ملتقى طلاب وطالبات جامعة الملك فيصل,جامعة الدمام - انتبة لهذا السؤال في مادة الرياضيات

صفحة 5 من 7

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- إدارة أعمال 1 (https://vb.ckfu.org/f310)

- - انتبة لهذا السؤال في مادة الرياضيات (https://vb.ckfu.org/t270702.html)

ابو ناااايف

2011- 12- 25 04:54 AM

رد: انتبة لهذا السؤال في مادة الرياضيات

هلا والله بالبشوووات

كل شي تمام إلا

المسئلة الثانية : إعادة ترتيب الشخصين المتجاورين وهي 4 ل 2 = 12

مافهمتها بصراحه

++ وفي سؤال ثاني لاهنتو //

من اللي فهمته من كلامكم اي مسئلة فيها تخيير يعني موب مشروطة اختار ncr ؟؟

تسلمون:(204):

عزيز الحميدي

2011- 12- 25 05:01 AM

رد: انتبة لهذا السؤال في مادة الرياضيات

شوووووووووكلن :106:

Abu Jood

2011- 12- 25 05:02 AM

رد: انتبة لهذا السؤال في مادة الرياضيات

اخوي الكريم NPR يقصد بها التباديل ( يعني عدد الطرق الي ممكن ترتب بها الاشياء ) ويرمز لها ل ، يعني على سبيل المثال ممكن تقول عندك 6 فرق بتلعب بدوري، احسب عدد المباريات اللي راح يلعبونها ، طبعاً لازم كل مباراة يشارك فيها فريقين يعني 6 ل 2

6shift NPR 2 = 30

اما هذا المثال على التوافيق nCr ويرمز لها ق وهي عباره عن عدد طرق الاختيار مثل المثال المطروح من قبل الأخ الكريم ابو بسام الله يعطيه العافية على هالتنبيه
اتمنى فهمت الموضوع وبالتوفيق للجميع

the.best, BayanFJ, عبدالعزيز123 و 3 آخرين معجبون بهذا.

*: http://www.ckfu.org/vb/t270702.html#ixzz1hVXvO6ea

الطرقــي

2011- 12- 25 05:09 AM

رد: انتبة لهذا السؤال في مادة الرياضيات

يعطيك ربي العافيه

والى الاماام دائماا:d5:

عبدالعزيز123

2011- 12- 25 05:13 AM

رد: انتبة لهذا السؤال في مادة الرياضيات

اقتباس:

المشاركة الأصلية كتبت بواسطة Abu Jood (المشاركة 5282104)

ووالديك والجميع انشاء الله ، واسمح لي على التعليق بس حبيت الطف الجو شوي طاقتني ام الكأبه من هالرياضيات، النجاح نقدر ننجح انشاء الله بس ودك الواحد يكون فاهم لأن الماده مفيده وغير كذا راح تكون معك في المراحل القادمه، اما هالمدرس فهو واحد من اثنين، يا انه ماعند سالفه ، ولا انه مليعين شافك مهنق :71: وقال مالي خلق انشب حالي فيه واقعد اشرح له واضيع وقتي على درجه يعني خذها من قاصرها، لأنه وانا اخوك ياعبدالعزيز استبعد الشرط واخذ الجزء الاول وحله، يعني حله ممكن يكون صحيح لو ما فيه شرط جلوس اثنين متجاورين ، وبصراحه اللي يقدر يفتينا الدكتور، تبي نزرق له بكره الصبح عشان ما تفوت عليك هالدرجه ترا حاضرين الله يطول عمرك.

الله يخليلك جود

بالنسبة للمدرس فهو الخيار الاول ماعنده سالفة وتهاوشت معه ويوم قضينا قلت موعدنا بكره علشان نكمل :biggrin:

اخوي ابو جود انت :(204): معليش احس انك ( دكتور في اللكاعة ):biggrin:

Abu Jood

2011- 12- 25 05:20 AM

رد: انتبة لهذا السؤال في مادة الرياضيات

اقتباس:

المشاركة الأصلية كتبت بواسطة عبدالعزيز123 (المشاركة 5282394)

الله يخليلك جود

بالنسبة للمدرس فهو الخيار الاول ماعنده سالفة وتهاوشت معه ويوم قضينا قلت موعدنا بكره علشان نكمل :biggrin:

اخوي ابو جود انت :(204): معليش احس انك ( دكتور في اللكاعة ):biggrin:

والله اني مسيكين وعلى نياتي، بس المدرس يبيلك تلعن جدفه لأنها ما صارت درجه وحده تراها بدرجة ونص لأن الاختبار 50 سؤال، وان كانك تبيني اجي افقع وجهه معك تراي مستعد ( احب الشر ) :24_asmilies-com: واللحين اقدر اقول لك تصبح على خير

Abu Jood

2011- 12- 25 05:25 AM

رد: انتبة لهذا السؤال في مادة الرياضيات

وبعدين ما تلاحظ اخوي عبدالعزيز ان حنا اسهرنا راعي الموضوع ابو بسام ما غير نتراد عنده، تبينا نتواعد بكره عند يا العقيل ولا ابو مريم احس انا ثقلنا على الرجال:lllolll:

Abu Jood

2011- 12- 25 05:32 AM

رد: انتبة لهذا السؤال في مادة الرياضيات

اخوي عبد العزيز شف الدوافير اللي موب انت هذي وحده اسمها ام دانه كاتبه موضوع بالمنتدى
السلام عليكم ورحمةالله وبركاتة

تم قبولي والحمد لله في قسم إدارة اعمال وإنشاء الله بنضم لكم عن قريب مرة متحمسة :71:انضم لكم من كثر تعاونكم ما شاءالله بس يوم شفت اغلب الاسئالة عن الرياضيات:Cry111: جاني مغص نظرا لماضيي معه :000:بس بعد ما شفت تفاعلكم وتعاونكم إنفرجت اساريري:mh001: جعلكم كلكم تدخلون الجنه<<من قلب طالعة والله من الخوف
المهم انا ابي استعد قبل ما يبدا الترم ابي اشوف المحاضرات وأقرى الملخصات والاسئالة وين القى المحاضرات وابي الدكاترة نفسهم الي بيدرسوني هل موجودة على اليوت يوب؟
انا ادبي والرياضيات لا أحبه والايحبني تقدرون تقولون ببدأ من الصفر فية ابي ادرسة وافهمة من عروقة <مدري وش ذا الدفارة الي نزلت علي:biggrin: (قولوا ما شا الله )
فهل بجيب فل مارك فية وفي كل المواد لان هذا حلمي تكفون لا حد يحطمني ابي ارفع راس اهلي و زوجي ثاني شئ انا كان نفسي في قسم ادارة عامة لكن جامعة الملك عب العزيز ما فيها تسجيل الترم الثاني وانا ما حبت اضيع علي الوقت فسجلت وشرايكم اكمل ادارة اعمال (قطاع خاص) والا انقل ادارة عامة (قطاع حكومي ) واشمل
واخيرا هل فية ترم صيفي
شكرا لكم مقدما واسفة علي الاطالة:love080::106::106::106:

*: http://www.ckfu.org/vb/t271673.html#ixzz1hVfCm2dZ

عبدالعزيز123

2011- 12- 25 05:49 AM

رد: انتبة لهذا السؤال في مادة الرياضيات

المدرس ناوية بكره هذا اذا جاء لاني حاسبته اليوم من الزعل:017:

عاد حدد انت من ألحين عند العقيل والا ابو مريم , خلنا عند العقيل عنده مدرس

ام دانة الله يستر عليها داخلة بقوة توه مابدا الترم وتذاكر من ألحين >> الله يخلف علي مابعد بديت في المحاسبة

ابو جود تذكرني باللي يضحك مع في الدراسة واذا طلعت النتايج قعد يضحك عليك هو ناجح وانت ساقط:biggrin:

انت وين تختبر ؟

Abu Jood

2011- 12- 25 05:55 AM

رد: انتبة لهذا السؤال في مادة الرياضيات

اقتباس:

المشاركة الأصلية كتبت بواسطة عبدالعزيز123 (المشاركة 5282617)

المدرس ناوية بكره هذا اذا جاء لاني حاسبته اليوم من الزعل:017:

عاد حدد انت من ألحين عند العقيل والا ابو مريم , خلنا عند العقيل عنده مدرس

ام دانة الله يستر عليها داخلة بقوة توه مابدا الترم وتذاكر من ألحين >> الله يخلف علي مابعد بديت في المحاسبة

ابو جود تذكرني باللي يضحك مع في الدراسة واذا طلعت النتايج قعد يضحك عليك هو ناجح وانت ساقط:biggrin:

انت وين تختبر ؟

والله الظاهر ان حنا بنقلط عند ابو مريم http://www.ckfu.org/vb/t271643.html على فكره ام دانه قالطه عنده الله يصلحها تلهيهم عن دراستهم ورديت عليها

All times are GMT +3. الوقت الآن حسب توقيت السعودية: 08:25 AM.

صفحة 5 من 7

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه