ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 1 (https://vb.ckfu.org/f310)
-   -   مذاكرة المحاسبه (سهله) (https://vb.ckfu.org/t78840.html)

العــ18ــميد 2010- 6- 15 11:01 AM

مذاكرة المحاسبه (سهله)
 
السلام عليكم ...



يا شباب وش لون نذاكر المحاسبه ما هي مثل المواد الثانيه كلام ونحفظه ولا قوانين نطبق عليها ما غير ذابحنا بذا الجداول الي عجزت افهمها و المحاضرات
المسجله العاده ساعه ساعه الا عشر خوينا حطم الرقم القياسي
ساعتين الاربع الحمدلله على العقل احد يشرح محاضره كذا!!!!!
على العموم انا اتوقع ان الماده سهله لكن الدكتور الله يحفظه شكله ما يعرف يشرح
و لا يعرف يوصل المعلومه و حنا الي ابتلشنا.

يوسف العتيبي 2010- 6- 15 12:13 PM

رد: مذاكرة المحاسبه (سهله)
 
والله شكلنا من جنبها

عجزت افهم اي شي

مشعل2 2010- 6- 15 12:43 PM

رد: مذاكرة المحاسبه (سهله)
 
ياشباب ركزوا على المحتوى وتنجحوا باذن الله نصيحه واحد ماقرى غيره

وماجاكم على <<<< نصيحه فقط للي بياخذ بها لان مافيه وقت تروح منا والامنا<<<< اتشابابا

ana nora_22 2010- 6- 15 12:46 PM

رد: مذاكرة المحاسبه (سهله)
 
[align=center]ولا انا مو قادره ادرس ابد
مافهمت الجداول وكيف بتجي الاسئله علييها
الي درس وخلص يقولنا على ايش نركز ووش الزبده
من المحاسبه ..:000:[/align]

أضواء ناعمة 2010- 6- 15 01:34 PM

رد: مذاكرة المحاسبه (سهله)
 
الحمدالله افتكرت بس انا اللي موعارفة اثاري فيه بعد غيري
المهم انا اللي ذاكرت حاليا من المحتوى واللي نزلو الاعضاء الله يجزيهم خير من شرح للقيود المحاسبية
وعمليات المحاسبية للاخت روعة شاملة من محاضرة 3 الى 7
وايضا المصطلحات الانجليزية وايضا المحاضرة 14 مهممة فيها نماذج للأسئلة الاختبار
واسئلة الكتاب
وحفظ القوانين وبس

ابو الخل 2010- 6- 15 03:59 PM

رد: مذاكرة المحاسبه (سهله)
 
والله اني من جنبها جالس و حاط المحاضرات قدامي يقالي اذاكر وجالس اصوره جنبها
ياربي سترك ماده تجيب المرض
احس اني بطلع محاسب شركه سوداني

أنــــــــآ 2010- 6- 15 04:36 PM

رد: مذاكرة المحاسبه (سهله)
 
لآزم ترٍجع لـ ( المحآضرآت , المحتوٍى , التعآرٍيف والمصطلحآت , الحآلات التطبيقيه المتوٍآجده في نهآية كل فصل )


أيضاً عندك ملخص للأخ Nsb يفيدك .. وشرٍح للأخت روٍعه ( Rw3ah ) ..



يعطيهم العآفيه ..



جزآهم الله خيرٍ :)

بـ التوٍفيق ..

Dlo0o3ah 2010- 6- 15 04:55 PM

رد: مذاكرة المحاسبه (سهله)
 
اقتباس:

المشاركة الأصلية كتبت بواسطة ابو الخل (المشاركة 1112709)
والله اني من جنبها جالس و حاط المحاضرات قدامي يقالي اذاكر وجالس اصوره جنبها
ياربي سترك ماده تجيب المرض
احس اني بطلع محاسب شركه سوداني

هههههههههههههههههههههههههههههههههههههههههههههههههه ههههههههههههه اوما شركه سودااااااااااااني << وش معنى يعنننني
اهم شي انك متتااامل انك بتطلع محاااسب ماشاء الله عليييك هع
هو حلووو بس الجدااول الله وكيييلك ماادري وش ساالفتها الله يعييين بسس:011:

MANSOUR 2010- 6- 15 05:26 PM

رد: مذاكرة المحاسبه (سهله)
 
ياليل ماطولك

(abeer) 2010- 6- 15 06:24 PM

رد: مذاكرة المحاسبه (سهله)
 
أنا وحدتِن لهالحين مدري ربي
وين قاطني !!!!!!! :|

MANSOUR 2010- 6- 15 07:05 PM

رد: مذاكرة المحاسبه (سهله)
 
اانا ذاكرت الاشياء الحفظ بس

Queen =$ 2010- 6- 15 07:08 PM

رد: مذاكرة المحاسبه (سهله)
 
وش السالفه ؟

كاتم 2010- 6- 15 08:01 PM

رد: مذاكرة المحاسبه (سهله)
 
والله شكلنا من جنبها

عجزت افهم اي شي


اقول ناقتي ياناقتي

fawadof 2010- 6- 15 09:01 PM

رد: مذاكرة المحاسبه (سهله)
 
انا زيكم بس نزلو هذا الملخص وذاكروه

http://www.ckfu.org/vb/t74997.html

تره يفديدكم كل شي موجود


حتى لو انه صعب على الاقل اطلع عليه اقره مره مرتين ثلاثه علشان اذ جاك السؤال بتجيك الخيارات اذ شفت الخيارات راح تذكر الاجابه بسرعه

AβDuLeLLaΉ 2010- 6- 15 09:08 PM

رد: مذاكرة المحاسبه (سهله)
 
اقول يمدحوون كاس العالم عجزت افهم شي

ابو الخل 2010- 6- 15 09:27 PM

رد: مذاكرة المحاسبه (سهله)
 
لاتنسون الماده صعبه والاختبار اختيارات
اقتراح لافضل مذاكره للداجين الي مثلي ( توني موصل المحاضره السابعه بربع فهم )
اقرو المحاضرات بسرعه مع تركيز خفيف اكثر من مره افضل من التركيز على محاضرات معينه لانه مايمديك تخلص او تفهم فهم كامل
وبالتوفيق يارب
يالله يارب تكون مثل اساله الرياضيات بيض الله وجهك يادكتور اسامه

صافي2010 2010- 6- 15 09:38 PM

رد: مذاكرة المحاسبه (سهله)
 
ما أقول الا الله يعينكم ويوفقكم إنشاء الله.

nadeem 2010- 6- 16 12:04 AM

رد: مذاكرة المحاسبه (سهله)
 
بمووووووووووت نعس والحين خلصت المحاضرة العاشرة وقفل مخي مادري بس شالسوات الله يعينo_O

بيلسآاان 2010- 6- 16 12:08 AM

رد: مذاكرة المحاسبه (سهله)
 
[align=center]والله من كثر ما اطبع احس الطابعه بترفسني [/align]

قلب عاشقه 2010- 6- 16 02:18 AM

رد: مذاكرة المحاسبه (سهله)
 
كرهت اسم فاضل والسبب المحاسبه كل شي لفاضل
والله اني مثلكم مادري وين ربي قطني فيه
الله يوفقنا انشاء الله :000:
سبحان الله وبحمده سبحان الله العظيم

كيلو بترا 2010- 6- 16 04:02 AM

رد: مذاكرة المحاسبه (سهله)
 
<<<<<<<<< عاجزه تفهم

الدمام يونايتد 2010- 6- 16 04:41 AM

رد: مذاكرة المحاسبه (سهله)
 
كل واحد يطالع بالمرايه ويقول

الدنيا سهله وقميله

انا فاهم

انا شاطر

وبكره هذا وجهي اذا احد حل خخخخخخخ

لا لا امزح

تفائلوا خير يالربع

مدري ليه حاس ان الاسئله بتكون سهله

ام خالد 2010 2010- 6- 16 04:55 AM

رد: مذاكرة المحاسبه (سهله)
 
ياربي وبعدين وش السوات ..

طيب الحين بالله كيف الاسألة بتجي .. يعني معقوله كل الاسألة تقول مين الدائن ومين المدين .. ولا في عمليات حسابيه طويله ومعقده ..

والقيود والدفاتر كيف .. في عليها اسألة تتوقعون ..

شكلي اليوم جايبه العيد .. بهبب والله

ولحد الحين بالمحاضره ال10 يارب تصبرني ..

والمصطلحات الانجليزيه جالسه احفظ الاشكال بس ..خخخخخخخخخ

يارب سترك ..

القلب الطيب 2010- 6- 16 05:02 AM

رد: مذاكرة المحاسبه (سهله)
 
:Cry111:الله يستر:Cry111:

حاس اني بجيب العيد

الماده الوحيده الي مضيع فيها

عبدالله1978 2010- 6- 16 05:05 AM

رد: مذاكرة المحاسبه (سهله)
 
المشكلة يا ام خالد ان الدكتور شرحه صراحة مو لهناك والمادة طويلة ودسمة وتجتاج متابعة من بداية االفصل الدراسي بس والله اتمنى ما يتفلسف ويحط اسألة ذكاء او تحتاج تفكير عميق شكلي بجيب العيد اليوم واتمنى يحط اغلب الاسألة مصطلحات والله كان اسوي حفلة لللمنتدى وعلى حسابي

بس ملاحظة مهمة ركزي على المحاضرة رقم 14 تراها مهمة جدا جدا وفيها مراجعة للمقرر واسأله نماذج ااختبار يا ليت يجيب مثلهم مو ينكبنا مثل غيره

ام خالد 2010 2010- 6- 16 05:10 AM

رد: مذاكرة المحاسبه (سهله)
 
خذها مني شكله بيسوي فينا مثل مادة الاقتصاد ..

شكله بيعلق على شئ وانت عاد لولش هنا ..

خخخخخخخخخخخ

عبدالله1978 2010- 6- 16 05:12 AM

رد: مذاكرة المحاسبه (سهله)
 
ولله لو ركز على المحاضرة 12 و 13 والله رحنا وطي لانها معقدة وما تنفهم سند اذني وكمبيالة وما ادري ايش وسند خشمي

ام خالد 2010 2010- 6- 16 05:16 AM

رد: مذاكرة المحاسبه (سهله)
 
هههههههههههه

يؤ يؤ وش هذولا بعد .. الله يستر انا توني بالعاشره ..

متى اوصلهم مادري يمكن بعد بكرا اوصل لهم ..

اقول انا جايبه العيد جايبته .. فرقت على هالماده يعني ..

طبعا زوجي هددني وقالي لو رسبتي والله ترجعين قطر وماعاد فيه دراسه .. انسي ..

والله انا الي خايفه منه الكلام اللي بيجيني منه ومن اهله ومن اهلي .. يالله بيطلع علي اكثر من بيع السوق ..

كل مني ليش مسجلةمادري ..

...........>>> خبزا خبزتيه اكليه

عبدالله1978 2010- 6- 16 05:19 AM

رد: مذاكرة المحاسبه (سهله)
 
ما احلى الدراسة في قطر بس ايش جابك هنا .. او ما عندكم انتساب هناك في الدوحة خخخ

الدمام يونايتد 2010- 6- 16 05:21 AM

رد: مذاكرة المحاسبه (سهله)
 
اقتباس:

المشاركة الأصلية كتبت بواسطة ام خالد 2010 (المشاركة 1115687)
ياربي وبعدين وش السوات ..

طيب الحين بالله كيف الاسألة بتجي .. يعني معقوله كل الاسألة تقول مين الدائن ومين المدين .. ولا في عمليات حسابيه طويله ومعقده ..

والقيود والدفاتر كيف .. في عليها اسألة تتوقعون ..

شكلي اليوم جايبه العيد .. بهبب والله

ولحد الحين بالمحاضره ال10 يارب تصبرني ..

والمصطلحات الانجليزيه جالسه احفظ الاشكال بس ..خخخخخخخخخ

يارب سترك ..

اما الى الحين بالمحاضره العاشره

يبيلك تشغلين التيربو يا ام خالد ماينفع هالكلام

انصحك تقرين التلخيص اللي منزلينه وفيه شرح مبسط من المحاضره 3 الى المحاضره 11

اما بالنسبه للمصطلحات فرقي الكلمات ويمشي حالك

يعني مثلا

Income statement

Income معروف مدخل او دخول شي يتعلق بالدخل

دوري بالاختيارات شي يتعلق بالدخل :d5:

Accounting Cycleمثال ثاني

Cycle معروف ان

يعني دوره

Cycle Life مثل

Accounting Cycleيعني دورة الحياة بس هنا

دوري الخيار اللي فيه كلمة دوره

يعني الدوره المحاسبيه

وعلى الباقي قيسي الموضوع

ام خالد 2010 2010- 6- 16 05:26 AM

رد: مذاكرة المحاسبه (سهله)
 
دمام يونايتد .. يعطيك الف عافيه على الشرح .. ان شاء الله راح اذكر كلامك فعلا مثل ماقلت وانا هذا الي قاعده اسويه اصلا ..

جالسه اربطهم بكلمات معروفه .. وش السوات..

عبدالله .. اقول وش الحلى فيها بالضبط .. ماقول الا الحمدالله اني خلقت سعوديه ..

وبعدين ولا جامعه عندهم معترفه لعلمك .. واختلاط ثانيا .. زوجي عادي مايمانع اني ادرس اختلاط بس بصراحه بالجامعه هناك وينهم وين الدراسه .. كلن همه البنات وبس ..

الصراحه راحه ..

عبدالله1978 2010- 6- 16 05:28 AM

رد: مذاكرة المحاسبه (سهله)
 
خلاط اجل بوصي لهم من هناك خمس شاحنات كل شاحنة تشيل معاها سيارات جيبوب للهيئة ههههه

ام خالد 2010 2010- 6- 16 05:33 AM

رد: مذاكرة المحاسبه (سهله)
 
هههههههههههههه

مايمديك .. الهيأة بتخق عندهم..

استغفر الله ياربي..

الا تعال كيف اطلع ال5 % بالحاسبه .. ماعرفت .

القلب الطيب 2010- 6- 16 05:36 AM

رد: مذاكرة المحاسبه (سهله)
 
السلام عليكم ورحمة الله وبركاته

5% من 2000

5 ضرب 2000 تقسيم 100
اتوقع:hahahahahah:

عبدالله1978 2010- 6- 16 05:43 AM

رد: مذاكرة المحاسبه (سهله)
 
صح ياالقلب الطيب كذا الطريقة

ام خالد 2010 2010- 6- 16 05:43 AM

رد: مذاكرة المحاسبه (سهله)
 
تتوقع ولا اكيد لاتوهقني .. تكفى ........>>> ماصدقت خبروجربت

ام خالد 2010 2010- 6- 16 05:45 AM

رد: مذاكرة المحاسبه (سهله)
 
يعني خلاص اعتمد ..

انا قد سمعت ان فيها ضرب وقسمه بس مادري وش السالفه ..

على فكرة على طول نقزت للمحاضره ال14 من الخوف

القلب الطيب 2010- 6- 16 05:48 AM

رد: مذاكرة المحاسبه (سهله)
 
هههه

اكيد احسن واحد يعرف يحسب النسبه >>>>>راعي قروض ههههههههه

ام خالد 2010 2010- 6- 16 05:49 AM

رد: مذاكرة المحاسبه (سهله)
 
فعلا كلامك صحيح بارك الله فيك ..

توني جربت الطريقه على المعادلة .. ياسلام واخيرا انحلت مشكلتي .. الله يحل مشاكلكم يارب

القلب الطيب 2010- 6- 16 05:50 AM

رد: مذاكرة المحاسبه (سهله)
 
ماأدري ليه حاس اني بجيب العيد اليوم

طفش

ليدي لندا 2010- 6- 16 06:13 AM

رد: مذاكرة المحاسبه (سهله)
 
لا حول ولا قوه الا بالله
استغفر الله العلي العظيم مليار مره

ام خالد 2010 2010- 6- 16 06:14 AM

رد: مذاكرة المحاسبه (سهله)
 
ليدي كيفك حبيبتي

ها بشري خلصتي ..كيف المذاكرة معاك

نيو ستايل 2010- 6- 16 06:56 AM

رد: مذاكرة المحاسبه (سهله)
 
اقتباس:

المشاركة الأصلية كتبت بواسطة صافي2010 (المشاركة 1113946)
ما أقول الا الله يعينكم ويوفقكم إنشاء الله.

اي والله على قولتك الله يعيننا ويعينك ان شاء الله

انا دخت وانا اطالع بقلمك وانتي تكتبين :150:

حسيت انه يبي لي شهر دراسة محاسبة على

بطني ولا يكفي

تحياتي لك ولقلمك المميز



الدمام يونايتد 2010- 6- 16 06:56 AM

رد: مذاكرة المحاسبه (سهله)
 
ام خالد مثل ما قال القلب الطيب بالنسبه لحساب النسبه المؤيه بس انتبهي لشغله مهمه جدا جدا جدا

جدا جدا جدا جدا جدا

اذا قال مثلا في سؤال قامت شركة فاضل ( كرهت هالاسم ) بالاتفاق مع شركة البطه السودا على تاجيل

الدفع لمدة شهرين بنسبة فائده 5 % مثلا والدين لنفرض 10 الاف ريال

شلون بتكون الحسبه ؟؟

قالوا شهرين والسنه فيه 12 شهر يعني نبي نعرف كم قيمة النسبه بالسنه ونقسمها على اثنين على شان يطلع عندنا قيمة النسبه في الشهرين ويكون الحل كالتالي

10 الاف ضرب 5% تقسيم 100 ضرب 2 تقسيم 12

اذا جاك مثل هالسؤال تذكري الدمام يونايتد وهو يقول جدا جدا جدا جدا جدا جدا

وانتي بتحلين صح ان شاءالله

كاتم 2010- 6- 16 07:51 AM

رد: مذاكرة المحاسبه (سهله)
 
أخي يوسف لاتقول لاخير يالله الخيرة
الله يخرجنا منة

ابو الخل 2010- 6- 16 09:02 AM

رد: مذاكرة المحاسبه (سهله)
 
طبعا لاول مره احس اني بحمل الماده مع مرتبه الشرف والي يضيق صدري زياده اني خلصت الماده ومافهمت والي يقهر اكثر واكثر ان فيه محاسبه 2 الترم الجاي يارب استرها معنا
بس كاني تفاألت يوم قريت نماذج االاساله الي حاطها الدكتور في المحاضر ه 14 اساله سهله اتمنى تمشون على نفس طريقه الاساله وتعرفون الدكتور وشلون بيحط الاساله الاساله سهله شوي بس المشكله انا ضيعنا كل شي من هالمعلومات الي تشل المخ
المهم قلت بذكركم بالاساله للي متحطم <<<<<<<<<مثلي لعلها تضبط معه


تراها باخر المحاضره 14
وبالتوفيق للجميع يارب

أضواء ناعمة 2010- 6- 16 10:14 AM

رد: مذاكرة المحاسبه (سهله)
 
متفائلة والله يسهل على الكل وبننجح وبتشوفون الاسئلة سهلة


All times are GMT +3. الوقت الآن حسب توقيت السعودية: 10:19 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه