[ استفسار ] الله يوفقكم دلوووني ابي رد سرييع تكفون

[ام بشرى555]

انا طالبه كنت بمستوى ثالث دراسات اسلاميه وحولت التخصص لاداره اعمال هالترم
ابي اعرف الان كيف اخذ موادي وكيف ارتب وضعي في القسم والمواد اللي درستها خلاص ماتنفعني والا كيف
انقذووني بالرد السريع لان تسجيل المقررات بدا ولا اعرف وش وضعي بيكون

[mohamed.q]

تابعي الخطة في الخدمات الطلابيه

[ام بشرى555]

يعني اختار مواد مستوى اول واخذها زي ماهي مثلا او اقدر ازود من الاترام الثانيه اعوض او كيف

[m7room]

صباح الخير
اول شي خذي مواد مستوي اول كلها اذا تقدرين لنها اجبارية ولا راح يعادلون لك شي منها
ثاني شي اذا ايقونة معادلة المواد فاتحة معاك ارسلي نسخة من السجل الاكاديمي ونسخة من توصيف المقررات اللي درستيها علشان يعادلون لك مواد


بتوفيق

[juoooan]

وعليكم السسﻵم


1/ رح تبدأي من مستوى 1
2/ اذا انتي طالبة من نفس جامعة الملك فيصل(انتساب) مايحتاج عمل معادلة مواد
المواد المشتركة بين الاقسام تنحسب لك تلقآئي
شوفي شنو المواد المشتركة بين قسمك وقسم الإدارة
ولا تنزليها مثل العقيدة وفقه سيرة

3/ اما اذا كنتي جامعة غير الفيصل تنعمل لك معادلة مواد
بإرفاق وصف المقررات + السجل طبعا لازم يكون فيه مواد مشتركة عسب تنعمل المعادلة

[عزيزة بإسلامي]

السلام عليكم ورحمة الله

مثل ما قالوا لك الأخوات قبل شوي , إذا كنتي في جامعة فيصل تنحسب لك المواد اللي إنتي نجحتي فيها
وما دام إنك كنتي في المستوى الثالث , فمر عليك الأخلاق الإسلامية وآداب المهنة , وكذلك الصحة واللياقة
والعقيدة الإسلامية والمذاهب المعاصرة , وتقنية المعلومات , المواد الثلاث السابقة مرت عليك في المستوى الأول
على ما أضن في كلية الآداب , ونفس هذه المواد ندرسها بالمستوى الثاني في إدار الأعمال , بإختصار يجب عليك
الآن تسجيل مبادئ الرياضيات 3 ساعات , القانون 3 ساعات , مبادئ الإدارة 3 ساعات , مبادئ المحاسبة 3 ساعات
مبادئ الإقتصاد الجزئي 3 ساعات , المجموع = 15 ساعة , بحيث تتأكدي حسب الخطة الدراسية في الآداب
وفي إدارة الأعمال إنه ما مر عليك أي مادة من المواد السابقة , ولاتحاولي تكثري ساعات على أساس تحافظي على معدلك التراكمي , وخاصة أن المواد السابقة يبغى لها متابعة أول بأول , وبالتوفيق إن شاء الله .