ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 1 (https://vb.ckfu.org/f310)
-   -   [ استفسار ] نصيحة لمن يرغب في التحويل قبل تسجيل مواد المسوى الثاني....! (https://vb.ckfu.org/t542164.html)

gannas316 2014- 1- 5 01:20 AM
نصيحة لمن يرغب في التحويل قبل تسجيل مواد المستوى الثاني....!
 
بسم الله الرحمن الرحيم
اولاً حبيت اشارككم بهذا الموضوع قبل لا يقع أحد في الخطأ الذي وقعت فيه
لاحظت بعض الطلاب والطالبات يتضجرون من قسم الادارة كلية ادارة الأعمال وقرأت لكذا عضو انه يرغب في التحويل لقسم آخر ....ومن المعلوم انه لايستطيع اي طالب التحويل الا بعد تجاوز اربع وعشرين ساعة دراسية وحيث الأكثرية لديهم فقط 15 ساعة.
فمن هذا المنطلق اقول له او لها قبل تسجل موادكم في المستوى الثاني تأكدوا من المواد المشتركة عندكم مع القسم الي ترغبون التحويل له عشان تسجل موادكم في المستوى الثاني نفس المواد الي في القسم الي ترغبون فيه عشان ما تخسرون فلوسكم عالفاضي وتخسروا ترم دراسي عالفاضي وعادتاً المواد هي
1- فقه السيرة واعتقد وهي في المستوى الخامس في الادارة والمستوى الثاني بقسم علم الاجتماع مثلاً
2-الصحة واللياقة في المستوى الثاني بجميع الأقسام
3-العقيدة الاسلامية والمذاهب المعاصرة في المستوى الثاني بالادارة والأول بعلم الاجتماع.
4-الأخلاق الاسلامية وآداب المهنة في المستوى الثاني بالادارة والثالث بعلم الاجتماع

طبعاً هناك مواد نفس المنهج ونفس المحتوى ولكن تختلف عدد الساعات لذلك لن تحتسب لك عند التحويل ومعادلة المواد فانتبه من التوهيقة مثل
1- مبادئ الادارة وهذي خلصنا منها
2- اللغة الانجليزية هنا ثلاث ساعات وهناك ساعتين في الاقسام الأخرى
3-تقنية المعلومات نفس الحكاية

اذاً نتوصل الى انكم في حالت الرغبة للتحويل عليكم بتسجيل الأربع المواد الي فوق وخذوا معها مادة سهلة جداً تستطيعون رفع المعدل بها وما تخسرون مالياً ولا علمياً
واي استفسار او عدم فهم شيئ مما ذكر انا جاهز وفي الخدمة
لأني بصراحة كنت علم اجتماع ولم استفد من 18مادة درستها بمعدل 35 ساعة وحولت ادارة ولم احصل الا على ميزتين :
اني قدرت انزل ست مواد السمستر هذا وعندي مواد خلصت منها مثل فقه السيرة والصحة واللياقة

العيال 2014- 1- 5 01:32 AM
رد: نصيحة لمن يرغب في التحويل قبل تسجيل مواد المسوى الثاني....!
 
لاهنت يالغالي

abusaaud 2014- 1- 5 01:45 AM
رد: نصيحة لمن يرغب في التحويل قبل تسجيل مواد المسوى الثاني....!
 
:Cry111:لا هنت دلنا على الطريقة الصحيحة انا مابي رياضيات

اسامه عبدالله 2014- 1- 5 01:47 AM
رد: نصيحة لمن يرغب في التحويل قبل تسجيل مواد المسوى الثاني....!
 
الله يعطيك العافيه ماقصرت علا المعلومه
انا ناوي انحاش علم اجتماع هل هو اسهل من ادارت اعمال
ويعني لو بغيت احول لازم ادرس ترم ثاني ادارت اعمال
انتضر ردك ويعطيك العافيه علا المعلومه

gannas316 2014- 1- 5 01:52 AM
رد: نصيحة لمن يرغب في التحويل قبل تسجيل مواد المسوى الثاني....!
 
اقتباس:
المشاركة الأصلية كتبت بواسطة اسامه عبدالله (المشاركة 10284887)
الله يعطيك العافيه ماقصرت علا المعلومه
انا ناوي انحاش علم اجتماع هل هو اسهل من ادارت اعمال
ويعني لو بغيت احول لازم ادرس ترم ثاني ادارت اعمال
انتضر ردك ويعطيك العافيه علا المعلومه
انا كنت علم اجتماع وأكيد اسهل من الادارة ولكن عيبه الحفظ وبعض المواد المقرفة مثل الاحصاء واذا كنت من كارهين الانجليزي ففيه ثلاث مواد ولكن بالنسبة لي ماهي صعبة لكن هناك من يتضجر منها
الانجليزي قراءة وكتابة سهلة مرة والاتقليزية العامة ماهي ذيك الصعوبه كأنك في اول متوسط(وجهة نظر)
_نعم لازم تخلص اربع وعشرين ساعة ومانزلت الموضوع الا عشان كذا (كيف تختار المواد في المستوى الثاني)
وانا حددتها لكم

gannas316 2014- 1- 5 01:55 AM
رد: نصيحة لمن يرغب في التحويل قبل تسجيل مواد المسوى الثاني....!
 
اقتباس:
المشاركة الأصلية كتبت بواسطة abusaaud (المشاركة 10284865)
:cry111:لا هنت دلنا على الطريقة الصحيحة انا مابي رياضيات
الرياضيات وراك وراك
هناك احصاء مادتين يبغى لها شوية تركيز والرياضيات الي درسناها اسهل من الاحصاء
وللمعلومية ماعد عندك رياضيات هنا (الرياضيات 2 سحبت من الخطة ) ولكن عندك احصاء هنا يعني وراك وراك

يحيى الحسين 2014- 1- 5 02:02 AM
رد: نصيحة لمن يرغب في التحويل قبل تسجيل مواد المسوى الثاني....!
 
يعطيك العافية على الموضوع الأكثر من رائع وفعلا موضوع كنا بحاجته استفسار بسيط أنا عندي دبلوم إدارة مكتبية من الكلية التقنية ومعدلي 4,28 من 5 هل يحسبون لي الساعات اللي درستها في الكلية وذلك لأني درست بعض المواد اللي درستها في المستوى الاول ادارة واقتصاد ورياضيات واستفسار آخر إذا بغيت احول دراسات اسلامية وش اسوي الله يجزاك خير ويسعدك ويحقق أمانيك .

gannas316 2014- 1- 5 02:14 AM
رد: نصيحة لمن يرغب في التحويل قبل تسجيل مواد المسوى الثاني....!
 
اقتباس:
المشاركة الأصلية كتبت بواسطة يحيى الحسين (المشاركة 10285046)
يعطيك العافية على الموضوع الأكثر من رائع وفعلا موضوع كنا بحاجته استفسار بسيط أنا عندي دبلوم إدارة مكتبية من الكلية التقنية ومعدلي 4,28 من 5 هل يحسبون لي الساعات اللي درستها في الكلية وذلك لأني درست بعض المواد اللي درستها في المستوى الاول ادارة واقتصاد ورياضيات واستفسار آخر إذا بغيت احول دراسات اسلامية وش اسوي الله يجزاك خير ويسعدك ويحقق أمانيك .
لا شكر على واجب
ثانياً: بامكانك من ايقونة طلب معادلة المواد ارفاق المواد الي تبغى يعادلونها لك بشرط ما تعدي 15 ساعة وتكون نفس المواد الي في خطتك الدراسية وبعدها الله يعينك على اللطعة بتنتظر كثير حتى ينظروا في موادك الا اذا غيروا جلدهم شوي وتحركوا.
اما اذا بغيت تحول لدراسات اسلامية فانتظر حتى تخلص 24 ساعة دراسية فعلية بنجاح ولكن قبل تسجل موادك للسمستر الثاني روح لخطة الدراسات الاسلامية وشوف المواد المتوافقه من الدراسات مع الادارة ونزلها بشرط تكون نفس الساعات ونفس السي في ار.(يعني الرقم) حق المادة.
واي استفسار ثاني انا لك

Az_gh 2014- 1- 5 02:15 AM
رد: نصيحة لمن يرغب في التحويل قبل تسجيل مواد المسوى الثاني....!
 
يعطيك العافيه

gannas316 2014- 1- 5 02:17 AM
رد: نصيحة لمن يرغب في التحويل قبل تسجيل مواد المسوى الثاني....!
 
اقتباس:
المشاركة الأصلية كتبت بواسطة Az_gh (المشاركة 10285196)
يعطيك العافيه
الله يعافيك

يحيى الحسين 2014- 1- 5 02:24 AM
رد: نصيحة لمن يرغب في التحويل قبل تسجيل مواد المسوى الثاني....!
 
مشكور جزاك الله خير ماقصرت الله يوفقك ويجعلك ووالدينك في الجنه

mona alsheheri 2014- 1- 5 02:26 AM
رد: نصيحة لمن يرغب في التحويل قبل تسجيل مواد المسوى الثاني....!
 
:confused:

gannas316 2014- 1- 5 02:27 AM
رد: نصيحة لمن يرغب في التحويل قبل تسجيل مواد المسوى الثاني....!
 
اقتباس:
المشاركة الأصلية كتبت بواسطة يحيى الحسين (المشاركة 10285289)
مشكور جزاك الله خير ماقصرت الله يوفقك ويجعلك ووالدينك في الجنه
تكفيني الدعوة
ولك ووالديك مثلها ان شاء الله

الأساسي 2014- 1- 5 03:00 AM
رد: نصيحة لمن يرغب في التحويل قبل تسجيل مواد المسوى الثاني....!
 
السلام عليكم ورحمة الله وبركاته
دارس دبلوم حاسب الآلي سنتين
معهد العالمية للحاسب والتقنية
(معهد خاص)الدراسة اكادميه أربعه فصول دراسية معتمده من جامعة الملك سعود كلية الحاسب الآلي
هل ممكن يعادلون المواد... وشكراً

gannas316 2014- 1- 5 03:12 AM
رد: نصيحة لمن يرغب في التحويل قبل تسجيل مواد المسوى الثاني....!
 
اقتباس:
المشاركة الأصلية كتبت بواسطة الأساسي (المشاركة 10285613)
السلام عليكم ورحمة الله وبركاته
دارس دبلوم حاسب الآلي سنتين
معهد العالمية للحاسب والتقنية
(معهد خاص)الدراسة اكادميه أربعه فصول دراسية معتمده من جامعة الملك سعود كلية الحاسب الآلي
هل ممكن يعادلون المواد... وشكراً
والله يا اخوي اما هذي ما أقدر افتيك الا بشي واحد
ان يكون طالب المعادلة سبق له الدراسة في جامعة معتمدة
وبامكانك التواصل مع العمادة
عني ما اعتقد

alajmi66 2014- 1- 5 04:32 AM
رد: نصيحة لمن يرغب في التحويل قبل تسجيل مواد المسوى الثاني....!
 
موضوع اكثر من رائع لانه ينفع الكثير من الي يجهلون قوانين وخطط الجامعه وانا اوووولهم ..
سؤالي لاهنت .. انا مستوى اول واشوف القسم عندنا يتكلمون عن اختيار المواد وحذف مواد وانا مدري عن هالاشياء ابدا .. يعني مثلا ناويه اخلي المواد الي راح تنزل لي مثل ماهي بس يوم قالوا 8 مواد انا هنا انصعقت اذا مستوى اول 5 مواد وهلكتني كيف ثمانيه ..
مالك بالطويله انا وش المطلوب مني بالضبط من ناحيه المواد ولا ابي اقدم على شي مو عارفته نهائيااا بعدين اندم ..
ابي نصيحه خبريه منك الله يجزاك خير يارب

joojozoom 2014- 1- 5 06:47 AM
رد: نصيحة لمن يرغب في التحويل قبل تسجيل مواد المسوى الثاني....!
 
من الحين لازم نسجل مواد قبل النتايج كيف ارجو التوضيح

Abdullah Ibra 2014- 1- 5 07:08 AM
رد: نصيحة لمن يرغب في التحويل قبل تسجيل مواد المسوى الثاني....!
 
يسعد صباحك والله يطول بعمرك ويجزاك خير على هالموضوع...

أنا بحول من الإداره إلى لغه إنجليزيه.. وشي المواد اللي أنزلها عشان إذا حولت بعد اجتياز ٢٤ ساعه اكون استفدت من دراستها بهالترم... واذا كان عندك معلومات عن مواد اللغه الانجليزيه بشكل عام يا ليت تفيدني...

شكراً جزيلاً لك

المدى البعيد 10 2014- 1- 5 07:21 AM
رد: نصيحة لمن يرغب في التحويل قبل تسجيل مواد المسوى الثاني....!
 
اقتباس:
المشاركة الأصلية كتبت بواسطة alajmi66 (المشاركة 10286139)
موضوع اكثر من رائع لانه ينفع الكثير من الي يجهلون قوانين وخطط الجامعه وانا اوووولهم ..
سؤالي لاهنت .. انا مستوى اول واشوف القسم عندنا يتكلمون عن اختيار المواد وحذف مواد وانا مدري عن هالاشياء ابدا .. يعني مثلا ناويه اخلي المواد الي راح تنزل لي مثل ماهي بس يوم قالوا 8 مواد انا هنا انصعقت اذا مستوى اول 5 مواد وهلكتني كيف ثمانيه ..
مالك بالطويله انا وش المطلوب مني بالضبط من ناحيه المواد ولا ابي اقدم على شي مو عارفته نهائيااا بعدين اندم ..
ابي نصيحه خبريه منك الله يجزاك خير يارب
المستوى الثاني 7 مواد وليس 8

لكن تقدري تحذفي منها اذا ماتبغي تمشي عالخطة

jawaher_m 2014- 1- 5 08:11 AM
رد: نصيحة لمن يرغب في التحويل قبل تسجيل مواد المسوى الثاني....!
 
انا ابي احول لقسم خدمة اجتماعيه ’ وهل اقدر احول وانا حامله ماده ’ وهل اصير مستوى ثاني ولا مستوى اول ؟ وشكرا مقدما

gannas316 2014- 1- 5 02:17 PM
رد: نصيحة لمن يرغب في التحويل قبل تسجيل مواد المسوى الثاني....!
 
اقتباس:
المشاركة الأصلية كتبت بواسطة alajmi66 (المشاركة 10286139)
موضوع اكثر من رائع لانه ينفع الكثير من الي يجهلون قوانين وخطط الجامعه وانا اوووولهم ..
سؤالي لاهنت .. انا مستوى اول واشوف القسم عندنا يتكلمون عن اختيار المواد وحذف مواد وانا مدري عن هالاشياء ابدا .. يعني مثلا ناويه اخلي المواد الي راح تنزل لي مثل ماهي بس يوم قالوا 8 مواد انا هنا انصعقت اذا مستوى اول 5 مواد وهلكتني كيف ثمانيه ..
مالك بالطويله انا وش المطلوب مني بالضبط من ناحيه المواد ولا ابي اقدم على شي مو عارفته نهائيااا بعدين اندم ..
ابي نصيحه خبريه منك الله يجزاك خير يارب
هي سبع مواد بعد حذف الرياضيات 2 من الخطة.
ثانياً :ماعليك من احد ،شوفي ظروفك وقدراتك اذا تشوفين انك بتقدرين تخلصين السبع مواد بسهولة فنزليها بخطتك وانفكي منها ،انا سبق نزلت تسع مواد ومعها ولله الحمد رفعت المعدل وكان اغلبها من هالمواد الي مستوى ثاني.
ركزي وفكري بعمق قبل اتخاذ القرار عشان ماتقولي وهقني.
ملحوظة (ماراح ينزلك ولا مادة انتي الي راح تسجلينها بيدك في البانر ماهو زي السمستر الأول بشرط ماتتعدى 20 ساعة) وهناك شروحات كثيرة لطريقة التسجيل في البانر.
اما عن طبيعة المواد فهناك ايقونة اسمها الخطط الدراسية فيها تعريف عن كل منهج او مادة
اتمنى تكوني فهمتي علي

gannas316 2014- 1- 5 02:19 PM
رد: نصيحة لمن يرغب في التحويل قبل تسجيل مواد المسوى الثاني....!
 
اقتباس:
المشاركة الأصلية كتبت بواسطة joojozoom (المشاركة 10286545)
من الحين لازم نسجل مواد قبل النتايج كيف ارجو التوضيح
التسجيل في 1435/3/25 هـ
يعني النتائج قبلها ان شاء الله
وهناك فترة بعدها للتعديل بامكانك تضيفين او تحذفين اي مادة

gannas316 2014- 1- 5 02:33 PM
رد: نصيحة لمن يرغب في التحويل قبل تسجيل مواد المسوى الثاني....!
 
اقتباس:
المشاركة الأصلية كتبت بواسطة Abdullah Ibra (المشاركة 10286595)
يسعد صباحك والله يطول بعمرك ويجزاك خير على هالموضوع...

أنا بحول من الإداره إلى لغه إنجليزيه.. وشي المواد اللي أنزلها عشان إذا حولت بعد اجتياز 24 ساعه اكون استفدت من دراستها بهالترم... واذا كان عندك معلومات عن مواد اللغه الانجليزيه بشكل عام يا ليت تفيدني...

شكراً جزيلاً لك
ومن يقول ان شاء الله
شوف المواد الي في الجدول (خطة اللغة الانجليزية) ملونه بالأصفر نزلها بدون ماتنقص ولا مادة تكون استفدت فائدة عظيمة واذا كان التسجيل مثلاً لا يقبل الا 12 ساعة فقط فخذ لك مادة سهلة واقترح عليك اذا انت شاطر في الحاسب ان تنزل لك مادة تقنية المعلومات واحد
كله الشغل ايقونات الوورد والاكسل والاكسس وسهله جداً جداً
ولك القرار
[BIMG]http://im40.gulfup.com/7UKra.png[/BIMG]
طبعاً الاخلاق الاسلامية وآداب المهنة حاطينها في الجدول مرتين بالمستوى الثاني والثامن والقضايا الثقافية المعاصرة في الثامن فقط
فلا تتردد نزلها حتى لو كانت مستوى ثامن عشان تكون انجزت مهمة كبيرة ولا خسرت شي من التحويل

TOBI 2014- 1- 5 02:44 PM
رد: نصيحة لمن يرغب في التحويل قبل تسجيل مواد المسوى الثاني....!
 
موضوعك جميل ونحتاجه والله يعطيك الف الف عافيه , انا ابي اغير تخصص بس للأمانه م فهمت اي شيء من اللي قلتيه , ممكن تفهميني ؟

gannas316 2014- 1- 5 02:57 PM
رد: نصيحة لمن يرغب في التحويل قبل تسجيل مواد المسوى الثاني....!
 
اقتباس:
المشاركة الأصلية كتبت بواسطة tobi (المشاركة 10288848)
موضوعك جميل ونحتاجه والله يعطيك الف الف عافيه , انا ابي اغير تخصص بس للأمانه م فهمت اي شيء من اللي قلتيه , ممكن تفهميني ؟
ماعليك من الكلام كله اذا مافهمته
انت قول لي اي تخصص تبغى تحول له وانا اعطيك المختصر المفيد واقول لك سجل كذا وكذا
انا في خدمتكم على ما استطيع ولن ابخل بأي معلومة ان شاء الله اعرفها
وان أخطأت فتعذروني لأني مجرد مجتهد فقط وأبغى اساعدكم عشان ماتوقعون في الخطأ الي وقعت فيه

im_fawaz 2014- 1- 5 03:04 PM
رد: نصيحة لمن يرغب في التحويل قبل تسجيل مواد المسوى الثاني....!
 
كلام جميل ويعطيك العافية
فعلا هذه الملاحظات بهذا الوقت نحتاجها.

مرمر ♥ 2014- 1- 5 03:07 PM
رد: نصيحة لمن يرغب في التحويل قبل تسجيل مواد المسوى الثاني....!
 




الله يجزآآكـ خير ..

د.عبدالرحمن 2014- 1- 5 03:11 PM
رد: نصيحة لمن يرغب في التحويل قبل تسجيل مواد المسوى الثاني....!
 
يارب احد يعطيني وجهه

ابي خطة تخصص إدارة الاعمال :verycute:

afnaneto 2014- 1- 5 04:44 PM
رد: نصيحة لمن يرغب في التحويل قبل تسجيل مواد المسوى الثاني....!
 
يعطيك الف عافيه كفيت ووفيت

gannas316 2014- 1- 5 10:12 PM
رد: نصيحة لمن يرغب في التحويل قبل تسجيل مواد المسوى الثاني....!
 
1 مرفق
اقتباس:
المشاركة الأصلية كتبت بواسطة د.عبدالرحمن (المشاركة 10289044)
يارب احد يعطيني وجهه

ابي خطة تخصص إدارة الاعمال :verycute:
ولا يهمك هذا هو

http://www.gulfup.com/G.png

اضغط كليك يمين وافتحة في صفحة مستقلة

او في المرفق

حمود البلوي 2014- 1- 5 11:45 PM
رد: نصيحة لمن يرغب في التحويل قبل تسجيل مواد المسوى الثاني....!
 
طيب انا بحول علم اجتماع علمني كيف الطريقه الله يوفقك

غريب200 2014- 1- 6 12:09 AM
رد: نصيحة لمن يرغب في التحويل قبل تسجيل مواد المسوى الثاني....!
 
بيض الله وجهك لاهنت على هذا الايضاح الجميل شكرا لك

gannas316 2014- 1- 6 12:45 AM
رد: نصيحة لمن يرغب في التحويل قبل تسجيل مواد المسوى الثاني....!
 
اقتباس:
المشاركة الأصلية كتبت بواسطة حمود البلوي (المشاركة 10292867)
طيب انا بحول علم اجتماع علمني كيف الطريقه الله يوفقك

(للمعلومية لا تستطيع التحويل الآن حتى تتجاوز 24 ساعة دراسية بنجاح)ولكن هنا أخليك كأنك محول للقسم الي تبغاه.
في الجدول تحت:
الي باللون الأصفر هذي مواد متوافقة مع ادارة الأعمال
يعني دون ما تفكر وتتعب راسك تنزل المواد هذي وعددها خمس بما يعادل عشر ساعات دراسية
اذا تمت الموافقة على هذه المواد فقط ولم يطلبوا منك تجاوز 12 ساعة فخير ونعمة واذا طلبوا منك الحد الأقل للتسجيل 12 ساعة فاختار لك مادة سهلة مع هذه المواد عشان ترفع معدلك
وسلامتك
هذا الجدول
http://im39.gulfup.com/EMWAr.png

رائد الشريف 2014- 1- 6 02:41 AM
رد: نصيحة لمن يرغب في التحويل قبل تسجيل مواد المسوى الثاني....!
 
ماقصرت

Abdullah Ibra 2014- 1- 6 03:12 AM
رد: نصيحة لمن يرغب في التحويل قبل تسجيل مواد المسوى الثاني....!
 
اقتباس:
المشاركة الأصلية كتبت بواسطة gannas316 (المشاركة 10288762)
ومن يقول ان شاء الله
شوف المواد الي في الجدول (خطة اللغة الانجليزية) ملونه بالأصفر نزلها بدون ماتنقص ولا مادة تكون استفدت فائدة عظيمة واذا كان التسجيل مثلاً لا يقبل الا 12 ساعة فقط فخذ لك مادة سهلة واقترح عليك اذا انت شاطر في الحاسب ان تنزل لك مادة تقنية المعلومات واحد
كله الشغل ايقونات الوورد والاكسل والاكسس وسهله جداً جداً
ولك القرار
[bimg]http://im40.gulfup.com/7ukra.png[/bimg]
طبعاً الاخلاق الاسلامية وآداب المهنة حاطينها في الجدول مرتين بالمستوى الثاني والثامن والقضايا الثقافية المعاصرة في الثامن فقط
فلا تتردد نزلها حتى لو كانت مستوى ثامن عشان تكون انجزت مهمة كبيرة ولا خسرت شي من التحويل
الله لا يهينك ما قصرت واسف لو تعبتك معي...
أتمنى لك كل التوفيق.

arwa0 2014- 1- 6 08:23 AM
رد: نصيحة لمن يرغب في التحويل قبل تسجيل مواد المسوى الثاني....!
 
الله يعطييك العــآفيه ... موضووع ممتاز صحيح الكل يقول انو علم الاجتماع اسهل ويعتمد على الحفظ اما احنا ... ربك يسهل ويعديها ومعانا ان شاء الله ..

تسلم ايديييك

gannas316 2014- 1- 7 09:50 PM
رد: نصيحة لمن يرغب في التحويل قبل تسجيل مواد المسوى الثاني....!
 
اقتباس:
المشاركة الأصلية كتبت بواسطة طآلبة آنتسآب (المشاركة 10295160)
الله يعطييك العــآفيه ... موضووع ممتاز صحيح الكل يقول انو علم الاجتماع اسهل ويعتمد على الحفظ اما احنا ... ربك يسهل ويعديها ومعانا ان شاء الله ..

تسلم ايديييك
الله يعافيك
فعلاً علم الاجتماع اسهل بكثير

الـجوري 2014- 1- 8 02:33 AM
رد: نصيحة لمن يرغب في التحويل قبل تسجيل مواد المسوى الثاني....!
 
يعطيك العافيه :106:

جمااانه 2014- 1- 8 01:15 PM
رد: نصيحة لمن يرغب في التحويل قبل تسجيل مواد المسوى الثاني....!
 
انا كان ودي ادرس تربيه خاصه بس قالوا لي مافي اقدر احول عليها احد يفيدني جزاكم الله خير

أم عناد 2014- 1- 8 05:19 PM
رد: نصيحة لمن يرغب في التحويل قبل تسجيل مواد المسوى الثاني....!
 
الله يعطيك العافيه....بس عندي سؤال اذا انا بحول علم اجتماع طبعا لازم اكمل المستوى الثاني اداره وانزل معاه مواد علم اجتماع ..سؤالي هو بعد مااخلص مستوى ثاني واحول راح تنحسب لي هالمستويين اللي درستهم؟؟؟؟؟ والا ابدأ من جديد مستوى اول علم اجتماع؟؟ اعتذر ع الاطاله..واتمنى يكون سؤالي واضح :smile::

*جنان* 2014- 1- 8 06:17 PM
رد: نصيحة لمن يرغب في التحويل قبل تسجيل مواد المسوى الثاني....!
 
اقتباس:
المشاركة الأصلية كتبت بواسطة أم عناد (المشاركة 10310658)
الله يعطيك العافيه....بس عندي سؤال اذا انا بحول علم اجتماع طبعا لازم اكمل المستوى الثاني اداره وانزل معاه مواد علم اجتماع ..سؤالي هو بعد مااخلص مستوى ثاني واحول راح تنحسب لي هالمستويين اللي درستهم؟؟؟؟؟ والا ابدأ من جديد مستوى اول علم اجتماع؟؟ اعتذر ع الاطاله..واتمنى يكون سؤالي واضح :smile::
للرفع للاهميه

gannas316 2014- 1- 8 10:54 PM
رد: نصيحة لمن يرغب في التحويل قبل تسجيل مواد المسوى الثاني....!
 
اقتباس:
المشاركة الأصلية كتبت بواسطة جمااانه (المشاركة 10309651)
انا كان ودي ادرس تربيه خاصه بس قالوا لي مافي اقدر احول عليها احد يفيدني جزاكم الله خير
بالنسبة للتربية الخاصة قفل القبول والتحويل عليها من سنة ونص
وما اعرف ايش السبب

gannas316 2014- 1- 8 11:09 PM
رد: نصيحة لمن يرغب في التحويل قبل تسجيل مواد المسوى الثاني....!
 
اقتباس:
المشاركة الأصلية كتبت بواسطة أم عناد (المشاركة 10310658)
الله يعطيك العافيه....بس عندي سؤال اذا انا بحول علم اجتماع طبعا لازم اكمل المستوى الثاني اداره وانزل معاه مواد علم اجتماع ..سؤالي هو بعد مااخلص مستوى ثاني واحول راح تنحسب لي هالمستويين اللي درستهم؟؟؟؟؟ والا ابدأ من جديد مستوى اول علم اجتماع؟؟ اعتذر ع الاطاله..واتمنى يكون سؤالي واضح :smile::
باين ان الموضوع مشوش عليك شوي
اذا تبغين تحولين علم اجتماع لازم اولاً تكملي 24 ساعة في ادارة الاعمال اذا انتي حالياً في ادارة الاعمال
ماتقدرين تنزلين مواد علم اجتماع لأنك لا زلتي في قسم ادارة الأعمال
اما بالنسبة للمستوين اذا نزلتي المواد الي قلت لك ماراح تخسرين كثير وبالنسبة للمعدل فهو يستمر معك حتى لو ما استفدتي من المواد الي درستيها في المستوى الأول.

ولكن عشان ما تخسرين شي وتحتسب لك المواد الي في المستوى الثاني
فقومي بتنزيل المواد التالية:-
1-فقه السيرة.
2-قضايا ثقافية المعاصرة.
3- الصحة واللياقة.
4-العقيدة الاسلامية والمذاهب المعاصرة.
5-الأخلاق الإسلامية وآداب المهنة.
تصيري في هذه الحالة خلصتي من مواد متطلبه في علم الاجتماع وجميع الأقسام
اتمنى تكوني فهمتي علي

Alosaimi 2014- 1- 9 10:29 AM
رد: نصيحة لمن يرغب في التحويل قبل تسجيل مواد المسوى الثاني....!
 
ابسالك كيف طريقة تنزيل جدول المستوى الثاني ..
لاني لفيت الخدمات الطالبية ماحصلت ايقونه اقدر اضبط جدولي للمستوى الثاني

أبو رنا الحربي 2014- 1- 9 11:05 AM
رد: نصيحة لمن يرغب في التحويل قبل تسجيل مواد المسوى الثاني....!
 
شكر يالغالي

الوادي العريض 2014- 1- 10 01:42 AM
رد: نصيحة لمن يرغب في التحويل قبل تسجيل مواد المسوى الثاني....!
 
اخي العزيز كاتب الموضوع لو سمحت ارجو الاتصال
0505565114

مرجوج وعاقل 2014- 1- 10 05:06 PM
رد: نصيحة لمن يرغب في التحويل قبل تسجيل مواد المسوى الثاني....!
 
يسعد مساكم
يا اخوان هل فعلا تم تغيير اسم ادارة اعمال الى ادارة فقط ؟ نبي الخبر الاكيد لاهنتو اذا تغير ماراح اكمل في الجامعة لان حرام ظلم ندرس ادارة واقتصاد ورياضيات ومحاسبة ومواد كثيرة وفي الاخير يعطوني ادارة فقط طيب والمواد اللي بندرسها وراح ندفع فلوس عشانها تروح هباء منثوراء المفروض ادارة اعمال لان بندرس مبادئ الادارة ومواد كثيرة معاها .
تحياتي

afnaneto 2014- 1- 10 10:07 PM
رد: نصيحة لمن يرغب في التحويل قبل تسجيل مواد المسوى الثاني....!
 
الله يعطيك العافيه على هالتوضيح

um nader 2014- 1- 27 03:12 PM
رد: نصيحة لمن يرغب في التحويل قبل تسجيل مواد المسوى الثاني....!
 
up

ام رياض الغامدي 2014- 1- 27 04:41 PM
رد: نصيحة لمن يرغب في التحويل قبل تسجيل مواد المسوى الثاني....!
 
لوسمحت انا حاملة محاسبة1 من المستوى الاول كيف احسبها مع مواد التحويل اذا بحول لتخصص علم الاجتماع او اللغة العربية

ام رياض الغامدي 2014- 1- 27 06:52 PM
رد: نصيحة لمن يرغب في التحويل قبل تسجيل مواد المسوى الثاني....!
 
ياجماعة ردوا

فهد باشآ 2014- 1- 27 07:13 PM
رد: نصيحة لمن يرغب في التحويل قبل تسجيل مواد المسوى الثاني....!
 
مساء الخير للجميع وبالاخص gannas316

انا في حيرةً من امري واحس اني متشتت ماعرف نظام بنر
وكلمت واحد وضبط لي الجدول على كذا الاول /الصحة واللياقة /الثاني /فقة السيرة /الثالث/ العقيدة الاسلامية والمذاهب /الرابع /الاخلاق الاسلامية واداب المهنة /الخامس /قضايا ثقافية معاصرة

هل جدولي مضبوط وهل اقدر اضيف او انزل مادة واحط لغة انجليزية

ام رياض الغامدي 2014- 1- 29 05:18 PM
رد: نصيحة لمن يرغب في التحويل قبل تسجيل مواد المسوى الثاني....!
 
ياصاحب الموضوع رد علينا تكفى بيخلص وقت التسجيل

RAF 2014- 1- 29 09:23 PM
رد: نصيحة لمن يرغب في التحويل قبل تسجيل مواد المسوى الثاني....!
 
بارك الله فيك يابطل ..والله ماهي في البال الله يذكرك بالشهاده ويرحم واليديك

تحياتي وتقديري لك

حمضيات1414 2014- 1- 30 09:18 AM
رد: نصيحة لمن يرغب في التحويل قبل تسجيل مواد المستوى الثاني....!
 
اقتباس:
المشاركة الأصلية كتبت بواسطة gannas316 (المشاركة 10284491)
بسم الله الرحمن الرحيم
اولاً حبيت اشارككم بهذا الموضوع قبل لا يقع أحد في الخطأ الذي وقعت فيه
لاحظت بعض الطلاب والطالبات يتضجرون من قسم الادارة كلية ادارة الأعمال وقرأت لكذا عضو انه يرغب في التحويل لقسم آخر ....ومن المعلوم انه لايستطيع اي طالب التحويل الا بعد تجاوز اربع وعشرين ساعة دراسية وحيث الأكثرية لديهم فقط 15 ساعة.
فمن هذا المنطلق اقول له او لها قبل تسجل موادكم في المستوى الثاني تأكدوا من المواد المشتركة عندكم مع القسم الي ترغبون التحويل له عشان تسجل موادكم في المستوى الثاني نفس المواد الي في القسم الي ترغبون فيه عشان ما تخسرون فلوسكم عالفاضي وتخسروا ترم دراسي عالفاضي وعادتاً المواد هي
1- فقه السيرة واعتقد وهي في المستوى الخامس في الادارة والمستوى الثاني بقسم علم الاجتماع مثلاً
2-الصحة واللياقة في المستوى الثاني بجميع الأقسام
3-العقيدة الاسلامية والمذاهب المعاصرة في المستوى الثاني بالادارة والأول بعلم الاجتماع.
4-الأخلاق الاسلامية وآداب المهنة في المستوى الثاني بالادارة والثالث بعلم الاجتماع

طبعاً هناك مواد نفس المنهج ونفس المحتوى ولكن تختلف عدد الساعات لذلك لن تحتسب لك عند التحويل ومعادلة المواد فانتبه من التوهيقة مثل
1- مبادئ الادارة وهذي خلصنا منها
2- اللغة الانجليزية هنا ثلاث ساعات وهناك ساعتين في الاقسام الأخرى
3-تقنية المعلومات نفس الحكاية

اذاً نتوصل الى انكم في حالت الرغبة للتحويل عليكم بتسجيل الأربع المواد الي فوق وخذوا معها مادة سهلة جداً تستطيعون رفع المعدل بها وما تخسرون مالياً ولا علمياً
واي استفسار او عدم فهم شيئ مما ذكر انا جاهز وفي الخدمة
لأني بصراحة كنت علم اجتماع ولم استفد من 18مادة درستها بمعدل 35 ساعة وحولت ادارة ولم احصل الا على ميزتين :
اني قدرت انزل ست مواد السمستر هذا وعندي مواد خلصت منها مثل فقه السيرة والصحة واللياقة
كلام جميل والله يعطيك العافيه
انا سويت مقارنه بين المواد المشتركه في تخصص ادارة الاعمال و علم الاجتماع وهي كتالي :
1/ العقيده الاسلامية والمذاهب المعاصره :
في الادارة في المستوى ( 2) وعدد الساعات ( 2) - وفي علم الاجتماع في المستوى ( 1) وعدد االساعات ( 2) .
2/ فقة السيره :
في الادارة في المستوى ( 5) وعدد الساعات ( 2) - وفي علم الاجتماع في المستوى ( 1) وعدد االساعات ( 2) .
3/ مبادى الادارة :
في الادارة في المستوى ( 1) وعدد الساعات ( 3) - وفي علم الاجتماع في المستوى ( 1) وعدد االساعات ( 2) .
4/ اللغه الانجليزية :
في الادارة في المستوى ( 2) وعدد الساعات ( 3) - وفي علم الاجتماع في المستوى ( 1) وعدد االساعات ( 2) .
5/ الصحة واللياقة :
في الادارة في المستوى ( 2) وعدد الساعات ( 2) - وفي علم الاجتماع في المستوى ( 1) وعدد االساعات ( 2) .
هذي هي المواد المشتركه بين تخصص الاداره و علم الاجتماع

حمضيات1414 2014- 1- 30 09:20 AM
رد: نصيحة لمن يرغب في التحويل قبل تسجيل مواد المسوى الثاني....!
 
بس هل يمكن اني انزلها في المستوى الثاني


All times are GMT +3. الوقت الآن حسب توقيت السعودية: 09:50 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه