|
رد: تجمع { مذاكرة محاسبة 1 - يوم الاحد - الفترة الثانية - 2/3/1437}
وش هاللخبطة ؟؟
الحين هو وش قال بالمحاضرة الرابعة المباشرة معقوله ماقال وش المهم مااشتغل عندي الصوت |
رد: تجمع { مذاكرة محاسبة 1 - يوم الاحد - الفترة الثانية - 2/3/1437}
ي جماعة الخير للحين ما بديت ببداها الفجر ان شاء الله كنت متفائله بس من بعد ما قريت ردود فعلكم ياللي ذاكرتوا تحطمت وتروعت حسيت اني جبت العيد :Cry111::Cry111: |
رد: تجمع { مذاكرة محاسبة 1 - يوم الاحد - الفترة الثانية - 2/3/1437}
والي م قد فتحتها وبتفتحها بكرا السبت تتوقععون بفلح فيها والا لا
يبغالها اكثر من يوم والي يمدي اذاكرها اه ياربي والله اني خايفه احمل مواد تحططيم من اول ترم |
رد: تجمع { مذاكرة محاسبة 1 - يوم الاحد - الفترة الثانية - 2/3/1437}
المدرس مايعرف يشرح لو يعرف كان فلحنا احسه مايشرح بالتفصيل ويفهمنا كنه يقرأ المحتوى بس المفروض يطبق ويشرح لا والخط بعد مايعرف يكتب كييييف يدرس محاسبة هذا صراحه شيء ينرفز واضح ان ماعنده سالفه عسى الاسئلة بس بسهوله شرحه المبسط لا ويفرح اذا حل المسأله بنقال احنا واضح الحل لكن الطريقه وشي اعوووووذ بالله
|
رد: تجمع { مذاكرة محاسبة 1 - يوم الاحد - الفترة الثانية - 2/3/1437}
احس الاسئلة بتكون جدا سهله لان الماده مو زي مع دكتور عبد الرحمن احس ذا الدكتور مختصرها مرا الله يوفقنا
|
رد: تجمع { مذاكرة محاسبة 1 - يوم الاحد - الفترة الثانية - 2/3/1437}
انا اشوف الدكتور م فيه عيب مرا بس بصراحه لهجتك وصوته يصدع
جيبوا دكتور سعودي يشرح لنا ههههههه امزح خليجي او مصري يجي الفهم عادي |
رد: تجمع { مذاكرة محاسبة 1 - يوم الاحد - الفترة الثانية - 2/3/1437}
ياجماعه كبرتوا المسأله وصعبتوها انا اشوف الماده للحين حلوه شويات :cheese:المهم تركزون وتفتحو ملخص المحاضره مع فيديو محاضرة المحارفي وراح تستوعبون احفظوا القواعد وطبقوا .
باقي لي اربع محاضرات واخلص ان شاء الله واروح انام لبعد بكره من التعب :icon120: كمان حابه اقول لكم شغله ... اي شي نقول عنه صعب وماراح نفهمه راح يصير فعلا صعب علينا لاننا هيئنا نفسنا لهالشي وقفلنا مخنا .. انتوا تفائلوا من البدايه وجهزوا كوب كوفي عشان تركزون وافتحوا الماده وانتوا مبتسمين وابدأوا ببسم الله وانتوا حاطين ببالكم شي واحد ان الماده سهله وراح تخلصوها وتفهموها وراح تنجحوا فيها بإذن الله .. التفاؤل يصنع المعجزات .. لاتجلسوا تتحلطموا وتضيقوا صدوركم وانتوا لسى مابديتوا اساساً :d5: يلا اشوف كل طالب وطالبه يبدأ وعلى اقل من مهله لاتحشروا المعلومات بروسكم حبه حبه وراح تلاقو انفسكم بالمحاضره الاخيره وانتوا رايقين كمان :oao: |
رد: تجمع { مذاكرة محاسبة 1 - يوم الاحد - الفترة الثانية - 2/3/1437}
في 25/ 7 قامت المنشأة ببيع بضاعة بمبلغ 10.000 ريال بالآجل على الحساب لمنشأة الزاهد وبخصم نقدي 5% اذا تم السداد خلال 10 ايام
في 27 /7 قامت المنشأة بمنح الزاهد سماح قدره 100 ريال مقابل عدم ارجاعها لبضاعة غير مطابقة للمواصفات فان المبلغ الذي سوف تحصل علىيه المنشأة عند تسديد الزاهد للمبلغ المستحق في 2/ 8 هو 1- 9.405 2- 9.500 3- 9.900 4- 10.000 |
رد: تجمع { مذاكرة محاسبة 1 - يوم الاحد - الفترة الثانية - 2/3/1437}
عندي مشكلة مع الاوراق التجاريه من قدر يجتازها يلخصها لنا
|
رد: تجمع { مذاكرة محاسبة 1 - يوم الاحد - الفترة الثانية - 2/3/1437}
يسعد مساكم ،،
كيف المحاسبه معاكم ..؟! مشرفتنا الجميله جوان :004: تعتذر منكم ع القصور .. وعدم متابعتها للقسم كما عودتنا.. عندها مشكله تقنيه .. ولا تقدر تدخل ع المستوى حتى لو غيرت المتصفح .. اسال الله لي ولها ولكم التوفيق والنجاح ..:106: |
| All times are GMT +3. الوقت الآن حسب توقيت السعودية: 06:50 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام