ملتقى طلاب وطالبات جامعة الملك فيصل,جامعة الدمام - مع احترامي للجميع وبدون تعالي وغرور يشهد الله

صفحة 7 من 12

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- إدارة أعمال 1 (https://vb.ckfu.org/forumdisplay.php?f=310)

- - مع احترامي للجميع وبدون تعالي وغرور يشهد الله (https://vb.ckfu.org/showthread.php?t=138455)

هبوب نجد

2011- 1- 23 12:40 AM

رد: مع احترامي للجميع وبدون تعالي وغرور يشهد الله

اول شي ماشالله عليك ولا اله الا الله
الله يوفقك يااارب

بس انا معك انو مانتكلم عليه مو عشانه :lllolll: عشان ماناخذ سيئاته بس وعشان الكلام اللي نقوله اصلا ماراح يجيب فايده

وبالنسبه لي والله اللي يعلم اني من اول الترم وانا اذاكر وعمري ماتهاونت في اي ماده لاني ابي اجيب معدل مو نجاح بس
يعني مو من النوع اللي يذاكر قبل الامتحان بكم يوم
ومع هذا للاسف اغلب الاسئله ماعرفتها وهذا يدل على صعوبة الاسئله والمسائل اللي جابها وهو ماكلف عمره شرحها <<<< بدت تحش :biggrin:

بس املي بالله كبيـــــــــــر اني مااحمل الماده :icon9:

dloo	2011- 1- 23 01:24 AM

رد: مع احترامي للجميع وبدون تعالي وغرور يشهد الله

اقتباس:

اللي يقول الناس قدرات و احنا مو قادرين نفهم الماده
من قال لك ان إداره الاعمال سهله ؟؟؟
و اعتقد اذا حاب العلم فيه تخصصات ثانيه ممكن تكون اسهل

ماعليه يعني لاتجين تردين وانتي مو فاهمه قصدي !
انا قلت الناس قدرات !
ايه نعم قدرات , وين الغلط في كلامي ,
المقصود ان المواد سهله و ادارة الأعمال مو صعبه اساسا !
بس جتنا اسئله صعبه والكل اتفق على الشيء هذا ماعدا القليل !
يعني وش نقول نرد ونقول الاسئله حق الاقتصاد كانت واو وتجنن !
ماعليه بس كلامك مدري كيف ْ !

اسماء العنزي

2011- 1- 23 02:11 AM

رد: مع احترامي للجميع وبدون تعالي وغرور يشهد الله

اقتباس:

المشاركة الأصلية كتبت بواسطة بن قنيص (المشاركة 2526283)

رأيك اخوي مقتنع فيه 100% من ناحية الشق الثاني اما الشق الأول واللي تقول
شرحة ماكان مقبول ماني متأكد لاني ذاكرت يوم قبل الامتحان ويوم الامتحان ماقدر
احكم ويمكن عشان عندي خلفية عن الاقتصاد من قبل بدون شرح ممكن ..

تحياتي لك اخوي جمال وكلامك عين العقل :d5:

عذرا اخ بن قنيص على الاقتباس و لكن ياليت تسمح لي اعلق على نقطه

الي لاحضته ان اغلب الي اشادوا باسأله بلغرسه و وصفوها بانها سهله

كانو من الي درسوها من قبل

شي طبيعي تكون الماده سهله اذا كنت دارسها من قبل و خاصه لو كان عند دكتور متمكن

لكن لازم تحط بعين الاعتبار

ان الماده جديده تماما على الاغلب و تحتاج لطريقه تعليميه مدروسه

عشان يتحقق من خلالها هدف المقرر

الاسئله الي وجهناها مقارنه بمستوى الشرح

ما تقيس ابدا قدرات الطلاب

white Berry

2011- 1- 23 09:21 AM

رد: مع احترامي للجميع وبدون تعالي وغرور يشهد الله

اقتباس:

المشاركة الأصلية كتبت بواسطة شجون الروابي (المشاركة 2525212)

:(204):

احسن شيء ان هالدكتور بيسوي تصفيه للطلاب :53:
المجتهدين و المهتمين هم اللي بيبقون
اما المستهترين بيآخذونها من قاصرها و ينسحبون :cool:

و ان شاء الله نكون من الفئه الأولى يا رب

ملاحظه :
اللي يقول الناس قدرات و احنا مو قادرين نفهم الماده
من قال لك ان إداره الاعمال سهله ؟؟؟
و اعتقد اذا حاب العلم فيه تخصصات ثانيه ممكن تكون اسهل

و بالتوفيق للجميع يا رب :106::106:

اهلين اختي شجون ويا هلا بك والله

اول شي لا تدخلين بالنوايا والدكاتره ما ازكيهم ولكنهم ابعد من مايكون
من هالتصور وان شاء الله تكوني من الفئة اللي تاخذ مرتبة الشرف بعد

انا معك ان ادراة الاعمال مو سهلة وبعدين كل التخصصات حتى اللي بنظري
وبنظرك سهلة لو ما يشد حيلة الواحد ويذاكر والا النتيجة بتكون اسئلة صعبه

والصعوبة تكمن بعدم فهمها لا بصعوبة حلّها ..

تحياتي لك مره ثانية

white Berry

2011- 1- 23 09:22 AM

رد: مع احترامي للجميع وبدون تعالي وغرور يشهد الله

اقتباس:

المشاركة الأصلية كتبت بواسطة faisal590 (المشاركة 2525231)

أولاً معظم الطلاب ما قدرو يحصلون على الكتاب إلا متأخر لأنه يطبع في البحرين وما نلقاه إلا في بعض المكاتب عندنا...:(269):

ثانياً الاقتصاد مادة حلوة وأسهل من المحاسبة والرياضيات.. في حـــــال أن الدكـتور شرح لنا بطريقة تبين أنه دكتور فاهم :(177):

ثالثاً: اذا جا دكتور وقال لكم ذاكرو كل شيء وما في اي شي محذوووف وهو ما شرح لنا كل شي بالاساس يدل على حقد دفين من طلاب السمستر الماضي اللي حذف لهم 7 فصووووول :71:

رابعاً: ســــلامتكم... واحد من جد مقهور :biggrin:

احترم رأيك اخوي فيصل :(204):

وأن شاء الله تعديها بدرجة حلو بعد

تحياتي لكـ

white Berry

2011- 1- 23 09:26 AM

رد: مع احترامي للجميع وبدون تعالي وغرور يشهد الله

اقتباس:

المشاركة الأصلية كتبت بواسطة اكاديمي 2 (المشاركة 2525276)

مع احترامي لردود الاخوة اللي قبل لكن هذا هو الرأي السديد :d5::d5::d5:

وافق شنُ طبقة :53:
وان شاء الله انه مستواكم دايم يتوافق على الخير يارب

اخوي اكاديمي حيااااااااااك

Faisal590

2011- 1- 23 09:42 AM

رد: مع احترامي للجميع وبدون تعالي وغرور يشهد الله

اقتباس:

المشاركة الأصلية كتبت بواسطة بن قنيص (المشاركة 2533643)

احترم رأيك اخوي فيصل :(204):

وأن شاء الله تعديها بدرجة حلو بعد

تحياتي لكـ

يا هلا بك أخوي بن قنيص ،، اشكرك على رحابة صدرك وتمنى لكم وللجميع النجاح إن شاء الله :(204): ...
مع ان الكل خاااااااااااايف من هالمادة :000:

ليناا

2011- 1- 23 09:50 AM

رد: مع احترامي للجميع وبدون تعالي وغرور يشهد الله

بسم الله

عذراً قبل ابدي رايي بقول اني صحيح تو انقبلت لكن بتكلم
من منطلق متابعتي لكم وللقسم على مدى 3 شهور ..
يعني صحيح ماختبرت عشان محد يرد بهالنقطه او اني جربت اسئلته

بس من رايي المبدأ الاول :
بغض النظر عن صعوبة المادة
مستحيل دكتور جامعي يتعمد " تعقيد مادته "
من المتوقع اختلاف تناول اسلوب الشرح و الارتقاء به او النزول لمستوى الطلبه
مو مبرر ابداً بعض الهجوم على الدكتور " حتى وان افترضنا ان الحق مع الطالب "
في طرق ثانيه لحل المشكله وتوضيحها

المبدأ الثاني :
لو فرضنا الحق مع الطلبه والماده صعبه اضف لذلك الدكتور " متحامل رغم اني اشك "
وين مناشداتكم من الادارة " مارح نقول من بداية الترم " من نصف الترم مثلا
ليه ماشفنا مواضيع واستنفار مثل الان " رغم انو هذا من حق الطالب طبعا "
كم طالب كتب في منتدى النقاش الي يتابعه العميد هالتوضيح ؟
انو الدكتور غير موصل جيد للماده .. لكن للاسف ماقرانا هالشي
مايكفي رساله او رسالتين بهالخصوص لاثبات المصداقيه

شغله استغربت منها يعني يفترض الجميع هنا طلاب ادارة واول شي يفترض
فينا ادارته هو ازمتنا .. هل اديرت بالطريقة الصح ؟

للاسف جزء من المشكله هي من " سكوت الاخوه والاخوات " الطلبه
من البداية والجزء الاخر يبقى لضمير ما !
ويبقى
غداً .. دائماً اجمل
يعطيك العافيه بن قنيص وجهة نظر اتفق معها تقريبا
بس ترددت بطرحها ربما لاني مستجده
واتمنى ان تتسع الصدور لتقبلها

دمتم جميعا بخير
:smile:

white Berry

2011- 1- 23 10:11 AM

رد: مع احترامي للجميع وبدون تعالي وغرور يشهد الله

اقتباس:

المشاركة الأصلية كتبت بواسطة inspire (المشاركة 2525298)

صحيـــح حذف لنا 7 فصـــول لكن صدقني لو جتكم الاسئـله الي جتنــــــــا كان وصلتوها للمقـــــام السامي وأســـئل اي احد من دفعتنا مع الاخذ بالاعتبار انو ما كان فيه 30 درجه للمشاركه والحضور:064: .

وهذا اكبر دليل انه الاسئلة اللي نتكلم عنها كان الترم اللي فات اصعب منها

شاكر لك سدح هالمعلومة اللي جات بدون قصد :53:

تحياتي لك

white Berry

2011- 1- 23 10:34 AM

رد: مع احترامي للجميع وبدون تعالي وغرور يشهد الله

اقتباس:

المشاركة الأصلية كتبت بواسطة سيدة الأسئلهـ (المشاركة 2525404)

الاقتصاد مادة جديدة على الأغلبية وبما أنها اول مرة ندرسها

المفرووض الدكتور عطانا الأساسيات بطريقة أبسط بدون هالتعقيد

يعني هو ماوفق في طريقة إيصال المعلومة.. يترك المهم والأساسي

ويشرح اشياء اكتشفنا عدم اهميتها في الاختبار بالمقابل ركز على أشياء بالاختبار

ماأعطاها اهمية في الشرح مجرد قراءة والسلام

هذا انتقادي الوحيد للدكتور ...

ماأنكر ان في كثير أسئلة كانت واضحة ومباشرة

لكن في نسبة ليست بسيطة من الأسئلة فيها من الفلسفة مالله به عليم

أجل نحل اختبار ماحنا فاهمين المطلوب من السؤال فضلا عن الجواب!!

انا اتكلم من منطلق اني طول السنة قعدت على هالمادة وعلى نهاية السنة

حسيت اني تمكنت منها وبصراحة في أسئلة كانت صدمة لي

وقعدت ساعة احاول أستوعب السؤال نفسه

ماأقول ماحليت لكن ولو توقعت تكون أوضح من كذا ولاحظ اني ما قلت أسهل

احنا ماطالبنا إلا بأسئلة واضحة يصعب على كيفه بس أهم شي تكون واضحة

أبدا أبدا ماعندك ملاحظة عالأسئلة؟ يعني أكيد اكيد كلها واضحة ؟؟ :biggrin:

اذا فعلا كذا اجل ماشاء الله ربي يزيدك..

وأنا ضد سب الدكاترة مهما كان ما توصل الأمور للسب وتقليل الأدب

لان هالشي يسي للشخص قبل يسيء للدكتور اللي ماراح يجيه غير حسناتنا

موفق واحترم وجهة نظرك..

اختي سيدة الحوار قصدي الأسئلة

بما انك ذكرتي انك تمكنتي من المادة كان لابد منك تجيبين الفل مارك حتى
لو كانت مو واضحه لان اللي يتمكن من الشي يسيطر عليه مهما كان اما
اذا قصدك المذاكره فهنا ربما فهمتي بعض المعلومات خطاء وهذا مو عيب الدكتور
الوضوح وعدم الوضوح ليست عذراً مقنعا من وجهه نظري واحترم رأيك وطرحك

وللأمانه اعجبني جداً اسلوبك بالطرح واتمنى التوفيق
لكٍ وللجميع مستقبلاً.

تحياتي لك والله يزيدك من فضلة يا سيدة:(204):

All times are GMT +3. الوقت الآن حسب توقيت السعودية: 01:35 AM.

صفحة 7 من 12

عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه