|
زيارتي للجامعه بخصوص معادله المواد ..... وليتني مارحت
السلام عليكم ورحمه الله وبركاته
طبعا حبيت اذكر لكم معاناتي على شان ماحد يفكر يروح للجامعه بعد اليوم لأنه ماراح يستفيد شي ابد طبعا وصلت للجامعه اليوم الساعه 8 ونصف صباحا واتجهت مباشرهـ لمبنى رقم 50 دخلت المبنى على طول على الشباكـ المسؤلين على التسجيل اللي بصراحه اشكرهم على حسن تعاملهم وودهم يخدمونكـ لكن للأسف ماهم عارفين شي قلت ياولد مالكـ الا مكتب الدكتور مصلح دخلت على السكرتير او مدير مكتبه انا ما ادري بالضبطـ لو سمحت ممكن اقابل الأستاذ مصلح قال والله الأستاذ مصلح عندهـ شغل ضروري في المرور قلت طيب انا موضوعي قدمت معادله مواد وماجاني رد الي الأن وابي اعرف قبل اسجل موادي للترم الثاني قال والله هاذي مايخدمكـ فيها الا كلية الأداره وطبعا كليه الأداره مو بنفس المبنى مبنى ثاني قلت يالله ياولد اللي جابكـ من الجبيل يخليكـ تطامر على كم مبنى رحت للمبنى وين اروح ... على الاداره على طول قلت لهم موضضوعي قالو لي مالنا شغل فيكم يالمنتسبين احنا لنا طلاب الأنتظام قلت يمكن انا سمعت غلطـ ارجع لمكتب الأستاذ مصلح وتاكد رورجعت لنفس الشخص قلت له المكان اللي رحت قالو انهم مالهم شغل فينا ابد وش اسوي انا قال انتظر الأستاذ الين يجي من المرور جلست ادور في المبنى فجـأه لقيت استاذ مصري وقفته وقلت له موضوعي وقال اديني رقمكـ الأكاديمي عطيته ودخل مكتبه وطلع وقال انهم ماعادلولكـ ولا مادهـ سالته ليه قال يمكن الشروطـ ماتتطابق معكـ قلت انا وانت الحين مع بعض والسجل الأكاديمي معي ووصف المواد موجودهـ وهات شروطكم اول شي اللغه الأنجليزيه في كلية الجبيل الصناعية جبت فيها +c وهي 8 ساعات أنتو 3 ساعات هاذي تتعادل قال هاذي نعادلها لكـ قلت طيب ليه ماعادلتوها من اول قال لا الأنجليزي نعادلها احنا المواد الثانيه تروح لمبنى متخصص هم اللي يشوفونها لكـ دخلت وسجلها لي معادله ورجع وقال ايه كمـــــــــــــــــــــــــــــــــــان قلت الرياضيات درستها وبرضو جبت فيهــا في الكليه b وهي 4 ساعات أنتو عندكم 3ساعات قال لا انت درستها بالأنجليزي ووصف المقررات مش واضح :000: ومالكم في الطويله سكروهــا في وجهي من جميع الجهات طبعا خلصت من الأستاذ المصري بمعادله الأنجليزي اللي سقطت سهوا منهم ورجعت لمكتب الأستاذ مصلح لكن الأستاذ مصلح الله يصلحه باقي في المرور فقررت اني ارجع للجبيــــل وحاب اوصل رساله للطلاب الجدد واللي يفكر بمعادله المواد اغسل يدكـ تتعادل موادكـ في جامعه الملك فيصل الا اذا انت متخرج من عندهم او دارس مواد عندهم لأنهم ماخذين مقلب في انفسهم وفي موادهم القهر مو هنا الجامعات الأمريكيه جالسه تعادل لنا 48 ساعه دراسيه وترتيبها عالميا من افضل الجامعات وجامعة الملكـ فيصل اللي تحمل اسم غالي على قلوبنـــا تعادل لي 3 ساعات :icon9: |
رد: زيارتي للجامعه بخصوص معادله المواد ..... وليتني مارحت
عسى من سكرها في وجهك تتسكر بوجهه قل آمين
|
رد: زيارتي للجامعه بخصوص معادله المواد ..... وليتني مارحت
معاك حق جامعات امريكا يعادلون مواد الدبلوم حقنا
و عندنا ما يعترفون بهذا الدبلوم و مستحقرينه |
رد: زيارتي للجامعه بخصوص معادله المواد ..... وليتني مارحت
no coment :mad:
وطاااق مشوااار من لجبيل للحسا .. وبالنهايه تيتي تيتي مثل مارحتي جيتي :icon9: وربي لواني منك مااطلع من عندهم اللا وشايفه لهم حل طيب انت ليه ماصبرت ليمن يجي مصلح مدري صالح هذا دامك كذا كذا تعبان ومتعني لعندهم ولو رفعت شكوى للمركز المختص بذي المسأله ورحت لهم شخصيا يمكن يساعدونك بذا الشي بس وربي حرام كم ساعه دارسها ويومنك جيت تعادل قالو مافيه اللا 3ساعات بسس :000: |
رد: زيارتي للجامعه بخصوص معادله المواد ..... وليتني مارحت
حسبي الله ونعم الوكيل
الحين الدنيا ماتمشي الا بالواسطات لو واحد من معارفهم كان ماعاملوه مثل ماعاملوك |
رد: زيارتي للجامعه بخصوص معادله المواد ..... وليتني مارحت
لان اللي ماسكين التعليم عندنا فاهمين الدعوه على النظام القديم
انت قلته برا جامعات عالمية وعريقه وتعادل لك وهنا يعملون لك من حبه قبه الله ييسر امورنا ويكفينا منهم لان ما وراهم فايده |
خريجين كلية الجبيل الصناعية .. رحت الجامعه بخصوص معادله المواد
|
رد: زيارتي للجامعه بخصوص معادله المواد ..... وليتني مارحت
حسبي الله ونعم الوكيل
طيب سؤال انت متى قدمت المعادله الترم هذا ولا اللي فات؟؟؟؟؟ |
رد: خريجين كلية الجبيل الصناعية .. رحت الجامعه بخصوص معادله المواد
رحله ممتعه هاااا :wink:
لو مارجعت وانت تبكي قهر هذا وجهي :biggrin: |
رد: زيارتي للجامعه بخصوص معادله المواد ..... وليتني مارحت
No Comment :(177):
|
رد: زيارتي للجامعه بخصوص معادله المواد ..... وليتني مارحت
حسبي الله ونعم الوكيل
عسى من سكرها في وجهك تتسكر بوجهه قل آمين اللهم أمييييين |
رد: زيارتي للجامعه بخصوص معادله المواد ..... وليتني مارحت
:000:
|
رد: زيارتي للجامعه بخصوص معادله المواد ..... وليتني مارحت
I have no comment
|
رد: زيارتي للجامعه بخصوص معادله المواد ..... وليتني مارحت
الأستاذ مصلح
خلى مصالح الناس وراح يخلص مصالحه ما اقول لا يروح المرور ويخلص شغله لكن الوقت هذا حساس والناس متسدحه عند مكتبه وهو رايح للمرور اعذروني على التنسيق السيء واعذروني النوم طغى سلملم |
رد: زيارتي للجامعه بخصوص معادله المواد ..... وليتني مارحت
سؤال لو اني نشبت معليش قبل لاتنام انت متى قدمت معادلتك الترم هذا ولا اللي فااات؟؟؟؟؟؟
|
رد: زيارتي للجامعه بخصوص معادله المواد ..... وليتني مارحت
لانها جامعة عريقة مسكت على 3 ساعات .. لو مهيب عريقه كان 3 دقايق :biggrin:
الله يعوضك خير |
رد: زيارتي للجامعه بخصوص معادله المواد ..... وليتني مارحت
الله يسااعدك
انا الحين ابي اعرف اذا انت دارس في فيصل انتساب وغيرت التخصص المواد الى درستها في التخصص الاول تتعادل لك اذا كانت عندك في التخصص الثاني ولا تطير عليك ؟؟ |
رد: زيارتي للجامعه بخصوص معادله المواد ..... وليتني مارحت
انا عادلوا لي 5 ساعات × الانجليزي و الثقافه الاسلاميه والمذاهب المعاصره
وانا خريج كليه التقنيه الحمد لله على كل حال |
رد: زيارتي للجامعه بخصوص معادله المواد ..... وليتني مارحت
والله التعليم عندنا يبيله زلزال حتى يتعدل سلم امرك لله
|
رد: زيارتي للجامعه بخصوص معادله المواد ..... وليتني مارحت
حسبي الله ونعم الوكيل فيهم بجد ماخذين مقلب بنفسهم
انا دارسه بلجامعه العربيه سنه وعندي كم ماده تحضيريه وماخذه كل كتب الانجليزي ال3 والحمد لله تمااام التماام وما يبون يعادلون جامعه عندهم بشرقيه ليه ما تعترفون فيها لييييه اجل ليش فاتحينها بقاله هي بقاله والله سخافه ماااافي اماانه مافي اخلاص بلعمل بس وش اقول حسبي الله ونعم الوكيل ولا جامعه حامله اسم ملك عزيز علينا كثيير وعلى شخصياًًً وهلمستوى المتدني بلعمل كل شي يتأخر النتايج المعادله التسجيل كلللل شي |
رد: زيارتي للجامعه بخصوص معادله المواد ..... وليتني مارحت
الله يعوضك خير :106:
|
رد: زيارتي للجامعه بخصوص معادله المواد ..... وليتني مارحت
اجل آخذها من قاصرها ولا اعادل احسن مع اني مخلصة دبلوم عالي واغلب المواد ماخذتها
:Cry111: |
رد: زيارتي للجامعه بخصوص معادله المواد ..... وليتني مارحت
عاد انا كنت ناويه اروح اجيب وصف للمقررات الي ناويه اعادلهم
شكلي باختصر على نفسي و ادرسهم ما فيه امــــل نلقى مكان عندنا يقدر الجهود و يحسب قيمه للوقت و الا لييييييييييييييييييييه ندرس مقررات دارسينها من قبل ؟؟ بس عشان نضيع وقت من عمرنا حسبي الله عليهم |
رد: زيارتي للجامعه بخصوص معادله المواد ..... وليتني مارحت
:71::71::71:حسبي الله ونعم الوكيل
|
رد: زيارتي للجامعه بخصوص معادله المواد ..... وليتني مارحت
السلام عليكم
اذا انت مخلص دبلوم ومتخرجح وعندك شهادة تخرج تقدر تعادل مواد من هذا الدبلوم ... ولا لازم ماتكون مخلص الدبلوم ارجو الرد للضروره شكرا |
رد: زيارتي للجامعه بخصوص معادله المواد ..... وليتني مارحت
^^^^^^^^^^^^^^
لاهـــاذي ولا هاذي اذا طارت مرهـ بيعادلون لكـ ثقافه اسلاميه و أنجليزي |
رد: زيارتي للجامعه بخصوص معادله المواد ..... وليتني مارحت
اقتباس:
اذا عادلوا لي هالمادتين كثر الله خيرهم هم ونظامهم المضيع خخخخخخ |
رد: زيارتي للجامعه بخصوص معادله المواد ..... وليتني مارحت
الله يعينك على ماجرى لك
وأعلموا جميعا هذي حالتنا يا المنتسبين مسؤلين الأنتظام غاسلييييين يدينهم منا ومسؤلين الانتساب ياخذون أغلب الأنظمه من مسؤليين الانتظام لذالك ما عندهم علم عن بعض الانظمه ما سحبت ملفي من الكليه السابقه إلا بسبب المماطلة أسبوعين وأنا بين الادارتين أدارة تقول ما عندي علم والادارة الثانيه تقول مش مسؤليين عنكم أسأل الله أن يلهمنا الصبر |
رد: زيارتي للجامعه بخصوص معادله المواد ..... وليتني مارحت
يالمستشار
ياصديقي بالقاعه ياللي غششتني وطلع حلك خطا:71: من قلتي انك قابلة مصري انا غسلة ايدي:33_asmilies-com: الترم الجاي لاتجلس جمبي:(284): :mh35: |
رد: زيارتي للجامعه بخصوص معادله المواد ..... وليتني مارحت
طبيعي جداً
ارفع راسكـ انت سعودددي |
رد: زيارتي للجامعه بخصوص معادله المواد ..... وليتني مارحت
كلي أسف ،،،
فلقد كانت لي تجربة سابقة ، فلقد اصقطوا معادلة مادة اللغة الإنجليزية رغم حصولي على درجة ( a ) فيها بحجة ، عدم وضوح وصف المقرر المقدم لي من قبل جامعة الملك عبدالعزيز ... الآن كيف لي أن أعيد وصف المقرر من جديد ، طالما أن جامعة الملك فيصل لم تقبل به ... فضلاً عن جامعة الملك عبدالعزيز التي لم تعني نفسها بتقديم وصف آخر له ... حسبي الله ونعم الوكيل ... فضلت توفير المبلغ و دراسة المادة من جديد ... استطيع الطيران إلى جدة بتكلفة ( 870 ) ريال خلال تكاليف النقل الداخلي بالسيارة ... ثم عمل مشادة كبيرة مع جامعة الملك عبدالعزيز و العودة بوصف آخر ... بعد انتظار طبعاً ... وفي النهاية ، مع الأسف ، لا تستطيع تقديم طلب معادلة مواد ، لماذا ؟ لأنك مقدم طلب معادلة مواد سابقاً !!! تخيل عذر سيء جداً ... الجامعة لا تكلف نفسها أن تمنح الطالب فرصة أخرى لتعديل وضعه ... ونسوا أن الله يقبل التوبة كيف يكون ذلك ، لا أعلم ... |
رد: زيارتي للجامعه بخصوص معادله المواد ..... وليتني مارحت
راسلت بعض الجامعات الأمريكية وقالوا لو عندك دورة ولو ليوم واحد أرسله لنا صورة مع التحية والتقدير لجامعتنا العزيزة :cool: سبق وأن كتبت بشأن هذا الموضوع ولكن لا حياة لمن تنادي :24_asmilies-com: |
رد: زيارتي للجامعه بخصوص معادله المواد ..... وليتني مارحت
اقتباس:
اقتباس:
الله يصلح الحال الناس تتقدم إلى الأمام ونحن نتقدم إلى الخلف |
رد: زيارتي للجامعه بخصوص معادله المواد ..... وليتني مارحت
حسبي الله ونعم الوكيل
|
رد: زيارتي للجامعه بخصوص معادله المواد ..... وليتني مارحت
مستشار طيب عندك خبر هل المواد اللي بتعادلها بتنحسب ضمن المعدل او لا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟
|
رد: زيارتي للجامعه بخصوص معادله المواد ..... وليتني مارحت
حسبي الله ونعم الوكيل
|
رد: زيارتي للجامعه بخصوص معادله المواد ..... وليتني مارحت
انا معي شهادة الكلية الصناعية -- مواد الرياضيات كلها a ولله الحمد والإنجليزي c .. ومخلص دورات انجليزي الى مستوى5 بتقدير b ---- يمكن يعادلون لي شيء منها. والا نتوكل على الله وندرسها كلها :119:
|
رد: زيارتي للجامعه بخصوص معادله المواد ..... وليتني مارحت
مرحبا شباب أنا متخرج من معهد الإدارة بالدمام - تخصص محاسبة فيه أحد عادلوله شي من المقررات إذا فيه , إيش المواد اللي عادولها ياريت أحد يفيدنا مشكورين |
رد: زيارتي للجامعه بخصوص معادله المواد ..... وليتني مارحت
ت ممكن اقابل الأستاذ مصلح قال والله الأستاذ مصلح عندهـ شغل ضروري في المرور
حلوووووووة بالمرور |
رد: زيارتي للجامعه بخصوص معادله المواد ..... وليتني مارحت
اقتباس:
أخوي مستشار ياليت تنقل معانات رحلتك للمعادلة ... في منتدى النقاش ( حق الدكاترة) علشان يقراء الدكتور الشعيبي والنجار ومصلح العضايلة ماذا صار معك من تبجح وأستخفاف وأجحاف في عدد ساعات شهادتك والرجوع منهم بخفى حنين في معادلة المواد ..... مع الجزم بأن ليس لديهم الوقت الكافي في قراءة شكاوي الطلبة والطلاب !! بس مجرد وضع موضوعك هناك لإبراء الذمة ... بالتوفيق لك ولجميع من يرغب في المعادلة الصعبة... انتهى ابو عبدالعزيز2 |
رد: زيارتي للجامعه بخصوص معادله المواد ..... وليتني مارحت
لو بدالك ابلط عند مصلح هذا ويا انا يا هو
اطلع المواد الي درستها من عين عينه |
| All times are GMT +3. الوقت الآن حسب توقيت السعودية: 12:46 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام