ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 1 (https://vb.ckfu.org/f310)
-   -   عجزت افهم بصراحه ماعد ابي الجامعه (https://vb.ckfu.org/t410652.html)

تركي بن نايف 2012- 12- 31 12:58 PM
عجزت افهم بصراحه ماعد ابي الجامعه
 
السلام عليكم

<< بيدخل بالموضوع
عجزت استوعب بصراحه حاولت ماظبطت معي
قلنا نخوض التجربه هالجامعه وتعليم عن بعد ونكمل درستنا بحكم انشغالي بظروف عملي وابنائي واعمالي الخاصه حاولت سبحان الله من يقرب الامتحان بيوم او يومين انشغل انشغالات سوا بتجاره او بالعمل او بالابناء وابلش بصراحه

ولهذا المنطلق ارغب بسحب ملفي شلون الطريقه اروح للاحساء او اقدر ارسل احد يسحب ملفي او عطيه وكاله او لزم احضر انا :5:

صــدى الـأمـل 2012- 12- 31 01:06 PM
رد: عجزت افهم بصراحه ماعد ابي الجامعه
 
ياولد الحلال
كمل
السمستر هذا وشوف حالك
حرام والله تطلع
هذا أنا والله تعبانه وحراره ولو اذاكر استوعب
بس مدري وش يجيني يقولي اطلعي لاتكملين
خل ثقتك برب العالمين
:16::16::16::16::16:
ولو تبي تسحب ملفك
تروح الخدمات الطلابيه
في ايقونه اسمها
خدمات الشئون الاكاديمية
مكتوب عليها هل تريد الانسحاب نهائيا من الجامعه
وشوف انت الاجراءات
:2::2::2::2:
لكن اتمنى انك تتراجع عن قرارك
كلن وله اشغاله

رَاء. 2012- 12- 31 01:07 PM
رد: عجزت افهم بصراحه ماعد ابي الجامعه
 
هههههههههههههههههههه مرينا مرينا ترى بهالحالة تعوذ من ابليس اقول ماعندك سالفة .

صل وادع ربك وقول اذكارك وبتثبت المعلومات والامور سهالات والصعوبة فقط في اول مستوى .. لكن الباقي جميل الحمدلله .

بسمه ♫ 2012- 12- 31 01:07 PM
رد: عجزت افهم بصراحه ماعد ابي الجامعه
 
نصيحه لوجه الله
مابقى شي فضي نفسك الاختبار ساعه ونص بس
اصبر وبعد النتائج قرر
الله يسهل امورك

الصدقي 2012- 12- 31 01:22 PM
رد: عجزت افهم بصراحه ماعد ابي الجامعه
 
وعليكم السلام ..

وانا اخوك كلنا مرينا بنفس الحاله ..

دوام 8 ساعات ونص .. ومافي اجازه الا يوم الاختبار ..

ومكروفين وحالتنا حاله وقلنا يالله ان شاء الله تعدي ..

حنا بالاستراحه 5 في الجامعه ..

3 متزوجين مثلك ..

و انا وخويي الثاني عزاب ..

ومافي احد مثل الثاني كل واحد قسم ولا واحد بادي قبل واحد ..

كل محد قرر ينسحب نصبره ونقوله لاحق خير ..

حملت ماده ثنتين عادي ماصار شي ..

الجاي افضل بأذن الله ..

ترى لو تطقطق في الجامعه 5 سنين ..

اهم شي اخرتها شهاده تنفعك ولو بشي بسيط ..

الدنيا كل يوم اصعب من اللي قبله ..

ولازم شوية صبر ..

والله اني اكتب لك وانا مرية على الماده قرايه بس ..

ومتوقع اجيب العيد زي الاختبار اللي راح ..

بس سهاله اذا ربي ماكتبها لنا هالمره ..

ربي يعوضنا ويكتبها لنا المره الجايه ..

فكره وقرر .. ولاحق خير ان شاء الله ..

Ali-Ahmed 2012- 12- 31 01:30 PM
رد: عجزت افهم بصراحه ماعد ابي الجامعه
 
لن أطيل بالكلام

وخير الكلام ماقل ودل ...

تعوذ من ابليس

وحياك معنا المستوى الثاني
.
.
.

sara asiry 2012- 12- 31 01:40 PM
رد: عجزت افهم بصراحه ماعد ابي الجامعه
 
نصيحه كمل

وعادي لو حملت موااد


ما فيه احد سجل تعليم عن بعد وهو متفرغ


ونصيحه اذا ما عندك وقت للمذاكره حاول تطلع على اساله السنوات الماضيه


لانها تتكرر

وبالتوفيق ان شاء الله

ذيبه العجمي 2012- 12- 31 02:01 PM
رد: عجزت افهم بصراحه ماعد ابي الجامعه
 
|انا مريت نفسك واللي الحين مو فاهمه نظاامهم حق الجاامعه
بس بشووف نفسي في هذا سمستر مشيت بكمل ممامشيت بسحب ملفي

:12::12::24::18:

تمنيتك. 2012- 12- 31 02:35 PM
رد: عجزت افهم بصراحه ماعد ابي الجامعه
 
ياناس جامعةة الملك عبدالعزيز انتساب كامل احلى شئ واحد من العيال يقول دخل الدكتور في قاعة فيها اكثر من ٥٠٠ طالب قال لا احد يغش ومبروك ناجحين مافي احد راسب

mo7ammed2011 2012- 12- 31 02:54 PM
رد: عجزت افهم بصراحه ماعد ابي الجامعه
 
اقتباس:
المشاركة الأصلية كتبت بواسطة ذيبه العجمي (المشاركة 7970814)
|انا مريت نفسك واللي الحين مو فاهمه نظاامهم حق الجاامعه
بس بشووف نفسي في هذا سمستر مشيت بكمل ممامشيت بسحب ملفي

:12::12::24::18:

وأنا عن نفسي بعد .، اذا مشيت راح أكمل ، وإذا رسبنا يمدوحون جامعه الإمام بالسهوله

ذيبه العجمي 2012- 12- 31 02:56 PM
رد: عجزت افهم بصراحه ماعد ابي الجامعه
 
اقتباس:
المشاركة الأصلية كتبت بواسطة mo7ammed2011 (المشاركة 7971771)
وأنا عن نفسي بعد .، اذا مشيت راح أكمل ، وإذا رسبنا يمدوحون جامعه الإمام بالسهوله
ايه والله حتى جامعه الملك عبدالعزيز يمدحونهاا:18::18::36:

تمنيتك. 2012- 12- 31 03:54 PM
رد: عجزت افهم بصراحه ماعد ابي الجامعه
 
اقتباس:
المشاركة الأصلية كتبت بواسطة mo7ammed2011 (المشاركة 7971771)
وأنا عن نفسي بعد .، اذا مشيت راح أكمل ، وإذا رسبنا يمدوحون جامعه الإمام بالسهوله
بالعكس الامام ماهي بذيك السهولة اسهل شئ جامعة الملك عبدالعزيز:19:

أبـو جنا 2012- 12- 31 03:58 PM
رد: عجزت افهم بصراحه ماعد ابي الجامعه
 
منت صاحي صراحه

اجل عملك ترى راس مالها اسبوعين

وسهله تحسبنا ناكل الماده اكل

نقراء نماذج الاختبارات القديمه مع اجوبتها ونتوكل على الله وندخل الاختبار

MKSA 2012- 12- 31 03:59 PM
رد: عجزت افهم بصراحه ماعد ابي الجامعه
 
واحد من الشباب انا اعرفه داج وموب لم دراسه ويجيب اربع مدرسين كل ترم وماشاء الله تخرج من جامعة الامام اتذكر اول ماسجل كان يحاول يقنعني اسجل معه وكنت اتعذر بالاشغال والحين تخرج من الامام وهي اصعب من جامعة فيصل لا والحين بدأ يكمل ماجستير ماشاء الله

الامام مطلوب حفظ جزء من القرآن كل ترم + الاختبار لازم تجيب فيه درجة النجاح كاملة!
فيصل تضمن 30 درجة وانت مرتاح وتدخل الاختبار تجيب الباقي يعني الصعوبه مهنا صعوبة

وكلنا عندنا ظروف

انا دوامي 9 ساعات ونص يومياً واحيانا اجلس اكثر وعندي موظفين تحت ادارتي واتعب وانا اطارد وراهم واشيك على شغلهم ولازم اوقع كل ملفاتهم احيانا يبدأ الدوام ويخلص ماشربت حتى كاس مويه!! بس لاتتوقع ان الدنيا تجيك وانت حاط رجل على رجل لازم تتعب عشان تحصل نتيجه

شد حيلك وتعوذ من ابليس ولو الواحد خلال وقت الدراسه كل نهاية اسبوع يخصص له 3 ساعات الخميس و 3ساعات الجمعه بتكفيه يراجع المحاضرات ويشوف المناقشات ويحلها و ويحل الواجبات ويحمل المحاضرات الجديدة وميزتها انك تقدر تسويها من اي مكان دام معك جهاز

اتمنى لك التوفيق وانك تشد حيلك وتترك عنك المثبطات ولازم تشجع نفسك وتثبت لنفسك انك قادر على اكمل المشوار بإذن الله:16:

شخصية مجهولة 2012- 12- 31 04:11 PM
رد: عجزت افهم بصراحه ماعد ابي الجامعه
 
الأفضل تراجع في قرارك

العلم مفيد لك شخصيا بغض النظر عن الشهادة

واذ مافيك حيلة وتريد الانسحاب

لمى ارسلت اوراقك عطاك البريد روقة قالك عندما تريد سحب شهادك واوراقك تجي للبريد وتعطيهم الورقة ومن خلاله تقدر بعد اسبوع تاخذ اوراقك من البريد


موفق

:2:

تركي بن نايف 2012- 12- 31 04:30 PM
رد: عجزت افهم بصراحه ماعد ابي الجامعه
 
تصدقون والله العظيم شجعتوني والله ناوي اسحب ولكن تدرون شوركم وهداية الله :21:
نكمل هالسمستر ونشوف وش اخرتها :29:
< << بيلعب على :16:ام عياله وبيكذب عليها بعد ااول بيقولها وشرايك نروح نتمشى بالاحساء ووريك الاحساء وش زينها وهو كذب ييبي ياخذ الملف بدون ماتدري علشان ماتعلقه بالمجلس بالمروحه:41jg:

شـمـوخ 2012- 12- 31 04:42 PM
رد: عجزت افهم بصراحه ماعد ابي الجامعه
 
اخي

لمآذا التحطيم ودفع النفس الى الورآء

بالهمه والعزيمه تبني سلم النجاح

وان حصل وقدر الله واخفقت ليس فشلآ

فألعلمآء والمتميزون لم ينجحوآ من اول تجربه

قوي عزيمتك وحاربها بالاصرار

الثقه بالنفس هي اسآس النجآح

لايوجد شخص في هذآ العآلم ولد ذكيآ ونآجح

آكسر مجآديف التحطيم التي بدآخلكك


وآنت لهآ كن وآثقآ من ذآلكك


:16:


All times are GMT +3. الوقت الآن حسب توقيت السعودية: 07:35 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه