابت والكمية زايدة اجل وش السالفة ؟

اقولك السالفة كالتالي :
اذا زاد كمية الطلب في ظل ثبات السعر معناه ان في عوامل اخرى اثرت على هذه الزيادة او النقصان طبعا في احيان اخرى وهذه العوامل هي :
1- اذا دخل الشخص زاد فراح تزيد الكمية المطلوبة والعكس صحيح .
2- ذوق المستهلكين : يعني الناس مجنونه في الايفون بيزيد الطلب عليه .
3- عدد المستهلكين زاد
4- اذا زاد السعر في السلع البديلة يزيد الطلب على السلع الاصلية :
مثلا الدجاج سلعة بديلة للحم ( سلعة اصلية ) لانه غالي
لكن لو زاد سعر الدجاج وماصرا فيه فرق بينه وبين اللحم اكيد بتروح تشتري لحم
وكذا زاد الطلب على اللحم بسب ارتفاع سعر الدجاج

5- اذا زاد سعر في سلعة مكملة مثل السكر مافيه فايده منه لحالة لازم تستخدميه مع الشاي او مع الحلى يعني اثنينهم يكملون بعض
فلو ارتفع سعر السكر بتتركيه ولكن هل في هذه الحالة بتروحي تشربي شاي بدون سكر ؟؟
اكيد لا فبتتركي الشاي بس وكذا بيقل الطلب على الشاي والسكر بسبب ارتفاع السعر

يعني هذه عوامل مؤثر بسيطه والمفروض نعرفها من خلال تجاربنا

انتهت المحاضرة وبس :24_asmilies-com:
سلام يا كرام

رد: للي وده ينجح في الاقتصاد " طق حنك بس بالمختصر المفيد "

اقتباس:

المشاركة الأصلية كتبت بواسطة Ezio (المشاركة 4870347)

اخذت مني اسبوع تقريبا بمعدل ثلاث ساعات بالليل
اشرب مويه نستله :53: لاني ما اشرب الشاي ولا القهوة في الاساس الا في المناسبات مثل العزاء <------------- فاهم المناسبات غلط :lllolll:

شد حيلك ترى الموضوع بسيط والامور سهله :24_asmilies-com::24_asmilies-com:

<<< مدمنة كوفي

ما شاء الله عليك بس مويه وانا ماخليت شي ما شربت قالوا عصير رمان وشريت عصير رمان وشربته وماحسيت بشي وقالوا زعتر اكلته وشربته شاي ومخي مقفل واخرتها قالوا لي كولي فواكه مجففه

بس الدعوه طلعت مو بالاشياء الي ناكلها ونشربها طلعت بالمخ والتركيز

شكرا لحسن تعاونك :d5:

وشكرا على معلومة الفرق بين الاقتصاد الكلي والاقتصاد الجزئي :d5:

رد: للي وده ينجح في الاقتصاد " طق حنك بس بالمختصر المفيد "

طيب اللي يذاكر اسئله الكتاب ونوذج اختبار سابق و محتوى المحضرات الين المحاضره 5 :mh12: ينجح ؟؟

رد: للي وده ينجح في الاقتصاد " طق حنك بس بالمختصر المفيد "

اقتباس:

المشاركة الأصلية كتبت بواسطة мιѕѕ 7ησσ (المشاركة 4870376)

هاني عرب حلو لكنه عام وماراح ينفعك بصراحه

خليك على اللي كتبته وبتدعي لي ان شاء الله وجرب يومين مانت خسران شيء :oao:

>

طبعته كامل وذاكرت منه محاضرتين توي خلصتها :mad: حطططططمتني

الحين بسسالك اطبع ملخص النزال كامل ؟؟

وملخص بو موزه برضو كامل ؟ ولا كيف

ابو موزه ملخصه يتساهل الطباعة كامل لانه يشمل 7 فصول من الكتاب يعني سبع محاضرات

النزال اطبعيه من المحاضرة الثامنه الى الاخيرة وطبعا ناقص منه محتوى المحاضرة 14 تلاقيها في الملف المرفق في الموضوع

:lllolll:

رد: للي وده ينجح في الاقتصاد " طق حنك بس بالمختصر المفيد "

ايزو ممكن سؤال ! :g2:

عمرك 91 :(269):

لفت انتباهي عمرك :bawling:

رد: للي وده ينجح في الاقتصاد " طق حنك بس بالمختصر المفيد "

اقتباس:

المشاركة الأصلية كتبت بواسطة مجروحه بصمت (المشاركة 4870444)

طيب اللي يذاكر اسئله الكتاب ونوذج اختبار سابق و محتوى المحضرات الين المحاضره 5 :mh12: ينجح ؟؟

لاع :24_asmilies-com:

رد: للي وده ينجح في الاقتصاد " طق حنك بس بالمختصر المفيد "

طيب عطوني ملخص ابو موزه :mh12:

النزال عندي بس دقرت فيه الين المحاضره السادسه وقف مخيخي :24_asmilies-com:

رد: للي وده ينجح في الاقتصاد " طق حنك بس بالمختصر المفيد "

اقتباس:

المشاركة الأصلية كتبت بواسطة lightning (المشاركة 4870441)

ماعليك من كلام الدكتور اوز وبرنامج دكتورز تراه كله خراط فاضي

المويه وبس Water FTW <333

اقتباس:

المشاركة الأصلية كتبت بواسطة لانـا (المشاركة 4870450)

ايزو ممكن سؤال ! :g2:

عمرك 91 :(269):

لفت انتباهي عمرك :bawling:

اقول روحي ذاكري بس وخل عنك التدقيق في اعمار العالم سوالف حريم :017::017:

رد: للي وده ينجح في الاقتصاد " طق حنك بس بالمختصر المفيد "

اقتباس:

المشاركة الأصلية كتبت بواسطة مجروحه بصمت (المشاركة 4870469)

طيب عطوني ملخص ابو موزه :mh12:

النزال عندي بس دقرت فيه الين المحاضره السادسه وقف مخيخي :24_asmilies-com:

في المواضيع المثبته وخل عنك الكسل " موضوع الحقيبة الجامعية ":24_asmilies-com:

رد: للي وده ينجح في الاقتصاد " طق حنك بس بالمختصر المفيد "

ممكن أحد يشرح نظرية الانتاج بالعامية شوي عسانا نفهمها اللي هي المحاضرة الثامنة ماطاعت تدخل المخ ؟؟؟