|
رد: الاقتصاد بيشيب راسي ساعدوني الله يخليكم
بعطيك مثال بسيط والمشكله كل المشكله في شرح معلم الماده بصراحه .. ولا هي سهله جدا بعطيك مثال على العلاقه بين المنفعه الكليه والمنفعه الحديه..
المنفعه الكليه =تساوي مجموع المنافع التي يحصل عليها الفرد من استهلاك عدد معين من سلعه اوخدمه المنفعه الحديه= المنفعه الحديه تقيس المنفعه التي يحصل عليها الفرد لستهلك وحده واحده من سلعه او خدمه معينه.. وبالتالي فهي تضاف على المنفعه الكليه في كل مره تستهلك السلعه هذي لمره وحده خلينا مع مثال الدكتور الي بلجدول وخلونا ناكل برتقال مع بعض ... من البدايه مع الجدول ,, انا ماكلت ولا برتقال المنفعه الكليه = صفر ... والمنفعه الحديه = صفر ,, لاني ماجاني ولا منفعه صح كذا .. طيب اكلت برتقاله عطتني سعرات حراريه = 75 سعره حراريه ,, ولازم نحط في بالنا ان المنفعه ليس لها وحده قياس معينه ليش؟ لان شخص اخر ممكن ياكل برتقاله ماتعطيه الا 40 سعره حراريه ,, وسبب ان المنفعه المتحصل من السلع تختلف من شخص لأخر عشان كذا مالها وحده قياس ثابته تختلف فائدتها من شخص لثاني في ملاحظه مهمه نرجع للمثال كلت برتقاله عطتني االمنفعه الكليه = 75 اكلت برتقاله ثانيه المنفعه الكليه = 117 ولو تلاحظون ان المنفعه الكليه تنقص مع زياده استهلاك البرتقال ,,, يعني مانقول 75 + 75 = 150 مثلا وذلك لان فايده البرتقاله الأولى مو مثل فايده البرتقاله الثانيه وهذا شي طبيعيي طيب نبي نعرف الفايده الحديه بعد البرتقاله الثانيه .. من التعريف يقول هو مقدار التغير في المنفعه الكليه نتيجه زياده استهلاك وحده اضافيه وحداه يعني نقول ببساطه 117 - 75= 42 ,, يعني المنفعه الحديه هي مقدار التغير في المنفه الكليه نتيجه لزياده الاستهلال وحده واحده ,, مقدار التغير يعني نطرح منفعه البرتقاله الاولى من منفعه البرتقاله الثانيه تطلع المنفعه الحديه مافي داعي نقسم دلتا TU على مقدار التغير في المقدار الي هو دلتا Q لانه دايم بيطلع يساوي = 1 وأي شي قسمه واحد يطلع العدد نفسه اهم شي نطلع دلتا Tu ولي هي النفعه الأولى - المنفعه الثانيه او المنفعه الثانيه - المنفعه الثالثه او المنفعه الرابعه - المنفعه الخامسه .. وفي كله مره نطلع المنفعه الحديه وهي مقدار الزياده بوحده واحد ,, طيب سؤال متى نحصل على اكبر فايده كليه الجواب عندما تكون المنفعه الحديه = صفر يعني تاكل البرتقاله الاخيره ماعاد تستفيد منها ولا شي مثال اكلت البرتقاله رقم 15 وحصلت على فايده كليه = 320 اكلت برتقاله 16 وحصلت على فايده كليه =320 يعني خلاص وصلت لكبر منفعه كليه في هذه الحاله تساوي المنفعه الحديه مجموع الفرق بين البرتقاله رقم 15 ورقم 16 يعني نطرحهم من بعض ويطلع 320 - 320 = صفر .. بعدها تبدى المنفعه الكليه تقل مع البرتقاله رقم 17 وهكذا تقل مع كل زياده في الاستهلاك ومعها تقل المنفعه الحديه اكيد اتمنى ما طولت عليكم وتمنى على الأقل اني وصلت معلومه بشكل سهل بسيط جدا للأخونا وأخواتنا الي كان عندهم استفسارات حول المنفعه الكليه والمنفعه الحديه |
رد: الاقتصاد بيشيب راسي ساعدوني الله يخليكم
اقتباس:
|
رد: الاقتصاد بيشيب راسي ساعدوني الله يخليكم
استمعوا للمحاضرات مرة ومرتين وثلاث واربع وراح تفهموا كل شيء إن شاء الله تعالى المواضيع كلها بسيطة بس تحتاج إلى شوية اجتهاد :(204):
|
| All times are GMT +3. الوقت الآن حسب توقيت السعودية: 04:46 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام