|
الحمدلله اللذي بنعمته تتم الصالحات(رايكم يهمني)
السلام عليكم ورحمة الله وبركاته
كل عام والجميع بخير اخواني واخواتيي طلاب ادارة اعمال يمكن يتذكر بعضكم موضوعي اللي شكيت فيه ان النظام تقفل عني وماصرت اقدر اشاهد المحاضرات والمواد بالكليه(ادخل نظام فارغ من كل شي) الآن فقط فتح معاي النظام بعد شكاوي وحاله والحمدلله من قبل ومن بعد لكن تفاجأت بكثرة المحاضرات المتراكمه 8 محاضرات لكل ماده هل تتوقعون انه يمديني الوقت ان اتقن هذه المحاضرات وحل الواجبات وتحميل المحاضرات وخاصه ان الاختبارات قربت هذا غير اني ربة منزل يعني غير متفرغه للدراسه بشكل كامل:mh12: هل تؤيدوني على التأجيل للترم المقبل؟؟؟:g2: |
رد: الحمدلله اللذي بنعمته تتم الصالحات(رايكم يهمني)
وعليكم السلام ورحمة الله وبركاتة
نصيحة اخ لا اخته لاتأجلين الترم هذا لانه خمس مواد فقط وان شاء الله سهل ولاتصعبين الموضوع وهو بسيط جداً اذا انتي ربت منزل فيمديك ان شاء الله لو تقعدين على كل محاضرة 3 دقايق فقط اما الواجبات والمناقشات ماتاخذ وقت طويل وللمعلومية فيه مكاتب تاخذ فلوس عن كل ترم وتحل وتناقش وتحاضر المحاضر عنك وانتي جالسه بالبيت وانتي اسالي وراح تلقين جواب وبالتوفيق للجميع |
رد: الحمدلله اللذي بنعمته تتم الصالحات(رايكم يهمني)
اشكرك اخوي ع النصيحه بس انا راح اعتمد على نفسي في الحلول وكل شيء
|
رد: الحمدلله اللذي بنعمته تتم الصالحات(رايكم يهمني)
كل شي باذن الله سهل وبسسيط
انتي فرغي لك ساعتين لو متفرقه كل يوم وبيمديك ان شاء الله فيه في المواضيع المثبته موضوع للمناقشات والواجبات محلوله يعني بس تنقلين الحل المحاضرات باذن الله تنزيلها سسهل بس احرصي ماتنزلينها كلها مع بعض لازم يكون بين كل محاضره ومحاضره وقت لو 5 دقايق عشان النظام يحسب صح الدرجه وباذن الله في اسبوع وانتي مخلصه كل شي من والى ترى اسبوع وانتي ماخذه راحتك على الاخر ولا ضاغطه نفسك ولا شي باذن الله سهالات لاتاجلين ولا شي كل التوفيق اختي واي مساعده احنا هنا |
رد: الحمدلله اللذي بنعمته تتم الصالحات(رايكم يهمني)
باقي شهرين بالضبط على الاختبارات النهائية
^ ^ خصصي يومياً 3 ساعات للدراسة ^ ^ وبما انك ربة منزل فأعتقد تقدرين بالراحة ^ ^ وبإذن الله يمديك تخلصين المواد كلها خلال 6 أسابيع ويبقى لك اسبوعين خليه للمراجعة |
رد: الحمدلله اللذي بنعمته تتم الصالحات(رايكم يهمني)
مشكورين خواتي
بالعكس ربة المنزل تختلف عن البنت الفاضيه المتفرغه ادراستها بيت +اطفال+مشاغل=:Cry111: لكن ربي ييسر |
رد: الحمدلله اللذي بنعمته تتم الصالحات(رايكم يهمني)
حبيبتي باذن الله يمديك بالراحه
اغلب اللي بالمنتدى ربات بيوت والرجال اغلبهم متوظفين وما اخترنا طريقة التعليم هذي الا لانشغالنا خصصي لك وقت معين بالبيت واطلبي من اللي معاك بالبيت يحترمون انشغالك فيه ولو في بيبي صغير مثل حالتي حاولي يكون هالوقت هو وقت نومه ابدي اول شي نزلي كل المحاضرات وع فكرة صيغة الجوال ماتاخذ وقت بتحميلهاا حمليها ع الكمبيوتر يعني ما اقصد الجوال بعدها حلي الواجبات والمناقشات ولاتنسين تحملين المحاضرات المباشره هالشغله لو جلستي عليها مزبوط ماتاخذ منك وقت ابد.. بعدها ابدي امسكي ماده ماده وباذن الله تتيسر ..ع فكره انا بعد مابديت اذاكر ناويه ابدا بكره باذن الله والله ييسر امرك والجميع ..لا تاكلين هم ابد .. |
رد: الحمدلله اللذي بنعمته تتم الصالحات(رايكم يهمني)
وأنا نفس وضعك مابدأت ... الله يسهل على الجميع .
|
رد: الحمدلله اللذي بنعمته تتم الصالحات(رايكم يهمني)
لو تبدين من شهر واحد تخصصين لكل مادة 3 محاضرات باليوم راح تخلصين قبل الاختبارات باسبوعين
يعني مثلا اول يوم 3 محاضرات لمبادى القانون ثاني يوم 3 محاضرات لمبادى المحاسبة لحد يمى تخلصين 5 ايام على حسب عدد المواد ترجعين نفس الطريقة بس تكون تكملة للمحاضرات يعني 4,5,6 وكذا موفقه |
رد: الحمدلله اللذي بنعمته تتم الصالحات(رايكم يهمني)
هلا بك اختي كلنا بالهواء سواء ماسوينا شيء الله يعين والكل له ظرف خاص به بس انتي استعيني بالله واتكلي عليه وبأذنه تعالى راح تتقدمي ان شاءالله وراح يمديك تحلي الواجبات والمناقشات وتحملي المحاضرات كله في اقل من شهرين ان شاءالله بالتوفيييييق للجميع يااارب
|
| All times are GMT +3. الوقت الآن حسب توقيت السعودية: 08:32 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام