المشاركة الأصلية كتبت بواسطة فواز النفيعي (المشاركة 11812098)

يعطيكم العافيه انتي وهديل مجهود حلو منكم :)

المشاركة الأصلية كتبت بواسطة lo0ody_6 (المشاركة 11812423)

مشكوين جعلكم تحلون صح بكرة ... ومن يقرا

المشاركة الأصلية كتبت بواسطة طالب كويس (المشاركة 11812502)

عزيزي الطالب.. عشان تسهل عليك محاضرة الالكترونية
تخيل ان مدير الاحوال المدنية.. لاننا نتكلم عن حكومة اكترونية
وتبي تدخل ادارتك في الالكترونية والمجال الرقمي..
طيب ليش تدخل؟ لانك راح ترتاح من مغثة الناس ومراجعاتهم للادارة
هذا يبي ورقة وهذا يبي نموذج مدري ايش وهذا يبي تعريف..
عشان تفتك منهم تحط كل خدماتك اكترونية.. عشان الواحد يدخل الانترنت ويخلص معاملاته بنفسه....

بكذا انت تقضي ع الواسطة والمحسوبية.. فلان يكلم فلان يتوسط له... اذا حطيت الخدمة اكترونية.. خلاص الجهاز مايعرف الواسطة


طيب وش المعوقات اللي راح تواجهها؟
اول شي اذا كان الناس اللي يعرفون للانترنت عددهم قليل ومحدود.. هذا يعتبر عائق لك
ايضا قلة استخدام الانترنت في المجال الحكومي.. يعني تخيل بالسعودية مافي اي دائرة حكومية تستخدم الانترنت..
مافي الا الاحوال المدنية طبقت الموضوع هذا... راح يكون الوضع جديد ع المواطن
طيب لو الجوازات طبقت الموضوع والكهرباء والبلديات والمرور وووو الخ....
بكذا تصير الامور سهلة للمواطن...



نأتي لمراحل الحكومة الالكترونية!
عشان تعلم المواطنين ان الاحوال المدنية تستقبل المعاملات عن طريق الانترنت؟ وش تسوي..!!
اول شي تفتح منفذ لك ع الانترنت يعني تحصل ع موقع خاص وتعلن عنه... تحط لوحة بمكان عام مثلا او عن طريق القنوات الفضائية
او مثلا تحط اعلانك في صحيفة مشهورة... والرابط حق الاحوال مثلا www.ghhf مجرد مثال

ايضا من المراحل: التبادل
وهو تبادل المعلومات بين الجمهور/ المواطن .. وبين الدائرة الحكومية
مثلا يدخل المواطن ع الموقع وفيه ايقونة مقاطع صوتية او فيديو ويسجل مقطع وينشره بموقع الدائرة
يشرح متطلباته... مثلا يقول.. ابيكم تحطون خدمة اني ارفق الابناء بدون ما اراجعكم.. او ابي اجدد البطاقة بدون حضوري لكم
وهكذا قس.... والادارة تلبي هذه الرغبات... وهذي اسمه تغذية مرتدة... لان الطلب من الجمهور للإدارة... الطلب مرتد من الجمهور وتعتير تغذية للادارة... تغذية بالمعلومة او المتطلب الذي يريده المواطن...

ايضا مرحلة التنفيذ: الان خلاص لازم تنفذ الحكومة الالكترونية لانك جهزت الموقع واعلنت ووصلت لك المعلومات/ التغذية المرتدة وعرفت الناس وش يبون.... خلاص نفذ وابدا العمل...


المحاضرة سهلة ياجماعة
اذا بتفهمها صح... حاول تسقطها ع الواقع.. فقط اطلق العنان لخيالك
لاتأخذ الامور ان هذي جامعة وهذي محاضرة صعبة ودكتور معقد!!! لا
عيش المحاضرة ع انها واقع وانت طرف مهم فيها...
بالنهاية المادة هذي اصلا موجودة ع ارض الواقع وانت تتعامل شبه يومي فيها
ادارات... مراجعات... شركات وهكذا


هذا للفائدة ومساعدة مني لكم للمحاضرة اللي متخوفين منها
وسلامتكم

المشاركة الأصلية كتبت بواسطة امااااااني (المشاركة 11812757)

الله يجزاكم الجنه بلاحساب ولاسابقة عذاب تعاون حلووو بينكم لتعم الفائده للجميع

المشاركة الأصلية كتبت بواسطة لوشهه (المشاركة 11814917)

انا بعد كتبتها بملف ورود لتسهيل الطباعه , والله يسهل علينا يارب

المشاركة الأصلية كتبت بواسطة يوسف العضيله1 (المشاركة 11813542)

المحاضره الثانيه عشر عندي مفهوم المبادرات الخاصه وش السالفه تكفوةن فهموني

المشاركة الأصلية كتبت بواسطة كوويسه (المشاركة 11815295)

الله يعطيكم العافيه وفالكم النجاح بجميع المواد لكل من قدم مجهود ولكل من يقرأ يارب:icon19:

المشاركة الأصلية كتبت بواسطة lotus flower (المشاركة 11815959)

هديل :004:
و ..
Pearl909 :004:

جزاكم ربي خير
ويعطيكم الف عافية على مجهودكم
فالكم التوفيق يارب :rose:

المشاركة الأصلية كتبت بواسطة اشراقة أمل (المشاركة 11816225)

وش السالفه
المحاضره هذي من اي ماده
مباديء الاداره ما فيها درس الحكومه الالكترونيه:(

المشاركة الأصلية كتبت بواسطة رآجِية رَبًَّهآ (المشاركة 11819156)

بنات وش سالفه انا اذاكر من ملخص هتان ومحاضره 12 هي الرياده والمشروعات الصغيره

من وين جبتو الكترونيه ذي ؟؟