ملتقى طلاب وطالبات جامعة الملك فيصل,جامعة الدمام - انا بديت اذاكر .. تعالوا نناقش موادنا هنا .

- إدارة أعمال 2 (https://vb.ckfu.org/f306)

رد: انا بديت اذاكر .. تعالوا نناقش موادنا هنا .

اللة يوفقك ياام خالد...والله بعدني مابديت بس بعد موضوعك تحمست,,يعطيك ألف عافيه

رد: انا بديت اذاكر .. تعالوا نناقش موادنا هنا .

الله يعطيك العافيه ام خالد على الخطوه الصحيحه في طريقه المذاكره

لانه راح يكون فيه حماس من الجميع على البدايه بدري بالمذاكره

انا بديت بالاقتصاد لكن راح ابدى معاكم بالمحاسبه ونبي همه بس الله الله في Luxury

لاحد يقولها شي خلووووها تتابع وتستفيد معطيه جو للموضوع الله يعطيها العافيه

رد: انا بديت اذاكر .. تعالوا نناقش موادنا هنا .

السسلام عليكم ورحمه الله وبركاته

وانا بعد بديت بالمحاسبه

ملاحظه للجميع ..::

((اي احد عنده استفسار عن شيء باي محاضره لازم يطرحه هنا

عشان الكل يستفيد صح ))

ومشكووره ام خالد

على الموضوع :(204)::(204)::(204):

رد: انا بديت اذاكر .. تعالوا نناقش موادنا هنا .

الله يعطيكي العافية ام خالد

وانا معاكم بس كيف اعرف انكم نزلتوا شي في الموضوع اذا كان كلو حكي

يعني الاشياء المهمه ياليت تكون باللون مختلف عن الحكي مجرد اقتراح

تقبلي مروري

رد: انا بديت اذاكر .. تعالوا نناقش موادنا هنا .

اقتباس:

المشاركة الأصلية كتبت بواسطة Alma (المشاركة 1759598)

صبآيا وشباب

مسآء الخير :)
:783:
عندي مشكلة في محتوى مادة المحاسبة2
إذا نزلته مايفتح معي
وش المشكلة؟
مع إن بآقي الموآد آووك :150:

والإنجلش ولامحآضره نزلت
صح والا بس عندي كذا <= بديت أشك بـ تفسي والبلاك بورد تبعي هع

لان محتوى المقرر صيغته bdf >> بس عادي يفتح معنا كلنا .

الانجلش ولا راح تنزل .. :mad:

رد: انا بديت اذاكر .. تعالوا نناقش موادنا هنا .

اقتباس:

المشاركة الأصلية كتبت بواسطة ملاذ الصمت (المشاركة 1760946)

اللة يوفقك ياام خالد...والله بعدني مابديت بس بعد موضوعك تحمست,,يعطيك ألف عافيه

يوفق الجميع يارب ..

يالله اشوف قدامي افتحي المحاضره وشوفيها .. ترى استنى ملاحظاتك عليها .

اليوم ان شاء الله انا ببدا بالمحاضره الثانيه .

الله يعيني عليها .. كلها كلام دش . يعني المحاضره الثانيه حفظ بحفظ . الله يستر

رد: انا بديت اذاكر .. تعالوا نناقش موادنا هنا .

اقتباس:

المشاركة الأصلية كتبت بواسطة مشعل2 (المشاركة 1761192)

الله يعطيك العافيه ام خالد على الخطوه الصحيحه في طريقه المذاكره

لانه راح يكون فيه حماس من الجميع على البدايه بدري بالمذاكره

انا بديت بالاقتصاد لكن راح ابدى معاكم بالمحاسبه ونبي همه بس الله الله في luxury

لاحد يقولها شي خلووووها تتابع وتستفيد معطيه جو للموضوع الله يعطيها العافيه

يعافيك يارب ..

يالله شطور .. برافو عليك .. تقدر تلحق علينا .. تونا بالاولى . التمهيديه لحد يشوفها.. انقز على الاولى على طول .. وتابع تكملة الاولى .

انا اليوم ان شاء الله ببدا بالثانيه .

رد: انا بديت اذاكر .. تعالوا نناقش موادنا هنا .

اقتباس:

المشاركة الأصلية كتبت بواسطة جنوgون (المشاركة 1761263)

جنون صح عليك ..

يعجبني هالحماس ماشاء الله تبارك الله ..

لايوقف .. لايوقف .

يالله وين ملاحظاتك على الاولى .

الاولى تراها كلها مراجعه .

رد: انا بديت اذاكر .. تعالوا نناقش موادنا هنا .

اقتباس:

المشاركة الأصلية كتبت بواسطة ام رمووووسة (المشاركة 1761392)

ان شاء الله ولا يهمك ..

وبعدين الموضوع حلو يكون فيه مداخلات حلوه ..

تخيلي هالموضوع مثل جلسة حريم تذاكر .. ثلاثة ارباع الجلسه سوالف والربع الباقي دراسه .

بس ناقصنا الشاي والقهوة .:(164):

يالله طيب وين ملاحظاتك عن المحاضره الاولى .

رد: انا بديت اذاكر .. تعالوا نناقش موادنا هنا .

[frame="12 98"]
[align=center]
هذي بعض ملاحظاتي على المحاضرة الاولى .. ( مراجعة اعداد الحسابات الختامية والقوائم المالية )

لحساب ملخص الدخل .. في جانب مدين وجانب دائن . وتحتهم بنود .. طبعا الدكتور قال البنود حفظ .

وعطانا طريقة حلوه للحفظ هي كالتالي ..

المدين . الدائن
مخزون اول المدة مخزون اخر المدة
المشتريات المبيعات
مردودات المبيعات مردودات المشتريات
مسموحات المبيعات مسموحات المشتريات
الخصم المسموح به الخصم المكتسب

والباقي شوفوه من الجدول .

وذكر نقاط مهمه بشرحه .. وقال
خلاصة القول .. ان حساب ملخص الدخل : هو حساب يستهدف الوصول الى صافي ربح المنشأة على خطوتين او مرحلتين :
1- تمكني من الوصول الى مجمل الربح ..( تنتهي بالوصول الى مجمل ربح ) جانب مدين
2- تمكني من الوصول الى صافي الربح ..( تنتهي بالوصول الى صافي ربح ) جانب الدائن

ولما ننتقل للمرحله الي بعدها وهي اقفال الحسابات ..

ماذا نعني باقفال الحسابات = هي البنود التي ظهرت في حساب ملخص الدخل ( جانب المدين) نضيف كلمة الى .

وعندنا 4 قيود حفظ ..
1- القيد الاول .. جانب المدين كله .. ونقول من حساب ملخص الدخل الى المذكورين . والحين بتعرفون مين المذكورين .

2- القيد الثاني .. جانب الدائن كله ماعدا مخزون اخر المده .. ونقول من حساب المذكورين الى حساب ملخص الدخل . عرفتوا مين يقصد بالمذكورين . الي هو جانب الدائن.

3- القيد الثالث .. خاص .. باثبات مخزون اخر المدة .. ولايتم تحديده الا بتاريخ 30/12 .
ونقول من حساب مخزون اخر المده .. الى حساب ملخص الدخل .

4- القيد الرابع .. الرصيد النهائي لحساب ملخص الدخل ( صافي الربح) . ونقول

من حساب صافي الربح الى حساب راس المال . ويحتمل شيئين .

اذاكان الرصيد يمثل ربح .. نقول من حساب ملخص الدخل .. الى حساب راس المال .
اذا كان الرصيد يمثل خسائر .. نقول من حساب رأس المال .. الى حساب ملخص الدخل .
[/align]
[/frame]