ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 1 (https://vb.ckfu.org/f310)
-   -   تحديد مركز اختبار طلاب الرياض (https://vb.ckfu.org/t262948.html)

ضوء الحب 2011- 12- 13 08:46 AM
تحديد مركز اختبار طلاب الرياض
 
بسم الله والحمد لله والصلاة والسلام على آشرف الأنبياء والمرسلين نبينا محمد وعلى آله وصحبه أجمعين , وبعد

السلام عليكم ورحمة الله وبركاته..

اليوم شيكت على مكان الاختبار طلع لي كلمة (الرياض 4) وش معنى رقم (4) هل هو اختصار لمركز معين بالرياض او معهد ؟ ياليت تفيدونا ياربع الرياض وين بنختبر فيه بالتحديد

Mohammed saeed 2011- 12- 13 08:55 AM
رد: تحديد مركز اختبار طلاب الرياض
 
انا بالرياض2 مني فاضي لزحمة الرياض ادور الرياض 2 هههههههههههه
موفق.....

دلوعة حبيبـMـها 2011- 12- 13 09:06 AM
رد: تحديد مركز اختبار طلاب الرياض
 
وش 2 وش 4 دامهم حاطينها بارقام اكيد بينزلون اسماء الموقع بالترقيم يعني انتظرو لحد مايحدد لكم

فالكم التوفيق

رافايللو 2011- 12- 13 09:08 AM
رد: تحديد مركز اختبار طلاب الرياض
 
2 & 4

بما ان الرياض كبيرة فيها كذا مركز امتحان

اصبروا شوي وبيحددوا الأماكن >>مررة اتأخروا هالترم :017:

model_2009 2011- 12- 13 09:15 AM
رد: تحديد مركز اختبار طلاب الرياض
 
السلام عليكم
ابي الرابط الي جاءكم

العقيل 2011- 12- 13 09:33 AM
رد: تحديد مركز اختبار طلاب الرياض
 
بصراحة تاخرو كثير في تحديد مواقع الاختبارات


على الله بس ما يقولون ما لقينا اماكن تعالو الاحساء

رافايللو 2011- 12- 13 09:39 AM
رد: تحديد مركز اختبار طلاب الرياض
 
اقتباس:
المشاركة الأصلية كتبت بواسطة العقيل (المشاركة 5096227)
بصراحة تاخرو كثير في تحديد مواقع الاختبارات


على الله بس ما يقولون ما لقينا اماكن تعالو الاحساء
ونااااااسه

بس مافي مكان لكل الطلاب :33_asmilies-com:

New LiFe 2011- 12- 13 09:51 AM
رد: تحديد مركز اختبار طلاب الرياض
 
مالقيت هالشي بالبنر / من وين حصلتوا مكان الاختبار ؟

fahad893 2011- 12- 13 10:46 AM
رد: تحديد مركز اختبار طلاب الرياض
 
مركز الاختبار الرياض 5

والله قمة المهزلة يحددون المراكز على كيفهم
طيب انا في الشمال وش ذنبي يكون موقع اختباري جنوب والا شرق والا غرب
واللي في الجنوب وش ذنبه يروح لمراكز بعيدة عنه
المصيبه انا وزميلي سكنا جنب بعض هو في مركز 4 وانا مركز 5
يعني نطلع من صلاة العصر اذا المركز مو قريب
اللي اختار بالعشوائية هذي يبيله مصعة اذن :017::017::017:

الشلال الهادي 2011- 12- 13 11:05 AM
رد: تحديد مركز اختبار طلاب الرياض
 
بالرياض مركزين للاختبار واحد بحي الريان وواحد بحي اشبيله ع حسب التخصص

ادادرة الاعمال بحي الريان بوابه 4 للطلاب بوابه 9 للطالبات :53:

همـس الليـالي 2011- 12- 13 11:14 AM
رد: تحديد مركز اختبار طلاب الرياض
 
لسه ايقونه مركزالاختبار ياجماعه الخير مافتحت اصبرو ان الله مع الصابرين

محمد آل موسى 2011- 12- 13 11:26 AM
رد: تحديد مركز اختبار طلاب الرياض
 
صباح الخير للجميع

انا دخلت على الخدمات الطلابية

بعدها خيار الاستعلام وتعديل مراكز الاختبارات النهائية

طلع عندي الرياض بس بدون أي رقم
برضو صاحبي الرياض بس بدون أي رقم

عموما انا قريت في موضوع نزل قبل كم يوم فيه تحديد المواقع


الرياض

طلاب


حي الريان – شارع الأمير ماجد – مدارس التربية النموذجية – العُليا بنين – البوابة الجنوبية رقم 9


طالبات


حي الريان – شارع وادي الرمة – مدارس التربية النموذجية – القسم المتوسط بنين – البوابة الشمالية رقم 14


وهذا رابط الموضوع

http://www.ckfu.org/vb/t260085.html


والله العالم :(107):

تحياتي لكم

soulofdeep 2011- 12- 13 11:34 AM
رد: تحديد مركز اختبار طلاب الرياض
 
بالرياض 22 طلع لي من يومين :(107):

نواف الحارثي 2011- 12- 13 12:10 PM
رد: تحديد مركز اختبار طلاب الرياض
 
بله ارسلولنا الرابط حق موقع الاختبار

ǺĽ ẕeeห 2011- 12- 13 12:42 PM
رد: تحديد مركز اختبار طلاب الرياض
 
قولو لا اله الا الله وراكم خايفين

بتتحدد المراكز ان شاء الله والكل بيشوف وين مقره برياض 4 برياض 20 الي هو


:love080:
بتعرفون كل شي اذا تحددت المراكز ب اذن الله بيحطون ارقام تليفونات او كروكي ومنه الكل بيعرف وين بيختبر

هادئه وملسونه 2011- 12- 13 12:44 PM
رد: تحديد مركز اختبار طلاب الرياض
 
:24_asmilies-com:,,<< وانا وين موقعي طيب:mh12:بالشرقيه:biggrin: <,,,:24_asmilies-com: بسال سوال يعني لازم احففظ رقم جوالي ورقم الجامعي ورقم السجل المدني:bawling: انا يدوب احفظ الماده الي علي الخميس:lllolll:

fahad893 2011- 12- 13 12:45 PM
رد: تحديد مركز اختبار طلاب الرياض
 
الخدمات الطلابية
بعدها

بعدها

النتيجة


اهم شئ يكون المركز قريب للبيت

عبد الإله 2011- 12- 13 12:49 PM
رد: تحديد مركز اختبار طلاب الرياض
 
طيب والي يدرس بالشفا معناتها يسافر ويقول دعاء السفر

والله مشوار يبي لي اطلع قبل الاختبار بساعة ونص

اممم المشوار

ع كلن ننتظرهم يعلموني وين اختباري لين الحين كاتبين الرياض :000:


الله يعين

ضوء الحب 2011- 12- 13 01:10 PM
رد: تحديد مركز اختبار طلاب الرياض
 
طيب حي الريان وينه بوه خاصة للي يجي من شمال الرياض من الدائري الشمالي للشرقي وين موقع المعهد او المدرسة النموذجية ياليت تيفيدونا

New LiFe 2011- 12- 13 01:17 PM
رد: تحديد مركز اختبار طلاب الرياض
 
اقتباس:
المشاركة الأصلية كتبت بواسطة عبد الإله (المشاركة 5097222)
طيب والي يدرس بالشفا معناتها يسافر ويقول دعاء السفر

والله مشوار يبي لي اطلع قبل الاختبار بساعة ونص

اممم المشوار

ع كلن ننتظرهم يعلموني وين اختباري لين الحين كاتبين الرياض :000:


الله يعين
يابن الحلال انا مثلك ، الله يعين بس ، تو قريت لواحد من الشباب يشكي يقول انا بشمال الرياض ليه تحطون الاختبار بشرق الرياض بعيد هههههههههههههه .. اجل حنا ياجنوب الرياض وش نقول :biggrin:

مالها وانا اخوك الا تدز بدري مرررره وتوصل لمكان الاختبار قبلها بساعتين او اكثر واتكي بموتري ومعي ثلاجة شاهي صغيرة واذاكر ولما يجي وقت الاختبار اصير مروق ومرتاح .. طبعاً البنات الله يعينهم من جد ماتقدر تجي مبكر وتذاكر بالسيارة لانها يالله تلقى احد يوصلها اصلاً

بخصوص اللي طلع اللي بالخدماات الطلابية .. مكتوب الرياض بس لا واحد ولا غيرها .. بنشوف اليوم وبكره اكيد بيعلنون المراكز بشكل واضح

New LiFe 2011- 12- 13 01:23 PM
رد: تحديد مركز اختبار طلاب الرياض
 
اقتباس:
المشاركة الأصلية كتبت بواسطة ضوء الحب (المشاركة 5097322)
طيب حي الريان وينه بوه خاصة للي يجي من شمال الرياض من الدائري الشمالي للشرقي وين موقع المعهد او المدرسة النموذجية ياليت تيفيدونا
شيكت انا علي مدارس التربية النموذجية اللي يقولون فيها مركز الاختبار بويكي مابيا وهي بين مخرج 13 ( خريص ) ومخرج 14 .. دامك بشمال الرياض .. تمسك الدايري الشمالي ثم تنزل للشرقي الين بيجيك تقاطع خريص برضه ابتل على الدايري الشرقي الين توصل مخرج 14 اطلع عليه وسو يوتيرن كأنك راجع للشمال وخلك بالخدمة .. امش شوي بتلقى يمينك شارع ماجد بن عبدالعزيز ادخل عليه وابتتتتل الين تجي المدارس على يسارك على نفس الشارع

امي احبك 2011- 12- 13 05:20 PM
رد: تحديد مركز اختبار طلاب الرياض
 
الحين ابي اعرف وش الاوراق المطلوب منا نوديها

dnooni 2011- 12- 13 05:37 PM
رد: تحديد مركز اختبار طلاب الرياض
 
انا رياض 21:71:


مركز الأختبار:الرياض 21عنوان المركز:عنوان المتوسطة 194 حي الرائد طريق الملك عبد الله غرب بعد بوابة جامعة الملك سعود أول إشارة بعد البوابة بيكون على اليسار محل (ميد)لف يسار فيكون ميد يسارك الشارع مزدوج برصيف (شارع المقبل) تدخل ثالث فتحة يسار على طول شارع (النبراس)بتكون المدرسة 194 على اليسار. أقرب علامة مميزة:جامعة الملك سعود ، قاعة نيارة للاحتفالات



بصراحه مافهمت وين اختبر بالظبط

**RAYAN** 2011- 12- 13 05:44 PM
رد: تحديد مركز اختبار طلاب الرياض
 
الرياض 8
مدرسة الملك فهد الثانوية
في الاندلس
قريبة من البيت الحمد لله

المقسوم 2011- 12- 13 05:52 PM
رد: تحديد مركز اختبار طلاب الرياض
 
[align=justify]يـــــــــا طلاب يــــــــا اعزائي اريد المساعدة
وش ذا المركز الرياض 3 وين يقع:mh12:
بصراحة شكلي ابي استاجر عند نفس المركز عشان زحمة الشوارع والحفريات والصيانه
[/align][align=justify]
اغيثوني سلمكم الله:53:

نورة ة 2011- 12- 13 06:10 PM
رد: تحديد مركز اختبار طلاب الرياض
 
شيكت من شوي طلعلي الرياض 22 وادي لبن الشرقي بمدرسة ثانوية


بصراحة المفروض يراعون كل شخص وسكنة ويخلون موقع الاختبار اقرب للسكن


دنوني ياحضك موقع اختبارك قريب مرا من سكني نتبادل :g2:

عروب الخيل 2011- 12- 13 06:14 PM
رد: تحديد مركز اختبار طلاب الرياض
 
انا طلع لي الرياض 22 في ضهرة
لبن حي الاحمديه مقابل قصر الامير احمد بن عبدالعزيز في المدرسه 129
حلو قريب لمقر سكني يالله التوفيق وعقبال مايكون مقركم قريب لكم انشالله :119:

al-million 2011- 12- 13 06:21 PM
رد: تحديد مركز اختبار طلاب الرياض
 
من يبادل انا الرياض رقم 1
وش السالفه من جد
اول سنه يصلحون كذا من المفترض الاختيار لنا خصوصاً حنا اهل الرياض
يعني يبغالي قبل الاختبار بساعتين اطلع من البيت
الله يعين عليهم ويعدي هالترم على خير
يمين بالله تعقدنا من تصرفات هالجامعه نفسياً

الموقع
جامعة الملك سعود - شمال دوار الكتاب -مجمع الملك سعود التعليمي القسم الثانوي
والكروكي يدل على الدرعيه
تلخبط المخ عندي اتمنى التوضيح

هيبة وجودي 2011- 12- 13 06:33 PM
رد: تحديد مركز اختبار طلاب الرياض
 
من طلع له 24 يقول لي

العتـيبي 2011- 12- 13 06:35 PM
رد: تحديد مركز اختبار طلاب الرياض
 
اقتباس:
المشاركة الأصلية كتبت بواسطة نورة ة (المشاركة 5099991)
شيكت من شوي طلعلي الرياض 22 وادي لبن الشرقي بمدرسة ثانوية


بصراحة المفروض يراعون كل شخص وسكنة ويخلون موقع الاختبار اقرب للسكن


دنوني ياحضك موقع اختبارك قريب مرا من سكني نتبادل :g2:



القهوه عندنا ههههههههههههههههههههه

*دانه* 2011- 12- 13 06:36 PM
رد: تحديد مركز اختبار طلاب الرياض
 
ونا بعد الرياض 21

مطيرني باخر الدنيا الله كريم:bawling:يعني لازم اطلع من البيت العصر:bawling:

مافي مجال اغير المكان؟؟؟:g2:

عذاب العاشقبن 2011- 12- 13 06:51 PM
رد: تحديد مركز اختبار طلاب الرياض
 
الرياض 6 حددوا لي موقعه بليزززززززززززززز

المصمك 2011- 12- 13 09:10 PM
رد: تحديد مركز اختبار طلاب الرياض
 
مركز الاختبار الرياض 7 تكفون ضروري اعرف الموقع واللي يدلني بعطيه هدية

نورة ة 2011- 12- 13 10:02 PM
رد: تحديد مركز اختبار طلاب الرياض
 
العتيبي شكرا عالقهوه دايمه :wink:

بالنسبة للي يسالون عن موقع الاختبار اهم موضحينة تحت الرقم وكمان بكروكي

جربو غيرو المتصفح :(107): كل ماصار شي حطيناه بالمتصفح :mh12:

dnooni 2011- 12- 13 10:36 PM
رد: تحديد مركز اختبار طلاب الرياض
 
اقتباس:
المشاركة الأصلية كتبت بواسطة نورة ة (المشاركة 5099991)
شيكت من شوي طلعلي الرياض 22 وادي لبن الشرقي بمدرسة ثانوية


بصراحة المفروض يراعون كل شخص وسكنة ويخلون موقع الاختبار اقرب للسكن


دنوني ياحضك موقع اختبارك قريب مرا من سكني نتبادل :g2:



انتي وين ساكنه انا بالربيع :g2:


All times are GMT +3. الوقت الآن حسب توقيت السعودية: 08:12 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه